എസ്.ഐ.എച്ച്.എസ്സ്. എസ്സ്. ഉമ്മത്തൂർ/പ്രവർത്തനങ്ങൾ/2025-26

Home

2025-26

Archive 2022-23 2023-24 2024-25 2025-26

പ്രവേശനോത്സവം 2025

ഉമ്മത്തൂർ എസ് ഐ ഹയർ സെക്കൻഡറി സ്കൂൾ പ്രവേശനോത്സവം തൂണേരി ബ്ലോക്ക് പഞ്ചായത്ത് പ്രസിഡന്റ് കെ പി വനജ ഉദ്ഘാടനം ചെയ്തു. സ്കൂൾ മാനേജർ പ്രൊഫ: പി മമ്മു അധ്യക്ഷത വഹിച്ചു. എട്ടാം ക്ലാസിലെ പാഠപുസ്തക വിതരണം ചെക്യാട് പഞ്ചായത്ത് പ്രസിഡന്റ് നസീമ കൊട്ടാരത്തിൽ ഉദ്ഘാടനം ചെയ്തു. ബ്ലോക്ക് പ്രോഗ്രാം ഓഫീസർ കെ സജീവൻ പ്രവേശനോത്സവ സന്ദേശം നൽകി. ബ്ലോക്ക് പഞ്ചായത്ത് മെമ്പർ കെ ദ്വര, ഗ്രാമ പഞ്ചായത്ത് മെമ്പർ ടികെ ഖാലിദ്, പ്രിൻസിപ്പൽ പിടി അബ്ദുറഹിമാൻ, ആർ പി ഹസൻ, കെ സി റഷീദ്, ടി എ സലാം, വാച്ചാൽ ഷഫീഖ്, കെ ജീജി, കെ രഞ്ജിനി എന്നിവർ പ്രസംഗിച്ചു. ഹെഡ് മാസ്റ്റർ കെ കെ ഉസ്മാൻ സ്വാഗതവും സ്റ്റാഫ് സെക്രട്ടറി ടി ബി മനാഫ് നന്ദിയും പറഞ്ഞു. കുട്ടികളുടെ കലാപരിപാടികളും പായസ വിതരണവും നടന്നു. ഗായകൻ അജീഷ് കല്ലാച്ചി നയിച്ച ഗാനമേള ചടങ്ങിന് കൊഴുപ്പേകി.

ലോറൽ2025 വിജയോത്സവം ഉദ്ഘാടനവും അനുമോദനവും

ഉമ്മത്തൂർ എസ് ഐ ഹയർ സെക്കണ്ടറി സ്കൂൾ വിജയോത്സവം ഉദ്ഘാടനവും  അനുമോദനവും ചെക്യാട് ഗ്രാമ പഞ്ചായത്ത് പ്രസിഡണ്ട് നസീമ കൊട്ടാരത്തിൽ ഉദ്ഘാടനം ചെയ്തു. മാനേജർ പ്രൊഫ: പി മമ്മു സാഹിബ് അധ്യക്ഷത വഹിച്ചു. SSLC, +2 പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ചടങ്ങിൽ വെച്ച് അനുമോദിച്ചു. പ്രശസ്ത മോട്ടിവേഷൻ സ്പീക്കർ ഡോ: ജവഹർ മുനവ്വർ മുഖ്യ പ്രഭാഷണം നടത്തി. 2025-26 വർഷത്തെ വിജയോത്സവം പദ്ധതി രൂപരേഖ പ്രകാശനം ഹെഡ്മാസ്റ്റർ കെ കെ ഉസ്മാൻ കൺവീനർ പി സഫീറയിൽ നിന്നും ഏറ്റുവാങ്ങി നിർവ്വഹിച്ചു. വിജയോത്സവം ഫണ്ട് ഉദ്ഘാടനം എം ആർ നാസർ നിർവ്വഹിച്ചു. വാർഡ് മെമ്പർ ടി കെ ഖാലിദ്, പ്രിൻസിപ്പൽ പി ടി അബ്ദുറഹിമാൻ, ആർ പി ഹസൻ, കെ സി റഷീദ്, കുറ്റിയിൽ കുഞ്ഞബ്ദുള്ള, ടി ബി മനാഫ്, താജു വളപ്പിൽ എന്നിവർ പ്രസംഗിച്ചു. ഹെഡ്മാസ്റ്റർ കെ കെ ഉസ്മാൻ സ്വാഗതവും പി കെ ഷമീമ നന്ദിയും പറഞ്ഞു.

ലോക പരിസ്ഥിതി ദിനം 2025

2025 ജൂൺ 5 ന് ലോക പരിസ്ഥിതി ദിനം ഉമ്മത്തൂർ എസ് ഐ ഹയർ സെക്കണ്ടറി സ്കൂളിൽ വിവിധ ക്ലബ്ബുകളുടെ നേതൃത്വത്തിൽ വിപുലമായി ആചരിച്ചു. പരിസ്ഥിതി ക്ലബ്ബ്, സയൻസ് ക്ലബ്ബ്, സ്കൗട്ട് ആൻഡ് ഗൈഡ്, ജെ ആർ സി എന്നിവയുടെ നേതൃത്വത്തിൽ നടന്ന പരിസ്ഥിതി ദിന യാത്ര ഹെഡ്മാസ്റ്റർ ഫ്ലാഗ് ഓഫ് ചെയ്തു. കുറ്റ്യാടി ചുരത്തിൽ പക്രന്തളത്ത് വെച്ച് യാത്ര ചെക്യാട് ഗ്രാമ പഞ്ചായത്ത് മെമ്പർ ടി കെ ഖാലിദ് ഉദ്ഘാടനം ചെയ്തു. പക്രന്തളം മുതൽ ചാത്തങ്കോട്ട് നടവരെ നടന്ന യാത്രയുടെ ഭാഗമായി കുറ്റ്യാടി ചുരത്തിലെ ഇരുവശത്തെയും പ്ലാസ്റ്റിക് മാലിന്യങ്ങൾ വിദ്യാർത്ഥികൾ നീക്കം ചെയ്തു. ശേഖരിച്ച മാലിന്യങ്ങൾ കാവിലുമ്പാറ ഗ്രാമ പഞ്ചായത്ത് ഓഫീസിൽ വെച്ച് ഹരിത കർമസേന ഏറ്റുവാങ്ങി. കാവിലുമ്പാറ ഗ്രാമ പഞ്ചായത്ത് പ്രസിഡണ്ട് പി ജി ജോർജ് ചടങ്ങ് ഏറ്റുവാങ്ങി. എം പ്രശാന്ത്, സത്യൻ നീലിമ, അസ്‌ലം കളത്തിൽ, കെഅനൂപ് കുമാർ, വികെ അസ്മ , ആയിഷ മൊയിലോത്ത്, ടി കെ ആമിന, കെ അനൂപ് കുമാർ, ടി മുഹമ്മദ് ഷബീർ, അസിൽ അസീർ, മർവ്വ അഹമ്മദ്, സന ഫാത്തിമ എന്നിവർ പ്രസംഗിച്ചു.

സ്‌റ്റുഡൻസ് പോലീസ് കേഡറ്റുകൾ സംഘടിപ്പിച്ച പരിസ്ഥിതി ദിന ക്യാമ്പയിൻ ഹെഡ് മാസ്റ്റർ കെ കെ ഉസ്മാൻ ഉദ്ഘാടനം ചെയ്തു. പരിസ്ഥിതി സംരക്ഷിക്കേണ്ട ആവശ്യകതയെക്കുറിച്ചും പ്ലാസ്റ്റിക് മാലിന്യങ്ങളുടെ അപകടത്തെക്കുറിച്ചും എല്ലാ ക്ലാസ്സുകളിലും ബോധവൽക്കരണം നടത്തി. കെ വി സിയാദ് പി കെ സജില എന്നിവർ നേതൃത്വം നൽകി

ചിത്രശാല

• 
  പ്രവേശനോത്സവം ഉദ്ഘാടനം
• 
  പ്രവേശനോത്സവം സദസ്സ്
• 
  പ്രവേശനോത്സവം എട്ടാം ക്ലാസിലെ പാഠപുസ്തക വിതരണം ഉദ്ഘാടനം
• 
  പ്രവേശനോത്സവം സ്വാഗതം
• 
  പ്രവേശനോത്സവസന്ദേശം BPC
• 
  പ്രവേശനോത്സവം ചീഫ് ഗസ്റ്റ് അജേഷ് കല്ലാച്ചി
• 
  പ്രവേശനോത്സവം
• 
  പ്രവേശനോത്സവം വിദ്യാർത്ഥികളുടെ കലാപരിപാടികൾ 1
• 
  പ്രവേശനോത്സവം വിദ്യാർത്ഥികളുടെ കലാപരിപാടികൾ 2
• 
  പ്രവേശനോത്സവം വിദ്യാർത്ഥികളുടെ കലാപരിപാടികൾ 3