ഗവ. ജെ.ബി.എസ് നെയ്യാറ്റിൻകര/എന്റെ ഗ്രാമം

നെയ്യാറ്റിൻകര

കേരളത്തിലെ തിരുവനന്തപുരം ജില്ലയിലെ ഒരു മുൻസിപ്പാലിറ്റിയാണ് നെയ്യാറ്റിൻകര.

തിരുവനന്തപുരം നഗരത്തിൽ നിന്ന് 20km തെക്കുകിഴക്കായി ദേശീയപാത 544-ൽ കന്യാകുമാരിയിലോട്ടുള്ള

വഴിയിലാണ് നെയ്യാറ്റിൻകര.ചരിത്രപ്രധാനമായ ഒരു പട്ടണമാണ് നെയ്യാറ്റിൻകര. തീരപ്രദേശത്തിനും ഇടനാടിനും മധ്യേ സ്ഥിതി ചെയ്യുന്ന നെയ്യാറ്റിൻകര മുനിസിപ്പാലിറ്റിക്ക് സമീപം ഫയർസ്റ്റേഷൻ്റെ  പുറകിലായി, റെയിൽവേസ്റ്റേഷൻ്റേയും ജലസേചന വകുപ്പിൻ്റേയും സമീപത്തായാണ് നമ്മുടെ സ്കൂൾ സ്ഥിതി ചെയ്യുന്നത്.നെയ്യാറ്റിൻകര ഉപജില്ലയിൽ ഉൾപ്പെട്ട നമ്മുടെ സ്കൂൾ, ഏവർക്കും ആശ്രയിക്കാവുന്ന ഒരു മാതൃക ഹരിത വിദ്യാലയമാണ്.

=== ഭൂമിശാസ്ത്രം ===

നെയ്യാർ തെക്കേതീരം‍‍

കേരളത്തിന് തെക്കേയറ്റത്തുള്ള നെയ്യാർ നദിയുടെ തീരത്താണ് നെയ്യാറ്റിൻകര. അതിനാലാണ് ഈ പ്രദേശത്തിന് നെയ്യാറ്റിൻകര എന്ന് പേര് വന്നത് കുളങ്ങളും കനാലുകളും തോടും ക്യഷിഭൂമിയും ഇവിടെയുണ്ട്. അഗസ്ത്യമലയിൽ നിന്ന് ഉത്ഭവിക്കുന്ന നെയ്യാർ നദി നെയ്യാറ്റിൻകര താലൂക്കിലൂടെ ഒഴുകി അറബിക്കടലിൽ ചേരുന്നു.

ശ്രദ്ധേയരായ വ്യക്തികൾ

• സ്വദേശാഭിമാനി രാമക്യഷ്ണപിള്ള ( നെയ്യാറ്റിൻകര അതിയന്നൂർ താലൂക്കിൽ ജനനം.പത്രപ്രവർത്തകൻ.)

• നെയ്യാറ്റിൻകര വാസുദേവൻ സംഗീതജ്ഞൻ
• വേലുത്തമ്പി ദളവ ഇന്ത്യൻ ബ്രിട്ടിഷ് ഭരണത്തിന് എതിരെ പൊരുതിയ ധീരനായ ദിവാനായിരുന്നു വേലുത്തമ്പി ദളവ. അദ്ദേഹത്തിന്റെ ജന്മസ്ഥലം നെയ്യാറ്റിൻകരയ്ക്കടുത്തുള്ള തലക്കുളത്താണ്.
• സ്വദേശാഭിമാനി രാമകൃഷ്ണപിള്ള :-

      "കേരളൻ" എന്ന തൂലികാനാമത്തിലറിയപ്പെടുന്ന സ്വദേശാഭിമാനി രാമകൃഷ്ണപിള്ളയുടെ ജന്മസ്ഥലം നെയ്യാറ്റിൻകരയിലെ അതിയന്നൂരിലെ 'കൂടില്ലാ വീട് '  എന്ന ഭവനത്തിലാണ്. പത്രപ്രവർത്തകരുടെ ബൈബിൾ എന്നറിയപ്പെടുന്ന  " വൃത്താന്ത പത്രപ്രവർത്തനം"  അദ്ദേഹത്തിൻ്റെ കൃതിയാണ് . " എൻ്റെ നാടുകടത്തൽ" (My Banishment) എന്നത് അദ്ദേഹത്തിൻ്റെ ആത്മകഥയാണ്. ഗാന്ധിജിയുടെയും കാറൽ മാർക്സിന്റെയും ജീവചരിത്രം മലയാളികളിലെത്തിക്കാൻ അദ്ദേഹത്തിനു കഴിഞ്ഞു. ശ്രീമൂലം തിരുനാൾ മഹാരാജാവിൻ്റെ കാലത്ത് അന്നത്തെ ദിവാനായിരുന്ന പി. രാജഗോപാലാചാരിയുടെ തെറ്റായ നയങ്ങളെ നഖശിഖാന്തം എതിർത്തതിൻ്റെ ഫലമായി 1910 സെപ്റ്റംബർ 26 -ന് തിരുനെൽവേലിയിലേയ്ക്ക് അദ്ദേഹത്തെ നാടുകടത്തി.

• ജി.രാമചന്ദ്രൻ :-

സ്വാതന്ത്ര്യസമര സേനാനി, ഗാന്ധിയൻ, വിദ്യാഭ്യാസ വിചക്ഷണൻ, പത്രപ്രവർത്തകൻ, അധ്യാപകൻ എന്നിങ്ങനെ ശ്രദ്ധേയനായ വ്യക്തിയാണ് ജി.ആർ എന്നറിയപ്പെടുന്ന ജി. രാമചന്ദ്രൻ. അദ്ദേഹത്തിൻ്റെ ജന്മസ്ഥലം നെയ്യാറ്റിൻകരയ്ക്കടുത്തുള്ള ഊരൂട്ടുകാലയിലാണ്. മഹാകവി രവീന്ദ്രനാഥ ടാഗോറിന്റെ വിശ്വഭാരതിയിൽ ഉപരിപഠനം കഴിഞ്ഞ് ഗാന്ധിജിയുടെ സബർമതി ആശ്രമത്തിൽ   താമസിച്ച് അദ്ദേഹത്തിൻ്റെ ശിഷ്യനായി തീർന്നു. 1937 ൽ ഗാന്ധിജിയുടെ കേരള സന്ദർശന സമയത്ത് ശിഷ്യനായ ജി. രാമചന്ദ്രൻ്റെ ഊരൂട്ടുകാലയിലെ ഭവനത്തിൽ ഒരു ദിവസം താമസിക്കുകയും നെയ്യാറ്റിൻകരയിൽ ആ പുണ്യാത്മാവിൻ്റെ പാദം പതിയുകയും ചെയ്തു.

• സി.വി.രാമൻ പിള്ള :-

"കേരള സ്കോട്ട്" എന്നറിയപ്പെടുന്ന മലയാളത്തിലെ ആദ്യ ചരിത്ര നോവലിസ്റ്റായിരുന്ന അദ്ദേഹത്തിൻ്റെ ജന്മ സ്ഥലം നെയ്യാറ്റിൻകരയിലെ  ആറയൂരിലെ  കണ്ണങ്കര വീടാണ്. അദ്ദേഹത്തിൻ്റെ സ്മരണാർത്ഥം ആറയൂർ പ്രദേശം സി.വി. ആർ പുരം എന്നറിയപ്പെടുന്നു.

ആരാധനാലയങ്ങൾ

നെയ്യാറിൻ തെക്കേക്കരയിലാണ് ഈ ക്ഷേത്രം സ്ഥിതിചെയ്യുന്നത്.തിരുവിതാംകൂർ ചരിത്രവുമായി ബന്ധപ്പെട്ട അമ്മച്ചിപ്ലാവ് ഈക്ഷേത്രത്തിൽ

സംരക്ഷിക്കപ്പെട്ടിട്ടുണ്ട്.

പൊതുസ്ഥാപനങ്ങൾ

• ജില്ലാ ആശുപത്രി നെയ്യാറ്റിൻകര

• പോസ്റ്റ് ഓഫീസ്

• നെയ്യാർ ജലസേചന പദ്ധതി അസിസ്റ്റൻറ് എൻജിനിയറുടെ കാര്യാലയം