എസ് എസ് എൽ പി എസ് പോരൂർ/എന്റെ ഗ്രാമം

             വയനാട് ജില്ലയിൽ മാനന്തവാടി താലൂക്കിൽ തവിഞ്ഞാൽ ഗ്രാമപഞ്ചായത്തിൽ, തൊണ്ടർനാട്, എടവക, മാനന്തവാടി, കൊട്ടിയൂർ പഞ്ചായത്തുകൾക്കിടയിലായി മഞ്ഞണിഞ്ഞ മാമലകളാൽ ചുറ്റപ്പെട്ട് പോരൂർ ഗ്രാമം സ്ഥിതി ചെയ്യുന്നു.
          മാനന്തവാടി ടൗണിൽ നിന്നും 18 കിലോമീറ്റർ വടക്കായി, മാനന്തവാടി-വാളാട് റൂട്ടിലൂടെയും(43 മൈൽ വഴി), തവിഞ്ഞാൽ-യവനാർകുളം റൂട്ടിലൂടെയും പോരൂരിൽ എത്തിച്ചേരാൻ കഴിയും. നിലവിൽ സ്കൂൾ ഇരിക്കുന്ന സ്ഥലം 'കാട്ടിമൂല' എന്ന് അറിയപ്പെടുന്നു. പ്രസ്തുത പേര് ഏ സ്ഥലത്തെ പ്രധാന ഗോത്രവർഗത്തിന്റെ കുടുംബ പേരായിരുന്നു.
              ലോകമഹായുദ്ധങ്ങളുടെ ഫലമായി സംജാതമായ സാമൂഹികക്രമവും, സ്വാതന്ത്ര്യാനന്തര ഭാരതത്തിന്റെ ബാലാരിഷ്ടതകളും, സാമ്പത്തിക രംഗത്തുണ്ടായ തിരിച്ചടികളും, സമ്പൽസമൃദ്ധമായ പ്രദേശങ്ങൾ തേടി പുത്തൻ സ്ഥലങ്ങളിലേക്കുള്ള യാത്രയ്ക്ക്‌ ആദ്യകാല കുടിയേറ്റക്കാരെ പ്രേരിപ്പിച്ചു. നാഗരികതയുടെ പുറംമോടികളിൽ നിന്ന്‌ ഹരിതാഭമായ വയനാട്ടിലേയ്ക്ക്‌ 1940-കളിൽ ആരംഭിച്ച കുടിയേറ്റം 1950 എത്തിയപ്പോഴേയ്ക്കും പോരൂരിൽ ധാരാളം കുടുംബങ്ങളെ എത്തിചേർത്തു. കാടും കാട്ടുമൃഗങ്ങളും മരം കോച്ചുന്ന തണുപ്പും മാറാവ്യാധികളും അകമ്പടിയായി കാവൽ നിന്നിരുന്ന കാലമായിരുന്നു അത്.

പൊതുസ്ഥാപനങ്ങൾ

• ഗവ.വെറ്റിനറി ഹോസ്പിറ്റൽ ,പോരൂർ
• ഗവ.ഹോമിയോ ‍‍ഡിസ്പെൻസറി, പോരൂർ
• സെൻ്.സെബാസ്റ്റ്യൻസ് ചർച്ച്. പോരൂർ
• പോസ്റ്റോഫീസ്

പ്രമുഖ വ്യക്തികൾ

പൂർവ്വ മന്ത്രി : പി.കെ ജയലക്ഷമി

മിസ് ഫിസിക് : അശ്വതി ബാലൻ, കിഴക്കുംപാട്ട്

ഷിനു വയനാട്: ഗായകൻ,മ്യൂസിക് ‍ഡയറക്ടർ