"പയസ് ഗേൾസ് എച്ച്. എസ്. ഇടപ്പള്ളി/2021-22/" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വിദ്യാലയം തുറന്നു പ്രവർത്തിക്കുന്നതിന്റെ ഭാഗമായി പ്രധാനാധ്യാപികയുടെയും പരിസ്ഥിതി ക്ലബ്ബിന്റെയും നേതൃത്വത്തിൽ വിദ്യാലയവും പരിസരവും ശുചിയാക്കി. സ്കൂൾ ഗ്രൗണ്ടിലും പരിസരങ്ങളിലും വളർന്നുവന്ന പാഴ്ച്ചെടികളും പുല്ലും വെട്ടി വൃത്തിയാക്കി. കാനകൾ വൃത്തിയാക്കുകയും പൊത്തുകൾ അടയ്ക്കുകയും ചെയ്തു. കുട്ടികൾക്ക് പ്രകൃതിയോടുള്ള അടുപ്പം നിലനിർത്തുന്നതിനും സസ്യലതാദികളോടുള്ള അടുപ്പം നിലനിർത്തുന്നതിനും വിദ്യാലയത്തിൽ പുതിയ പൂന്തോട്ടം നിർമ്മിച്ച് മനോഹരമാക്കി. ചെടികളെ നന്നായി സംരക്ഷിക്കുവാനുള്ള ചുമതല കുട്ടികൾക്ക് ഭാഗിച്ചു നൽകി. പരിസ്ഥിതി ക്ലബ്ബിന്റെ നേതൃത്വത്തിൽ കുട്ടികൾ വൃക്ഷങ്ങളും ചെടികളും പരിപാലിക്കുകയും കൃത്യമായ റിപ്പോർട്ട് നൽകുകയും ചെയ്തു. വിദ്യാലയത്തിലേക്ക് വേണ്ട പച്ചക്കറികൾ ലഭ്യമാക്കുന്നതിന് വേണ്ടി പച്ചക്കറി കൃഷി തോട്ടവും അധ്യാപകരുടെ നേതൃത്വത്തിൽ കുട്ടികളിലൂടെ ആരംഭിക്കുന്നതിനും തുടക്കംകുറിച്ചു

കേരളപ്പിറവി ദിനമായ നവംബർ ഒന്നാം തീയതി കുട്ടികൾ തിരികെ വിദ്യാലയത്തിലേക്ക് പ്രവേശിച്ചു. കോ വിഡ് പ്രോട്ടോകോൾ അനുസരിച്ച് ഗവൺമെന്റ് പുറപ്പെടുവിപ്പിച്ച നിയമങ്ങൾക്ക് വിധേയമായി ഒരു ക്ലാസിലെ പകുതി കുട്ടികൾ വീതമാണ് അന്നേദിവസം സ്കൂളിൽ വന്നത്. തെർമൽ സ്കാനിങ് നടത്തിയും കുട്ടികളുടെ കൈ സാനിറ്റൈസർ ചെയ്തും അകലം പാലിച്ചും അവർ സ്കൂളിൽ പ്രവേശിച്ചു. ചെറിയ രീതിയിലുള്ള പ്രവേശനോത്സവം സംഘടിപ്പിച്ചു മധുരപലഹാരങ്ങൾ വിതരണം ചെയ്തു.