പഞ്ചായത്ത് എൽ പി എസ് നീണ്ടൂർ/പ്രാദേശിക പത്രം

വിദ്യാലയത്തിലെ അനുദിന പ്രവർത്തനങ്ങൾ രക്ഷിതാക്കളിലേക്ക് പരിചയപ്പെടുത്താൻ സ്കൂൾ പത്രത്തിലൂടെ സാധിക്കുന്നു. ഇത്തരത്തിലുള്ള പ്രവർത്തനങ്ങൾ കുട്ടികളുടെ ക്രിയാത്മക ചിന്തയും സർഗ്ഗാത്മക കഴിവുകളും സാമൂഹ്യ ബോധവും വളർത്തുന്നു.

പ്രവേശനോത്സവം

മൂഴിക്കുളങ്ങര : ഈ വർഷത്തെ പ്രവേശനോത്സവം നവംബർ 1 ആം തിയതി നടത്തി. കുട്ടികൾ എല്ലാം കൊറോണക്ക് ശേഷം സ്കൂളിൽ എത്തിയതിന്റെ സന്തോഷത്തിലായിരുന്നു. കുരുത്തോല, ബലൂൺ, പൂക്കൾ തുടങ്ങിയവ കൊണ്ട് വിദ്യാലയം അലങ്കരിക്കുകയും, കുട്ടികൾക്ക് സമ്മാനമായി സാനിറ്റൈസറും മാസ്കും നൽകി. ഒണംതുരുത് പ്രാഥമിക ആരോഗ്യ കേന്ദ്രത്തിലെ സർ കുട്ടികൾക്കു സ്കൂളിൽ പാലിക്കേണ്ട കാര്യങ്ങളെ കുറിച്ച് ബോധവത്കരണം നടത്തി.

ഉച്ചഭക്ഷണ പരിപാടി

മൂഴിക്കുളങ്ങര : എല്ലാ വർഷത്തെയും പോലെ ഈ വർഷവും കുട്ടികൾക്ക് ഉച്ചഭക്ഷണ വിതരണം ആരംഭിച്ചു. ആഴ്ചയിൽ 2 ദിവസം പാലും, ഒരു ദിവസം മുട്ടയും കൊടുക്കുവാൻ നിർദ്ദേശം കിട്ടി. മോര്, സാമ്പാർ, തോരൻ, എരിശ്ശേരി എന്നിവ ഇടവിട്ട ദിവസങ്ങളായി കൊടുക്കുവാൻ തീരുമാനിച്ചു.

പഠനോപകരണ വിതരണം

മൂഴിക്കുളങ്ങര :സാമ്പത്തികമായി പിന്നോക്കം നിൽക്കുന്ന കുട്ടികൾക്ക് ഓൺലൈൻ പഠനത്തിന്റെ ഭാഗമായി മൊബൈൽ ഫോൺ കൊടുക്കുവാൻ തീരുമിച്ചു. അതിൽ ഒരെണ്ണം കെ.എസ്.റ്റി.എ. സംഭാവന നൽകി.

ക്രിസ്തുമസ് ആഘോഷം നടത്തി

മൂഴിക്കുളങ്ങര :ഈ വർഷത്തെ ക്രിസ്മസ് ആഘോഷം വിപുലമായ പരിപാടിയോടെ ആഘോഷിച്ചു. കുട്ടികളുടെ കരോൾ ഗാനവും, ക്രിസ്മസ് അപ്പൂപ്പൻ മത്സരങ്ങളും നടത്തി. തുടർന്ന് കുട്ടികൾക്കു കേക്കുകൾ വിതരണം ചെയ്തു.

മാതൃഭാഷ ദിനം ആചരിച്ചു

മൂഴിക്കുളങ്ങര : ഈ വർഷത്തെ മാതൃഭാഷ ദിനം ഫെബ്രുവരി 21 നു ആചരിച്ചു. അക്ഷര വൃക്ഷം ഉണ്ടാക്കുകയും, മാതൃഭാഷ ദിനത്തിന്റെ പ്രാധാന്യം കുട്ടികൾക്ക് അസംബ്ലിയിൽ പ്രധാനാദ്ധ്യാപിക വിവരിക്കുകയും ചെയ്തു. മാതൃഭാഷ ദിന സന്ദേശങ്ങൾ, കവിതകൾ എന്നിവ കുട്ടികൾ അസ്സംബ്ലിയിൽ അവതരിപ്പിച്ചു.