. മ‍ുൻകാല പ്രവർത്തനങ്ങൾ

അക്കരക്ക‍ുളം ജി.എൽ.പി.സ്ക‍ൂളിൽ മ‍ുൻവർഷങ്ങളിൽ നടന്ന പ്രവർത്തനങ്ങൾ

ലൈബ്രറി ശാക്തീകരണം

അറിവിന്റെ അക്ഷര ഖനി കളിലേക്ക് ആഴ്ന്നിറങ്ങ‍ുവാൻ പുസ്തകങ്ങൾ കുരുന്നുകളുടെ തോഴൻ ആകു‍ുവാൻ ജി എൽപിഎസ് അക്കരക്ക‍ുളം സ്കൂളിൽ ലൈബ്രറി ശാക്തീകരണത്തിന്റെ ഭാഗമായി

നിരവധി മികച്ച പ്രവർത്തനങ്ങളാണ് നടന്നത്. പിറന്നാൾ മധുരം നുകരുന്നത് അറിവിന്റെ ജാലകത്തിലൂടെ ആവാൻ പിറന്നാളിന് ഒരു പുസ്തകം എന്ന പരിപാടി സ്കൂളിൽ നടന്നു. കൂടാതെ വിവാഹവാർഷികം പ്രമാണിച്ചു അദ്ധ്യാപകരും കുട്ടികളുടെ രക്ഷിതാക്കളും ലൈബ്രറിയിലേക്ക് പുസ്തകങ്ങൾ സംഭാവന നൽകി . എല്ലാവരെയും വായനക്കാർ ആക്കുക എന്ന ലക്ഷ്യത്തോടെ വായനയുടെ വസന്തം കാഴ്ചവയ്ക്കുന്ന ഒരു ലൈബ്രറി സൗകര്യമാണ് സ്കൂളിൽ ഒരുക്കിയിരിക്കുന്നത്.

ലൈബ്രറി ഉപയോഗം

പിറന്നാളിനൊര‍ു പ‍ുസ്തകം.+

കൃഷിയെ അട‍ുത്തറിയാൻ

നെൽകൃഷി അപരിചിതമായ ഇന്നത്തെ തലമുറക്ക് നെൽകൃഷി പരിചയപ്പെടുത്താനും കൊയ്ത്തുത്സവത്തിൽ പങ്കെടുക്കാനും അവസരമൊരുക്കി . സ്‌കൂളിന് സമീപം സ്വകാര്യ വ്യക്തിയുടെ കൃഷിയിടത്തിൽ ചെയ്ത കൃഷി നേരിട്ട് കണ്ടു മനസ്സിലാക്കാൻ കിട്ടിയ അവസരം കുട്ടികളിൽ അത്ഭുതമുളവാക്കി . കൃഷിയെ കുറിച്ചും പരിപാലനത്തെ കുറിച്ചും കുട്ടികൾ നേരിട്ട് കണ്ടു മനസ്സിലാകുകയും ,കർഷകരോട് ചോദിച്ച് മനസിലാക്കുകയും ചെയ്തു .

കൃഷിസ്ഥല സന്ദർശനം

Parents fest 2019

കലാകായിക മേഖലകളിൽ രക്ഷിതാകൾക്ക് അവരുടെ കഴിവ് പ്രദർശിപ്പിക്കാനാവിശ്യമായ ഒരവസരം ഈ അധ്യായന വർഷം നൽകി. കുട്ടികളെ പോലെ തന്നെ രക്ഷിതാക്കളും വൈവിധ്യമാർന്ന പരിപാടികൾ ഈ അവസരത്തിൽ അവതരിപ്പിച്ചു. പരിപാടിയുടെ ഉദ്ഘടനം സ്കൂൾ പ്രധാനധ്യാപിക ശ്രീമതി ഹഫ്‌സത്ത് ടീച്ചർ നിർവഹിച്ചു. ചടങ്ങിൽ പി. റ്റി. എ പ്രസിഡന്റ്‌ ജബീർ അധ്യക്ഷത വഹിച്ചു. റൈഹാനത് ടീച്ചറുടെ നന്ദി പ്രകാശനത്തോടെ ചടങ്ങ് അവസാനിപ്പിച്ചു. പരിപാടികൾ അവതരിപ്പിച്ച മുഴുവൻ രക്ഷിതാകൾക്കും പ്രോത്സാഹനസമ്മാനങ്ങൾ വിതരണം ചെയ്തു.

parent fest

ഓണാഘോഷം

2018-19 അധ്യായന വർഷത്തെ ഓണാഘോഷ പരിപാടികൾ വിപുലമായി ആഘോഷിച്ചു . കുട്ടികൾ എല്ലാവരും നല്ല ഉത്സാഹത്തോടെ തന്നെ എല്ലാപരിപാടികളിലും പങ്കെടുത്തു. സുന്ദരിക്ക് പൊട്ടുതൊടൽ ,കലം തല്ലിപൊട്ടിക്കൽ ,ചാക്കിലോട്ടം , തുടങ്ങിയ വിവിധ പരിപാടികൾ സംഘടിപ്പിച്ചിരുന്നു . പരിപാടിക്ക് ശേഷം സദ്യയോടെ ഈ വർഷത്തെ ഓണാഘോഷ പരിപാടികൾ സമാപിച്ചു . പരിപാടികൾ മുഴുനീളെ , പി .ടി .എ അംഗങ്ങളുടെ പൂർണപിന്തുണ ലഭ്യമായിരുന്നു.

Onam

ശ‍ുചിത്വ സേന

26.8.19 നു ശുചിത്വ ക്ലബ്ബിന്റെ ഉൽഘാടനം നടന്നു. നടത്തിപ്പ് ചുമതല "ശുചിത്വ സേന" യ്ക്കായിരുന്നു. അധ്യാപകരും വിദ്യാർത്ഥികളും അംഗങ്ങളായിട്ടുള്ള ഈ സേനയുടെ രൂപീകരണയോഗത്തിന് സ്വാഗതം പറഞ്ഞത് സദാനന്ദൻ മാസ്റ്റർ ആയിരുന്നു.പി. ടി. എ. പ്രസിഡന്റ് ശ്രീ.ജാബിർ അധ്യക്ഷനായിരുന്നു.തുവ്വൂർ പഞ്ചായത്ത് പ്രസിഡന്റ്‌ ശ്രീ. തെറ്റത്ത് ബാലൻ ഉദ്ഘാടനകർമ്മം നിർവഹിച്ചു.പഞ്ചായത്തിന്റ ശുചിത്വ പദ്ധതിയായ "ഗ്രാമജ്യോതി "യെ കുറിച്ച് അദ്ദേഹം വിശദീകരിച്ചു.ക്ലബ് അംഗങ്ങൾക്ക് തൊപ്പി വിതരണം ചെയ്തു.ചടങ്ങിൽ പി. ടി. എ, എം. പി. ടി. എ ഭാരവാഹികൾ സന്നിഹിതരായിരുന്നു.

തുടർന്ന് ക്ലബ്ബിന്റെ നേതൃത്വം വഹിക്കുന്ന അധ്യാപികയായ മിനിടീച്ചർ ക്ലബ് അംഗങ്ങൾക്ക് ചുമതലകൾ നൽകി. എല്ലാ വെള്ളിയാഴ്ച യും ഡ്രൈ‌ഡേ ആയി ആചരിക്കുന്നതായി തീരുമാനിച്ചു.ഞങ്ങളുടെ വിദ്യാലയത്തിന്റ ശുചീകരണ പ്രവർത്തനങ്ങളെ പഞ്ചായത്ത് പ്രസിഡന്റ്‌ അഭിനന്ദിച്ചു.പഞ്ചായത്ത് തലത്തിലുള്ള എല്ലാ സഹായസഹകരങ്ങളും അദ്ദേഹം ഉറപ്പുനൽകി.

ശ‍ുചിത്വ സേന

ശ‍ുചിത്വ സേന പത്രവാർത്ത

വിദ്യാലയം പ്രതിഭകൾക്കൊപ്പം

സ്കൂളിന‍ു സമീപ പ്രദേശത്തുളള, വ്യത്യസ്ത മേഖലകളിൽ കഴിവ് തെളിയിച്ച പൂർവവിദ്യാർത്ഥികളെ കുട്ടികളുടെ നേതൃത്വത്തിൽ വീടുകളിൽ ചെന്ന് ആദരിച്ചു. 2019 നവംബർ മാസത്തിൽ നടത്തിയ ഈ പരിപാടിയിൽ , മൂന്ന് വ്യത്യസ്ത മേഖലകളിലുളള പ്രതിഭകളെയാണ് ആദരിച്ചത്. കവി ബാലകൃഷ്ണ പണിക്കർ, മുഅതായ് ചാമ്പ്യൻഷിപ്പിൽ ദേശീയ തലത്തിൽ മെഡൽ ജേതാവായ ഷിൻജിത്, മജീഷ്യൻ റഷീദ് എന്നിവരെ ആദരിച്ചു. പൂർവകാല സ്‌കൂളാനുഭവങ്ങൾപങ്കുവെച്ചും, പ്രതിഭകളോട് സംവദിച്ചും കുട്ടികൾ മടങ്ങി.

ബാലകൃഷ്ണപ്പണിക്കർ

ഷിൻജിത്ത്

സ്‌കൂളിലെ പച്ചക്കറി കൃഷി

സ്‌കൂൾ ഉച്ചഭക്ഷണത്തിലേക്ക് വിഷരഹിതമായ പച്ചക്കറികൾ ലഭ്യമാക്കുന്നതിനായി വിദ്യാർത്ഥികളുടെ നേതൃത്വത്തിൽ പച്ചക്കറി കൃഷി ആരംഭിച്ചു .

തക്കാളി , വെണ്ട , മുളക് ,ചീര തുടങ്ങിയ പച്ചക്കറികളാണ് പ്രധാനമായും കൃഷി നടത്തിയത് . കൃഷിയിറക്കൽ മുതൽ വിളവെടുപ്പ് വരെയുള്ള മുഴുവൻ പ്രവർത്തനങ്ങളും കുട്ടികളുടെ നേതൃത്വത്തിൽ തന്നെയായിരുന്നു നടന്നത് . കുട്ടികളുടെ നേത്രത്വത്തിൽ തന്നെ വിളവെടുപ്പുത്സവവും നടത്തി.

വിളവെട‍ുപ്പ്

പഠനോപകരണ നിർമ്മാണ ശിൽപശാല

മലയാളം

ആക്ഷൻ പ്ലാൻ പദ്ധതിയുടെ തുടർപ്രവർത്തനങ്ങളുടെ ഭാഗമായി രക്ഷിതാക്കളുടെ സഹായത്തോടെ 24-11-2018 ന് പഠനോപകരണ നിർമ്മാണ ശിൽപശാല നടത്തി.മലയാള അക്ഷര കാർഡുകൾ നിർമ്മിച്ചു.കുട്ടികൾക്ക് കേട്ട പദങ്ങൾക്കാവശ്യമായ അക്ഷരങ്ങളും ചിഹ്നങ്ങളും തിരിച്ചറിഞ്ഞ് ചേർത്ത് വായിക്കാനുള്ള അവസരങ്ങൾ നൽകുക എന്നതാണ് ലക്ഷ്യം.അക്ഷരങ്ങളോടൊപ്പം ചില്ലക്ഷരങ്ങളും ചിഹ്നങ്ങളടങ്ങിയ കാർഡുകളും തയ്യാറാക്കാൻ സാധിച്ചു.

അക്ഷര വൃക്ഷം

ഗണിതം

2019 ജനുവരി 31ന് രാവിലെ പത്തു മണി മുതൽ ഒരു മണി വരെ ഗണിതവുമായി ബന്ധപ്പെട്ട പഠനോപകരണങ്ങളുടെ നിർമ്മാണ ശിൽപശാല നടത്തി.അധ്യാപകരും രക്ഷിതാക്കളും പങ്കെടുത്ത ശിൽപശാലയിൽ സംഖ്യാ കാർഡുകൾ, സ്ഥാനവില പോക്കറ്റ്,ജ്യാമിതീയ രൂപങ്ങളുടെ നിർമ്മിതി തുടങ്ങിയ ഒട്ടേറെ പരിപാടികൾ നടത്താൻ സാധിച്ചു.ഗണിത പഠനം കൂടുതൽ ലളിതമാക്കാൻ ഗണിത ശിൽപശാല സഹായിച്ചു.

maths workshop

ഓണത്തിനൊരുമുറം പച്ചക്കറി

സംസ്ഥാന കൃഷിവകുപ്പിന്റെ ആഭിമുഖ്യത്തിൽ നടത്തിയ "ഓണത്തിനൊരുമുറം പച്ചക്കറി " പദ്ധതിയുടെ ഭാഗമായി സ്‌കൂളിലെ കുട്ടികൾക്കും തുവുർ കൃഷി ഭവന്റെ നേതൃത്വത്തിൽ വിത്ത് വിതരണം നടത്തി . കൃഷി ഓഫിസർ ഉദ്ഘാടനം ചെയ്ത‍ു.

ഓണത്തിന് ഒര‍ു മ‍ുറം പച്ചക്കറി

ഓണത്തിന് ഒര‍ു മ‍ുറം പച്ചക്കറി1.

പഠനോത്സവം

ഈ വിദ്യാലയത്തിൽ 2019-2020 വർഷത്തെ പഠനോത്സവം മാർച്ച്‌ 10 ന്. നടത്തി. അധ്യാപകരും കുട്ടികളും രക്ഷിതാക്കളും വാർഡ് മെമ്പറുമെല്ലാം സന്നിഹിതരായിരുന്നു.. പഠനോത്സവത്തിന് നേതൃത്വം നൽകിയിരുന്നതും നടത്തിയതും കുട്ടികൾ തന്നെയായിരുന്നു.സ്കൂൾ ലീഡർ ആസിം അഹമ്മദ്‌ സ്വാഗതം ആശംസിച്ചു.വാർഡ് മെമ്പർ ജ്യോതി ടീച്ചർ ഉൽഘാടനം നിർവ്വഹിച്ചു. ക്ലാസ്സ്‌ തല പഠനോത്സവത്തിൽ നിന്നും മികവുറ്റ ഇനങ്ങൾ ഉൾപ്പെടിത്തിയതിനാൽ ഈ ദിവസം മികവുകളുടെ ഉത്സവം കൂടിയായിരുന്നു..അധ്യാപകരും കുട്ടികളും രക്ഷിതാക്കളും ഒത്തൊരുമിച്ചുള്ള ഈ പരിപാടി വിദ്യാലയത്തിന്റെ അറിവാഘോഷം ഗംഭീരമാക്കി.