വി.വി.എച്ച്.എസ്.എസ് നേമം/പ്രവർത്തനങ്ങൾ

സ്കൂൾ

സൗകര്യങ്ങൾ

പ്രവർത്തനങ്ങൾ

പ്രൈമറി

എച്ച്.എസ്

എച്ച്.എസ്.എസ്.

ചരിത്രം

അംഗീകാരം

2021 - 22 സ്കൂൾ വർഷത്തെ പ്രവർത്തനങ്ങൾ

പ്രവേശനോത്സവം

 2021-22 ലെ അധ്യയനവർഷത്തിലെ .പ്രവേശനോത്സവം വളരെ ഭംഗിയായി തന്നെ നടത്തി. പ്രവേശനോത്സവത്തിന്റെ സംസ്ഥാനതല ഉദ്ഘാടനം കഴിഞ്ഞയുടനെ സ്കൂൾതലവും തുടർന്ന് ക്ലാസ്സ് തലവും ഗൃഹതലവും പ്രവേശനോത്‌സവം നടത്തി. ക്ലാസ്സ് തലം ക്ലാസ്സ് ടീച്ചേഴ്സും പ്രവേശനോത്സവംപ്രവേശനോത്സവം ഗൃഹതലം രക്ഷിതാക്കളും നിർവ്വഹിച്ചു. ഗ്യഹതലത്തിൽ നടത്തിയ പരിപാടികളുടെ video clips ക്ലാസ്സ് ടീച്ചേഴ്സ് രക്ഷിതാക്കളിൽ നിന്ന് ശേഖരിച്ചു. സ്കൂൾ തല പ്രവേശനോത്സവത്തിന്റെ നടപടിക്രമങ്ങൾ നോട്ടീസ് മുഖേന രക്ഷിതാക്കൾക്ക് എത്തിച്ചു കൊടുത്തു. തത്സമയം അത് കാണാനുള്ള Link ജൂൺ 1ാം തീയതി 7 മണിക്ക് കുട്ടികൾക്ക് അയച്ചു കൊടുത്തു.

ദിനാചരണപ്രവർത്തനങ്ങൾ

ജൂൺ 5 പരിസ്ഥിതി ദിനം,

ജൂൺ 14 ലോക രക്തസാക്ഷി ദിനം

ജൂൺ 21 സംഗീത ദിനം

ജൂൺ 23 ലോക ഒളിമ്പിക് ദിനം

ജൂൺ 19 വായനാദിനം

ജൂൺ 21 യോഗാ ദിനം

ഈ ദിനങ്ങളുമായി ബന്ധപ്പെട്ട രചനാമത്സരങ്ങൾ, പോസ്റ്റർ നിർമ്മാണ മത്സരം ,ക്വിസ് മത്സരം എന്നിവ ക്ലാസ് തലത്തിലും യുപി ,എച്ച്എസ് ,എച്ച് എസ് എസ് വിഭാഗത്തിലും നടത്തി. മത്സര വിജയികളെ കണ്ടെത്തി അനുമോദിച്ചു.യോഗ ദിനത്തിൽ ഡോക്ടർ സുനന്ദ് ടി എസ് രാജിന്റെ നേതൃത്വത്തിൽ കുട്ടികളുടെ ശാരീരിക മാനസിക പിരിമുറുക്കത്തിന്  അയവ് വരുത്തുന്ന രീതിയിൽ യോഗ പരിശീലനം ഓൺലൈനായി നടത്തി. കൂടാതെ യോഗയുടെ പ്രാധാന്യത്തെക്കുറിച്ച്  ബോധവൽക്കരണവും നടത്തി.വിവിധ ക്ലബ്ബുകൾ രൂപീകരിച്ചു.

പഠനസാമഗ്രി വിതരണം

മൊബൈൽ ഫോണുകൾ ഇല്ലാത്ത കുട്ടികൾക്ക് അധ്യാപകർ ,രക്ഷിതാക്കൾ  , വിദ്യാർത്ഥികൾ, വിരമിച്ച അധ്യാപകർ  തുടങ്ങിയവരുടെ സന്നദ്ധ സഹായത്തോടെ മൊബൈൽ ഫോൺ വാങ്ങാൻ സാധിച്ചു. അധ്യാപകർ ഗ്യഹ സന്ദർശനം നടത്തി തികച്ചും അർഹരായവർക്ക് തന്നെയാണോ പഠനോപകരണങ്ങൾ ലഭിക്കുന്നതെന്ന് ഉറപ്പ് വരുത്തി.

സ്വാതന്ത്ര്യദിനാഘോഷം

എൻസിസി ഓഫീസറുടേയും എൻ സി സി കേഡറ്റിന്റേയും സാന്നിധ്യത്തിൽ സാമൂഹിക അകലം പാലിച്ചു കൊണ്ട് സ്കൂളിൽ പതാക ഉയർത്തി. അതിനു ശേഷം ഓൺലൈനായി പി.ടി.എ പ്രസിഡന്റ്, ഹെഡ് മാസ്റ്റർ , പ്രിൻസിപ്പൽ, കുട്ടികൾ, രക്ഷിതാക്കൾ, മാനേജർ എന്നിവരെ ഉൾപ്പെടുത്തി സ്വാതന്ത്ര്യ ദിന സന്ദേശം നൽകി. എസ്.എസ്.എൽ.സി പരീക്ഷയിൽ മുഴുവൻ എ പ്ലസ് കിട്ടിയ കുട്ടികളെ അനുമോദിച്ചു. സ്വാതന്ത്ര്യ ദിനവുമായി ബന്ധപ്പെട്ട വ്യത്യസ്ത മത്സരങ്ങൾ സോഷ്യൽ സയൻസ് ക്ലബിന്റെ ആഭിമുഖ്യത്തിൽ സംഘടിപ്പിച്ചു.

ഓണാഘോഷം

അത്തപ്പൂ മത്സരം കുട്ടികളുടെ വീടുകളിൽ നടത്തുകയും അധ്യാപകർ ഭവന സന്ദർശനം നടത്തി വിലയിരുത്തുകയും ചെയ്തു. നിർദ്ധനരായ കുട്ടികളുടെ വീടുകൾ സന്ദർശിച്ച് അധ്യാപകർ നേരിട്ട് ചെന്ന് ഓണക്കിറ്റ് നൽകി കൊണ്ട് ഓണാശംസകൾ നേർന്നു. ഓരോ കുട്ടിക്കുംഅഞ്ച്കിലോ അരി , ചിപ്പ്സ് , ഉപ്പേരി, പായസ കിറ്റ്, പാൽപ്പൊടി, ഷർട്ട് , പഠന സാമഗ്രികൾ എന്നിവ നൽകി ഓരോ കുടുംബവും വളരെ സന്തോഷത്തോട് കൂടിയാണ് വരവേറ്റത്.

ഓണപ്പരീക്ഷ

ഓണപ്പരീക്ഷയുമായി ബന്ധപ്പെട്ട് ക്ലാസ് ടീച്ചേഴ്സ് വേണ്ട നിർദ്ദേശങ്ങൾ PTA കൂടി നൽകി. പരീക്ഷാ സമയത്ത് അദ്ധ്യാപകർ കുട്ടികളുടെ വീടുകൾ സന്ദർശിച്ച് പഠന നിലവാരം വിലയിരുത്തി. കൂടാതെ അധ്യാപകർ പരീക്ഷാ സമയത്ത് തത്സമയ മേൽനോട്ടവും നിർവ്വഹിച്ചു. പരീക്ഷ കഴിഞ്ഞ ഉത്തര കടലാസ് സ്കൂളിലെത്തിക്കാനുള്ള നിർദേശവും കൊടുത്തു. തുടർന്ന് ഉത്തരക്കടലാസുകളുടെ മൂല്യനിർണ്ണയം നടത്തി രക്ഷകർത്താക്കളുടെ യോഗം വിളിച്ച് കുട്ടികളുടെ പഠനനിലവാരം വിലയിരുത്തി. കഴിഞ്ഞഎസ്.എസ്.എൽ.സി പരീക്ഷയിൽ മുഴുവൻ എ പ്ലസ് നേടിയ കുട്ടികൾക്കും സ്കൂളിൽ സമ്മാനദാനം നടത്താൻ കഴിയാത്ത സാഹചര്യത്തിൽ അധ്യാപകർ  കുട്ടികളുടെ വീടുകളിൽ നേരിട്ട് ചെന്ന് അനുമോദിച്ച് സമ്മാനങ്ങൾ നൽകി.

തിരികെ വിദ്യാലയത്തിലേക്ക്

നീണ്ട 19 മാസത്തിനുശേഷം 2021 നവംബർ ഒന്നിന് പൊതുവിദ്യാലയങ്ങൾ തുറന്നപ്പോൾ കുട്ടികളുടെ ആഹ്ലാദ ദൃശ്യങ്ങൾ പകർത്തി സൂക്ഷിക്കുക എന്ന ലക്ഷ്യത്തോടെ തിരികെ വിദ്യാലയത്തിലേക്ക് എന്ന പേരിൽ നടത്തിയ ഫോട്ടോഗ്രാഫി മത്സരത്തിൽ നമ്മുടെ സ്കൂളിലെ വിദ്യാ൪ത്ഥികൾ പങ്കെടുക്കുകയും മികച്ച ഫോട്ടോകൾ വിക്കിയിൽ ഉൾപ്പെടുത്തുകയും ചെയ്തു.

ഹലോ ഇംഗ്ലീഷ്

ഹലോ ഇംഗ്ലീഷിന്റെ സ്കൂൾതല ഉത്ഘാടനം ഡിസംബ൪ 1-ാം തീയതി നടത്തുകയുണ്ടായി. വാർഡ് മെംബർ ശ്രീ.വിനോദ് കുമാർ, PTA പ്രസിഡൻ്റ് ശ്രീ.പ്രകാശ് എന്നിവർ മുഖ്യ അതിഥികൾ ആയിരുന്നു. കുട്ടികൾക്ക് ഇംഗ്ലീഷ് ഭാഷയിൽ പ്രാവീണ്യം വർദ്ധിപ്പിക്കുക എന്ന ലക്ഷ്യത്തോടെയാണ് ഈ പരിപാടി സ്കൂളുകളിൽ നടപ്പിലാക്കിയത്. ഉത്ഘാടനവുമായി ബന്ധപ്പെട്ട് വിദ്യാർത്ഥികൾ വിവിധ പരിപാടികൾ അവതരിപ്പിക്കുകയുണ്ടായി.