"എ.എൽ.പി.എസ്. കാവശ്ശേരി" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== ഭൗതികസൗകര്യങ്ങൾ:  കാവശ്ശേരി അധികാരിയായിരുന്ന ശ്രീ അനന്തനാരായണയ്യരുടെ ഓർമ്മക്കായി 1971 ൽ മക്കളും തിരുപ്പതി  ഭാരത് ഹോട്ടൽ ഉടമകളുമായ ശ്രീ കൃഷ്ണയ്യരും സഹോദരങ്ങളും ചേർന്ന് ഒരു നല്ല കിണർ കുഴിച്ച് കെട്ടി സ്കൂളിന് സമർപ്പിക്കുകയുണ്ടായി.                                         സ്കൂൾ മുറ്റത്ത് തലയുയർത്തി നില്ക്കുന്ന കൊടിമരം കാവശ്ശേരി ഇ പി ഗ്രാമത്തിലെ സുബ്ബരാമശാസ്ത്രികളുടെ ഓർമ്മക്കായ് കുടുംംബാംഗങ്ങൾ സംഭാവന ചെയ്തതാണ്.                                                                                                      2007 ൽ സ്കൂൾ വൈദ്യുതീകരിക്കാൻ കഴിഞ്ഞു. അതേ വർഷം തന്നെ  ശ്രീ മുഹമ്മദാലി മാസ്റ്റർ റിട്ടയർമെന്റിന്റെ സമ്മാനമായി സ്കൂളിന് പുതിയ മൈക്ക് സെറ്റ് സംഭാവന ചെയ്തതുംംസ്മരണീയമാണ്                                                                                   115 ആം വാർഷികത്തിന്റെ ഭാഗമായി പൂർവ്വ വിദ്യാർത്ഥികളുടെ  സ്നേഹോപകാരമെന്ന നിലയിൽ ഒരു കമ്പ്യൂട്ടർ ലാബും ലഭിച്ചതും എടുത്ത് പറയേണ്ട ഒരുകാര്യമാണ്. കമ്പ്യൂട്ടറുകൾ ഇതിലേക്കായി സംഭാവന ചെയ്തത് പൂർവ്വ വിദ്യാർത്ഥികളായ  പൂണാത്ത്  സുധാകരനും അയർപ്പുള്ളി വീട്ടിൽ ശ്രീ സുധാകരനുണ്ണിയുമാണ്. ബിൽഡിംഗ് നിർമ്മിക്കാൻ മാനേജ്മെന്റും മുഖ്യ പങ്കു വഹിച്ചിട്ടുണ്ട്.                                                                                                2018 മുതൽ അത്യാധുനിക സൗകര്യങ്ങളോടു കൂടിയ രണ്ടുനില കെട്ടിടത്തിലാണ്  സ്കൂൾ പ്രവർത്തിക്കുന്നത്.   ==

== മാനേജ്മെന്റ് : (ചരിത്രം ആദ്യം വായിക്കുക )  കാവശ്ശേരി വലിയ വീട്ടിൽ കുട്ടൻ മാസ്റ്റർ എന്ന ഭീമൻ നായർ ഈ വിദ്യാദീപങ്ങൾ ഏറ്റുവാങ്ങി സംരക്ഷിച്ചതു മുതലുള്ള ഓർമ്മകളാണ് പഴയ തലമുറയിൽ നിന്ന് ലഭിച്ചിട്ടുള്ളത്. അദ്ദേഹം കാവശ്ശേരി നെല്ലിത്തറയിലെ ശ്രീ കെ ആർ വൈത്തിരാമയ്യർക്കു കൈമാറി . 1948 വരെ ആ മഹാനുഭാവൻ ഇതിനെ അണയാതെ സൂക്ഷിച്ചു. ശേഷം അദ്ദേഹത്തിന്റെ സഹധർമ്മിണിയായ ശ്രീമതി സി വി സീതാലക്ഷ്മി അമ്മാൾ ഒരു നിധി പോലെ വിദ്യാലങ്ങളെ എറ്റെടുത്തു. ശേഷംം 1980 ൽ ഗുരുവായൂർ ചെറുവക്കാട്ട് ഇല്ലത്ത് ശ്രീ സി കേശവൻ നമ്പൂതിരി ഈ വിദ്യാലയം വാങ്ങിച്ച് മാനേജ്മെന്റ് ഏറ്റെടുത്തു. അദ്ദേഹത്തിന്റെ ജീവിത കാലത്തു തന്നെ മകൻ പ്രൊഫസർ ശങ്കരൻ നമ്പൂതിരിയെ കറസ്പോണ്ടന്റ് മാനേജരായി നിയമിച്ചിരുന്നു . 2003 ൽ പ്രൊഫസർ ശങ്കരൻ നമ്പൂതിരി അകാല ചരമം പ്രാപിച്ചു. അധികം താമസിയാതെ ശ്രീ കേശവൻ നമ്പൂതിരിയും നിര്യാതനായി. തുടർന്ന് പ്രൊഫസർ ശങ്കരൻ നമ്പൂതിരിയുടെ അനുജനായ ശ്രീ സി കേശവൻ നമ്പൂതിരി മാനേജരായി. ഈ മാനേജ്മെന്റാണ് നിലവിൽ ഉള്ളത്. ==