"ഗവൺമെൻറ്, മോഡൽ എച്ച്.എസ്.എസ് വെങ്ങാനൂർ/lk" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഒരു കത്തോലിക്ക പുരോഹിതൻ ആകാനാണ് ചെറുപ്പക്കാലത്ത് ഞാൻ ആഗ്രഹിച്ചത്. സമൂഹത്തിലെ ജനങ്ങളുടെ ജീവിതവുമായി നേരിട്ട് ഇടപഴകാനും, അവരുടെ ആവശ്യങ്ങൾക്കനുസരിച്ച് പ്രവർത്തിക്കാനും, അതിൽ നിന്ന് സംതൃപ്തി കണ്ടെത്താനും ഞാൻ ആഗ്രഹിച്ചിരുന്നു. എന്നാൽ മതേതര ഭാരതത്തിൽ മതങ്ങൾക്കതീതമായി സമൂഹത്തിന്റെ എല്ലാവരുടേയും ഭാഗമായി, എല്ലാവർക്കും വേണ്ടി പ്രവർത്തിക്കുക, ജീവിക്കുകയാണ് കൂടുതൽ ഉത്തമമെന്ന ഒരു ബോധ്യം വന്നതിന്റെ അടിസ്ഥാനത്തിലാണ് അഡ്മിനിസ്ട്രേറ്റീവ് സർവീസ് വേണം, അതാണ് എന്റെ വഴി എന്ന തോന്നൽ ഉണ്ടായത്. അങ്ങനെയാണ് ചെറുപ്പക്കാലത്തുള്ള കത്തോലിക്ക പുരോഹിതൻ ആകാനുള്ള ആഗ്രഹം ഉപേക്ഷിച്ച്, അഡ്മിനിസ്ട്രേറ്റീവ് സർവീസിനായി പരിശ്രമിക്കാൻ തുടങ്ങിയത്.

 

ജോലിക്കൊപ്പമാണ് കെ  എ എസ്  നായി ഞാൻ പഠിക്കാൻ തുടങ്ങിയത്. അതുകൊണ്ടു തന്നെ ദിവസത്തിലുള്ള മുഴുവൻ സമയവും പഠനത്തിനായി മാറ്റി വയ്ക്കാൻ കഴിയുമായിരുന്നില്ല. പിന്നീട് പരീക്ഷയോട് അടുത്തപ്പോൾ ഓഫീസിൽ നിന്ന് ലീവെടുത്തിട്ടാണ് പരീക്ഷയ്ക്കായി പഠിച്ചത്. ആ സമയത്ത് കൂടുതൽ സമയം പഠനത്തിനായി മാറ്റി വയ്ക്കാൻ കഴിയുമായിരുന്നു. പ്രധാനമായും എൻ സി ആർ ടി പുസ്തകങ്ങൾ, ബിപിൻ ചന്ദ്ര, ലക്ഷ്മി കാന്ദ് പോലെയുള്ള ആളുകളുടെ പുസ്തകങ്ങൾ, കേരളവുമായി ബന്ധപ്പെട്ട വിഷയങ്ങൾക്കായി ശ്രീധരമേനോൻ പോലുള്ളവരുടെ പുസ്തകങ്ങൾ, ഇവയൊക്കെ വീണ്ടും വീണ്ടും വായിക്കുക, അവയിൽ നിന്നുള്ള ചോദ്യങ്ങൾക്ക് ഉത്തരം കണ്ടെത്താൻ ശ്രമിക്കുക, ഇതായിരുന്നു പ്രധാനമായും കെ  എ എസ് നു വേണ്ടി ചെയ്തത്. അതിന്റെ  3 ഘട്ടമായുള്ള പരീക്ഷയ്ക്ക്, ഓരോ ഘട്ടത്തിലും വ്യത്യസ്തമായ പഠനരീതി അവലംബിക്കേണ്ടതുണ്ടായിരുന്നു. ആദ്യ ഘട്ടമായ പ്രാഥമിക പരീക്ഷയിൽ ഒബ്ജക്ടീവ് ചോദ്യങ്ങളാണ് ഉണ്ടായിരുന്നത്. അതുകൊണ്ടു തന്നെ അതിനായി ധാരാളം ഒബ്ജക്ടീവ് ടൈപ്പ്, മൾട്ടിപ്പിൾ ചോയിസ് ചോദ്യങ്ങൾ ചെയ്ത് ശീലിക്കുക എന്നതായിരുന്നു പ്രധാന രീതി. മുഖ്യ പരീക്ഷ എഴുത്ത് പരീക്ഷ ആയിരുന്നതിനാൽ അതിനായി ചില ടെസ്റ്റ് സീരീസുകൾ എഴുതി പരിശീലിച്ചിരുന്നു. അഭിമുഖം എന്നുള്ള മൂന്നാമത്തെ ഘട്ടം, അത് തരണം ചെയ്യാനായി , വിവിധ വിഷയങ്ങളിൽ സംസാരിച്ചുള്ള ഒരു പരിശീലനം ആവശ്യമായിരുന്നു. അതിനായി വിവിധ സ്ഥാപനങ്ങളിലെ മോക്ക് അഭിമുഖത്തിൽ  പങ്കെടുക്കുകയും, അതിലെ അഭിമുഖം നടത്തിയ പ്രകർഭരായ വ്യക്തികൾ നൽകിയ നിർദ്ദേശങ്ങൾക്കനുസരിച്ച് ആവശ്യമായ മാറ്റങ്ങൾ ഉൾകൊള്ളിച്ചുകൊണ്ട് അഭിമുഖ പരിശീലനം മുന്നോട്ട് കൊണ്ടുപോകാനായി ശ്രദ്ധിച്ചിരുന്നു. ഇത്തരത്തിൽ 3 വിധത്തിലാണ് കെ  എ എസ് പരിശീലനം നടത്തിയിരുന്നത്.

വിജയം പ്രതീക്ഷിച്ചല്ല അതിനുള്ള പരിശ്രമം നടത്തുന്നത് , മറിച്ച് നന്നായി പരിശ്രമിക്കുകയും വിജയത്ത നായി തീവ്രമായി ആഗ്രഹിക്കുകയും ചെയ്യുന്നു. വിജയം നമ്മുടെ പ്രവർത്തനത്തിന്റെ ഫലമായി വന്നു ചേരുന്നതാണ്. ഇതാണ് ഞാൻ കരുതുന്നത്. അതുകൊണ്ടു തന്നെ ഏതെങ്കിലും ഒരു പ്രത്യേക റാങ്ക്  ലഭിക്കുമെന്ന് പ്രതീക്ഷിച്ച് അതിനു വേണ്ടിയല്ല പഠിച്ചിരുന്നത്, മറിച്ച് പഠിക്കുന്ന കാര്യങ്ങളിൽ സംതൃപ്തി കണ്ടെത്താനും, അങ്ങനെ പഠനത്തെ ആസ്വാദകരമാക്കാനുമുള്ള ശ്രമമാണ് നടത്തിയിരുന്നത്.

കേരള പി എസ് സി യുടെ തിരുവനന്തപുരത്തെ പട്ടത്തുള്ള ആസ്ഥാന മന്ദിരത്തിൽ വച്ചായിരുന്നു ഇന്റർവ്യൂ  നടന്നത്. ഇന്റർവ്യൂവിന് പങ്കെടുക്കുന്ന എല്ലാവരിൽ നിന്നും ഒരു ബയോഡാറ്റ പി എസ് സി വാങ്ങുന്നുണ്ട്. ഇത് ഇന്റർവ്യൂ  ബോഡിൽ ഉള്ള എല്ലാ അംഗങ്ങൾക്കും നൽകുന്നുമുണ്ട്. അതായത് ഒരു വ്യക്തി ഇന്റർവ്യൂവിന് ചെല്ലുന്ന സമയത്ത് തന്നെ ബോഡിൽ ഉള്ള ആളുകൾക്ക് തന്റെ മുന്നിൽ ഇരിക്കുന്ന ഉദ്യോഗാർത്ഥി എവിടെയാണ് ജനിച്ചത്, എവിടെയാണ് പഠിച്ചത് , എന്താണ് പഠിച്ചത്, എന്തെങ്കിലും ജോലി ചെയ്യുന്നുണ്ടായിരുന്നോ?, എന്താണ് ഹോബി, ആരാകാനാണ് ആഗ്രഹം, തുടർന്ന് നിരവധി കാര്യങ്ങൾ മനസ്സിലാക്കിയതിന്  ശേഷമാണ് ഇന്റർവ്യൂവിന് എത്തുന്ന ഉദ്യോഗാർത്ഥിയോട് ചോദ്യങ്ങൾ ചോദിക്കുന്നത്. എന്റെഇന്റർവ്യൂ ഏറ്റവും അവസാനത്തെ ദിവസമായിരുന്നു. അതുകൊണ്ടു തന്നെ മുൻപ് ഇന്റർവ്യൂവിന് പോയ ഉദ്യോഗാർത്ഥികളിൽ നിന്ന് ഏത് തരത്തിലുള്ള ചോദ്യമാണ് ചോദിക്കുന്നതെന്നും, ഏതൊക്കെ മേഖലകളിൽ നിന്ന് കൂടുതൽ പഠനം ആവശ്യമായി ഉള്ളതെന്നും മനസ്സിലാക്കിയിരുന്നു. അതിനനുസരിച്ച് മലയാളത്തിലുളള ചോദ്യങ്ങൾ ഉണ്ടാകും , ഭൂരിഭാഗവും മലയാളത്തിൽ തന്നെയായിരിക്കും എന്ന പ്രതീക്ഷയിലാണ്ഇന്റർവ്യൂവിന് എത്തിയത്. എന്നാൽ എല്ലാ ചോദ്യങ്ങളും ഇംഗ്ലീഷിലാണ് എന്നോട് ചോദിച്ചത്. ഒരു പക്ഷേ ഇംഗ്ലീഷ് സാഹിത്യത്തിൽ ബിരുദം നേടി എന്നുള്ളതായിരിക്കാം അതിനുള്ള ഒരു കാരണം. ഇന്റർവ്യൂ ബോർഡിൽ 6 അംഗങ്ങൾ ആണ് ഉള്ളത്. 3 പി എസ് സി അംഗങ്ങളും , മിവിധ മേഖലകളിൽ നിന്നുള്ള 3 അംഗങ്ങളും ഇങ്ങനെയാണ് ആ ബോർഡിന്റെ ഘടന. ചോദ്യങ്ങളിൽ കേരളത്തിന്റെയും , ഇന്ത്യയുടെയും  വിവിധ വശങ്ങളെക്കുറിച്ചുള്ള , വിഷയങ്ങളെക്കുറിച്ചുള്ള കാര്യങ്ങൾ ഉണ്ടായിരുന്നു. ഒപ്പം നേരെ സൂചിപ്പിച്ച പോലുള്ള ബയോഡാറ്റയിൽ നിന്നുള്ള  ചോദ്യങ്ങളും ഉണ്ടായിരുന്നു. ഇംഗ്ലീഷ് സാഹിത്യത്തിൽ നിന്നുള്ള ചോദ്യങ്ങൾ ഉദാഹരണത്തിന്, 'ഓൾഡ് വെനാൻസി ' എഴുതിയ വ്യക്തി ആരാണ്? , 'ആംസ് ആൻഡ് ദ മാൻ' എന്ന കൃതിയുടെ  പശ്ചാത്തലമെന്താണ്? നാഷണൽ മോണിറ്റൈസേഷൻ പൈപ്പ് ലൈൻ പോലെയുള്ള ദേശീയ പ്രാധാന്യമുള്ള കാര്യങ്ങൾ, ഞാൻ ജോലി ചെയ്യുന്ന മേഖലയായ ഓഡിറ്റിൽ നിന്നുള്ള ചോദ്യങ്ങൾ, പഞ്ചായത്ത് രാജ് സംവിധാനത്തെക്കുറിച്ചുള്ള ചോദ്യങ്ങൾ കൂടാതെ കേരളത്തിന്റെ കാര്യങ്ങളെക്കുറിച്ച് പഠിച്ചിട്ടുണ്ടോ എന്നറിയാനായി കേരളത്തിലെ ഹാൻറി ക്രാഫ്റ്റ് ഇൻഡസ്ട്രിയുടെ പ്രശ്നങ്ങളും പരിഹാരമാർഗങ്ങളും തുടങ്ങി വിവിധ വിഷയങ്ങളെക്കുറിച്ചുള്ള , ചോദ്യങ്ങളാണ്ഇന്റർവ്യൂവിന് ഉണ്ടായിരുന്നത്.

ഒന്നാം ക്ലാസ് മുതൽ ആറാം ക്ലാസ് വരെ മലയൻ കീഴിന് അടുത്തുള്ള ഗുഡ് ഷെപ്പേഡ് സ്കൂളിൽ ആണ് പഠിച്ചത്. 7-ാം ക്ലാസ് മുതൽ 10-ാം ക്ലാസ് വരെ അന്തിയൂർ കോണം ലിറ്റിൽ ഫ്ലവർ ഹൈസ്കൂളി ലും, + 2 പേയാട് സെന്റ് സേവിയേഴ്സ് ഹയർ സെക്കന്ററി സ്കൂളിലും ആയിരുന്നു. ഡിഗ്രി  നേരത്തെ സുചിപ്പിച്ചതു പോലെ ഇംഗ്ലീഷിൽ ആയിരുന്നു. അത് കേരള സർവകലാശാലയിൽ നിന്ന്‌ പ്രൈവറ്റ് സ്റ്റഡി എന്നുള്ള രീതിയിൽ ആണ് പൂർത്തിയാക്കിയത്. 2009-ൽ ആണ് ഡിഗ്രി പഠനം പൂർത്തിയാക്കിയത്.

കീബോർഡ് വായിക്കുകയാണ് എന്റെ പ്രധാനപെട്ട ഹോബി. അതിൽ വിവിധ പാട്ടുകൾ വിവിധ സംഗീത

ഉപകരണങ്ങളുടെ ശബ്ദങ്ങൾ ഇവയൊക്കെ വായിക്കുക അതാണ് പ്രധാനമായിട്ടും ഞാൻ ആ കീബോർഡു കൊണ്ട് ചെയ്യുന്നത് ഇതിൽ പുറമെ ചില മേഖലയിലുള്ള പുസ്‌തകങ്ങൾ പ്രതേകിച്ചു വികസന കാര്യങ്ങളിൽ ഉണ്ടാകുന്ന പുതിയ മുന്നേറ്റങ്ങൾ പരിഹാരനിർദേശങ്ങൾ ഇവയൊക്കെ ഉൾകൊള്ളുന്ന തരത്തിലുള്ള പുസ്തങ്ങൾ വായിക്കാനായി പരിശ്രമികാറുണ്ട്.

സ്വാധീനിച്ച വ്യക്തി യെ കുറിച്ചു പറയുമ്പോൾ ഒരു പ്രതേക വ്യക്തിയെ ചുണ്ടികാണിക്കാൻ സാധിക്കുകയില്ല. വിവിധ വ്യക്തികളുടെ വിവിധ തരത്തിലുള്ള സ്വഭാവ സാവിശേഷതങ്ങൾ വിവിധ തീവ്രതയിൽ സ്വാധീനിച്ചിട്ടുണ്ട്. അതിൽ എ. പി. ജെ. അബ്ദുൽകലാം, എബ്രഹാം ലിങ്കൺ പോലുള്ള ലോക പ്രശസ്തരായ വ്യക്തികളും നമ്മുടെ തൊട്ടടുത്തു തന്നെ ജീവിക്കുന്ന നന്നായി അധ്വാനികുന്ന സാധാരണകാരന്,ചായ കടകാരനുമൊക്കെ ഒരു പോലെ സ്വാധീനിച്ചിട്ടുണ്ട്. ഓരോ ആൾക്കാരും ഓരോ തരത്തിലുള്ള പ്രതേകതയുള്ള വ്യക്തി കളാണ്. ആ പ്രതേകതകൾ ആ സവിശേഷത കൾ തിരിച്ചറിയാൻ കഴിഞ്ഞാൽ എല്ലാ വ്യക്തിയിൽ നിന്നും കുറച്ചു കൂടെ വിശാലമായി ചിന്തിച്ചാൽ എല്ലാ ജീവിജാലങ്ങളിൽ നിന്നും പഠികാനുണ്ട്. അതുകൊണ്ട് തന്നെ ഇതിന്റെഎല്ലാം സ്വാധീനം എന്നിലുണ്ട്. ഒരു പ്രതേക വ്യക്തിയുടെ പേര് പറയുന്നത് ശരിയാണ് എന്ന് താൻ കരുതുന്നില്ല.

കഥ, കവിത തുടങ്ങിയവ ധാരാളമായി വായിക്കാറുണ്ടെങ്കിലും അതിൽ എഴുതാനുള്ള ഒരു കാര്യക്ഷമത എനിക്കുള്ളതായി ഇതു വരെ തോന്നീട്ടില്ല. എന്നാൽ വൈഞ്ഞനിക മേഖലയിലുള്ള ലേഖനങ്ങൾ എഴുതാൻ ശ്രെമിക്കറുണ്ട്. ആ മേഖലയിൽ ഭാവിയിൽ കൂടുതൽ എഴുതണമെ ന്നആഗ്രഹികാനുണ്ട്. അതിൽ കൂടുതൽ വായനകളും അനുഭവവും പരിചയവും ഈ മേഖലയിൽകൂടുതൽ സഹായിക്കും എന്ന് ഞാൻ കരുതുന്നു.

സാധാരണയായി നമ്മുടെ വിദ്യാലയങ്ങളിൽ പുസ്തക പാഠന ത്തിനാണ് നാം പ്രാധാന്യം കൊടുക്കുന്നത്. എന്നാൽ ഇന്നത്തെ സാഹചര്യങ്ങളും സൗകര്യങ്ങളും വച്ച് നാം നോക്കിയാൽ ഈ പുസ്തകങ്ങളിൽ പറയുന്ന ഏതെങ്കിലും ഒരു കാര്യമെങ്കിലും പഠിക്കാതെ നാം വിദ്യാലയങ്ങളിൽ വരണമെന്നില്ല. നമുക്ക് ധാരാളം ഓൺലൈൻ സംവിധാനങ്ങളും ലൈബ്രറികളും ഒക്കെ ഉപയോഗിച്ച് കൊണ്ട് ഇത്തരം കാര്യങ്ങൾ നമുക്ക് പഠിക്കാൻ കഴിയും. എന്നാൽ എങ്ങനെയാണ് സമൂഹത്തിൽ ഇടപഴകേണ്ടത്. എങ്ങനെയാണ് ജീവിതത്തിൽ ക്രമപെടുത്തലുകൾ ഉണ്ടാകേണ്ടത്, എങ്ങനെയാണ് ഒരു മനുഷ്യനായി തീരേണ്ടത്  മനുഷ്യനായി ജീവിക്കേണ്ടയത്‌ ഇവയൊക്കെ ജീവിതത്തിൽ ചെയ്തു കാണിക്കാനുമാണ് ഒരു വിദ്യലയത്തിൽ ഒരു വിദ്യാർത്ഥി വരേണ്ടത്. അപ്പോഴാണ് വിദ്യാഭ്യാസം ഒരു വ്യക്തി യുടെ ജീവിതത്തിൽ മാറ്റങ്ങൾ ഉണ്ടാകുന്നതും ആ വ്യക്തിയെ വ്യക്തിയായി ജീവിക്കാനും ആ ജീവിതം ആസ്വദിക്കാനും സന്തോഷപ്രദമാക്കാനുമായുള്ളവർക്കു ഗുണപ്രദമാക്കാനും കഴിയുന്നത്. അത്തരത്തിലുള്ള ഒരു ജീവിതത്തെ അത്തരത്തിലുള്ള ഒരു പ്രവർത്തനം വിദ്യാലയത്തിലെ ജീവിതം എല്ലാവിദ്യാർത്ഥികൾക്കും ഒരു മുതൽകൂട്ട് ആകട്ടെ. അതിനയുള്ള ഒരു പരിശ്രമം എല്ലാ വിദ്യാർത്ഥികളുടെയും ഭാഗത്തുനിന്നും ഉണ്ടാകട്ടെ എന്നാണ് എന്റെ ആഗ്രഹം. അതാണ് നിങ്ങളോട് എനിക്ക് ആവശ്യപെടാനുള്ളത്.