"ബി ഇ എം യു പി എസ് ചോമ്പാല/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

<nowiki>''</nowiki>തചോല്യോതേനന്റെ  കൂട്ടുകാരൻ  

തുടങ്ങിയ വരികൾ ഈ പ്രദേശത്തിന്റെ  ചരിത്രത്തിൽ സ്ഥാനം പിടിക്കുന്നു. എടക്കണ്ടി കോവിലകത്തെ തമ്പുരാനും ഒഞ്ചിയത്ത് പുതിയേടത്ത് ചിണ്ട  കുറുപ്പും തമ്മിൽ ഇടഞ്ഞപ്പോൾ ഒടുവിൽ തമ്പുരാനു  കീഴടങ്ങേണ്ടിവന്നു എന്നതാണ് കേട്ടുകേൾവി. ഒഞ്ചിയം അംശം ദേശം പുതിയേടത്ത് വകയായി തീർന്നതിന് പിന്നിലെ കഥ ഇതാണ്.ഇരുപതാം നൂറ്റാണ്ടിന്റെ  ആദ്യദശകങ്ങളിൽ പ്രത്യേകതകളൊന്നും  അവകാശപ്പെടാൻ ഇല്ലായിരുന്നു.  ഒഞ്ചിയം എന്ന കർഷക ഗ്രാമത്തെ  ഉണർത്തിയത് ദേശീയ പ്രസ്ഥാനത്തിന്റെ  അലയൊലികളായിരുന്നു . ആയിരത്തി തൊള്ളായിരത്തി പത്തൊൻപത്  വാഗ്ഭടാനന്ദ ഗുരു എന്ന പേരിൽ പ്രസിദ്ധനായ കുഞ്ഞിക്കണ്ണൻ  ഗുരുക്കൾ കാരകാട്ടിൽ (മടപ്പള്ളി) എത്തുമ്പോൾ ആ പ്രദേശം ജാതി വ്യവസ്ഥയുടെയും അന്ധവിശ്വാസങ്ങളുടെയും അനാചാരങ്ങളുടെയും പിടിയിലമർന്നു കിടക്കുകയായിരുന്നു. ജന്മിമാരുടെയും  നാടുവാഴിയുടെയും പീഡനങ്ങളാൽ വീർപ്പുമുട്ടിയ  കാരക്കാട്ടുകാർ   ഇങ്ങനെ തങ്ങളുടെ ഗുരുവായി സ്വീകരിച്ചു ക്ഷണിക്കുകയായിരുന്നു. അദ്ദേഹം ആയിരത്തി തൊള്ളായിരത്തി പതിനേഴിൽ  കാരക്കാട് ആത്മവിദ്യാസംഘം രൂപീകരിചു സാമൂഹ്യ നവോത്ഥാനത്തിന് നേതൃത്വം നൽകി. ശ്രീ.കുറുപ്പയിൽ കാണാരൻ മാസ്റ്ററും  ശ്രീ. പാലേരി ചന്ദമനും,ശ്രീ. പാലേരി കണാരൻ  മാസ്റ്ററും ആയിരുന്നു അതിന്റെ  സ്ഥാപക നേതാക്കൾ.സാധാരണ ജനങ്ങൾ സംഘത്തിൽ ആകൃഷ്ടരായി. അതിൻറെ പ്രവർത്തനം ശക്തിപ്പെട്ടതോടെ നാട്ടുപ്രമാണിമാരും സവർണ്ണ മേധാവികളും അസ്വസ്ഥരായി. അവർ പലതരത്തിലും ജനങ്ങളെ ദ്രോഹിച്ചു കൊണ്ടിരുന്നു. പലരുടെയും വിദ്യാഭ്യാസം മുടങ്ങി.തൊഴിൽ നിഷേധിക്കപ്പെട്ടു. അപ്പോഴാണ് സംഘത്തിന്റെ  പേരിൽ ഗുരുദേവൻ ഒരു സ്കൂൾ സ്ഥാപിച്ചത്. തുടർന്ന് അദ്ദേഹം പരസ്പര സഹായ സഹകരണ സംഘം രൂപീകരിച്ചു. 1922 സ്ഥാപിച്ച ഈ  സംഘമാണ് ഊരാളുങ്കൽ സർവീസ് സഹകരണ ബാങ്ക് ആയി മാറിയത്. തൊഴിൽരംഗത്ത് യുവാക്കൾക്ക് സംരക്ഷണം നൽകാനായി വാഗ്ഭടാനന്ദ ഗുരു  ഒരു ലേബർ കോൺട്രാക്ട് സൊസൈറ്റി രൂപീകരിച്ചുകൊണ്ട്   നാട്ടുപ്രമാണിമാരുടെ വെല്ലുവിളികളെ ചെറുത്തു തോൽപ്പിച്ചു. 1925 രൂപീകരിക്കപ്പെട്ട ഈ സൊസൈറ്റി നിർമ്മാണ രംഗത്ത് ഇന്നും മാതൃകയായി പ്രവർത്തിക്കുന്നു. കേരളത്തിന്റെ  ആത്മീയ മേഖലയെ കൈപിടിച്ചുയർത്തിയ പുണ്യാത്മാക്കളിൽ  ശ്രദ്ധേയനായ വാഗ്ഭടാനന്ദന്റെ  ആദ്യകാല കർമ്മ പദമായ കാരക്കാട് ഇന്നും സംഘത്തിന്റെ  പ്രധാന  പ്രവർത്തനകേന്ദ്രം ആണ്. 1917 മുതൽ1925 വരെ ആത്മവിദ്യാ സംഘം നടത്തിയ ധീരോദാത്തമായ പ്രവർത്തനം ഒഞ്ചിയത്തെ സാമൂഹിക പ്രവർത്തന ചരിത്രത്തിൽ ഒരു പുതിയ അധ്യായം എഴുതിച്ചേർത്തു.