ജി.എൽ.പി.എസ് കരുവാരകുണ്ട്/പ്രവർത്തനങ്ങൾ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

കരുവാരകുണ്ട് മോഡൽ സ്കൂളിനെ മലപ്പുറം ജില്ലയിലെ മികച്ച സ്കൂൾ ആക്കി ഉയർത്തുന്നതിൽ നമ്മുടെ സ്കൂളിൽ നടക്കുന്ന തനതു പ്രവർത്തനങ്ങളുടെ പങ്കു പറയാതെ വയ്യ . അക്കാദമികവും  അല്ലാത്തതുമായ എല്ലാവിധ പ്രവർത്തനങ്ങളും ഒന്നിനൊന്നു മെച്ചപ്പെടുത്താൻ കഴിയുന്നത് ആസൂത്രണം മുതൽ നടത്തിപ്പിന്റെ ഓരോ ഘട്ടത്തിലും പുലർത്തുന്ന സൂക്ഷ്മതയാണ്.

വിദ്യാലയ വികസന കൂട്ടായ്മ

വിദ്യാലയ വികസന കൂട്ടായ്മ  ഒരു വിദ്യാലയത്തിന്റെ വികസനത്തിന്  മുതൽക്കൂട്ടായി മാറുന്ന  കൂട്ടായ്മകൾ ഉണ്ട്. എസ് .ആർ .ജി, എസ് .എം .സി,  പി.ടി.എ, ..........തുടങ്ങിയവ

എസ് .ആർ .ജി

പാഠ്യ-പാഠ്യാനുബന്ധ പ്രവർത്തനങ്ങൾ ചർച്ച ചെയ്യുന്നതിനും നടപ്പിലാക്കുന്നതിനും ആഴ്ചയിലൊരിക്കൽ സാധ്യമായ സമയം കണ്ടെത്തി കൃത്യമായി യോഗം ചേരുകയും നടപ്പിലാക്കുകയും അവലോകനം നടത്തി നടപ്പിലാക്കേണ്ടത് ചർച്ച ചെയ്തു തീരുമാനം എടുക്കുകയും ചെയ്യുന്നത് തന്നെയാണ് സ്കൂളിനെ മികവിന് കേന്ദ്രമാക്കി കഴിയുന്നത്.ഇതിനുപുറമേ ഓരോ ക്ലാസുകാരും അവരവരുടെ ക്ലാസ് തലത്തിൽ എസ് .ആർ .ജി കൂടുകയും പ്രവർത്തനങ്ങൾ ആസൂത്രണം ചെയ്യുകയും ചെയ്യുന്നു. കൃത്യമായ ആസൂത്രണത്തോടെ നടപ്പിലാക്കുന്ന എല്ലാ പ്രവർത്തനങ്ങളും വിജയത്തിൽ എത്തുക തന്നെ ചെയ്യും. അതുകൊണ്ട് കരുവാരക്കുണ്ട് ഗവൺമെൻറ് മോഡൽ എൽപി സ്കൂളിൽ കൃത്യമായ എസ് .ആർ .ജി യോഗങ്ങൾ കൂടുകയും എല്ലാവരും നിർബന്ധമായി പങ്കെടുക്കുകയും ചെയ്യാറുണ്ട്.നിലവിലെ എസ്.ആർ . ജി കൺവീനർ ടി സി അബ്ദുൽ ലത്തീഫ് ആണ്.

ക്ലാസ് പി.ടി.എ

ഓരോ ക്ലാസിലും മികച്ച രീതിയിലുള്ള ക്ലാസ് പി.ടി.എ നിലവിലുള്ളതിനാൽ പഠന പ്രവർത്തനങ്ങളുമായി രക്ഷിതാക്കളെ ബന്ധിപ്പിച്ചു കൊണ്ടുപോകാൻ സാധിക്കുന്നു മാസത്തിലൊരിക്കൽ യോഗം ചേരുകയും രക്ഷിതാക്കളുടെ പിന്തുണ ഉറപ്പുവരുത്താനും സാധിക്കുന്നു

എസ് .എം. സി ,പി .ടി. എ  ,എം. പി .ടി .എ

സ്കൂളിന്റെ ഭൗതിക സൗകര്യം ഒരുക്കുന്നതിനും പാഠ്യ -പാഠ്യാനുബന്ധ പ്രവർത്തനങ്ങളുടെ വിജയത്തിനും സ്കൂൾ സമിതികൾ മികച്ച പിന്തുണയാണ് നൽകിവരുന്നത്.  മികവാർന്നതും വ്യത്യസ്തവുമായ പരിപാടികളുടെ വിജയത്തിനായി സ്കൂൾ സമിതികളുടെ ഇടപെടൽ മികച്ച മാതൃക തന്നെയാണ്. പിടിഎയുടെ മികച്ച പ്രവർത്തനം കാരണം സംസ്ഥാനതലത്തിലും ജില്ലാതലത്തിലും ബെസ്റ്റ് പിടിഎ അവാർഡിന് അർഹമായിട്ടുണ്ട്. ഇപ്പോഴത്തെ പി ടി എ പ്രസിഡൻറ് അബ്ദുസ്സലാം ആണ്. എസ്. എം .സി ചെയർമാൻ പി .എം  സബാദ്.

ടാലൻറ് എക്സാം

  ലിറ്റിൽ സ്കോളർ ടാലൻറ് എക്സാം പുസ്തക പ്രകാശനം ബഹു.  മലപ്പുറം ജില്ലാ കളക്ടർ ശ്രീ .അമിത്  മീണ നിർവഹിക്കുന്നു

ജി.കെയും പാഠപുസ്തകങ്ങളിലെ ചോദ്യങ്ങളും ഉൾപ്പെടുത്തി കുട്ടികൾക്കായി ലിറ്റിൽ സ്കോളർ ടാലൻറ് എക്സാം നടത്തിവരുന്നു . അവസാനത്തെ ടേമിൽനടത്തുന്ന ഈ പരീക്ഷയിൽ പങ്കെടുക്കുന്നവർക്കെല്ലാം സർട്ടിഫിക്കറ്റും,മൊമന്റോയും നൽകിവരുന്നു .പഠനത്തിൽ താൽപര്യം വർദ്ധിപ്പിക്കാനും പൊതുവിജ്ഞാനസമ്പാദനത്തിനും,പാഠഭാഗത്തിന്റെ ആഴത്തിലുള്ള പഠനത്തിനും ഈ പരീക്ഷ സഹായകരമാകുന്നുണ്ട്.കരുവാരക്കുണ്ട് പഞ്ചായത്തിലെ മറ്റ് സ്കൂളുകളിലും നമ്മുടെ സ്കൂളിന്റെ ടാലൻറ് പുസ്തകമാണ് ഉപയോഗിക്കുന്നത്.പ്രീപ്രൈമറി മുതൽ നാലാം ക്ലാസ് വരെയുള്ള കുട്ടികൾക്ക് ടാലൻറ് എക്സാം നടത്തിവരുന്നു. കുട്ടികളുടെയും രക്ഷിതാക്കളുടെയും നിർലോഭമായ പിന്തുണയാണ് ഈ സംരംഭത്തിന്  കരുത്താവുന്നത് . നമ്മുടെ സ്കൂളിലെ അധ്യാപകർ തന്നെയാണ് ഈ പുസ്തകം അണിയിച്ചൊരുക്കിയത്. അതുകൊണ്ടുതന്നെ തികച്ചും ലാഭകരവും കുട്ടികളുടെ നിലവാരത്തിന് യോജിക്കുന്നതും ആയ ഈ കുഞ്ഞു പുസ്തകം കുട്ടികളെ വിജ്ഞാനത്തിന്റെ ലോകത്തിലേക്ക് കൈപിടിച്ചു നടത്തുന്നു. ടാലൻറ് എക്സാം  കൃത്യമായആസൂത്രണത്തോടെ കൂടിയാണ് നടപ്പിലാക്കുന്നത് പരീക്ഷക്ക് ശേഷം സ്കൂളിൽ തന്നെ നടത്തി കുട്ടികളുടെ പ്രകടനത്തിന് പ്രോത്സാഹനം നൽകാൻ പങ്കെടുത്ത എല്ലാ കുട്ടികൾക്കും സർട്ടിഫിക്കറ്റുകൾ നൽകുന്നു.

ഹോണസ്റ്റി ഷോപ്പ്

ഹോണസ്റ്റി ഷോപ്പ്

കുട്ടികൾക്ക് വേണ്ടി കുട്ടികളാൽ നടത്തപ്പെടുന്ന സ്കൂളിലെ ഒരു സംരംഭമാണ് ഹോണസ്റ്റി ഷോപ്പ്. പേന, പെൻസിൽ, പേപ്പർ, ക്രയോൺ ...... തുടങ്ങി കുട്ടികൾക്കുവേണ്ട എല്ലാ അവശ്യവസ്തുക്കളും സ്റ്റോറിൽ ലഭ്യമാണ്. രാവിലെ ബെൽ അടിക്കുന്നതിന് അരമണിക്കൂർ മുൻപ് തന്നെ സ്റ്റോറും വിൽപ്പനക്കാരും സജീവമാകും. ആവശ്യക്കാർക്ക് യഥേഷ്ടം സെലക്ട് ചെയ്യാനും വാങ്ങാനും സൗകര്യമുണ്ട്. കുട്ടികൾ അവർക്കാവശ്യമായ മുഴുവൻ ‍വസ്തുക്കൾക്കും ഹോണസ്റ്റി സ്റ്റോറിനെയാണ് ആശ്രയിക്കുന്നത്. മാർക്കെറ്റിൽ ചുറ്റിക്കറങ്ങേണ്ട ആവശ്യം അവർക്കില്ല. മാത്രമല്ല പുറത്തുള്ളതിനേക്കാൾ കുറ‍‍‍ഞ്ഞ വിലയിൽ സാധനങ്ങൾ വാങ്ങാനും കഴിയുന്നു.

ഓരോ ദിവസവും തിരഞ്ഞെടുക്കപ്പെട്ട കുട്ടികച്ചവടക്കാരാണ് ഷോപ്പ് നിയന്ത്രിക്കുന്നത്. അതുകൊണ്ട് വിൽപ്പനയും പ്രായോഗിക കണക്കും പഠിക്കാൻ അവർക്ക് അവസരം ലഭിക്കുന്നു. കുട്ടിക്കൂട്ടത്തെ ഓൺലൈൻലോകം നിയന്ത്രിക്കാൻ തുടങ്ങിയ ഇക്കാലത്ത് സ്വന്തമായി പൈസ കൈകാര്യം ചെയ്യാനും, വിൽപ്പനയും വാങ്ങലും ശീലിക്കാനും, തദ്വാര ആത്മവിശ്വാസം ആർജ്ജിക്കാനും ഹോണസ്റ്റിഷോപ്പ് നിമിത്തമാകുന്നു.

എൻഡോവ്മെന്റ്

ഈ വിദ്യാലയത്തിലെ പൂർവ്വവിദ്യാർത്ഥിയും സാമൂഹ്യപ്രവർത്തകനുമായിരുന്ന വട്ടമണ്ണിൽ സെയ്താലിക്കുട്ടിയുടെ പേരിൽ ടിയാന്റെ മക്കൾ സ്കൂളിലെ LSS വിജയികൾക്കായി എൻഡോവ്മെന്റ് (ക്യാഷ് പ്രൈസ്) നൽകിവരുന്നു. 2017-18 മുതൽ "വട്ടമണ്ണിൽ സെയ്താലിക്കുട്ടി എൻഡോവ്മെന്റ് " എന്ന പേരിലാണ് ഈ ക്യാഷ് അവാർഡ് നൽകിവരുന്നത്.

കരനെൽക‍ൃഷി

സ്കൂൾ പി .ടി .എ യുടെയും അദ്ധ്യാപകരുടെയും  നേതൃത്വത്തിൽ നടത്തിയ കരനെൽകൃഷി

കോവിഡ്കാലത്ത് സ്കൂൾ പി.ടി.എ.യുടെ നേതൃത്വത്തിൽ സ്കൂളിന്റെ സമീപത്തുളള ഒരു സ്വകാര്യവ്യക്തിയുടെ ഒരേക്കർ സ്ഥലത്ത് കരനെൽക‍ൃഷി നടത്തി. കോവിഡ് മാനദണ്ഡങ്ങൾ പാലിച്ച് നടത്തിയ ക‍ൃഷി വൻവിജയമായിരുന്നു. കരുവാരക്കുണ്ട് ക‍ൃഷിഭവന്റെ പിന്തുണയോടെ നടത്തിയ ‍സ്കൂളിന്റെ കരനെൽക‍ൃഷി ഏറെ ചർച്ച ചെയ്യപ്പെട്ടു. നാട്ടിൽ അന്യമായിക്കൊണ്ടിരിക്കുന്ന നെൽക‍ൃഷിയെക്കുറിച്ച് സമൂഹത്തിൽ അവബോധം ഉണ്ടാക്കാനും സാധിച്ചു. നവംബർ 1 ന് സ്കൂൾ തുറന്നതിനുശേഷം കുട്ടികൾക്ക് ഈ ഇരിയുപയോഗിച്ച് പായസം, പലഹാരങ്ങൾ എന്നിവ ഉണ്ടാക്കി നൽകുകയും ചെയ്തു.

പ്രതിഭയെതേടി

2019-20 "പ്രതിഭയെതേടി" എന്ന പരിപാടി 'പ്രതിഭാധരം' എന്നപേരിൽ വിപുലമായി നടപ്പിലാക്കി. 18.11.2019ന് ചേർന്ന PTA യോഗത്തിൽ ചർച്ചചെയ്ത് പരിപാടി ആസൂത്രണം ചെയ്യുകയും കൃത്യമായി നടപ്പിലാക്കുകയും ചെയ്തു. സ്കൂളിന്റെ പരിസരത്ത് വിവിധ മേഖലകളിൽ അസാമാന്യ കഴിവ് തെളിയിച്ചവരെയാണ് സ്കൂളിൽവെച്ച് ആദരിച്ചത്. പൊതുവിജ്ഞാനരംഗത്തെ പ്രതിഭയായ 'കംപ്യൂട്ടർ ഹംസ' എന്ന പോരിൽ ആറിയപ്പെടുന്ന ശ്രീ. ഹംസ, മികച്ച കർഷകനായ ശ്രീ. N.P.ചോഴി, പരമ്പരാഗത തൊഴിൽ സംരക്ഷിച്ച് വരുന്ന ശ്രീമതി. തെക്കേമുക്കിൽ സരോജിനി, മികച്ചയുവമത്സ്യകർഷകൻ ശ്രീ. പുഴയ്ക്കൽ സുനിൽ, കരകൗശലനിർമ്മാണത്തിൽ അത്ഭുതം കാഴ്ചവെച്ച ശ്രീ. അൻവർബാവ, കരാട്ടയിൽ നിരവധി പുരസ്കാരങ്ങൾ നേടിയ ശ്രീ. മുസ്തഫ മസ്കർ, ചെറുകിട വ്യവസായിയായ ഭിന്നശേഷിക്കാരൻ ശ്രീ. കല്ലായി മുഹമ്മദ്, പഴയകാലത്ത് നാട്ടിലെ മുഴുവൻ പ്രസവമെടുത്തിരുന്ന ശ്രീമതി.എം.ഫാത്തിമ, ചെറുകിടവ്യവസായി ശ്രീ.എം.എ.മാനു, പ്രശസ്ത മാപ്പിളപ്പാട്ട് രചയിതാവും ഈ വിദ്യാലയത്തിലെ മുൻ അധ്യാപകനുമായ ശ്രീ. ഒ.എം.കരുവാരക്കുണ്ട് എന്നിവരെയാണ് സ്കൂളിനുവേണ്ടി ആദരിച്ചത്.

പ്രതിഭോത്സവം

സംസ്ഥാനപൊതുവിദ്യാഭ്യാസവകുപ്പ് 2018-19വർഷത്തിൽനിർദ്ദേശിച്ച പ്രതിഭോത്സവം പരിപാടി വളരെ ഭംഗിയായി നടപ്പിലാക്കി. പൂളക്കുന്ന്, വീട്ടിക്കുന്ന്, പുന്നക്കാട്, ചുങ്കം, പൊടുവണ്ണി

കേമ്പിൻക്കുന്ന്, വാക്കോട് തുടങ്ങിയ കേന്ദ്രങ്ങളിൽ 'പ്രതിഭോത്സവം' ഉത്സവപ്രതീതിയിൽ നടത്തി. സ്കൂളിന്റെ മികവുകൾ ഇതിലൂടെ സമൂഹത്തെ പരിചയപ്പെടുത്തി. വിവിധ മത്സര വിജയികൾക്കുള്ള സമ്മാനദാനവും ഇവിടങ്ങളിൽ നടത്തി. പൊതുജനപങ്കാളിത്തം കൊണ്ട് ഈ പരിപാടി ഏറെ ശ്രദ്ധിക്കപ്പെട്ടു.

കൂട്ടിനൊരോമന കു‍ഞ്ഞാട്

കൂട്ടിനോരോമന കുഞ്ഞാട് പദ്ധതി വഴി ആട്ടിൻകുട്ടിയെ വിതരണം ചെയ്യുന്നു

കൂട്ടിനോരോമന കുഞ്ഞാട് പദ്ധതി പത്രവാർത്തയിലൂടെ

കുട്ടികളിൽ പരിസരബോധവും ജന്തുസ്നേഹവും, സ്വാശ്രയസമ്പാദ്യശീലവും വളർത്താൻ സംസ്ഥാനമൃഗസംരക്ഷണ വകുപ്പിന്റെയും കരുവാരക്കുണ്ട് ഗ്രാമപഞ്ചായത്തിന്റെയും സഹായത്താൽ നടപ്പിലാക്കി വരുന്ന ശ്രദ്ധേയമായ പരിപാടിയാണിത്. മലപ്പുറം ജില്ലാപഞ്ചായത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ശ്രീമതി.കെ.എ.ജൽസീമിയ 4.01.2013.ന് മൂന്നാം ക്ലാസ്സിലെ ഷിംന.കെ (D/O മൊയ്തീൻ കൊപ്പത്ത് ഹൗസ്,ഇരിങ്ങാട്ടിരി.പി.ഒ.)യ്ക്ക് നൽകിയാണ് ഈ പദ്ധതിയ്ക്ക് തുടക്കം കുറിച്ചത്. ആടിനെ ലഭിക്കുന്ന വീട്ടുകാർ പിന്നീട് പകരം മറ്റൊരു പെൺആടിനെ വിതരണത്തിനായി തിരിച്ചുതരുന്ന രീതിയിലാണ് ഈ പദ്ധതി നടപ്പിലാക്കുന്നത്. ഇതിനോടകം 106 ആടുകളെ ഇത്തരത്തിൽ വിതരണം ചെയ്യാൻ കഴിഞ്ഞിട്ടുണ്ട്. ഈ പദ്ധതിയുടെ ഗുണഭോക്താക്കളായ ഭൂരിഭാഗം രക്ഷിതാക്കളും ആട് കൃഷി തുടർന്ന് കൊണ്ട് പോകുകയും സാമ്പത്തികമായി മെച്ചപ്പെടുകയും ചെയ്തിട്ടുണ്ട്. അതുകൊണ്ടുതന്നെ ഈ വിദ്യാലയത്തിൽ വിജയകരമായി നടന്നുവരുന്ന ഈ പദ്ധതി കഴിഞ്ഞ സാമ്പത്തിക വർഷം മുതൽ പഞ്ചായത്തിലെ മുഴുവൻ വിദ്യാലയങ്ങളിലേക്കും ഗ്രാമപഞ്ചായത്ത് നടപ്പിലാക്കിയിട്ടുണ്ട്. ഇനിയും ഒട്ടേറെ സാധാരണ കുടുംബങ്ങൾക്ക് ആശ്വാസമേകാൻ ഈ പദ്ധതിയ്ക്ക് സാധിക്കും.വരുമാനമാർഗം എന്നതിലുപരി കുട്ടികളിൽ സഹജീവിസ്നേഹം വളർത്താനും ഉപകരിക്കുന്ന പദ്ധതിയാണിത് .