"ജി.യു.പി.എസ്.കക്കാട്ടിരി/സൗകര്യങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വ്യത്യാസം കാണൽവിക്കിഎഴുത്ത്

14:36, 27 ജനുവരി 2022-നു നിലവിലുണ്ടായിരുന്ന രൂപം

/hom

പാലക്കാട് ജില്ലയിലെ പട്ടാമ്പി താലൂക്കിലെ തൃത്താല ഉപജില്ലയിൽ പെടുന്ന അപ്പർ പ്രൈമറി വിദ്യാലയമാണ് ജി യു പി എസ്‌ .കക്കാട്ടിരി . നഗരത്തിന്റെ ബഹളങ്ങളേതുമില്ലാതെ ശാന്തവും സ്വഛവും സുന്ദരവുമായ ഒരിടത്ത് ഈ മനോഹരമായ വിദ്യാലയം നാടിനു ഐശ്വര്യമായി നിലകൊള്ളുന്നു. വിവിധ മേഖലകളിൽ പ്രശസ്തരായ നിരവധി പ്രതിഭകൾക്ക് ജന്മമേകാൻ ഈ വിദ്യാലയത്തിന് സാധിച്ചിട്ടുണ്ട്.

ഈ സ്കൂൾ സ്ഥാപിതമായതിന്റെ ആദ്യപാദങ്ങളിൽതന്നെ പരിപാലിച്ചു വളർത്തപ്പെട്ട നെല്ലിമരം ഇന്നു നെല്ലി മുത്തശ്ശിയായിത്തീർന്നു,ഒരുപാടു കുഞ്ഞുങ്ങൾക്ക് സ്വാദിഷ്ഠമായ ഫലമേകി സ്വജീവിതം സാർത്ഥകമാക്കിക്കൊണ്ടിരിക്കുന്നു. അധ്യയനം നടത്തുന്നതിന് ശുദ്ധവായു പ്രദാനം ചെയ്യാൻ സദാ സന്നദ്ധരായ ഇടതൂർന്ന വൃക്ഷങ്ങൾ ഈ സ്കൂളിന്റെ മറ്റൊരു സവിശേഷതയാണ്..

സ്കൂൾ ഓഫീസിനോട് ചേർന്നുള്ള വിശാലമായ ഓഡിറ്റോറിയത്തിൽ ആണ് പ്രധാന ചടങ്ങുകൾ ,സ്കൂൾ അസംബ്ലി എന്നിവ നടക്കാറുള്ളത്. ഓഫീസിന്റെ അരികിലായി സുസജ്ജമായ സയൻസ് ലാബ് സ്ഥിതി ചെയ്യുന്നു. കുട്ടികളിൽ വായനാതാല്പര്യം അങ്കുരിപ്പിച്ചു കൊണ്ട് ഒരു ലൈബ്രറിയും ഈ സ്കൂളിനുണ്ട്. എൽ.സി .പ്രോജെക്ടറോട്‌ കൂടിയ ഐ .ടി .ലാബിനു പുറമെ ബഹുവർണ ചിത്രങ്ങളാൽ അലംകൃതമായ പ്രീ-പ്രൈമറി ക്ലാസ്സുകളും ഈ സ്കൂളിന് സ്വന്തം.

പന്ത്രണ്ട് ക്ലാസ് മുറികൾ അടങ്ങുന്ന സ്കൂൾ കോമ്പൗണ്ടിൽ കരുത്തുറ്റ കായികപ്രതിഭകളെ വാർത്തെടുക്കാൻ തക്കവിശാലമായ ഒരു ഗ്രൗണ്ടുമുണ്ട്. ചിത്രശലഭങ്ങൾ വിട്ടുപിരിയാനാഗ്രഹിക്കാത്ത മനോജ്ഞമായ ഒരു ശലഭോദ്യാനം ഈ വിദ്യാലയാങ്കണത്തിൽ പരിലസിക്കുന്നു.