"ജി.എൽ.പി.എസ്. പാലപ്പറ്റ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പാലപ്പെറ്റ ഗവണ്മെന്റ് എൽ.പി.സ്കൂൾ ചരിത്രം പാലപ്പറ്റയുടെ കൂടിയാണ്. കാരണം പാലപ്പറ്റയുടെ ഹൃദയം തന്നെയാണീ വിദ്യാലയം. പാലപ്പറ്റയെന്ന സ്ഥലനാമത്തിന്റെ ഉൽപത്തിയെകുറിച് അനേഷിച്ചെത്തിയത് ഒടുവിലൊരു യക്ഷിക്കഥയിലാണ്. യക്ഷിബാധയൊഴിഞ്ഞപ്പോൾ കത്തിപ്പോയ ആ പാലമരം കാരണമാണത്രേ പാലപ്പെറ്റയെന്ന് നാടിന് പേരുണ്ടായത് .1954 ഒക്ടോബർ 24നാണ്  ബോർഡ് ഓഫ്‌ എലിമെന്ററി  സ്കൂൾ എന്ന നാമധേയത്തിൽ  ഏകാധ്യാപക വിദ്യാലയംമായി  ഈ സ്കൂൾ നിലവിൽ വന്നത്. ഇപ്പോഴത്തെ വിദ്യാലയ വളപ്പിനു തൊട്ടടുത്തുള്ള   പൈങ്ങോട്ടിൽ  തറവാടിന്റെ വരാന്തയിലാണ്  അന്ന് സ്കൂൾ പ്രവർത്തിച്ചിരുന്നത്. ശ്രീ പി ശ്രീധരൻ മാസ്റ്റർ ആയിരുന്നു അന്നത്തെ ഏക അധ്യാപകൻ. അലവി തെക്കേ തൊടിയാണ് ആദ്യമായി പ്രവേശനം നേടിയ വിദ്യാർത്ഥി. ആദ്യ ദിവസം ഒമ്പത് പേരാണ് അക്ഷരവെളിച്ചം തേടിയെത്തിയത്. അതേ വർഷം ഡിസംബർ 15 വരെയുള്ള കാലയളവിൽ 75 പേർ പ്രവേശനം നേടിയതായി കാണുന്നു.ഏകാധ്യാപകനായ ശ്രീധരൻ മാസ്റ്റർ അവധിയിൽ പ്രവേശിക്കുമ്പോൾ  തൂവക്കാട് ബേസിക് സ്കൂളിലെ കരുണപണിക്കർ  സ്കൂൾ ചാർജ്ജ് വഹിച്ചതായി രേഖപ്പെടുത്തിയിട്ടുണ്ട്. 1956 ഭാസ്കരൻനായർ എന്ന അധ്യാപകൻ കൂടി നിയമിതനായി. പിന്നീട് സരോജിനി, മീനാക്ഷിക്കുട്ടി എന്നീ അധ്യാപികമാർകൂടി നിയമിതരായി.  1963 മുതൽ സ്കൂളിൻറെ പേര് ജി എൽ പി എസ്  പാലപ്പറ്റ എന്നാക്കിയതായി രേഖകളിൽ കാണുന്നു.