"ഗവ.മോഡൽ എച്ച്എസ്എസ് വെള്ളമുണ്ട/മറ്റ്ക്ലബ്ബുകൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വിവിധ വിഷയങ്ങളെ ആസ്പദമാക്കി ബോധവൽക്കരണ ക്ലാസ്സ്‌കൾ നടത്തി വരുന്നു.

ശാസ്ത്രബോധവും യുക്തി ചിന്തയും സാംസ്‌കാരികമായി സ്വാംശീകരിച്ച തലമുറ പുരോഗതിയിലേക്കുള്ള കുതിപ്പിന് അനിവാര്യമാണ്. ചോദ്യങ്ങൾ ചോദിക്കുകയും പരീക്ഷണ നിരീക്ഷണങ്ങളിൽ ഏർപ്പെടുകയും ചെയ്തുകൊണ്ടാണ് മനുഷ്യസമൂഹം മുന്നേറിയത്. പാഠപുസ്തകത്തിന് അപ്പുറത്ത് വിശാലമായ അറിവു സമ്പാദനത്തിന്റെ രീതികൾ സുപരിചിതം ആകും വിധം ശാസ്ത്രപഠനം വികസിക്കേണ്ടതുണ്ട്. ഇതിനായി സ്കൂളിൽ പ്രവർത്തിക്കുന്ന വിവിധ ക്ലബ്ബുകളെ ഏകോപിപ്പിച്ചുകൊണ്ട് ശാസ്ത്രരംഗം എന്ന പേരിൽ ഒരു പ്രവർത്തന സമിതി വിദ്യാഭ്യാസ വകുപ്പ് ആവിഷ്കരിച്ചു. അതിന്റെ ഭാഗമായി ഗവൺമെന്റ് മോഡൽ ഹയർ സെക്കൻഡറി സ്കൂൾ വെള്ളമുണ്ടയിൽ  ശാസ്ത്രരംഗം സമിതി രൂപീകരിക്കുകയുണ്ടായി. സ്കൂൾ തല ഉദ്ഘാടനം ഓൺലൈൻ പ്ലാറ്റ്ഫോമിലൂടെ 26/09/21 ന് ഐ എസ് ആർ ഒ സയൻസ് എൻജിനീയറും സ്കൂളിലെ  പൂർവ വിദ്യാർത്ഥിയുമായ ശ്രീ നിർമ്മൽ കൃഷ്ണ ഉദ്ഘാടനം ചെയ്തു. മാനന്തവാടി ജി വി എച്ച് എസ് എസ് കെമിസ്ട്രി അധ്യാപകൻ ശ്രീ എം ബെന്നി മാസ്റ്റർ മുഖ്യപ്രഭാഷണം നടത്തി.പ്രപഞ്ചത്തിന്റെ ഉല്പത്തിയെപ്പറ്റിയും ജീവന്റെ ആവിർഭാവം മുതൽ ഇന്ന് മനുഷ്യൻ എത്തിനിൽക്കുന്നത് വരെയുള്ള യാത്രയുടെ ശാസ്ത്രീയ നിഗമനങ്ങളും,ആധുനികശാസ്ത്രത്തിന്റെ വളർച്ചയും അതിന്റെ നാഴികക്കല്ലുകളും, ശാസ്ത്രം മാനവിക പുരോഗതിക്ക് നൽകിയ ഗുണങ്ങളും അത് ദുരുപയോഗം ചെയ്യുന്നതിനെ കുറിച്ചും,വിശദമായി ചർച്ച ചെയ്യുകയുണ്ടായി.

18/09/21 ന് ശാസ്ത്രരംഗം സംസ്ഥാന സമിതി "പ്രതിഭയോടൊപ്പം " എന്ന പരിപാടി സംഘടിപ്പിച്ചു. LIGO ശാസ്ത്രജ്ഞനും ICTS-TIFR ലെ  ഗുരുത്വ തരംഗ ഭൗതികശാസ്ത്ര ഗവേഷകനുമായ  പ്രൊഫസർ അജിത്ത് പരമേശ്വരൻ ആണ് കുട്ടികളോട് സംവദിച്ചത്. ഭൗതികശാസ്ത്രത്തിന്റെ  പുതിയ മേഖലകളെക്കുറിച്ച് അദ്ദേഹം കുട്ടികളുമായി ചർച്ച ചെയ്തു.വിദ്യാലയത്തിലെ കുട്ടികൾ ഓൺലൈനായി ക്ലാസിൽ പങ്കെടുക്കുകയുണ്ടായി.

ശാസ്ത്രരംഗം ജില്ലാ സമിതിയുടെ ഭാഗമായി വിവിധ തരത്തിലുള്ള മത്സരങ്ങൾ വിദ്യാലയത്തിൽ സംഘടിപ്പിച്ചു. പ്രാദേശിക ചരിത്രരചന

ചരിത്രമുറങ്ങുന്ന മണ്ണാണ് ഓരോ പ്രദേശവും പക്ഷേ ചരിത്രഗ്രന്ഥങ്ങളിൽ പലപ്പോഴും ഈ പ്രദേശങ്ങൾ അർഹിക്കുന്ന പ്രാധാന്യത്തോടെ അടയാളപ്പെടുത്തിയിട്ടില്ല. അത്തരം ഒരു പ്രദേശമാണ് വെള്ളമുണ്ട. ചരിത്രത്തിലെ വിസ്മരിക്കപ്പെട്ട ആ ഏടുകൾ മനസ്സിലാക്കുന്നതിനും വരും തലമുറയ്ക്ക് അത് പകർന്നു നൽകുവാനും ഇത്തരമൊരു പ്രവർത്തനത്തിലൂടെ സാധിച്ചു. കുട്ടികളിൽ ചരിത്രാന്വേഷണ ത്വര വളർത്തുവാൻ ഈ പ്രവർത്തനത്തിലൂടെ കഴിഞ്ഞു. വെള്ളമുണ്ട യുടെ ഭൂമിശാസ്ത്ര സവിശേഷതകൾ സ്ഥലനാമോൽപത്തി കൃഷി പരിസ്ഥിതി വിദ്യാഭ്യാസം രാഷ്ട്രീയം ഭരണസംവിധാനങ്ങൾ, സാമൂഹിക വ്യവസ്ഥ സംസ്കാരം ഗതാഗത സംവിധാനങ്ങൾ ചികിത്സാരീതികൾ ആരോഗ്യശീലങ്ങൾ തൊഴിൽ കൂട്ടായ്മകൾ അവകാശ പോരാട്ടങ്ങൾ,സാമൂഹിക വിവേചനങ്ങൾ,വിനോദങ്ങൾ, സാമ്പത്തികാവസ്ഥ,അധികാരരൂപങ്ങൾ,നാടിന്റെ വികസനത്തിന് ചാലക ശക്തികൾ ആയ മഹാരഥന്മാർ, ചരിത്രശേഷിപ്പുകൾ, കുടിയേറ്റങ്ങൾ, ആചാരാനുഷ്ഠാനങ്ങൾ,വാണിജ്യം,കമ്പോള ചൂഷണം തുടങ്ങിയ ഒട്ടനവധി മേഖലകളിലെ ചരിത്രം കുട്ടികൾ അന്വേഷിച്ചറിഞ്ഞു.

ആധുനിക ഇന്ത്യയുടെ മിസൈൽമാൻ എന്നറിയപ്പെടുന്നതും മുൻ രാഷ്ട്രപതിയും ആയ ഡോക്ടർ  എ പി ജെ അബ്ദുൽ കലാമിന്റെ ജീവചരിത ജീവചരിത്രക്കുറിപ്പ് ആണു സ്കൂൾതലത്തിൽ ശ്രദ്ധയാകർഷിച്ചത്.

പഠിതാക്കളിൽ  ഭാഷാനൈപുണ്യം വളർത്തിയെടുക്കുന്നതിനായി  ഗവ: മോഡൽ ഹയർ സെക്കന്ററി സ്കൂളിൽ ഇംഗ്ലീഷ് ക്ലബ്ബിന്റെ ആഭിമുഖ്യത്തിൽ 2021-22 അധ്യയന വർഷത്തിൽ വിവിധ പരിപാടികൾ സoഘടിപ്പിച്ചു.

കുട്ടികൾക്കായി സംഘടിപ്പിച്ച  പ്രസംഗ മത്സരത്തിൽ ശ്രീലക്ഷ്മി സുരേഷ് , ആൻ മരിയ ബിജു, അസിൻ ജോസഫ് , മുഹമ്മദ് ഷംനാസ്, ഫാത്തിമ സാക്കിർ , എഡ്വിൻ ബിജോയ് എന്നിവർ മികച്ച പ്രകടനം കാഴ്ച വെച്ചു.  

അഫ്‌ലഹ് അഹമ്മദ്, നിജാദ്, ജിസ്ന പി.എസ്., ഷിദ ഷെറിൻ എന്നിവർ സമ്മാനാർഹരായി. ഇംഗ്ലീഷ്  ക്ലബ്ബിന്റെ ആഭിമുഖ്യത്തിൽ കോവിഡ് മഹാമാരിക്കാലത്ത് ഓൺലൈനായി  സംഘടിപ്പിച്ച  വിവിധ മത്സരങ്ങൾ  കുട്ടികൾക്ക് പുത്തനുണർവ് നൽകുന്ന വയാണ് ..