"മണ്ണാറശാല യു പി എസ് ഹരിപ്പാട്/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ആലപ്പുഴ ജില്ലയിലെ കാർത്തികപ്പള്ളി താലൂക്കിലെ '''ക്ഷേത്രങ്ങളുടെ നഗരം''' എന്നറിയപ്പെടുന്ന ഹരിഗീതപുരം എന്ന ഹരിപ്പാടിൻറെ സമീപമാണ് മണ്ണാറശാല സ്ഥിതി ചെയ്യുന്നത്. കാവും കുളവും വള്ളിപ്പടർപ്പുകളും പുൽകി പടരുന്ന പ്രകൃതിസുന്ദരമായ പ്രദേശം. കലാകേരളത്തിന് ഈ ഗ്രാമത്തിൻറെ സംഭാവന വളരെ വലുതാണ്. കർഷകാഭിവൃദ്ധിക്ക് അഭിമാനമായി നിലകൊള്ളുന്ന ഈ പ്രദേശം ഓണാട്ടുകരയുടെ ഭാഗം കൂടിയാണ്. കഴിഞ്ഞ നൂറ്റാണ്ടിൽ രൂപം കൊണ്ട വിദ്യാഭ്യാസ സ്ഥാപനമായ വർണ്ണാക്കുലർ സ്കുൂൾ പിന്നീട് ന്യൂടൈപ്പ് മിഡിൽ സ്കുൂളായി തുടർന്ന് മലയാളം സ്കുൂൾ, സംസ്കൃതം സ്കുൂൾ എന്നിങ്ങനെ പേരുമാറ്റം സംഭവിച്ച് ഇന്നത്തെ മണ്ണാറശാല യു.പി സ്കുൂളായി നിലകൊള്ളുന്നു. ഈ നാടിൻറെ തിലകക്കുറിയായി നിലകൊണ്ട് കേരളത്തിൻറെ വിവധ ഭാഗങ്ങളിൽ നിന്നും വിദ്യാർത്ഥികൾ ഇവിടേക്കെത്തിയിരുന്നു.

നാഗദൈവങ്ങളാണ് ഇവിടെ കുടികൊള്ളുന്നത്. വാസുകിയും സർപ്പയക്ഷിയുമാണ് മുഖ്യ പ്രതിഷ്ഠകൾ. നിലവറയിൽ അനന്തൻ കുടികൊള്ളുന്നു. ക്ഷേത്രത്തിലെ പ്രധാന പൂജകൾ ചെയ്യുന്നത് മണ്ണാറശാല അമ്മയാണ്. ഈ ക്ഷേത്രത്തിലെ പ്രധാന വഴിപാടാണ് ഉരുളി കമിഴ്ത്തൽ. സർപ്പദോഷങ്ങൾ അകറ്റാൻ ഭക്തർ ഇവിടെയെത്തി പ്രാർത്ഥിക്കുന്നു.