"ജി.യു.പി.എസ് മുഴക്കുന്ന്/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

പരിസ്ഥിതി സംരക്ഷണ പ്രവർത്തനങ്ങളിൽ മുഴക്കുന്ന് ഗവൺമെൻറ് യുപി സ്കൂളിൻറെ വളരെ ശ്രദ്ധേയമായ ഒരു പ്രവർത്തനമായിരുന്നു ഒരു ജൈവ വൈവിധ്യ പതിപ്പിന്റെ നിർമ്മാണം. സ്കൂൾ പരിസ്ഥിതി ക്ലബ്, അന്നത്തെ ഹെഡ്മിസ്ട്രസ് ശ്രീമതി സനില് ടീച്ചർ, അബ്ദുൾ ബഷീർ മാസ്റ്റർ , പരിസ്ഥിതി ക്ലബ്ബ് കൺവീനർ ശ്രീ സുരേശൻ ചാത്തോത്ത് മാസ്റ്റർ എന്നവരുടെ സംയോജിതമായ പ്രവർത്തനത്തിന്റെ  ഫലമായി നമുക്കു ചുറ്റിനുമുള്ള എന്നാൽ പേരും ഗുണങ്ങളും അറിയപ്പെടാതെ പോകുന്ന ഔഷധസസ്യങ്ങളുടെ ഒരു സമഗ്രമായ പഠനം യാഥാർത്ഥ്യമായി... നമുക്കു ചുറ്റുമുള്ള പ്രകൃതിയിലെ പ്രത്യേകിച്ചും നമ്മുടെ പറമ്പിലും ചുറ്റുപാടുമുള്ള ഔഷധ സസ്യങ്ങളെ കുറിച്ചുള്ള സാധ്യമായ ഒരു പഠനമായിരുന്നു ഉദ്ദേശിച്ചത്...

       ശ്രീ സുരേശൻ ചാത്തോത്ത് മാസ്റ്ററുടെ ശ്രമഫലമായി നമുക്കു ചുറ്റിലുമുള്ള നാല്പതിലധികം സസ്യങ്ങളുടെ ഔഷധഗുണങ്ങൾ വിവിധ സ്രോതസ്സുകളുടെ സഹായത്തോടെ അദ്ദേഹം എഴുതി തയ്യാറാക്കി... ഇങ്ങനെ തയ്യാറാക്കിയ ലേഖനങ്ങൾ എല്ലാം കമ്പ്യൂട്ടറിൽ ഡിടിപി ചെയ്ത് പ്രിൻറ് എടുത്തു... പിന്നീട് ഇവയെല്ലാം കൂട്ടിച്ചേർത്ത് മനോഹരമായ കവർ പേജുകൾ നൽകി മികച്ച ഒരു പുസ്തകം ആക്കി മാറ്റി... ചെറിയ അന്വേഷണങ്ങൾക്കൊടുവിൽ അഘോരി എന്ന പേര് എഡിറ്റോറിയൽ ബോർഡ് അംഗീകരിച്ച്  ഈ പതിപ്പിൽ ചേർത്തു...