ജി എൽ പി എസ് കല്ലുകേണി/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

വയനാട് ജില്ലയിലെ വൈത്തിരി ഉപജില്ലയിൽ ഉൾപ്പെടുന്ന പൊതുവിദ്യാലയമാണ് കല്ലിക്കെണി ഗവ.എൽ.പി.സ്കൂൾ

തമിഴ്നാട് അതിർത്തി പ്രദേശമായ കല്ലിക്കെണിയിലെ സ്കൂളിന്റെ രൂപീകരണം ഇവിടുത്തെ ജനങ്ങളുടെ ഒറ്റക്കെട്ടായ പരിശ്രമത്തിന്റെ ഫലമാണ്.നിലമ്പൂർ കോവിലകം വക 56 ഏക്കർ സ്ഥലം 1952-ൽ മുൻ പ്രധാനമന്ത്രി പണ്ഡിറ്റ് ജവഹർലാൽ നെഹ്റുവിന് ദാനം കൊടുക്കുകയും ഇത് അദ്ദേഹം ഹരിജനങ്ങൾക്ക് ദാനം കൊടുക്കുകയും ചെയ്തു. ഇൗ 56 ഏക്കറിൽ ഒരേക്ക‍ർ സ്കൂളിനു വേണ്ടി നീക്കി വെച്ചതുമാണ്.ഇവിടെ ഒരു എൽ.പി.സ്കൂൾ വേണമെന്ന ജനങ്ങളുടെ ആവശ്യം പരിഗണിച്ച് 1982-83 കാലയളവിൽ മേപ്പാടി പഞ്ചായത്തിന്റെ സൊലൂഷന്റെ അടിസ്ഥാനത്തിൽ സർക്കാർ സ്കൂൾ അനുവദിക്കാമെന്നും അതിനായി ഒരു ജനകീയ കമ്മിറ്റിക്ക് രൂപം കൊടുക്കുകയും ചെയ്തു.

ജനകീയ കമ്മിറ്റിയുടെ വളരെക്കാലത്തെ ശ്രമഫലമായി DPEP മുഖേന സർക്കാർ അനുവദിച്ച കല്ലിക്കെണി ഗവ.എൽ.പി.സ്കൂൾ 1999-ൽ രൂപീകൃതമായി. 1999 നവംബർ മാസം 15 ന് ബഹുമാനപ്പെട്ട കേരളാ വിദ്യാഭ്യാസ പൊതുമരാമത്ത് വകുപ്പ് മന്ത്രി ശ്രീ.പി ജെ.ജോസഫ്,കല്ലിക്കെണി ഗവ.എൽ.പി.സ്കൂളിന്റെ ഉദ്ഘാടന കർമ്മം നിർവഹിക്കുകയും ശ്രീ.കെ.കെ.രാമചന്ദ്രൻ മാസ്റ്റർ എം.എൽ.എ ഉദ്ഘാടന ചടങ്ങിൽ അദ്ധ്യക്ഷത വഹിക്കുകയും ചെയ്തു.

1999-ൽ ഈ വിദ്യാലയം ആരംഭിക്കുമ്പോൾ 23 കുട്ടികളാണ് അഡ്മിഷൻ നേടിയത്. 2020-2021 അധ്യയന വർഷം പ്രീ-പ്രൈമറി ആരംഭിക്കുകയും,2021-2022 അധ്യയന വർഷം പ്രീ-പ്രൈമറി ഉൾപ്പെടെ 58 കുട്ടികൾ ഇവിടെ പഠിക്കുന്നുണ്ട്.