"സേക്രഡ് ഹാർട്ട് യു പി എസ് ഉള്ളനാട്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== ചരിത്രം ==

ഭരണങ്ങാനം പ‍‍ഞ്ചായത്തിലെ മൂന്നു വാർഡുകൾ ഉൾക്കൊളളുന്നതും വിസ്ത്രുതവുമായ കരയാണ് ഉളളനാട്.കാർഷികവ്യത്തിയിൽ എർപ്പെട്ടിരിക്കുന്ന ഇവിടുത്തെ ജനങ്ങൾക്ക് കഴിഞ്ഞ നൂറ്റാണ്ടിൽ തങ്ങളുടെ കുട്ടികളെ വിദ്യാഭ്യാസത്തിന് അയയ്ക്കുവാൻ ഏക അവലംബം കുടിപ്പളളിക്കൂടങ്ങൾ അഥവാ ആശാൻ കളരികൾ മാത്രമായിരുന്നു.ആശാന്മാരുടെ കീഴിൽ കുട്ടികൾ ഭാഷയും കണക്കും നീതിസാരവും മറ്റും പഠിക്കുകയും പ്രായോഗികജീവിതത്തിനു സജ്ജരാവുകയും ചെയ്തിരുന്നു. എങ്കിലും ഇത്തരം കുടിപ്പളളിക്കൂടങ്ങൾക്ക് പല പരിമിതികളും ഉണ്ടായിരുന്നു. ഉന്നതവിദ്യാഭ്യാസത്തിനുളള സൗകര്യമോ അതിനുളള സാഹചര്യമോ ഇവിടെ ലഭിച്ചിരുന്നില്ല. ഈ സാഹചര്യത്തിലാണ് വിദ്യാലയങ്ങൾ സ്ഥാപിക്കേണ്ടതിൻെറ ആവശ്യകതയെപ്പറ്റി ജനങ്ങൾ ബോധവാന്മാരായത്.[[സേക്രഡ് ഹാർട്ട് യു പി എസ് ഉള്ളനാട്/ചരിത്രം|കൂടുതൽ ചരിത്രം വായിക്കാം]]  

           1934-ൽ ഉളളനാടുപളളിയിൽ അസി.വികാരിയായി നിയമിതനായ റവ.ഫാ.സിറിയക്ക് മുതുകാട്ടിൽ അവറുകളുടെ കാലത്ത് ഉളളനാട് നോർത്ത് പ്രൈമറി സ്കൂൾ പളളി എറ്റെടുക്കുകയും ഇപ്പോഴത്തെ സ്ഥലത്തേക്ക് പുതിയ കെട്ടിടം പണിത് മാറ്റി സ്ഥാപിക്കുകയും ഒന്നു മുതൽ നാലുവരെ ക്ലാസ്സുകൾ ആരംഭിക്കുകയും ചെയ്തു. സ്കുളിൻെറ ആരംഭകാലത്ത് സ്ഥലവാസികളായ അധ്യാപകരെ ലഭിച്ചിരുന്നില്ല.എറ്റുമാനൂർ,കുടമാളൂർ,കോട്ടയം,കാണക്കാരി,അയ്മനം തുടങ്ങിയ സ്ഥലങ്ങളിൽനിന്നുമുളള അധ്യാപകരാണ് ഇവിടെ പഠിപ്പിച്ചിരുന്നത്. ഗവൺമെൻറിൽ നിന്നും ലഭിച്ചിരുന്ന തുച്ഛമായ ഗ്രാൻറും മനേജുമെൻറിൽ നിന്നും ലഭിച്ചിരുന്ന അലവൻസും വാങ്ങി ദൂരസ്ഥലങ്ങളിൽനിന്നും വളരെ ത്യാഗം സഹിച്ച് ഇവിടെ വന്നു താമസിച്ച് അർപ്പണമനോഭാവത്തോടെ സ്തുത്യർഹമായ സേവനം അനുഷ്ഠിച്ചിരുന്ന ആ വന്ദ്യഗുരുജനങ്ങളെ നന്ദിയോടെ സ്മരിക്കുന്നു.  

       ഏകദേശം ഒരു നൂറ്റാണ്ടുകാലമായി നാടിൻെറ മക്കൾക്കുവേണ്ടി വ ‍ജ്ഞാനത്തിൻെറ വെളിച്ചം പകർന്നുകൊണ്ടിരിക്കുന്ന ഉളളനാട് നോർത്ത് പ്രൈമറി സ്കൂളാണ് ഇന്ന് സേക്രട്ട് ഹാർട്ട് യു.പി.സ്കുളായി തലയുയർത്തിനിൽക്കുന്നത്. എൽ.പി സ്കുൾ യു.പി സ്കുളായി ഉയർത്തിക്കിട്ടുന്നതിനുളളശ്രമങ്ങൾ വളരെ നേരത്തെ അരംഭിച്ചിരുന്നെങ്കിലും ഫലപ്രാപ്തിയിൽ എത്തിയില്ല. റവ.ഫാ.അബ്രാഹം ചന്ദ്രൻകുന്നേൽ പളളിവികാരിയായിരുന്നപ്പോൾയു.പി.സ്കുൾ അനുവദിക്കാനുളള ശ്രമം വീണ്ടും ആരംഭിക്കുകയും ശ്രീമാന്മാരായ എ.വി.വർക്കി ഐക്കരക്കുന്നേൽ ,എം.എം.ജോസഫ് മുളക്കുന്നത്ത്,വി.ഒ.ഔസേപ്പ് വട്ടപ്പലത്ത്,കെ.എം.ദേവസ്യാ കളപ്പുരയ്ക്കൽ എന്നിവരെ കമ്മറ്റിയംഗങ്ങളായി തെരഞ്ഞെടുക്കുകയും ചെയ്തു.അന്നത്തെ പൂഞ്ഞാർ എം.എൽ.എ ബഹു.റ്റി.എ.തൊമ്മൻ അവറുകളുടെ സഹകരണത്തോടെയുളള ശ്രമഫലമായി      1962  -ൽ ഉളളനാട് നോർത്ത് എൽ.പി സ്കുൾ യു.പി.സ്കുുളായി അപ്ഗ്രേഡ് ചെയ്ത് ഗവൺമെൻറിൽ നിന്നും ഉത്തരവ് ലഭിക്കുകയും ആറാം സ്റ്റാൻഡേർഡ് ആരംഭിക്കുകയും ചെയ്തു.തുടർന്ന് ലികാരിയായി സ്ഥലംമാറിവന്ന റവ.ഫാ.ആഗസ്റ്റിൻ താമരശ്ശേരി പുതിയ കെട്ടിടം പണിക്ക് നേത്യത്വം നൽകി. പണിപൂർത്തികരിക്കുന്നതിനു മുമ്പ് അദ്ദേഹം സ്ഥലം മാറിപ്പോവുകയും റവ.ഫാ.തോമസ് മേൽവട്ടം അവർകൾ വികാരിയായി ചാർജ്ജെടുക്കുകയും ചെയ്തു. അദ്ദേഹത്തിൻെറ ത്യാഗപൂർണ്ണവും നിസ്വാർത്ഥവുമായ പരിശ്രമത്തിൻെറ ഫലമാണ് ഇന്നു കാണുന്ന മനോഹരമായ യു.പി.സ്കുൾ കെട്ടിടം