"ഗവ. എച്ച്.എസ്.എസ്. മുളംതുരുത്തി/അക്ഷരവൃക്ഷം/മഹാമാരിയെ അതിജീവിക്കാൻ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കഴിഞ്ഞ കുറേ വർഷങ്ങളായി ഡെങ്കിപ്പനി നിപ്പ എമ്പോള എന്നിങ്ങനെ നിരവധി പകർച്ചവ്യാധികൾ നമ്മെ അലട്ടിക്കൊണ്ടിരിക്കുകയാണ്.ഇതാ ഈ വർഷം കോവിഡും. ഈ പശ്ചാത്തലത്തിൽ വ്യക്തിശുചിത്വം പരിസരശുചിത്വം രോഗപ്രതിരോധം എന്ന വിഷയത്തിനു ഉള്ള പ്രാധാന്യം വളരെ വലുതാണ്.

ആരോഗ്യ അവസ്ഥ ശുചിത്വ അവസ്ഥയുമായി അഭേദ്യമായി ബന്ധപ്പെട്ട് കിടക്കുന്നു. ആരോഗ്യ വിദ്യാഭ്യാസ മേഖലകളിൽ ഏറെ മുൻപന്തിയിൽ നിൽക്കുന്നു  എന്ന് അവകാശപ്പെടുമ്പോഴും ശുചിത്വത്തിന് കാര്യത്തിൽ നാം പുറകിൽ ആണെന്ന് നമുക്ക് തന്നെ അറിയാം. വ്യക്തി ശുചിത്വം ഏറെ പ്രാധാന്യം കല്പിക്കുന്ന മലയാളി പരിസരശുചിത്വം പൊതു ശുചിത്വത്തിനും യാതൊരു പ്രാധാന്യവും നൽകാറില്ല. അത് നമ്മുടെ കാഴ്ചപ്പാടിന്റെ പ്രശ്നമാണ്.

ആരും കാണാതെ മാലിന്യം നിരത്തുവക്കിലിടുന്ന ,സ്വന്തം വീട്ടിലെ മാലിന്യം അയൽക്കാരന്റെ പറമ്പിലേക്ക് ഏറിയുന്ന ,സ്വന്തം വീട്ടിലെ അഴുക്ക് ജലം രഹസ്യമായി  ഓടയിലേക്കൊഴുക്കുന്ന മലയാളി തന്റെ കപട സാംസ്കാരിക മൂല്യബോധത്തിന്റെ തെളിവ് പ്രകടിപ്പിക്കുകയല്ലേ ചെയ്യുന്നത്.ആവർത്തിച്ച് വരുന്ന പകർച്ച വ്യാധികൾ നമ്മുടെ ശുചിത്വ മില്ലായ്മയ്ക്ക് കിട്ടുന്ന പ്രതിഫലമാണെന്ന് നാം തിരിച്ചറിയാറില്ല .മാലിന്യ കൂമ്പാരങ്ങളും ദുർഗന്ധം വമിക്കുന്ന പാതയോരങ്ങളും വ്യത്തിഹീനമായ പൊതുസ്ഥലങ്ങളും ഗ്രാമനഗര വ്യത്യാസമില്ലാതെ നമ്മളെ നോക്കി പല്ലിളിക്കുന്നു. മാലിന്യങ്ങൾ എന്തുചെയ്യണമെന്നറിയാതെ അധികൃതർ വട്ടംതിരിയുന്നു .ഇതിന്റെ പേരിൽ സംഘർഷങ്ങൾ ഉടലെടുക്കുന്നു, കോടതി ഇടപെടുന്നു . എന്നിട്ടും പ്രശ്നം പ്രശ്നമായി തന്നെ തുടരുന്നു. ശുചിത്വം വേണം എന്ന് എല്ലാവർക്കും അറിയാം എന്നിട്ടും ശുചിത്വമില്ലാതെ നാം ജീവിക്കുന്നു.

ഇതുപോലെ വ്യക്തികൾ സ്വയമായി പാലിക്കേണ്ട അനവധി ആരോഗ്യശീലങ്ങൾ ഉണ്ട്. അവ കൃത്യമായി പാലിച്ചാൽ പകർച്ചവ്യാധികളെയും ജീവിതശൈലീരോഗങ്ങളും ഒഴിവാക്കാൻ കഴിയും

കൂടെക്കൂടെ ഭക്ഷണത്തിനു മുൻപും പിൻപും കൈകൾ നന്നായി സോപ്പിട്ട് കഴുകുക

പൊതുസ്ഥലസമ്പർക്കത്തിന് ശേഷം നിർബന്ധമായും കൈകൾ സോപ്പിട്ട് കഴികേണ്ടതാണ്.