കെ.എം.എം.എ.യു.പി.എസ് ചെറുകോട്/പ്രവർത്തനങ്ങൾ/2025-26

അനുമോദന യോഗം

2025-26 അധ്യയന വർഷത്തെ ആദ്യ PTA ജനറൽ ബോഡി യോഗവും LSSluss വിജയികൾക്കുള്ള അനുമോദന യോഗവും സ്കൂൾ ഓഡിറ്റോറിയത്തിൽ 30.5.25 വെള്ളിയാഴ്ച നടന്നു. യോഗത്തിൽ PTA പ്രസിഡൻ്റ് ഹാരിസ് യു.MTA പ്രസിഡൻ്റ് സ്മിത സ്കൂൾ മാനേജ്മെൻ്റ് പ്രതിനിധി ഗ്രാമീൺ ബാങ്ക് ജീവനക്കാർ എന്നിവർ പങ്കെടുത്തു. സ്കൂൾ മുഖേന ബാങ്ക് അക്കൗണ്ടിന് അപേക്ഷ സമർപ്പിച്ച കുട്ടികൾക്കുള്ള ബാങ്ക് അക്കൗണ്ടിൻ്റെ പാസ്ബുക്ക് വിതരണവും യോഗത്തിൽ നടന്നു. എൽ.എസ്.എസ്. യു.എസ്.എസ്. വിജയികൾക്കുള്ള സമ്മാന വിതരണത്തിനു ശേഷം കുട്ടികളുടെ മറുപടി പ്രസംഗവുമുണ്ടായിരുന്നു.ജുനൈദ് മാസ്റ്റർ നന്ദി പറഞ്ഞതോടെ യോഗം അവസാനിച്ചു.

സ്കൂൾ സൗന്ദര്യം വൽക്കരണത്തിന് തുടക്കം കുറിച്ചു പരിസ്ഥിതി ദിന പ്രവർത്തനം.

• 
• 
• 
• 

ചെറുകോട് കെ എം എം എ യു പി സ്കൂളിൽ പരിസ്ഥിതി ദിന പ്രത്യേക അസംബ്ളിയിൽ സ്കൂൾ സൗന്ദര്യം വൽക്കരണത്തിന് തുടക്കം കുറിച്ചു.എല്ലാ ക്ലാസ്സുകളിലേക്കും ചെടി ചട്ടിയും പയറും വിതരണം ചെയ്യുന്നതിൻറെ ഭാഗമായി നാലാം ക്ലാസിലെക്കുള്ള ചെടി ചട്ടിയും പയറും സീനിയർ അദ്ധ്യാപിക എം.ബീന പ്രധാന അദ്ധ്യാപകൻ എം.മുജീബ് മാസ്റ്ററിൽ നിന്ന് ഏറ്റുവാങ്ങി.ഹരിത ക്ളബ് കോഡിനേറ്റർ കെ.വി.സിന്ധു കുട്ടികൾക്ക് പരിസ്ഥിതി ദിന പ്രതിജ്ഞ ചൊല്ലിക്കൊടുത്തു.തുടർന്ന് പ്രധാന അദ്ധ്യാപകൻറ അധ്യക്ഷതയിൽ പി.ടി.എ.പ്രസിഡൻറ് യു.ഹാരിസ് ബാബു ഹരിത ക്ലബ്ബ് ഉത്ഘാടനം ചെയ്തു.ഉപയോഗം കഴിഞ്ഞ പേനകൾ*എഴുതി തീർന്ന മധുരം* ഉദ്ഘാടനവും നടത്തി.പത്ത് എഴുതി തീർന്ന പേനകൾ നൽകിയാൽ ഒരു പുതിയ പേന നൽകുമെന്ന് കോഡിനേറ്റർ വാഗ്ദാനം നൽകി.ചടങ്ങിൽ കുട്ടികൾക്ക് വീട്ടിലൊരു പച്ചക്കറിത്തോട്ടം പദ്ധതിക്ക് തുടക്കം കുറിച്ചു കൊണ്ട് പച്ചക്കറി വിത്തുകൾ തൈകൾ വിതരണം ചെയ്യുകയും മികച്ച കൃഷി നടത്തുന്നവർക്ക് പി.ടിഎ പ്രസിഡന്റ്, ഹരിത ക്ലബ്ബ് കോഡിനേറ്റർ സമ്മാനം വാഗ്ദാനം ചെയ്തു.സ്ക്കൂളിലേ എല്ലാ ക്ലാസിലേക്കു ചെടി ചട്ടിയും ചെടികളും വിതരണം ചെയ്യുകയും, പരിസ്ഥിതി ദിന ക്ളാസ് സ്റ്റാഫ് സെക്രട്ടറി മുഹമ്മദ് ജുനൈദ് മാസ്റ്റർ വളരെ നന്നായി നൽകി.അഭിജിത്ത്, ജാബിർ എന്നിവർ ആശംസകൾ നേർന്നു സംസാരിച്ചു.

തുടർന്ന് കുട്ടികൾക്ക് പരിസ്ഥിതി ദിന ക്വിസ് മത്സരം സംഘടിപ്പിച്ചു.വിജയികൾക്ക് സമ്മാനം വിതരണം ചെയ്യ്തു.

എഴുതി തീർന്ന മധുരം പദ്ധതിയിൽ ആദ്യത്തെ ദിവസം തന്നെ 50പേന നിക്ഷേപിച്ചു ശാദുലി.എ.5പുതിയ പേനകൾ കരസ്ഥമാക്കി.പരിസ്ഥിതി ദിന പോസ്റ്റർ രചന മത്സരം ക്ലാസ്സ് തലത്തിൽ നടത്തി.

ജപ്പാൻ മസ്‌തിഷ്ക ജ്വരം -പ്രതിരോധ കുത്തിവെപ്പ്

16/01/26,19/01/26

ജപ്പാൻ മസ്‌തിഷ്ക ജ്വരത്തിനെതിരെയുള്ള കുത്തി വെപ്പ് സ്കൂളിൽ നടത്തി. 160 ഓളം കുട്ടികൾ ആണ് കുത്തിവെപ്പ് എടുത്തത്.

പഠനയാത്ര- മൂന്നാം ക്ലാസ്സ്

ചെറുകോട് കെ എം എം എ യു പി സ്കൂളിലെ 2025- 26 അധ്യായ വർഷത്തിലെ മൂന്നാം ക്ലാസിൻ്റെ പഠനയാത്ര കോഴിക്കോട്ടിലേക്ക് ആയിരുന്നു .2026 ജനുവരി 24ന് 57 കുട്ടികളും 6 അധ്യാപകരും ആസ്വാദ്യകരമായ പഠനയാത്ര നടത്തി . പ്ലാനറ്റോറിയം, പാർക്ക്, ബീച്ച് എന്നിവ സന്ദർശിച്ചു.

മെഹന്ദി ഫെസ്റ്റ്

മൈലാഞ്ചിമൊഞ്ച് മെഹന്തിഫെസ്റ്റ് 2K25: കെ.എം.എം.എ. യു.പി. സ്കൂളിൽ വർണാഭമായ ആഘോഷം---

2025 ജൂൺ 5-ന് വ്യാഴാഴ്ച ഉച്ചയ്ക്ക് 2 മണിക്ക് കെ.എം.എം.എ. യു.പി. സ്കൂളിൽ അലിഫ് ക്ലബ്ബിന്റെ ആഭിമുഖ്യത്തിൽ *"മൈലാഞ്ചിമൊഞ്ച് മെഹന്തിഫെസ്റ്റ് 2K25"* വിജയകരമായി സംഘടിപ്പിച്ചു. ബലിപെരുന്നാളിനോടനുബന്ധിച്ച് നടത്തിയ ഈ പരിപാടിയിൽ നൂറുകണക്കിന് വിദ്യാർത്ഥികൾ പങ്കെടുത്തത് ശ്രദ്ധേയമായി.

• 
• 

ലഹരി വിരുദ്ധ ദിനാചരണം

26/06/2025)

സോഷ്യൽ സയൻസ് ക്ലബ്

ലോക ലഹരി വിരുദ്ധ ദിനവുമായി ബന്ധപ്പെട്ട്KMM AUPS സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ ലഹരി വിരുദ്ധ പോസ്റ്റർ പ്രദർശനവും യുപി തലത്തിൽ ലഹരി വിരുദ്ധ പ്രസംഗമത്സരവും നടത്തി. വിവിധ ക്ലാസുകളിൽ വിദ്യാർത്ഥികൾ തയ്യാറാക്കി കൊണ്ടുവന്ന നിരവധി ലഹരി വിരുദ്ധ പോസ്റ്ററുകൾ പോസ്റ്ററുകൾ ഓഫീസിന് മുൻവശത്തായി പ്രദർശിപ്പിച്ചു. യുപി തലത്തിൽ നടത്തിയ പ്രസംഗം മത്സരത്തിൽ 5,6,7 ക്ലാസുകളിൽ നിന്നായി 15 ൽ അധികം വിദ്യാർത്ഥികൾ പങ്കെടുക്കുകയും  സനാഹ്  7D,

ഫാത്തിമ ദിൽഫ 5E,

ഫിദ 6F എന്നീ വിദ്യാർത്ഥികൾ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടുകയും ചെയ്തു

ദന്തരോഗ നിർണ്ണയ ക്യാമ്പും ബോധവൽക്കരണ ക്ലാസുകളും- B+  സമഗ്രാരോഗ്യ പദ്ധതി

11/09/25,12/09/25

B+  സമഗ്രാരോഗ്യ പദ്ധതിയുടെ ഭാഗമായി വിദ്യാർത്ഥികൾക്കും രക്ഷിതാക്കൾക്കും ദന്തരോഗ നിർണയ ക്യാമ്പും ബോധവൽക്കരണ ക്ലാസും നടത്തി. സ്കൂളിലെ മുഴുവൻ കുട്ടികളും ക്യാമ്പിൽ പങ്കെടുത്തു അധ്യാപകർ രക്ഷിതാക്കൾ എന്നിവരും ക്യാമ്പിന്റെ ഭാഗമായി.ഓറൽ ഹെൽത്തിനെ കുറിച്ച് നല്ലൊരു ബോധവൽക്കരണം നടത്തി.

ഭിന്നശേഷി ദിനം

ഡിസംബർ 3 ലോക ഭിന്ന ശേഷി ദിനാചരണത്തിന്റെ ഭാഗമായി നമ്മുടെ സ്കൂളിൽ വെച്ചു നടന്ന പ്രവർത്തനങ്ങൾ.

ഭിന്ന ശേഷി കുട്ടികൾ ക്കായി കളറിങ് മത്സരം നടത്തി. . പോസ്റ്റർ രചന മത്സരം

ബഡ്സ് സ്കൂൾ സന്ദർശനം നടത്തി

04/12/25

ഭിന്നശേഷി ദിനവുമായി ബന്ധപ്പെട്ട് ഡിസംബർ 4 സോഷ്യൽ സയൻസ് ക്ലബ്ബിന്റെ നേതൃത്വത്തിൽ ചെറുകോട് ബഡ്‌സ് സ്കൂൾ സന്ദർശനം നടത്തി. സോഷ്യൽ സയൻസ്  കൺവീനർ ഉനൈസ് ടി പി സ്വാഗതം  ആശംസിച്ച ചടങ്ങിൽ പ്രകാശ് മാഷ്, ആയിഷ ടീച്ചർ,ജസീന ടീച്ചർ, അനഘ ടീച്ചർ എന്നിവർ സംസാരിച്ചു.ശേഷം വിദ്യാർത്ഥികൾ വിവിധ കലാപരിപാടികൾ അവതരിപ്പിച്ചു.മധുരപലഹാരം, ഉച്ച ഭക്ഷണം,ചെറിയ സമ്മാനം എന്നിവ വിതരണം ചെയ്തശേഷം ഷമീർ മാഷ് നന്ദി ആശംസിച്ചു.  റൈഹാന ടീച്ചർ ലത്തീഫ് മാഷ്, ജാബിർ മാഷ് എന്നിവർ പങ്കെടുത്തു.

ഫുട്ബോൾ ടൂർണമെന്റ്  2025-26

മൂന്നാം ക്ലാസ്സ്‌ മുതൽ ഏഴാം ക്ലാസ്സ്‌ വരെയുള്ള കുട്ടികൾക്ക് ഫുട്ബോൾ ടൂർണമെന്റ് നടത്തി. 2026 ജനുവരി 15-ന് എൻ മുജീബ് റഹ്മാൻ മാസ്റ്റർ കിക്ക് ഓഫ് കർമ്മം നിർവഹിച്ചതോടെയാണ് മത്സരങ്ങൾക്ക് ഔദ്യോഗികമായി തുടക്കമായത്.യു.പി വിഭാഗം അഞ്ചാം ക്ലാസ്സിലെ ഗ്രൂപ്പ് ഘട്ട മത്സരങ്ങൾ ജനുവരി 15-ന് നടന്നു. ആദ്യ മത്സരത്തിൽ 5 A-യെ പരാജയപ്പെടുത്തി 5 B വിജയികളായി. രണ്ടാം മത്സരത്തിൽ 5 F-നെ തോൽപ്പിച്ച് 5 E ഗ്രൂപ്പ് ഘട്ടത്തിൽ മുന്നേറി. മൂന്നാം മത്സരത്തിൽ 5 D-യോട് പൊരുതി 5 C വിജയം കൈവരിച്ചു.ജനുവരി 16-ന് എൽ.പി വിഭാഗത്തിന്റെ ഗ്രൂപ്പ് ഘട്ട മത്സരങ്ങൾ നടന്നു. മൂന്നാം ക്ലാസ്സിലെ മത്സരങ്ങളിൽ 3 B-ക്കെതിരെ 3 C വിജയിച്ചു. കൂടാതെ 3 B-യും 3 A-യും തമ്മിലുള്ള പോരാട്ടവും അന്ന് നടന്നു. നാലാം ക്ലാസ്സിലെ മത്സരങ്ങളിൽ 4 C-യെ പരാജയപ്പെടുത്തി 4 B-യും, 4 A-യെ പരാജയപ്പെടുത്തി 4 C-യും മികച്ച പ്രകടനം കാഴ്ചവെച്ചു. ഈ പ്രകടനങ്ങളുടെ അടിസ്ഥാനത്തിൽ 3 C, 3 A, 4 B, 4 C എന്നീ ടീമുകൾ ഫൈനൽ ഘട്ടത്തിലേക്ക് തിരഞ്ഞെടുക്കപ്പെട്ടു.ടൂർണമെന്റിന്റെ ആവേശകരമായ ഫൈനൽ മത്സരങ്ങൾ ജനുവരി 27-ന് നടന്നു. യു.പി വിഭാഗത്തിൽ അഞ്ചാം ക്ലാസ്സിൽ 5 B-യെ പരാജയപ്പെടുത്തി 5 C ജേതാക്കളായി. ആറാം ക്ലാസ്സിൽ 6 B-യെ തോൽപ്പിച്ച് 6 E കപ്പ് സ്വന്തമാക്കി. ഏഴാം ക്ലാസ്സിലെ വാശിയേറിയ പോരാട്ടത്തിൽ 7 E-യെ പിന്തള്ളി 7 H വിജയികളായി മാറി.എൽ.പി വിഭാഗത്തിലെ ഫൈനൽ പോരാട്ടങ്ങളിൽ രണ്ടാം ക്ലാസ്സിൽ 2 B-യെ പരാജയപ്പെടുത്തി 2 C വിജയിച്ചു. മൂന്നാം ക്ലാസ്സിലെ ഫൈനലിൽ 3 A-യെ തോൽപ്പിച്ച് 3 C കിരീടം നേടി. നാലാം ക്ലാസ്സിലെ അവസാന മത്സരത്തിൽ 4 B-യെ പരാജയപ്പെടുത്തി 4 C വിജയകിരീടം ചൂടി. സ്കൂളിലെ കായിക അധ്യാപകരുടെയും മറ്റ് സ്റ്റാഫുകളുടെയും പൂർണ്ണ സഹകരണത്തോടെ ടൂർണമെന്റ് വിജയകരമായി സമാപിച്ചു.

വെണ്ണിലാവ് ചിൽഡ്രൻസ് പാർക്ക് ഉദ്ഘാടനവും അഡ്മിഷൻ ഫെസ്റ്റും

കെ.എം.എം.എ.യു.പി സ്‌കൂൾ, ചെറുകോട് പ്രീ-പ്രൈമറി വിഭാഗം വിദ്യാർത്ഥികൾക്കായി ഒരുക്കിയ 'വെണ്ണിലാവ് ചിൽഡ്രൻസ് പാർക്കിന്റെ' ഉദ്ഘാടനവും ഈ വർഷത്തെ അഡ്മിഷൻ ഫെസ്റ്റും അതീവ പ്രൗഢിയോടെ ആഘോഷിച്ചു. കുട്ടികളുടെ ശാരീരികവും മാനസികവുമായ വളർച്ചയ്ക്ക് ഉതകുന്ന രീതിയിൽ ആധുനികമായ സൗകര്യങ്ങളോടെയാണ് പാർക്ക് സജ്ജീകരിച്ചിരിക്കുന്നത്.

ഉദ്ഘാടന ചടങ്ങ്

2026 ഫെബ്രുവരി 10 ചൊവ്വാഴ്ച ഉച്ചയ്ക്ക് 1:30-ന് സ്‌കൂൾ അങ്കണത്തിൽ വെച്ച് ചടങ്ങുകൾ ആരംഭിച്ചു. പോരൂർ ഗ്രാമപഞ്ചായത്ത് പ്രസിഡന്റ് ശ്രീമതി കെ.കെ പുഷ്പവല്ലി ചിൽഡ്രൻസ് പാർക്കിന്റെ ഔദ്യോഗിക ഉദ്ഘാടനം നിർവ്വഹിച്ചു. വിദ്യാഭ്യാസത്തിലൂടെയുള്ള വളർച്ചയ്‌ക്കൊപ്പം കളികളിലൂടെയുള്ള വിനോദങ്ങൾക്കും കുട്ടികളുടെ ജീവിതത്തിൽ വലിയ പ്രാധാന്യമുണ്ടെന്ന് ഉദ്ഘാടന പ്രസംഗത്തിൽ അവർ ഓർമ്മിപ്പിച്ചു.സ്‌കൂൾ മാനേജ്‌മെന്റ്, അധ്യാപകർ എന്നിവരുടെ നേതൃത്വത്തിൽ നടന്ന ചടങ്ങിൽ പി.ടി.എ (PTA), എം.ടി.എ (MTA) അംഗങ്ങൾ സജീവമായി പങ്കെടുത്തു. രക്ഷിതാക്കളുടെയും അധ്യാപകരുടെയും ഒത്തൊരുമിച്ചുള്ള പ്രവർത്തനം ചടങ്ങിന്റെ വിജയത്തിന് മാറ്റുകൂട്ടി.

അഡ്മിഷൻ ഫെസ്റ്റ്

പാർക്ക് ഉദ്ഘാടനത്തോടൊപ്പം തന്നെ പുതിയ അധ്യയന വർഷത്തേക്കുള്ള പ്രവേശനോത്സവവും (അഡ്മിഷൻ ഫെസ്റ്റ്) വിപുലമായി സംഘടിപ്പിച്ചു. പുഞ്ചിരിയോടെയും ആവേശത്തോടെയും ഒട്ടനവധി കൊച്ചു കുട്ടികൾ പുതിയ അധ്യയന വർഷത്തിലേക്ക് ചുവടുവെച്ചു. പ്രീ-പ്രൈമറി കുട്ടികൾക്ക് സ്‌കൂൾ അന്തരീക്ഷം കൂടുതൽ പ്രിയങ്കരമാക്കാൻ ഈ പുതിയ ചിൽഡ്രൻസ് പാർക്ക് സഹായിക്കുമെന്ന് ചടങ്ങിൽ പങ്കെടുത്തവർ അഭിപ്രായപ്പെട്ടു.

‘വാർഷികോത്സവ്' 2026

11/02/2026

2025-26 വാർഷിക പരിപാടികളുമായി ബന്ധപ്പെട്ട് രക്ഷിതാക്കൾക്കായി വിവിധ പരിപാടികൾ നടത്തി.

പഠനയാത്ര

ചെറുകോട് കെ.എം.എം.എ.യു.പി സ്കൂളിലെ 2025 26 അധ്യായ വർഷത്തിലെ ഒന്ന് രണ്ട് ക്ലാസുകളിലെ പഠനയാത്ര മമ്പാട്ടിലെ funtartica പാർക്കിലേക്ക് ആയിരുന്നു. 2026 ഫെബ്രുവരി 6 ന് നടന്ന പഠന യാത്രയിൽ ഒന്ന് രണ്ട് ക്ലാസുകളിൽ നിന്ന് ഭൂരിഭാഗം കുട്ടികളും പങ്കെടുത്തു. വാട്ടർ പാർക്ക്, അക്വേറിയം, വിവിധതരം റൈഡുകൾ, ത്രീഡി ഷോ, എന്നിവയെല്ലാം ഉൾപ്പെട്ട ഈ പഠനയാത്ര വളരെയധികം ആസ്വാദകരമായിരുന്നു.യു പി വിഭാഗം ഊട്ടിയിലേക്കും പഠനയാത്ര നടത്തി .