"സെന്റ്. പോൾസ് എച്ച്.എസ്സ്. മുത്തോലപുരം/ലിറ്റിൽകൈറ്റ്സ്/2024-27" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== '''ലിറ്റിൽ കൈറ്റ്സ് വിദ്യാർത്ഥികൾക്ക് എ.ഐ. ക്ലാസ് സംഘടിപ്പിച്ചു''' ==

ലിറ്റിൽ കൈറ്റ്സ് യൂണിറ്റിന്റെ നേതൃത്വത്തിൽ വിദ്യാർത്ഥികൾക്കായി ആർട്ടിഫിഷ്യൽ ഇന്റലിജൻസ് (AI) വിഷയത്തിൽ പ്രത്യേക പരിശീലന ക്ലാസ് സംഘടിപ്പിച്ചു. എ.ഐ.യുടെ പ്രാധാന്യം മനസ്സിലാക്കുന്നതിനും സാങ്കേതിക വിദ്യയുടെ സുരക്ഷിതമായ ഉപയോഗം പ്രോത്സാഹിപ്പിക്കുന്നതിനുമായി കൈറ്റ് നൽകിയിരിക്കുന്ന മൊഡ്യൂൾ അധിഷ്ഠിതമാക്കി യാണ് ക്ലാസ് ക്രമീകരിച്ചത് .ഒൻപതാം ക്ലാസ്സിലെ കശ്യവ് രതീഷ്,ഇവാന ജെയ്സൻ,ബേസിൽ ലിജി,ഡിവീന ബിജു എന്നിവരാണ് ക്ലാസ് നയിച്ചത്.

ക്ലാസിൽ എ.ഐ.യുടെ അടിസ്ഥാന ആശയങ്ങൾ, എ.ഐ.യുടെ ഉപയോഗങ്ങൾ, വിദ്യാഭ്യാസ രംഗത്തെ സാധ്യതകൾ, കൂടാതെ എ.ഐ. ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങൾ എന്നിവ വിശദമായി അവതരിപ്പിച്ചു. സാങ്കേതിക വിദ്യയെ ശരിയായ രീതിയിൽ ഉപയോഗിക്കുന്നതിലൂടെ പഠനപ്രവർത്തനങ്ങൾ കൂടുതൽ സജീവവും സൃഷ്ടിപരവുമാക്കാൻ കഴിയുമെന്ന് വിദ്യാർത്ഥികൾക്ക് ബോധ്യപ്പെടുത്തി കൊടുത്തു .പഠന പ്രവർത്തനങ്ങൾക്കായി സമഗ്ര എങ്ങനെ ഫലപ്രദമായി ഉപയോഗിക്കാം എന്ന് ഈ ക്ലാസ്സിലൂടെ കുട്ടികൾ മനസിലാക്കി പരിപാടിയിൽ ലിറ്റിൽ കൈറ്റ്സ് അംഗങ്ങൾ സജീവമായി പങ്കെടുത്തു. സംശയനിവാരണ സെഷനും സംഘടിപ്പിച്ചതോടെ വിദ്യാർത്ഥികൾക്ക് എ.ഐ.യെകുറിച്ച് കൂടുതൽ  വ്യക്തത ലഭിച്ചു.