"ഗവ.എച്ച്.എ.യു.പി.എസ്. വിഴിഞ്ഞം/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== '''<big>2.പഠന വിനോദയാത്ര</big>''' ==

വിഴിഞ്ഞം ഹാർബർ ഏരിയ യു.പി. സ്കൂളിലെ വിദ്യാർത്ഥികളുടെ സമഗ്രവികസനം ലക്ഷ്യമാക്കി 2026 ജനുവരി 15-ാം തീയതി പൊങ്കൽ അവധി ദിനത്തിൽ പഠന വിനോദയാത്ര സംഘടിപ്പിച്ചു. പഠനത്തോടൊപ്പം വിനോദവും അനുഭവ പഠനവും സാധ്യമാക്കുന്ന ഈ യാത്രയിൽ അധ്യാപകരുടെ നേതൃത്വത്തിൽ വിദ്യാർത്ഥികൾ ആവേശപൂർവ്വം പങ്കെടുത്തു.

രാവിലെ 6.30 ന് സ്കൂളിൽ നിന്ന് ആരംഭിച്ച യാത്രയുടെ ആദ്യഘട്ടമായി നെയ്യാർ ഡാം സന്ദർശിച്ചു. പ്രകൃതിയുടെ മനോഹാരിതയും ജലസേചനത്തിന്റെ പ്രാധാന്യവും വിദ്യാർത്ഥികൾക്ക് നേരിൽ കാണുവാൻ ഈ സന്ദർശനം സഹായകമായി. ഡാമിന്റെ നിർമ്മാണരീതികൾ, ജലസംഭരണത്തിന്റെ ആവശ്യകത, പരിസ്ഥിതി സംരക്ഷണത്തിന്റെ പ്രാധാന്യം എന്നിവയെക്കുറിച്ച് അധ്യാപകർ വിശദീകരണം നൽകി.പ്രാതൽ അവിടെ നിന്ന് കഴിച്ച ശേഷമാണ് ഡാം സന്ദർശിച്ചത്.

തുടർന്ന് രാവിലെ  10.30 ന് ഹാപ്പിലാന്റ് അമ്യൂസ്മെന്റ് പാർക്കിൽ വിദ്യാർത്ഥികൾ വിനോദപരിപാടികളിൽ പങ്കെടുത്തു. വിവിധ റൈഡുകളും കളികളും, സ്വിമ്മിംഗ് പൂളുകളിലെ  കുളിയും കുട്ടികൾക്ക് സന്തോഷവും ഊർജവും പകർന്നു. കൂട്ടായ്മയും ശിസ്തബോധവും വളർത്തുന്നതിനൊപ്പം മാനസിക ഉല്ലാസം നൽകുന്ന അനുഭവമായിരുന്നു ഇത്.വിഭവ സമൃദ്ധമായ ഉച്ച ഭക്ഷണവും ഇവിടെ നിന്ന് കഴിച്ചു.

വൈകുന്നേരം 5 മണിയോടെ യാത്രയുടെ അവസാനഘട്ടമായി ശംഖുമുഖം ബീച്ച് സന്ദർശിച്ചു. കടലിന്റെ വിശാലതയും തീരപരിസ്ഥിതിയും കുട്ടികൾക്ക് പുതിയ പഠനാനുഭവങ്ങളായി. കടൽ സുരക്ഷയും ശുചിത്വത്തിന്റെ ആവശ്യകതയും സംബന്ധിച്ച് ബോധവത്കരണവും നൽകി.