"ഗവ.എച്ച്.എ.യു.പി.എസ്. വിഴിഞ്ഞം/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വിഴിഞ്ഞം ഹാർബർ വാർഡിൽ അഞ്ചുവർഷക്കാലം സേവനമനുഷ്ഠിച്ച കൗൺസിലർ എം. നിസാമുദ്ദീനു നൽകിയ യാത്രയയപ്പും, പുതുതായി ചുമതലയേറ്റ കൗൺസിലർ അഫ്സ സജീനക്ക് നൽകിയ സ്വീകരണവും ഉൾപ്പെടുത്തി ഡിസംബർ 23 ചൊവ്വാഴ്ച്ച പ്രത്യേക ചടങ്ങ് സംഘടിപ്പിച്ചു.പരിപാടിയുടെ ഉദ്ഘാടനം എസ്.എം.സി. ചെയർമാൻ താജുദ്ദീൻ ഫാദിൽ റഹ്മാനി നിർവഹിച്ചു. വാർഡിന്റെ വികസന പ്രവർത്തനങ്ങളിൽ എം. നിസാമുദ്ദീൻ നൽകിയ സമർപ്പിത സേവനങ്ങളെ അദ്ദേഹം അഭിനന്ദിച്ചു. ജനകീയ പ്രശ്നങ്ങൾക്കു പരിഹാരം കാണുന്നതിൽ മുൻ കൗൺസിലർ കാട്ടിയ പ്രതിബദ്ധത വാർഡിന് മാതൃകയാണെന്നും അദ്ദേഹം അഭിപ്രായപ്പെട്ടു.യാത്രയയപ്പ് ചടങ്ങിൽ സംസാരിച്ച എം. നിസാമുദ്ദീൻ, തന്റെ പ്രവർത്തനങ്ങൾക്ക് സഹകരിച്ച വാർഡ് നിവാസികൾക്കും സഹപ്രവർത്തകർക്കും നന്ദി രേഖപ്പെടുത്തി. ജനങ്ങളുടെ പിന്തുണയാണ് തന്റെ പ്രവർത്തനങ്ങൾക്ക് കരുത്തായതെന്നും അദ്ദേഹം പറഞ്ഞു.