"ജി യു പി എസ് വെള്ളംകുളങ്ങര/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സ്കൂളിലെ ആദ്യ യു.പി. ബാച്ച് (1984-87) വിദ്യാർത്ഥികളുടെ നേതൃത്വത്തിൽ പൂർവ്വ വിദ്യാർത്ഥി അധ്യാപക സംഗമവും, ഗുരുവന്ദനവും സംഘടിപ്പിച്ചു. ആദ്യ യുപി ബാച്ചിലെ കുട്ടികളും അവരെയൊന്നും പഠിപ്പിച്ച അധ്യാപകരും ആണ് 38 വർഷങ്ങൾക്ക് ശേഷം മാതൃ വിദ്യാലയത്തിൽ വീണ്ടും കണ്ടുമുട്ടിയത്. സ്കൂളിൽ ഇപ്പോൾ പഠിക്കുന്ന കുട്ടികളും അധ്യാപകരും എസ്എംസി അംഗങ്ങളും ഈ ധന്യ മുഹൂർത്തത്തിന് സാക്ഷ്യം വഹിക്കുവാനായി സ്കൂളിൽ എത്തിയിരുന്നു. വൈകാരികമായ നിമിഷങ്ങൾക്കാണ് തിങ്ങിനിറഞ്ഞ സദസ്സ് സാക്ഷ്യം വഹിച്ചത്. ഹരിതാഭമായ ബാല്യകാല ഓർമ്മകൾ അയവിറക്കി അന്നത്തെ കുട്ടികളും, അന്നത്തെ കുട്ടികളുടെ കുസൃതികളും ,കുറുമ്പുകളും ഓർത്തെടുത്ത് വിവരിച്ച് പൂർവ്വ അധ്യാപകരും കാലത്തെ 38 വർഷം പിറകിലേക്ക് കൊണ്ടുപോയി. അന്നത്തെ കുട്ടികളുടെയും, ഇന്നത്തെ കുട്ടികളുടെയും കലാപരിപാടികൾ ചടങ്ങുകൾക്ക് മിഴിവേകി. തുടർന്ന്    വിഭവസമൃദ്ധമായ ഉച്ചഭക്ഷണവും ഉണ്ടായിരുന്നു. ഉച്ചഭക്ഷണത്തിനുശേഷം പഴയ അധ്യാപകരും, കുട്ടികളും ക്ലാസ് റൂമിൽ വീണ്ടും  ഒത്തുകൂടുകയും വിശേഷങ്ങൾ പങ്കുവെക്കുകയും ചെയ്തതിനുശേഷം ആണ് പിരിഞ്ഞത്.