"ജി. എച്ച്. എസ്സ്. എസ്സ്. കരൂപ്പടന്ന/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== '''കരിയർ ഗൈഡൻസ് ക്യാമ്പ്''' ==

സംസ്ഥാന ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തിൽ ജില്ലാ ഭരണകൂടവും ജില്ലയിലെ ന്യൂനപക്ഷ യുവജന പരിശീലന കേന്ദ്രങ്ങളും സംയുക്തമായി ന്യൂനപക്ഷവ്യക്തിത്വ വികസനം ലക്ഷ്യമാക്കി കരൂപ്പടന്ന ഗവ. ഹയർസെക്കണ്ടറി സ്കൂളിലെ വിദ്യാർത്ഥികൾക്കായി 17/02/2025 ന് ഏകദിന കരിയർ ഗൈ‍ഡൻസ് ക്യാമ്പ് (TUNING) പാസ് വേഡ് 2024-25 സംഘടിപ്പിച്ചു. വിദ്യാർത്ഥികളിൽ കരിയർ അവബോധം ഉണ്ടാക്കുക, സിവിൽ സർവ്വീസ് അടക്കമുള്ള ഉന്നത സർക്കാർ സർവ്വീസ് മത്സര പരീക്ഷകളിൽ സാമ്പത്തികമായും സാമൂഹികമായും താഴെത്തട്ടിലുള്ള വിദ്യാർത്ഥികളെ കൂടി വിജയം നേടാൻ പ്രാപ്തമാക്കുക, അതിനാവശ്യമായ മാർഗ്ഗ നിർദ്ദേശങ്ങൾ നല്കുക എന്നിവയാണ് ഈ പദ്ധതിയുടെ ലക്ഷ്യങ്ങൾ. തൃശൂർ ഡെപ്യൂട്ടി കളക്ടർ ശ്രീമതി സ്മിത റാണി സി.എസ് അദ്ധ്യക്ഷത വഹിച്ചു. വെള്ളാങ്ങല്ലൂർ ഗ്രാമപഞ്ചായത്ത് പ്രസി‍ഡണ്ട് ശ്രീമതി നിഷ ഷാജി പരിപാടി ഉദ്ഘാടനം ചെയ്തു. പ്രധാനാദ്ധ്യാപിക, പി.ടി.എ പ്രസിഡണ്ട് തുടങ്ങിയ പ്രമുഖരെല്ലാം പങ്കെടുത്തു. കോർഡിനേറ്റർ നിഷിദ ടീച്ചർ നന്ദി പ്രകാശിപ്പിച്ചു.