"ജി.എം.എൽ.പി.എസ്.വലിയ പറപ്പൂർ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

തിര‍ൂർ നിയോജകമണ്ഡലം, തിര‍ുനാവായ ഗ്രാമപഞ്ചായത്ത് പത്തൊൻപതാം വാർഡിൽ ക‍ുണ്ട്‍ലങ്ങാടി എന്ന സ്ഥലത്ത് പ്രവർത്തിക്ക‍ുന്ന വലിയപറപ്പ‍ൂർ GMLP സ്ക‍ൂൾ 1927 ൽ സ്ഥാപിതമായി. ആദ്യകാലത്ത് കുടിപ്പള്ളികൂടമായാണ് സ്ക്കൂൾ ആരംഭിച്ചത്. ഇന്നത്തെ വലിയപറപ്പൂർ ജുമാമസ്ജിദ് സഥിതി ചെയ്യുന്ന പ്രദേശത്തിന് തൊട്ടടുത്താണ് കുടിപ്പള്ളികൂടം പ്രവർത്തിച്ചിരുന്നത്. പിന്നീട് ഈ വിദ്യാലയം സർക്കാർ ഏറ്റെടുക്കാൻ തീരുമാനിച്ചെങ്കിലും സ്കൂൾ പ്രവർത്തിക്കാൻ ആവശ്യമായ ഭൂമി ആ പ്രദേശത്ത് വിട്ട് കിട്ടാത്തതിനെ തുടർന്ന് വലിയപറപ്പൂർ പ്രദേശത്തിന് തൊട്ടടുത്തുള്ള‍ കുണ്ട്‌ലങ്ങാടിയിലേക്ക് വിദ്യാലയം മാറ്റി സ്ഥാപിക്കേണ്ടി വന്നു. എങ്കിലും ഇന്നും വിദ്യാലയത്തിന്റെ പേര് ജി.എം.എൽ.പി.എസ് വലിയപറപ്പൂർ എന്ന് തന്നെയാണ്. കുണ്ട്‌ലങ്ങാടിയിൽ ആദ്യകാലങ്ങളിൽ വാടക കെട്ടിടത്തിലാണ് വിദ്യാലയം പ്രവർത്തിച്ചത്. വിദ്യാലയം പ്രവർത്തിച്ചിരുന്ന‍ കെട്ടിടം ഇന്ന് ഹോളോ ബ്രിക്സ് കമ്പനിയാണ്. എൺപതുകളുടെ തുടക്കത്തിൽ കായൽമഠത്തിൽ ഉള്ളാട്ടിൽ കു‍ഞ്ഞുട്ടി ഹാജി എന്ന കോയാമുട്ടി വിദ്യാലയത്തിന് പ്രവർത്തിക്കാൻ ആവിശ്യമായ 187/8 സർവ്വെ നമ്പറിലുള്ള‍ ‍ഒരു ഏക്കർ അര സെന്റ് സഥലം സൗജന്യമായി സർക്കാറിലേക്ക് വിട്ടു നൽകി. ഈ കാലഘട്ടത്തിൽ ഓല ഷെഡിൽ പ്രവർത്തിച്ചു തുടങ്ങിയിരുന്ന വിദ്യാലയത്തിന് 1997-1998 അധ്യയന വർഷത്തിൽ പുതിയ കെട്ടിടമായി. ഇന്ന് മലപ്പുറം ജില്ലയിൽ മികച്ച സൗകര്യങ്ങളുള്ള‍ എൽ.പി വിദ്യാലയങ്ങളിൽ ഒന്നാണ് വലിയപറപ്പൂർ ജി.എം.എൽ.പി സ്കൂൾ.