എ. യു. പി. എസ്. മരോട്ടിച്ചാൽ/പ്രവർത്തനങ്ങൾ

2021 ജൂൺ 1: പ്രവേശനോത്സവം

2021- 22 അദ്ധ്യയന വർഷത്തിലെ പ്രവേശനോത്സവം പ്രധാനാധ്യാപിക ശ്രീമതി വനജ കുമാരി ടീച്ചറുടെ അധ്യക്ഷതയിൽ ചേർന്ന യോഗത്തിൽ ജൂൺ 1 ന് പഞ്ചായത്ത് പ്രസിഡൻ്റ് മിനി ഉണ്ണികൃഷ്ണൻ ഉദ്ഘാടനം ചെയ്തു. റവന്യൂ മന്ത്രി.അഡ്വ.കെ രാജൻ നൽകിയ സന്ദേശം ചടങ്ങിൻ്റെ മാറ്റു കൂട്ടി

ജൂൺ 5 ലോകപരിസ്ഥിതി ദിനാഘോഷം

ഈ വർഷത്തെ ലോക പരിസ്ഥിതി ദിനാഘോഷം സ്കൂൾ അങ്കണത്തിൽ വൃക്ഷത്തെ നട്ടു കൊണ്ട് പ്രധാനാധ്യാപിക വനജ കുമാരി ടീച്ചർ ഈ വർഷത്തെ പരിസ്ഥിതി ദിന പ്രവർത്തനങ്ങൾക്ക് ആരംഭം കുറിച്ചു.

ജൂൺ 16 യോഗ ക്ലബ്ബ് രൂപീകരണം

ജൂൺ 16 ന് ഓൺലൈൻ യോഗ പരിശീലനം ആരംഭിച്ചു.യോഗ പരിശീലകൻ രാഹുൽ P. R ആണ് ക്ലാസ്സുകൾ നയിക്കുന്നത് .മുപ്പതോളം കുട്ടികൾ ഈ ക്ലാസ്സുകളിൽ പങ്കെടുക്കുന്നുണ്ട്.

ജൂൺ 19 വായന പക്ഷാചരണം

ഈ വർഷത്തെ വായന പക്ഷാചരണം പ്രശസ്ത എഴുത്തുക്കാരൻ ശ്രീ ബാലചന്ദ്രൻ വടക്കേടത്ത് ഉദ്ഘാടനം ചെയ്തു. സ്കൂൾ മാനേജർ കെ. ഗോപകുമാർ ,പ്രധാനാധ്യാപിക വനജ കുമാരി ടീച്ചർ ,കഥാകൃത്ത് ശ്രീ ശിവദാസ് ,PTA പ്രസിഡൻ്റ് ബിനോയ് ഓത്തോട്ടിൽ, എഴുത്തുക്കാരി ജ്യോതിർമയി ശങ്കരൻ തുടങ്ങിയ മഹത് വ്യക്തികളാൽ സമ്പന്നമായിരുന്നു ചടങ്ങ്

ജൂൺ 21 അന്താരാഷ്ട്ര യോഗ ദിനവും ഹെൽത്ത് ക്ലബ്ബ് ഉദ്ഘാടനവും

2020 -21 അധ്യയന വർഷത്തിലെ ഹെൽത്ത് ക്ലബ്ബ് ഉദ്ഘാടനം യോഗ ട്രെയ്നർ ശ്രീ.രവികുമാർ ഉപ്പത്ത് ഉദ്ഘാടനം ചെയ്തു. യോഗ ട്രെയ്നർ രാഹുൽ നടത്തിയ മെഡിറ്റേഷൻ എല്ലാവർക്കും ഒരു നവ്യാനുഭവം പകർന്നു

ജൂൺ 26 ഇക്കോ സയൻസ് ക്ലബ്ബ് ഉദ്ഘാടനം

യുവ ശാസ്ത്രജ്ഞൻ ശ്രീ ഇന്ദ്രജിത്ത് കാര്യാട്ട് അന്താരാഷ്ട്ര 'ലഹരി വിരുദ്ധ ദിനമായ ജൂൺ 26 ന് ഗൂഗിൾ പ്ലാറ്റ് ഫോമിൽ ഉദ്ഘാടനം ചെയ്തു. പോസ്റ്റർ രചന ബോധവൽക്കരണ ക്ലാസ് ചിത്രരചന തുടങ്ങിയ പ്രവർത്തനങ്ങൾ ഇതോടനുബന്ധിച്ച് നടത്തുകയുണ്ടായി.

ജൂലായ് 5 ബഷീർ ചരമദിനം

'ബഷീർ ചരമദിനത്തോടനുബന്ധിച്ച് ജീവചരിത്ര കുറുപ്പ് ഡോക്യുമെൻററി പ്രദർശനം.അദ്ദേഹത്തിൻ്റെ കഥകളിലെ കഥാപാത്രങ്ങളായി വേഷമിട്ടും പോസ്റ്റർ രചന നടത്തിയും കൂടാതെ അദ്ദേഹത്തിന്റെ പ്രശ്സത നോവലായ മതിലുകൾ ദൃശാവിഷ്ക്കാരം നടത്തുകയും ചെയ്തു

ജൂലായ് 7 ആർട്സ് ബാലസഭ ക്ലബ്ബ് ഉദ്ഘാടനം നയന പക്ഷാചരണ സമാപനം

ജൂലായ് 7 ന് പ്രധാനാധ്യാപിക വനജ കുമാരി ടീച്ചറുടെ അദ്ധ്യക്ഷതയിൽ ചേർന്ന യോഗത്തിൽ ഗിന്നസ് ബുക്ക് റെക്കോർഡ് ഹോൾഡർ ശ്രീ രാജു മാസ്റ്റർ ആർട്സ് ബാലസഭ എന്നീ ക്ലബ്ബുകളുടെ ഉദ്ഘാടനം ചെയ്തു.വായന പക്ഷാചരണ സമാപനത്തോടനുബന്ധിച്ച് പ്രഭാഷണം നടത്തിയ പ്രശസ്ത സാഹിത്യകാരി അനിത വർമയുടെ .സാന്നിധ്യം ചടങ്ങിന് മാറ്റു കൂട്ടി.

ജൂലായ് 11 സാമൂഹ്യ ശാസ്ത്ര ക്ലബ്ബ് , ഗണിത ശാസ്ത്ര ക്ലബ്ബ്, ഗാന്ധിദർശൻ ക്ലബ്ബ് ,പ്രവൃത്തി പരിചയ ക്ലബ്ബ് സംയുക്ത ഉദ്ഘാടനം

എ.യു.പി.എസ് മരോട്ടിച്ചാൽ സ്കൂളിലെ വിവിധ ക്ലബ്ബുകളുടെ ഉദ്ഘാടനം ജൂലായ് 11 ന് പ്രധാനാധ്യാപിക ശ്രീമതി വനജ കുമാരി ടീച്ചർ നിർവ്വഹിച്ചു. കുട്ടികളുടെ വിവിധ പ്രവർത്തനങ്ങളാൽ സമ്പുഷ്ടമായിരുന്നു ഉദ്ഘാടന ചടങ്ങ്

ജൂലായ് 17 സംസ്കൃത കൗൺസിൽ ഉദ്ഘാടനം

മരോട്ടിച്ചാൽ സ്കൂളിൽ സംസ്ക്യത കൗൺസിൽ ഉദ്ഘാടനം ജൂലായ് 17ന് പ്രധാനാധ്യാപിക ശ്രീമതി വനജ കുമാരി ടീച്ചർ നിർവ്വഹിച്ചു. നൂറ്റി എൺപതോളം കുട്ടികൾ സംസ്കൃതം ക്ലബ്ബിൽ അംഗങ്ങളായി പ്രവർത്തിച്ചു വരുന്നു.കലാവിരുന്നിനാൽ സമ്പുഷ്ടമായിരുന്നു സംസ്ക്യതകൗൺസിൽ ഉദ്ഘാടനം

ജൂലായ് 21 ചാന്ദ്രദിനം

ചാന്ദ്രദിനത്തോടനുബന്ധിച്ച് സയൻസ് ക്ലബ്ബിൻ്റെ നേതൃത്വത്തിൽ പോസ്റ്റർ രചന ,ചിത്രരചന എന്നീ മത്സരങ്ങൾ നടത്തി

ജൂലായ് 25 'വെബിനാർ'

ഹെൽത്ത് ക്ലബ്ബിൻ്റെ നേതൃത്വത്തിൽ മഴക്കാല രോഗങ്ങളും പ്രതിവിധിയും എന്ന വിഷയത്തെക്കുറിച്ച് അയ്യന്തോൾ JHI സുധീർ PJ ക്ലാസ് നടത്തി വളരെ വിജ്ഞാനപ്രദമായിരുന്നു ക്ലാസ്

സ്കൂൾ തല സമ്പൂർണ ഡിജിറ്റൽ പഠനോപകരണ പ്രഖ്യാപനം - ആഗസ്റ്റ് 3

ഹിരോഷിമ ദിനം - ആഗസ്റ്റ് 6

ഹിരോഷിമ ദിനത്തോടനുബന്ധിച്ച് സയൻസ് ക്ലബ്ബിൻ്റെ നേതൃത്വത്തിൽ പോസ്റ്റർ രചന മത്സരം നടത്തി.

സ്വാതന്ത്ര്യ ദിനാഘോഷം - ആഗസ്റ്റ് 15

2021-22 അധ്യയന വർഷത്തിലെ സ്വാതന്ത്ര്യദിനാഘോഷം വളരെ മനോഹരമായി കൊണ്ടാടി.പ്രധാനാധ്യാപിക വനജ കുമാരി ടീച്ചർ പതാക ഉയർത്തി. ക്വിസ് മത്സരം ,ദേശഭക്തിഗാന മത്സരം, പ്രസംഗ മത്സരം പ്രച്ഛന്നവേഷ മത്സരം തുടങ്ങിയ മത്സരങ്ങൾ നടത്തി.

കർഷക ദിനം - ആഗസ്റ്റ് 17

ചിങ്ങം 1 കർഷക ദിനത്തിൽ കുട്ടി കർഷകരായി വേഷമണിഞ്ഞ് മരോട്ടിച്ചാൽ സ്കൂളിലെ കുഞ്ഞുമക്കൾ ആ സുദിനം മനോഹരമാക്കി.

മക്കൾക്കൊപ്പം :ബോധവത്ക്കരണ പരിപാടി - ആഗസ്റ്റ് 17

കോവിഡ് മഹാമാരി കാലത്തെ ഓൺലൈൻപ0നം മെച്ചപ്പെടുത്തുന്നതിനും കോവിഡ് കാലത്ത് കുട്ടികളും രക്ഷിതാക്കളും അനുഭവിക്കുന്ന മാനസിക സമ്മർദ്ദം ലഘൂകരിക്കുന്നതിനും വേണ്ടി പൊതുവിദ്യാഭ്യാസ വകുപ്പും ജില്ലാ പഞ്ചായത്തും സംയുക്തമായി സംഘടിപ്പിക്കുന്ന മക്കൾക്കൊപ്പം ബോധവൽക്കരണ പരിപാടിയുടെ ഉദ്ഘാടനം ആഗസ്റ്റ് 17 ന് ഗൂഗിൾ പ്ലാറ്റ്ഫോം വഴി നടത്തുകയുണ്ടായി. അനുപ്രിയ KJ ഇന്ദു V സൗമ്യ S ഷീബ ആൻറണി തുടങ്ങിയ RP മാരാണ് ക്ലാസ് നയിച്ചത്.

സ്കൂൾ തല ഓണാഘോഷം ആഗസ്റ്റ് 19

2021-22 അധ്യയന വർഷത്തെ സ്കൂൾ തല ഓണാഘോഷം ആഗസ്റ്റ് 19,20 എന്നീ ദിവസങ്ങളിൽ ഗൂഗിൾ പ്ലാറ്റ്ഫോം വഴി നടത്തുകയുണ്ടായി. ഓണപൂക്കള മത്സരം, മലയാള മങ്ക, മാവേലി, കുമ്മാട്ടികളി, ഓണപാട്ട് മത്സരം തുടങ്ങിയ വിവിധ മത്സരങ്ങൾ നടത്തി വിജയികൾക്ക് ഡിജിറ്റൽ ട്രോഫികൾ വിതരണം ചെയ്തു

സെപ്തംബർ 5 അധ്യാപക ദിനം

എ.യു.പി.എസ് മരോട്ടിച്ചാൽ സ്കൂളിലെ പൂർവ്വ അധ്യാപികയായ പി.കെ കാർത്ത്യായിനി ടീച്ചറെ പൊന്നാടയണിച്ച് കൊണ്ടായിരുന്നു ഈ വർഷത്തെ അധ്യാപക ദിനം കൊണ്ടാടിയത്. ആശംസകാർഡ് നിർമാണം കുട്ടിയധ്യാപകൻ തുടങ്ങിയ മികച്ച മൽസരങ്ങളാൽ സമ്പുഷ്ടമായിരുന്നു അധ്യാപക ദിനം

സെപ്തംബർ 7 ന് പോഷൻ ക്വിസ് നടത്തി

സെപ്തംബർ 7, 9, 10, 11 ,12 പോഷൻ CPTA

സെപ്തംബർ 7, 9 ,10, II ,12എന്നീ ദിവസങ്ങളിൽ പോഷൻ മാസാചരണത്തിൻ്റെ ഭാഗമായി ക്ലാസ് പി ടി എ കൾ സംഘടിപ്പിച്ചു.സമീകൃത ആഹാരത്തിൻ്റെ ആവശ്യകതയെക്കുറിച്ചുള്ള ബോധവത്ക്കരണ ക്ലാസുകൾ നൂൺ മീൽ കമ്മിറ്റിയുടെ നേത്യത്വത്തിൽ നടത്തുകയുണ്ടായി

സെപ്തംബർ 11, 14 പോഷൻ അസംബ്ലി

സെപ്തംബർ 11, 14 എന്നീ ദിവസങ്ങളിൽ പോഷൻ അസംബ്ലി നടത്തി.സമീകൃതാഹാരത്തെക്കുറിച്ചും അതിൻ്റെ ആവശ്യകതയെക്കുറിച്ചും ബോധവത്ക്കരണ ക്ലാസ് നൽകി

ഹിന്ദി ദിനം - സെപ്തംബർ 14

ഹിന്ദി ദിനത്തോടനുബന്ധിച്ച് ഹിന്ദി ക്ലബിൻ്റെ നേതൃത്വത്തിൽ കവിതാപാരായണം പുസ്തകവായന തുടങ്ങിയ മൽസരങ്ങളും ഹിന്ദി ദിന സന്ദേശത്തിൻ്റെ വീഡിയോകൾ ക്ലാസ് ഗ്രൂപ്പുകളിൽ പ്രദർശിപ്പിക്കുകയും ചെയ്തു.

ഓസോൺ ദിനം - സെപ്തംബർ 16

ഓസോൺ ദിനത്തിൻ്റെ ഭാഗമായി പോസ്റ്റർ രചന, ഓസോൺ പാളി സംരക്ഷിക്കേണ്ടതിൻ്റെ ആവശ്യകത എന്ന വിഷയത്തെക്കുറിച്ചുള്ള പ്രസംഗ മത്സരം എന്നിവ സയൻസ് ക്ലബിൻ്റെ നേതൃത്വത്തിൽ നടത്തുകയുണ്ടായി

സെപ്തംബർ 26 .സ്കൂൾ കലോത്സവം

202l-22 അധ്യയനവർഷത്തിലെ സ്കൂൾ കലോത്സവം പ്രശസ്തനാടൻ പാട്ട് കലാകാരനും സംസ്ഥാന സംഗീത നാടക അവാർഡ് ജേതാവുമായ ശ്രീ ജയദേവൻ തകഴിക്കാരൻ ഉദ്ഘാടനം ചെയ്തു.അന്നേ ദിവസം തന്നെ കവിത ചൊല്ലൽ ലൈവ് മത്സരം നടത്തി രണ്ടാഴ്ചയോളമായി നടക്കുന്ന മത്സരങ്ങൾക്ക് തിരികൊളുത്തി.

സെപ്തംബർ 28-കളിമുറ്റമൊരുക്കാം വിദ്യാലയ ശുചീകരണ പരിപാടി - വിദ്യാലയ സംഘാടക സമിതി രൂപീകരണം

ഒക്ടോബർ 2 ഗാന്ധിജയന്തി -

ഗാന്ധിജയന്തിയോടനുബന്ധിച്ച് ഗാന്ധിജയന്തി ക്വിസ് മൽസരം, ചിത്രരചന, പ്രച്ഛന വേഷമത്സരങ്ങൾ Dry day ആചരണങ്ങൾ എന്നിവ ഗാന്ധിദർശൻ ക്ലബിൻ്റെ നേതൃത്തിൽ നടത്തി

കളിമുറ്റമൊരുക്കാം - ഒക്ടോബർ 2 മുതൽ 8 വരെ

സ്കൂൾ തുറക്കുന്നതിൻ്റെ ഭാഗമായി വിദ്യാലയങ്ങളിൽ വിദ്യാലയ ശുചീകരണ പരിപാടി ഒക്ടോബർ 2 മുതൽ 8 വരെ നമ്മുടെ വിദ്യാലയത്തിൽ വെച്ച് നടത്തുകയുണ്ടായി.സ്കൂൾ മാനേജ്മെൻറിൻ്റെയും വിവിധ രാഷ്ട്രീട്രീയ പാർട്ടികളുടെയും മരോട്ടിച്ചാൽ ശാസ്ത്രസാഹിത്യ പരീക്ഷത്തിൻ്റെയും മരോട്ടിച്ചാൽ വായനശാല പ്രവർത്തകരുടെയും മരോട്ടിച്ചാൽ ചെസ്സ് അസോസിയേഷൻ്റെയും സാമൂഹ്യ പ്രവർത്തകരുടേയും സുമനസ്സുള്ള ഒരു പാട് നാട്ടുകാരുടെയും സഹായ സഹകരണങ്ങൾ ലഭിച്ചിരുന്നു.

ഒക്ടോബർ - 3 എനർജി ക്ലബ്ബ് ഉദ്ഘാടനം

സയൻസ് ക്ലബിൻ്റെ ഉദ്ഘാടനം ANERT ൻ്റെ മുൻ ഡയറക്ടർ ശ്രീ C T അജിത്ത് കുമാർ നിർവ്വഹിച്ചു.പ്രധാനധ്യാപിക ശ്രീമതി വനജ കുമാരി ടീച്ചർ അധ്യക്ഷത വഹിച്ച ചടങ്ങിൽ മാനേജർ ശ്രീ.കെ ഗോപകുമാർ ശാസ്ത്ര സാഹിത്യ പരീക്ഷത്ത് ശ്രീ സോമൻ കാര്യാട്ട് പിടിഎ പ്രസിഡൻ്റ് ശ്രീ ബിനോയ് ഓത്തോട്ടിൽ എന്നിവർ ചടങ്ങിൽ സന്നിഹിതരായിരുന്നു.

ഒക്ടോബർ 16- ലോക ഭക്ഷ്യ ദിനം

ഒക്ടോബർ 16 ലോക ഭക്ഷ്യ ദിനത്തോടനുബന്ധിച്ച് ഹെൽത്ത് ക്ലബ്ബിൻ്റെ ആഭിമുഖ്യത്തിൽ നാടൻ വിഭവങ്ങൾ ഉൾക്കൊള്ളിച്ചുള്ള ഭക്ഷ്യമേള സംഘടിപ്പിക്കുകയുണ്ടായി .നാടൻ വിഭവങ്ങൾ എങ്ങനെ ആരോഗ്യകരമായി തയ്യാറാക്കാം എന്നുള്ളതായിരുന്നു ഭക്ഷ്യമേളയുടെ ലക്ഷ്യം.ഒരുപാട് കുട്ടികൾ ഇതിൽ പങ്കെടുത്തു.

ഒക്ടോബർ 24 ഐക്യരാഷ്ട്ര ദിനം

ഐക്യരാഷ്ട്ര ദിനത്തോടനുബന്ധിച്ചുള്ള വിവിധ ഡോക്യുമെൻ്റ റികൾ ക്ലാസ് ഗ്രൂപ്പുകളിൽ പ്രദർശിപ്പിച്ചു.

ഒക്ടോബർ 25 ഊർജജയാൻ പ്രസംഗ മത്സരം

എനർജി ക്ലബ്ബിൻ്റെ നേതൃത്വത്തിൽ ഇലക്ട്രിക് ഉപകരണങ്ങളുടെ ഗുണവും ദോഷവും എന്ന വിഷയത്തെകുറിച്ച് യു.പി. ക്ലാസിലെ കുട്ടികൾക്കായി പ്രസംഗ മത്സരം നടത്തി.

ഒക്ടോബർ 27 - രണ്ടാം ഘട്ട വിദ്യാലയ ശുചീകരണം

AIYF മരോട്ടിച്ചാൽ ശാഖയുടെ നേതൃത്വത്തിൽ സ്കൂൾ തുറക്കുന്നതിൻ്റെ ഭാഗമായി രണ്ടാം ഘട്ട ശുചീകരണ പ്രവർത്തനങ്ങൾ നടത്തി.

ഒക്ടോബർ 31 രക്തസാക്ഷിത്വ ദിനം

മുൻ പ്രധാനമന്ത്രി ഇന്ദിരാഗാന്ധിയുടെ രക്തസാക്ഷിത്വത്തോടനുബന്ധിച്ച് റേഡിയോയിൽ അന്ന് വന്ന വാർത്ത കുട്ടികളുടെ ഗ്രുപ്പുകളിൽ പ്രദർശിപ്പിച്ചു

നവംബർ 1 കേരളപ്പിറവി - രണ്ടാം പ്രവേശനോത്സവം

ഏറെ നാളുകൾക്കു ശേഷം വീണ്ടും സ്കൂളുകൾ ആരംഭിച്ചത് സംബർ 1 കേരളപ്പിറവി ദിനത്തിൽ ആയിരുന്നു. കേരള വേഷമണിഞ്ഞായിരുന്നു കുട്ടികൾ സ്കൂളിൽ എത്തിച്ചേർന്നത്. കേരള ഗാനം പാടിയും മധുര പലഹാരങ്ങൾ വിതരണം ചെയ്തും ബോധവത്ക്കരണ ക്ലാസ് നൽകിയും ഈ ദിനം അവിസ്മണീയമാക്കി

നവംബർ 3 പച്ചക്കറിത്തോട്ട നിർമാണം

AIYF മരോട്ടിച്ചാൽ ശാഖയുടെ നേത്യത്വത്തിൽ നമ്മുടെ സ്കൂളിന് ഒരു പച്ചക്കറിത്തോട്ടം നിർമിച്ചു നൽകി.

നവംബർ 14 ശിശുദിനം

ശിശുദിനത്തേടാനുബന്ധിച്ച് ബാലസഭയുടെ നേ തൃത്വത്തിൽ വിവിധ പരിപാടികൾ നടത്തി. നെഹ്റു തൊപ്പി അണിഞ്ഞും ചാച്ചാജിയായി വേഷമിട്ടും ശിശുദിന ഗാനങ്ങൾ ആലപിച്ചും പ്രസംഗം അവതരിപ്പിച്ചും കുട്ടികൾ ഈ ദിവസം മനോഹരമാക്കി.

നവംബർ 19 വായനാവസന്തം

ബി.ആർ സി യുടെ നേതൃത്വത്തിൽ LP കുട്ടികൾക്കായി നിർമിച്ച വായനക്കാർഡുകൾ പ്രദർശിപ്പിക്കുകയും വിതരണം ചെയ്യുകയും ചെയ്തു.

നവംബർ 30 ലാപ്ടോപ്പ് വിതരണം

വിദ്യാകരണം പദ്ധതിയുടെ ഭാഗമായി ST വിദ്യാർത്ഥികൾക്കുള്ള ലാപ്ടോപ്പ് പ്രധാനാധ്യാപിക ശ്രീമതി വനജകുമാരി ടീച്ചർ വിതരണം ചെയ്തു. 36 - ലാപ്ടോപ്പുകളാണ് ഈ പദ്ധതിയിലൂടെ വിതരണം ചെയ്തത്.

ഡിസംബർ 22 ,23 - ക്രിസ്തുമസ് ആഘോഷം

2021 - 22 അധ്യയന വർഷത്തിലെ ക്രിസ്തുമസ് ആഘോഷം ഡിസംബർ 22, 23 തിയതികളിൽ ക്രിസ്തുമസ് കേ ക്ക് വിതരണം ചെയ്തു കൊണ്ട് ആരംഭിച്ചു. ആശംസ കാർഡ് മത്സരം , നക്ഷത്ര നിർമാണ മത്സരം പാപ്പാ മത്സരം, കരോൾ ഗാന മത്സരം , പുൽക്കൂട് നിർമാണം തുടങ്ങിയ വിവിധ പ്രവർത്തനങ്ങളാൽ അവസ്മരണീയമാക്കി. ഒരുപാട് കുട്ടികൾ ഈ മത്സരത്തിൽ പങ്കെടുത്തു.

ജനുവരി 3 പുതുവത്സരാഘോഷം

ഈ വർഷത്തെ പുതുവസരാഘോഷം ജനുവരി 3 ന് അവധി കഴിഞ്ഞു വരുന്ന ജനുവരി 3 ന് ആഘോഴിച്ചു. പ്രധാനാധ്യാപിക ശ്രീമതി വനജ കുമാരി ടീച്ചർക്ക് ഏഴാം ക്ലാസ് വിദ്യാർത്ഥിയായ ആദിക്ക് PS ആശംസ കാർഡ് സ്വയമായി നിർമിച്ച് നൽകി. ആശംസ കാർഡ് നിർമാണം, അനുഭവക്കുറിപ്പ് തയ്യാറാക്കൽ തുടങ്ങിയ മത്സരങ്ങൾ നടത്തി.

ജനുവരി 26 റിപ്പബ്ലിക് ദിനം

ഈ വർഷത്തെ റിപ്പബ്ലിക്റിപ്പബ്ലിക്ക് ദിനാഘോഷ പരിപാടികൾ പ്രധാനധ്യാപിക ശ്രീമതി വനജ കുമാരി ടീച്ചറുടെ പതാക ഉയർത്തൽ ചടങ്ങോടു കൂടി ആരംഭിച്ചു. തുടർന്ന് ചേർന്ന യോഗത്തിൽ ശ്രി.പി.എം പീതാംബരൻ മാസ്റ്റർ മുഖ്യാതിഥി യായിരുന്നു. ഭരണഘടന രൂപീകരണത്തെ ക്കുറിച്ചും ഇന്ത്യൻ ഭരണഘടനയെക്കുറിച്ചും Dr. ബി.ആർ അംബേദ്കറിനെക്കുറിച്ചും വിശദമായ വിശകലനം അദ്ദേഹം നടത്തി. ഭരണഘടന ആമുഖ വായന ,ദേശഭക്തി ഗാനം, വിവിധ വിഷയങ്ങളെക്കുറിച്ചുട്ടുള്ള പ്രസംഗങ്ങൾ, റിപ്പബ്ലിക് ദിന ക്വിസ് തുടങ്ങിയ വൈവിധ്യമാർന്ന പ്രവർത്തനങ്ങളാൽ ഏവരുടേയും ശ്രദ്ധ ആകർഷിച്ചു.

🌟🌟2022 ജൂൺ 1 പ്രവേശനോത്സവം 🌟🌟

2022...2023 അധ്യയന വർഷത്തെ പ്രവേശനോത്സവം ജൂൺ ഒന്നിന് ഗംഭീരമായി നടത്തുകയുണ്ടായി... സ്കൂളും പരിസരവും ഭംഗിയായി അലങ്കരിച്ചു... പ്രവേശന ഗാനത്തിന്റെ അകമ്പാടിയോടെ നവാഗതരെ സമ്മാനങ്ങൾ... മധുരം എന്നിവ നൽകി സ്കൂളിലേക്ക് എതിരേറ്റു.... തുടർന്നു നടന്ന ചടങ്ങിൽ പ്രധാന അധ്യാപിക അജിത കുമാരി ടീച്ചർ.... വാർഡ് മെമ്പർ ശ്രീ ആരോഷ്.. ബ്ലോക്ക് പഞ്ചായത്ത് മെമ്പർ മിനിമോൾ സാബു... മാനേജർ ശ്രീ കെ ഗോപകുമാർ... രക്ഷിതാക്കൾ PTA അംഗങ്ങൾ..അധ്യാപകർ... കുഞ്ഞു മക്കൾ എന്നിവർ സന്നിഹിതരായിരുന്നു... സൗജന്യ പാഠ പുസ്തക വിതരണം... പഠനോപകരണങ്ങളുടെ വിതരണം,.. യൂണിഫോം വിതരണം എന്നിവയും നടത്തുകയുണ്ടായി... കുട്ടികളുടെ കലാപരിപാടികൾ ചടങ്ങിന് മാറ്റുകൂട്ടി...

ജൂൺ 5 2022 പരിസ്ഥിതി ദിനം....

ലോക പരിസ്ഥിതി ദിനാചരണം ജൂൺ 5 നു സമുചിതമായി ആചരിച്ചു... പ്രധാന അധ്യാപിക അജിത കുമാരി ടീച്ചർ കുട്ടികൾക്കൊപ്പം സ്കൂൾ മുറ്റത്തു മഹാഗണി വൃക്ഷ തൈ നട്ടുകൊണ്ട് പരിസ്ഥിതി ദിനാചരണത്തിന് തുടക്കമിട്ടു.. അധ്യാപകരും കുട്ടികളും വീട്ടിലും പരസരത്തും വൃക്ഷ തൈകൾ നട്ടു... ""ഒരേ ഒരു ഭൂമി "" എന്ന ഈ വർഷത്തെ പരിസ്ഥിതി ദിന സന്ദേശം കുട്ടികൾക്ക് നൽകി.... പോസ്റ്റർ പ്രദർശനം.... പരിസ്ഥിതി ദിന പ്രതിജ്ഞ... പ്രസംഗം... കവിതാലാപനം... ചിത്ര രചന മത്സരം... എന്നിവ കുട്ടികൾക്കായി നടത്തി... ഇക്കൊ ക്ലബ്‌... ശാസ്ത്ര ക്ലബ്‌ എന്നിവയുടെ സംയുക്ത ഉദ്ഘാടനം ശാസ്ത്ര സാഹിത്യ പരിഷത്ത് പ്രവർത്തകനായ ശ്രീ സോമൻ കാര്യാട്ട് നിർവഹിച്ചു...

ജൂൺ 10 പ്രീപ്രൈമറി പ്രവേശനേത്സവം

2022...2023 വർഷത്തിലെ പ്രവേശനോത്സവം 10/06/2023നു ഗംഭീരമായി നടന്നു... രാവിലെ പത്തു മണിയോടെ പ്രവേശനോത്സവ ചടങ്ങുകൾ ആരംഭിച്ചു....100 കുട്ടികൾ നിരനിരയായി മാതാപിതാക്കളോടൊപ്പം ആദ്യമായി സ്കൂളിലേക്ക് കടന്നുവന്നത് ഏറെ കൗതുകം ഉണർത്തുന്നതായിരുന്നു... കുഞ്ഞുങ്ങൾക്ക് നൽകുവാനായി പഠന ഉപകരണങ്ങളും മധുരപലഹാരങ്ങളും കളിപ്പാട്ടങ്ങളും നൽകി കുട്ടികളെ ആനയിച്ചു.... അധ്യാപകർ... PTA പ്രസിഡന്റ്... വാർഡ് മെമ്പർമാർ എന്നിവർക്കൊപ്പം KG അധ്യാപകർ എന്നിവരും ചടങ്ങിൽ സന്നിഹിതരായിരുന്നു... KG അധ്യാപകർ മാതാപിതാക്കൾക്ക് തങ്ങളെ പരിചയപ്പെടുത്തി... അധ്യാപകർ കുട്ടികളെ ക്ലാസ്സ്‌ റൂമിൽ കൊണ്ടുപോകുകയും ക്ലാസ്സ്‌ കാണിച്ചു കൊടുക്കുകയും ചെയ്യ്തു... ഏകദേശം 12 മണിയോടെ ചടങ്ങുകൾ അവസാനിച്ചു...

ജൂൺ 10 പരിസ്ഥിതി ശാസ്ത്ര ക്ലബ്ബുകളുടെ സംയുക്ത ഉദ്ഘാടനം.

ശാസ്ത്ര സാഹിത്യ പരിഷത്ത് പ്രവർത്തകനും സാമൂഹ്യ പ്രവർത്തകനുമായ ശ്രീ സോമൻ കാര്യാട്ട് പരിസ്ഥിതി ശാസ്ത്ര ക്ലബ്‌കളുടെ സംയുക്ത ഉദ്ഘാടനം നിർവഹിച്ചു... പരിസ്ഥിതി യുടെ പ്രാധാന്യം ആദ്ദേഹം കുട്ടികൾക്ക് ബോധ്യപ്പെടുത്തി... ശാസ്ത്ര പരീക്ഷണങ്ങളിലൂടെ kadaന്നു പോയ ക്ലാസ്സ്‌ കുട്ടികൾക്ക് ഏറെ രസകരവും വിജ്ഞാനപ്രദവും ആയിരുന്നു...

ജൂൺ 13 മഴക്കാല രോഗങ്ങൾ - ബോധവ ത്ക്കരണ ക്ലാസ്

പുത്തൂർ ആരോഗ്യ കേന്ദ്രത്തിലെ ജൂനിയർ ഹെൽത്ത്‌ ഇൻസ്‌പെക്ടർ ശ്രീ ടി ആർ രാമചന്ദ്രൻ സർ മഴക്കാല രോഗങ്ങളെ കുറിച്ച് ബോധവത്കരണ ക്ലാസ്സ്‌ എടുത്തു... ആരോഗ്യ കേന്ദ്രത്തിലെ സുജാത സിസ്റ്റർ... സജിത സിസ്റ്റർ എന്നിവരും അനുഭവങ്ങൾ പങ്കുവെച്ചു...

ജൂൺ 21 യോഗാ ദിനം - ഹെൽത്ത് ക്ലബ് ഉദ്ഘാടനം

അന്താരാഷ്ട്ര യോഗ ദിനവും ഹെൽത്ത് ക്ലബ്‌ ഉദ്ഘാടനവും ഉച്ചക്ക് 2.30 നു സ്കൂൾ ഹാളിൽ വെച്ച് നടന്നു...യോഗ മാസ്റ്റർ രാഹുൽ പ്രധാന അതിഥി ആയിരുന്നു... തുടർന്നു യോഗ പരിശീലനം നടന്നു...

ജൂൺ 22 വായന മാസാചരണം വിദ്യാരംഗം കലാസാഹിത്യ വേ ദി ബാലസഭ സംയുക്ത ഉദ്ഘാടനം.

വായനാ മാസാചരണം... ജൂൺ 19 മുതൽ നടന്നു... ഓരോ ദിവസവും ഓരോ കവികളെ.... കൃതികളെ പരിചയപ്പെടുത്തി.... നാടൻ പാട്ട് കലാകാരൻ പി ഡി പ്രകാശ് ബാബു മുഖ്യ അതിഥി ആയിരുന്നു.... വിദ്യാരംഗം കലാ സാഹിത്യവേദി... ബാല സഭ എന്നിവയുടെ സംയുക്ത ഉദ്ഘാടനം ഈ ദിവസങ്ങളിൽ നടന്നു... വിവിധ ഭാഷകളിലെ കവിതാലാപനം... ക്വിസ്... വായനാ മത്സരം... വായനശാല സന്ദർശനം... ചിത്രരചന.... പദ്യ പാരായണം എന്നീ പ്രവർത്തനങ്ങൾ ഈ ദിവസങ്ങളിൽ നടന്നു...

ജൂൺ 24 അന്താരാഷ്ട്ര ലഹരി വിരുദ്ധ ദിനാച രണം

ഹെൽത്ത് ക്ലബ്‌ ന്റെ ആഭിമുഖ്യത്തിൽ 24/06/2022 നു ലഹരി വിരുദ്ധ ബോധവത്കരണ ക്ലാസ്സ്‌ RBSK നഴ്‌സ്‌ ശ്രീമതി ജെൻസി സിസ്റ്റർ ന്റെ നേതൃത്വത്തിൽ നടന്നു... ലഹരി... ദൂഷ്യ ഫലങ്ങൾ എന്നിവ സിസ്റ്റർ കുട്ടികൾക്ക് വിശദീകരിച്ചു കൊടുത്തു.... കുട്ടികൾ ലഹരി വിരുദ്ധ പോസ്റ്റർ കൾ തയ്യാറാക്കി... അന്നേ ദിവസം കുട്ടികളുടെ ആരോഗ്യ പരിശോധനയും നടന്നു... കുട്ടികൾ ലഹരി വിരുദ്ധ പ്രതിജ്ഞ എടുത്തു...

ജൂലായ് 5 ബഷീർ ഓർമ ദിനം

ബഷീർ ദിനത്തോടനുബന്ധിച്ചു വൈക്കം മുഹമ്മദ്‌ ബഷീർ ന്റെ കഥാ പാത്രങ്ങളുടെ ദൃശ്യ ആവിഷ്കാരം... കുട്ടികൾ ആദ്ദേഹത്തിന്റെ കഥാ പാത്രങ്ങളെ അനുകരിക്കുകയും ചെയ്യ്തു.... ചിത്രരചന യിൽ ബഷീറും അദ്ദ്ദേഹത്തിന്റെ കഥാ പാത്രങ്ങളും നിറഞ്ഞു നിന്നു...

ജൂലായ് 7 ഗണിത സാമൂഹ്യ ശാസ്ത്ര പ്രവൃത്തി പരിചയ ഗാന്ധി ദർശൻ ആർട്സ് ക്ലബ്ബ് എന്നിവയുടെ സംയുക്ത ഉദ്ഘാടനം

പ്രധാന അധ്യാപിക ശ്രീമതി അജിത കുമാരി പ്രധാന അതിഥി.... ലീന ടീച്ചർ ആശംസകൾ.... വിവിധ ക്ലബ്‌ അംഗങ്ങൾ പരിപാടികൾ അവതരിപ്പിച്ചു....

ജൂലായ് - 8 അധ്യാപക രക്ഷാകർത്തു സമിതി പെതുയോഗവും ബോധവത്ക്കരണ ക്ലാസ്സും.

2022...2023 വർഷത്തെ PTA പൊതുയോഗം... ഉച്ചക്ക് 1.30 നു സ്കൂളിൽ നടന്നു.... മാനേജർ ശ്രീ കെ ഗോപകുമാർ ഉദ്ഘാടനം... PTA പ്രസിഡന്റ് ബിനോയ്‌ ഓതോട്ടിൽ അധ്യക്ഷൻ....200 ഓളം മാതാപിതാക്കൾ പങ്കെടുത്തു... ലഹരി എന്ന വിപത്തിനെ കുറിച്ച് ഒല്ലൂർ പോലീസ് സ്റ്റേഷൻ CPO മഞ്ജുള madam രക്ഷിതാക്കൾക്ക് ക്ലാസ്സ്‌ എടുത്തു....പ്രധാന അധ്യാപിക അജിത കുമാരി ടീച്ചർ റിപ്പോർട്ട്‌ അവതരിപ്പിച്ചു... PTA ഭാരവാഹികളെ തെരഞ്ഞെടുത്തു... ഷിജു പാണ്ടാരി.. പ്രസിഡന്റ്... ഷിബു ജോസ്‌... വൈസ് പ്രസിഡണ്ട്‌... ഗ്രീഷ്മ ബിജു MPTA പ്രസിഡണ്ട്‌... ശ്രീമതി ഷോബി... വൈസ് പ്രസിഡണ്ട്‌...

🌟🌟ജൂലായ് 21 - ചാന്ദ്ര ദിനം 🌟🌟

ചാന്ദ്ര ദിനം വിവിധ പരിപാടികളോടെ ആഘോഷിച്ചു... ചന്ദ്ര മനുഷ്യൻ ക്ലാസുകൾ തോറും സന്ദർശിക്കുകയും അനുഭവങ്ങൾ പങ്കു വെക്കുകയും ചെയ്തു.. റോക്കറ്റ് ഉൾപ്പടെയുള്ള മാതൃകകൾ കുട്ടികൾ തയ്യാറാക്കി.... ചാന്ദ്ര ദിനാഘോഷ ചടങ്ങുകൾ ശാസ്ത്ര സാഹിത്യ പരിഷത്ത് പ്രവർത്തകൻ ശ്രീ സോമൻ കാര്യാട്ട് ഉദ്ഘാടനം ചെയ്തു... പ്രധാന അധ്യാപിക അധ്യക്ഷ.... യോഗത്തിൽ കെയർ ഇന്ത്യ ഓർഗനൈസേഷൻ ഒറീസാ യിലെ പ്രതിനിധികളായ ഡോക്ടർ ജ്യോതി പ്രകാശ്.. പ്യാരി മോഹൻ എന്നിവരുടെ സാന്നിധ്യം ചടങ്ങിൽ ഉണ്ടായിരുന്നു.... ഇന്നേ ദിവസം ബാലവേദി ക്ലബ്‌ രൂപീകരണം നടന്നു... എഡിസൺ ബാലവേദി എന്ന് നാമകരണം ചെയ്തു.... ദേവാനന്ദ് പ്രസിഡന്റ്.... അൽവിനാ ബിജു ജോയിന്റ് സെക്രട്ടറി അർച്ചന വൈസ് പ്രസിഡണ്ട്‌.... ലഘു പരീക്ഷണങ്ങൾ നടത്തി.... കോളാഷ് പ്രദർശനം... ഭിന്ന ശേഷിക്കാരനായ ആൽബിൻ ന്റെ അമ്പിളി മാമൻ എന്ന കവിത അവതരണം എന്നിവയും ചാന്ദ്ര ദിനത്തിന്റെ ഭാഗം ആയി നടന്നു...

ആഗസ്റ്റ് 6 ഹിരോഷിമ ദിനം

ആഗസ്റ്റ് 8 ക്വിറ്റ് ഇന്ത്യ

ആഗസ്റ്റ് 9 നാഗസാക്കി ദിനം

ഓഗസ്റ്റ് 6 ഹിരോഷിമ ദിനം അവധി ആയതിനാൽ ആ ദിനത്തെ കുറിച്ചും അതിന്റെ പ്രാധാന്യത്തേക്കുറിച്ചും ക്ലാസ്സ്‌ ഗ്രൂപ്പുകളിൽ share ചെയ്തു.... ഓഗസ്റ്റ് 8 നു കുട്ടികൾ സുഡാക്കോ കൊക്കുകൾ നിർമിച്ചു.... യുദ്ധ വിരുദ്ധ പോസ്റ്റർ കൾ തയ്യാറാക്കി.... ഓഗസ്റ്റ് 9 നു യുദ്ധ വിരുദ്ധ പ്രതിജ്ഞ എടുത്തു.... പ്രഭാഷണം നടത്തി...

ആഗസ്റ് 10 മുതൽ 15 വരെ സ്വാതന്ത്ര്യത്തിന്റെ അമൃത മഹോത്സവം

ഇന്ത്യയുടെ സ്വാതന്ത്ര്യത്തിന്റെ 75ാം വാർഷികത്തിന്റെ ഭാഗമായി സംഘടിപ്പിച്ച അമൃത മഹോത്സവം എന്ന പരിപാടിയുടെ ഭാഗമായി റാലി നടത്തി. വിവിധ വേഷവിധാനങ്ങളോടു കൂടി കുട്ടികൾ ഈ റാലിയിൽ പങ്കെടുത്തു. അന്നേ ദിവസം തന്നെ 'സ്വാതന്ത്ര്യത്തിന്റെ കയ്യൊപ്പിൽ 'കുട്ടികളും രക്ഷിതാക്കളും അധ്യാപകരും ഒപ്പ് രേഖപ്പെടുത്തി. സ്വാതന്ത്ര്യ ദിനവുമായി ബന്ധപ്പെട്ട ചിത്രരചന മത്സരം നടത്തി.

ആഗസ്റ്റ് 11- ഗാന്ധി മരം നടീൽ

അമൃത മഹോത്സവത്തിന്റെ ഭാഗമായി ഗാന്ധിമരം നടീൽ നടത്തി. ജനപ്രതിനിധികളും സ്കൂൾ മാനേജർ പി ടി എ ,എം പി ടി എ. രക്ഷിതാക്കളും അധ്യാപകരും കുട്ടികളും പങ്കെടുത്തു. കൂടാത ടാബ്ലോ മത്സരം , പ്രസംഗ മത്സരം ദേശഭക്തി ഗാന മത്സരം , എന്നിവ നടത്തുകയുണ്ടായി.

ആഗസ്റ്റ് - 12 ഭരണഘടന ആമുഖം അവതരണം

അമൃത മഹോത്സവത്തിന്റെ ഭാഗമായി ഭരണഘടന ആമുഖം അവതരിപ്പിക്കുകയും കുട്ടികൾ ക്ലാസുകളിൽ വായിക്കുകയും ചെയ്തു. സ്വാതന്ത്ര്യ ദിനത്തോടനുബന്ധിച്ച് ക്വിസ് മത്സരം നടത്തി.

ആഗസ്റ്റ് 15- സ്വാതന്ത്ര്യ ദിനം

2022 - 23 അധ്യായന വർഷത്തെ സ്വാതന്ത്ര്യ ദിനം സമുചിതമായി കൊണ്ടാടി. പ്രധാനാധ്യാപിക അജിതകുമാരി ടീച്ചർ പതാക ഉയർത്തി. പ്രധാനാധ്യാപിക ശ്രീമതി അജിതകുമാരി ടീച്ചർ സ്കൂൾ മാനേജർ ശ്രീ കെ ഗോപകുമാർ , പി ടി എ പ്രസിഡന്റ് ഷിജു PR എന്നിവർ സ്വാതന്ത്ര്യ ദിന സന്ദേശം നൽകി. വിവിധ കലാപരിപാടികൾ കുട്ടികൾ അവതരിപ്പിച്ചു. കൂടാതെ സ്വാതന്ത്ര്യ ദിനത്തോടനുബന്ധിച്ചു നടത്തിയ മത്സരങ്ങളിൽ വിജയിച്ച കുട്ടികൾക്ക് സമ്മാനങ്ങൾ വിതരണം ചെയ്യ്തു...

🌟ചിങ്ങം1 കർഷകദിനാചരണം🌟

സ്കൂൾ അസംബ്ലിയിൽ HM ശ്രീമതി അജിത ടീച്ചർ ആശംസകൾ അർപ്പിച്ചു സംസാരിച്ചു.. കുട്ടികളുടെ പ്രതിനിധി ദേവാനന്ദ് ആശംസകൾ നേർന്നു.. കൃഷിപ്പാട്ടുകൾ അവതരിപ്പിച്ചു.. കൃഷിപതിപ്പ് തയ്യാറാക്കി... കുട്ടി കർഷകർ ആയി വേഷം വേഷമണിഞ്ഞു റാലിയിൽ പങ്കെടുത്തു... കൃഷി പ്രോത്സാഹിപ്പിക്കുന്നതിന്റെ ഭാഗം ആയി സ്കൂളിൽ പച്ചക്കറി വിത്തുകളും തൈകളും അധ്യാപകരും കുട്ടികളും ചേർന്നു നടുകയും ചെയ്തു..

🌟ഓണം 2022🌟

ഓണാഘോഷം സെപ്റ്റംബർ 2 നു ആയിരുന്നു... ഓണസദ്യ....ഓണപ്പൂക്കളം... ഓണപ്പാട്ടുകൾ.. കസേരകളി... വടംവലി.... തിരുവാതിരകളി എന്നിവ യോടെ ഓണം ആഘോഷമാക്കി മാറ്റി.... മാനേജർ... പ്രധാന അധ്യാപിക... അധ്യാപകർ... PTA അംഗങ്ങൾ... ജനപ്രതിനിധികൾ തുടങ്ങി എല്ലാവരും ഒപ്പം കുട്ടികളും വിഭവ സമൃദ്ധമായ സദ്യ യിൽ പങ്കെടുത്തു...

🌟സെപ്റ്റംബർ 5 അധ്യാപകദിനം 🌟

ഓണാവധിക്കുള്ളിൽ ആയിരുന്നു അധ്യാപകദിനം... അധ്യാപകദിനത്തിന്റെ ഭാഗം ആയി കുട്ടികൾ അവരുടെ പ്രിയപ്പെട്ട അധ്യാപകർക്കു കത്തുകൾ കൈമാറി... ആശംസകാർഡുകൾ നൽകി...കുട്ടി അധ്യാപകർ ക്ലാസ്സ്‌ എടുത്തു... എന്നിങ്ങനെ വിവിധ പ്രവർത്തനങ്ങളിൽ കുട്ടികൾ ഏറെ സന്തോഷത്തോടെ പങ്കെടുത്തു..

🌟ലോക ഓസോൺ ദിനം... സെപ്റ്റംബർ 16🌟

കുട്ടികളുടെ പ്രധിനിധി ദേവാനന്ദിന്റെ പ്രഭാഷണം... പോസ്റ്റർ തയ്യാറാക്കൽ... ക്വിസ് മത്സരം... പ്രകൃതി പഠനയാത്ര.... ചുള്ളികാവ് ഡാമിലേക്ക്... ശാസ്ത്ര സാഹിത്യ പരിഷത്തിന്റെ നേതൃത്വത്തിൽ നടന്ന പ്രകൃതി യാത്ര കുട്ടികൾക്ക് പറഞ്ഞറിയിക്കാനാവാത്ത അനുഭവം ആയിരുന്നു...

🌟ജലം ബാലോത്സവം 🌟

ശാസ്ത്ര സാഹിത്യ പരിഷത്തിന്റെ ആഭിമുഖ്യത്തിൽ 21/09/2022 നു സ്കൂളിൽ വെച്ച് നടന്നു... UP ക്ലാസ്സിലെ കുട്ടികൾ... അധ്യാപകർ... ജനപ്രതിനിധികൾ... ശാസ്ത്രസാഹിത്യ പരിഷത് പ്രതിനിധികൾ തുടങ്ങിയവർ പങ്കെടുത്തു... നിരീക്ഷണം... പരീക്ഷണം... ഭാഷ... എന്നീ വിവിധ മേഖലകളിൽ പ്രവർത്തനങ്ങൾ നടന്നു... പ്രശ്നോത്തരി... പരസ്പര ചർച്ചകൾ... എന്നിങ്ങനെയുള്ള പ്രവർത്തനങ്ങളിലൂടെ കുട്ടികൾ കടന്നു പോയി... അവിസ്മരണീയമായ അനുഭവങ്ങൾ കുട്ടികൾക്ക് പകർന്നു നൽകിയ ഒരു പഠന ക്യാമ്പ്‌...

🌟🌟സ്കൂൾ കായിക മത്സരങ്ങൾ 🌟🌟

സ്കൂൾ തല കായിക മത്സരങ്ങൾ 24/09/2022 നു നടന്നു.... ഒന്ന് മുതൽ ഏഴ് വരെയുള്ള മുഴുവൻ കുട്ടികളും മത്സരങ്ങളിൽ പങ്കെടുത്തു... കുട്ടികൾക്ക് ഏറെ സന്തോഷവും മത്സര ചൂടും നൽകിയ നിമിഷങ്ങൾ ആയിരുന്നു

🌟🌟സ്കൂൾതല യുവജനോത്സവം 🌟🌟

സെപ്റ്റംബർ 28,29,30 തിയ്യതികളിൽ സ്കൂൾ ഹാളിൽ വെച്ച് നടന്നു... 28,29 തിയ്യതികളിൽ off സ്റ്റേജ് മത്സരങ്ങളും...30 നു സ്റ്റേജ് മത്സരങ്ങളും... കുട്ടികൾ ആവേശത്തോടെ മത്സരങ്ങളിൽ പങ്കാളികളായി... വിജയികൾക്ക് സമ്മാനങ്ങൾ നൽകി....

🌟🌟ഒക്ടോബർ 2 ഗാന്ധിജിജയന്തി 🌟🌟

ഞായറാഴ്ച ആയതിനാൽ ഓൺലൈൻ... Off line പ്രവർത്തനങ്ങൾ നടത്തി... ഗാന്ധിപതിപ്പു നിർമാണം... പോസ്റ്റർ നിർമാണം... ഗാന്ധി ചിത്രരചന.... പ്രസംഗം... കഥാവായന.. ആത്മകഥ... ജീവചരിത്രം... ഗാന്ധി സന്ദേശം കൈമാറൽ... ഗാന്ധി കവിതകൾ എന്നീ പ്രവർത്തനങ്ങളിലൂടെ... കുട്ടികൾ കടന്നുപോയി... കുട്ടികൾ ശുചീകരണ പ്രവർത്തനങ്ങളിലും കുട്ടികൾ സജീവമായി പങ്കെടുത്തു..

🌟🌟ലഹരി വിമുക്ത കേരളം 🌟🌟

സ്കൂൾ തല ലഹരി വിമുക്ത പ്രവത്തനങ്ങൾക്ക് ഒക്ടോബർ 6 വ്യാഴാഴ്ച തുടക്കം കുറിച്ചു... സ്കൂൾതല പ്രവർത്തനങ്ങളുടെ ഉദ്ഘാടനം വാർഡ് മെമ്പർ നിർവഹിച്ചു... ലഹരി വിരുദ്ധ പ്രവർത്തനങ്ങളെക്കുറിച്ചു പോസ്റ്റർ തയ്യാറാക്കൽ... പ്രദർശനം... വീഡിയോ പ്രദർശനം... മുഖ്യമന്ത്രി യുടെ ലഹരി വിരുദ്ധ സന്ദേശം ശ്രവിക്കൽ... ലഹവിരുദ്ധ പ്രതിജ്ഞ എടുക്കൽ... പ്രധാന അധ്യാപികയുടെ നേതൃത്വത്തിൽ ജനജാഗ്രത സമിതി രൂപീകരണം... ലഹരി വിരുദ്ധ റാലി എന്നീ പ്രവർത്തനങ്ങളിലൂടെ കുട്ടികൾ കടന്നു പോയി... ലഹരി എന്ന ആപത്തു തടയാനായി തങ്ങൾക്കു പറ്റുന്നതെല്ലാം ചെയ്യുമെന്ന് കുട്ടികൾ ഉറപ്പിച്ചു പറഞ്ഞു...

🌟🌟ശാസ്ത്ര ഗണിത ശാസ്ത്ര സാമൂഹ്യ ശാസ്ത്ര പ്രവൃത്തി പരിചയ മേള 🌟🌟

സ്കൂൾതല മേള 7/10/2022 നു സ്കൂൾ ഹാളിൽ നടന്നു... LP... UP പ്രത്യേകവിഭാഗങ്ങൾ ആയാണ് മേള സംഘടിപ്പിച്ചത്... വർക്കിംഗ്‌.... സ്റ്റിൽ.... എക്സ്പീരിമെന്റ്... ചാർട്ട്.. Drawing.... വർക്ക്‌ എക്സ്പീരിയൻസ്... എന്നിങ്ങനെ വിവിധ വിഭാഗങ്ങളിൽ കുട്ടികൾ അവരുടെ മാതൃകകൾ പ്രദർശിപ്പിച്ചു.... പ്രവൃത്തി പരിചയത്തിൽ തത്സമയ പ്രവർത്തനങ്ങളും ഉണ്ടായിരുന്നു... ഒപ്പം IT ക്വിസ് മത്സരവും നടന്നു... മികച്ച ഉൽപ്പന്നങ്ങൾ വിവിധ മത്സരങ്ങളിൽ പങ്കെടുപ്പിക്കുവാൻ തീരുമാനിച്ചു....

🌟🌟ലഹരി വിരുദ്ധ ബോധവത്കരണ ക്ലാസ്സ്‌ 🌟🌟

ലഹരി വിമുക്ത കേരളം ക്യാമ്പയിൻ ന്റെ ഭാഗം ആയി ഒക്ടോബർ 7 വെള്ളിയാഴ്ച ഉച്ചക്ക് രണ്ട് മണിക്ക് രക്ഷിതാക്കൾക്കും UP ക്ലാസ്സിലെ കുട്ടികൾക്കുമായി ലഹരി വിരുദ്ധ ബോധവത്കരണ ക്ലാസ്സ്‌ സംഘടിപ്പിച്ചു.. തൃശൂർ റേഞ്ച് സിവിൽ എക്‌സൈസ് ഓഫീസർ ശ്രീരാഗ് ആണ് ക്ലാസ്സ്‌ നയിച്ചത്... വാർഡ് മെമ്പർ... PTA പ്രസിഡണ്ട്‌... PTA പ്രതിനിധികൾ.. എന്നിവരും സന്നിഹിതരായിരുന്നു... ലഹരി ഉപയോഗത്തെക്കുറിച്ചും അതിന്റെ അനന്തര ഫലങ്ങളെക്കുറിച്ചും വളരെ വിശദമായി അദ്ദേഹം ക്ലാസ്സ്‌ എടുത്തു...

🌟🌟ടോയ്ലറ്റ് ബ്ലോക്ക്‌ ഉദ്ഘാടനം 🌟🌟

2920-2021 ഒല്ലൂർ MLA യുടെ പ്രത്യേക വികസന ഫണ്ട്‌ 10 ലക്ഷം രൂപ ഉപയോഗിച്ച് ഈ വിദ്യാലയത്തിൽ നിർമിച്ച പുതിയ ടോയ്ലറ്റ് ബ്ലോക്കിന്റെ ഉദ്ഘാടനം റവന്യു ഭവന നിർമാണ വകുപ്പ് മന്ത്രി ശ്രീ കെ രാജൻ അവർകൾ ഒക്ടോബർ 10 നു നിർവഹിച്ചു... ജന പ്രതിനിധികൾ... പുത്തൂർ പഞ്ചായത്ത്‌ പ്രസിഡണ്ട്‌... ബ്ലോക്ക്‌ പഞ്ചായത്ത്‌ പ്രസിഡണ്ട്‌... മുൻ പ്രധാന അധ്യാപിക വനജകുമാരി ടീച്ചർ... PTA അംഗങ്ങൾ...മാനേജർ..അധ്യാപകർ... വിദ്യാർത്ഥികൾ എന്നിവരുടെ സാന്നിധ്യം ചടങ്ങിനെ സമ്പന്നമാക്കി.... ചടങ്ങിൽ വെച്ച് വിദ്യാലയത്തിന്റെ പേരിൽ ഒരു സ്നേഹോപഹാരം മന്ത്രിക്കു സമ്മാനിച്ചു...

🌟🌟സ്കൂൾതല KG വിഭാഗം കായികമേള..🌟

2022ഒക്ടോബർ 14 നു പ്രധാന അധ്യാപിക ശ്രീമതി അജിതകുമാരി ടീച്ചർ ഉദ്ഘാടനം ചെയ്യ്തു.... KG സെക്ഷൻ കുട്ടികൾ മത്സരത്തിൽ പങ്കെടുത്തു.... ഒന്നും രണ്ടും സ്ഥാനം കരസ്ഥമാക്കിയ കുട്ടികൾക്ക് സമ്മാനങ്ങൾ നൽകി...

🌟🌟ആഗോള കൈകഴുകൽ ദിനം 🌟🌟 ഒക്ടോബർ 15 നു നമ്മുടെ സ്കൂളിലും ആഗോള കൈകഴുകൽ ദിനം ആചരിച്ചു.... ശരിയായ കൈകഴുകൽ... പ്രാധാന്യം... വീഡിയോ പ്രദർശനം... ശുചിത്വ ശീലങ്ങൾ ഓർമപ്പെടുത്തൽ... നല്ല ആഹാര ശീലങ്ങൾ പരിചയപ്പെടുത്തൽ... ഒപ്പം വെള്ളാനിക്കര PHC യിലെ sister ന്റെ നേതൃത്വത്തിൽ ബോധവൽക്കരണ ക്ലാസ്സ്‌ എന്നീ പ്രവർത്തനങ്ങൾ കൈകഴുകൽ ദിനം കുട്ടികളിൽ ഓര്മപ്പെടുത്തലുകളായി മാറ്റി....

🌟🌟ഭക്ഷ്യമേള 2022🌟🌟

ലോകഭക്ഷ്യദിനമായ ഒക്ടോബർ 16 നോടാനുബന്ധിച്ചു വിദ്യാലയത്തിൽ വിപുലമായ രീതിയിൽ ഭക്ഷ്യമേള സംഘടിപ്പിച്ചു.... പ്രധാന അധ്യാപിക ശ്രീമതി അജിത ടീച്ചർ ഉദ്ഘാടനം ചെയ്ത ചടങ്ങിൽ കുട്ടികൾ വൈവിധ്യമാർന്ന പലഹാരങ്ങളും കറികളും പ്രദർശിപ്പിച്ചു.... പോഷക സ്‌മൃദ്ധമായ നാടൻ വിഭവങ്ങളുടെ ഒരു വലിയ ശേഖരം തന്നെ ഉണ്ടായിരുന്നു... മുരിങ്ങയില പുട്ട്.. ക്യാരറ്റ് പുട്ട്... പാൽപ്പിടി... റാഗിയപ്പം... മത്തങ്ങ ഹൽവ തുടങ്ങിയവ വേറിട്ട വിഭവങ്ങൾ ആയിരുന്നു...

🌟🌟ഒക്ടോബർ 28... സ്കൂൾ പാർലമെന്ററി തെരഞ്ഞെടുപ്പു.....

തികച്ചും ജനാധിപത്യ രീതിയിൽ നടന്ന തെരഞ്ഞെടുപ്പായിരുന്നു.... നാമ നിദേശിക പത്രിക സ്വീകരണം..... പ്രചരണം.... വോട്ടെടുപ്പ്... ഫല പ്രഖ്യാപനം എന്നിവ തികച്ചും ജനാധിപത്യ രീതിയിൽ നടന്നു... ബ്ലസി റോസ് സ്കൂൾ ലീഡർ... ദേവാനന്ദ് അസിസ്റ്റന്റ് സ്കൂൾ ലീഡർ.... ഷാരോൺ കെ ജെ സ്പോർട്സ് ക്യാപ്ടൻ... ആൽബിൻ എം ബിനു അസിസ്റ്റന്റ് സ്പോർട്സ് ക്യാപ്റ്റൻ എന്നിങ്ങനെ തെരെഞ്ഞെടുക്കപ്പെട്ടു....

🌟🌟കേരള പ്പിറവി ദിനാഘോഷം.... നവംബർ 1നു.... 🌟🌟

കേരളീയ വസ്ത്രങ്ങൾ അണി ഞ്ഞും.... ഭാഷ പ്രതിജ്ഞ എടുത്തും.... കേരളവുമായി ബന്ധപ്പെട്ട കലാ പരിപാടികളുമായി കേരള പ്പിറവി ആഘോഷം സമ്പന്നമായി... കവിതലാപനം.... വഞ്ചിപ്പാട്ട് പ്രസംഗം... പതിപ്പ് തയ്യാറാക്കൽ.... ക്വിസ് തിരുവാതിരക്കളി എന്നീ പ്രവർത്തങ്ങൾ.....ഉച്ചക്ക് മൂന്ന് മണിക്ക് ലഹരി വിരുദ്ധ പ്രതിജ്ഞ.... റാലി.... കുട്ടി ചങ്ങല തീർക്കൽ എന്നിവയിൽ കുട്ടികൾ.... അധ്യാപകർ... ജനപ്രതിനിധികൾ.... PTA പ്രതിനിധികൾ എന്നിവർ ഒത്തു ചേർന്നു...

🌟Curriculam Revice 🌟

സ്കൂൾ തല സംഘടന സമിതി രൂപീകരണ യോഗം നവംബർ 1ചൊവ്വാഴ്ച 3.30 നു PTA പ്രസിഡന്റ് ഷിജു പാ ണ്ടാരി യുടെ നേതൃത്വത്തിൽ നടന്നു.... പ്രധാന അധ്യാപിക ശ്രീമതി അജിതകുമാരി സ്വാഗതം.... വാർഡ് മെമ്പർ ആരോഷ് ഉദ്ഘാടനം RP രാജേശ്വരി ടീച്ചർ പദ്ധതി വിശദീകരണം എന്നിവ നടത്തി... PTA പ്രധിനിധി കൾ അധ്യാപകർ.... SSK പ്രതിനിധികൾ പൂർവ്വ വിദ്യാർത്ഥികൾ എന്നിവർ ഉൾപ്പെടുന്ന കമ്മിറ്റി രൂപീകരിച്ചു.... വാർഡ് മെമ്പർ രക്ഷാധികാരി... തുടർന്നു സജീവമായ ചർച്ച..നന്ദി.....

🌟🌟Curriculam Revice.... ജനകീയ ചർച്ച 🌟🌟

നവംബർ 11 നു ഉച്ചക്ക് ഒരു മണി മുതൽ നാലര വരെ സ്കൂൾ ഹാളിൽ.... വാർഡ് മെമ്പർ ഉദ്ഘാടനം... ജനപ്രതിനിധികൾ..... അധ്യാപകർ..... പൂർവ്വ വിദ്യാർത്ഥികൾ... SSK പ്രതിനിധികൾ.... പൂർവ്വ അധ്യാപകർ.... മാതാപിതാക്കൾ... സജീവ ചർച്ച ആറു ഗ്രൂപ്പുകളായി തിരിഞ്ഞ്.... ചർച്ചയിൽ ഉരുതിരിഞ്ഞു വന്നത് അവതരണം... RP രാജേശ്വരി ടീച്ചർ ടെ അവതരണം.....

🌟🌟നവംബർ 14... ശിശുദിനം.

HM അജിത ടീച്ചർ നെഹ്‌റു വിന്റെ ഫോട്ടോയിൽ പുഷ്പാർച്ചന നടത്തി..... ശിശുദിനാശംസകൾ നേർന്നു.... ശിശുദിന സന്ദേശം നൽകി.... കുട്ടി നെഹ്‌റുവിന് റോസാപൂ സമ്മാനിച്ചു.... ആശംസ കാർഡ് നൽകി.... തുടർന്നു കുട്ടികളുടെ കലാപരിപാടികൾ.... പ്രസംഗം... കുട്ടിപ്പാട്ടുകൾ.... Welcome ഡാൻസ്.... തുടർന്നു KG fest.....

⭐⭐ പാഠ്യ പദ്ധതി പരിഷ്ക്കരങ്ണം.... കുട്ടികളുടെ ചർച്ച

നവംബർ 17 വ്യാഴാഴ്ച നടന്നു.തങ്ങളുടേതായ മാറ്റങ്ങൾ ഊന്നിപ്പറഞ്ഞ് കുട്ടികൾ പ്രത്യേകിച്ച് വലിയ ക്ലാസിലെ കുട്ടികൾ ആവേശത്തോടെ ചർച്ചയിൽ പങ്കെടുത്തു. രാജി ടീച്ചർ ക്രോഡീകരണം നടത്തി.

. ⭐⭐ നവംബർ 18 ഷൂട്ട്‌ ഔട്ട്‌ മത്സരം

ലോക ഫുട്ബോൾ ആവേശലഹരിയിൽ നമ്മുടെ വിദ്യാലയം ഷൂട്ട്‌ ഔട്ട് മത്സരം നടത്തി. ഈ വിദ്യാലയത്തിലെ എല്ലാ കുട്ടികളും ആവേശത്തോടെ പന്ത് തട്ടാൻ എത്തിയ കാഴ്ച ഏറെ കൗതുകകരമായിരുന്നു.

⭐⭐ ആഗോള മില്ലറ്റ് വർഷം

ആഗോള മില്ലറ്റ് വർഷമായി 2023 ആചരിക്കുന്നതിന്റെ ഭാഗമായി രക്ഷിതാക്കൾക്കുള്ള ബോധവൽക്കരണക്ലാസുകളും പരിപാടികളും മില്ലറ്റ് വിഭവങ്ങൾ തയ്യാറാക്കലും നവംബർ മാസത്തിൽ നടന്നു.

⭐⭐ ലോക ഭിന്നശേഷി ദിനാചരണം ഡിസംബർ 3

ഈ ദിനാചരണത്തിന്റെ മുന്നോടിയായി നവംബർ 30ന് ക്ലാസ് തലത്തിൽ പോസ്റ്റർ ചിത്രരചന എന്നീ മത്സരങ്ങൾ നടത്തി. ഡിസംബർ ഒന്നിന് ബിഗ് ക്യാൻവാസ്, സ്പെഷ്യൽ അസംബ്ലി എന്നിവ സംഘടിപ്പിച്ചു. ബിഗ് ക്യാൻവാസിൽ ജനപ്രതിനിധികൾ, പിടിഎ പ്രതിനിധികൾ, അധ്യാപകർ,കുട്ടികൾ എന്നിവർ തങ്ങളുടെ സൃഷ്ടികൾ പകർത്തി ഭിന്നശേഷി വിദ്യാർഥികളായ ആൽബിൻ, നിരഞ്ജൻ എന്നിവരുടെ പ്രകടനം മനസ്സിൽ തട്ടുന്നതായിരുന്നു.

⭐⭐ ക്രിസ്തുമസ്

ഡിസംബർ 23ന് ക്രിസ്തുമസ് ആഘോഷിച്ചു. കരോൾ ഗാനങ്ങൾ, കരോൾ ഡാൻസ്, ക്രിസ്തുമസ് പപ്പാ, ക്രിസ്തുമസ് ആശംസാ കാർഡുകൾ തയ്യാറാക്കൽ, ക്രിസ്തുമസ് പുൽക്കൂട് നിർമ്മിക്കൽ എന്നീ പരിപാടികളിൽ ചുവപ്പും വെള്ളയും ധരിച്ചെത്തിയ കുട്ടികൾ ആവേശത്തോടെ പങ്കെടുത്തു. കേക്കുമുറിച്ചു നൽകിയും ആശംസാ കാർഡുകൾ കൈമാറിയും ഉച്ചയ്ക്ക് ബിരിയാണി കഴിച്ചും ക്രിസ്തുമസ് ആഘോഷം ഗംഭീരമാക്കി.

⭐⭐ദേശീയ വിര വിമുക്ത ദിനാചരണം.. ജനുവരി 17 2023

ഇതിന്റെ ഭാഗമായി സ്കൂളിൽ വിര ഗുളിക വിതരണം നടത്തി. ഒന്നാം ക്ലാസ് മുതൽ ഏഴാം ക്ലാസ് വരെയുള്ള കുട്ടികൾ വിര ഗുളിക കഴിച്ചു.

⭐⭐ ജനുവരി 26

ഈ വർഷത്തെ റിപ്പബ്ലിക് ദിനത്തിൽ പ്രധാന അധ്യാപിക അജിതകുമാരി ടീച്ചർ പതാക ഉയർത്തി.കുട്ടികൾക്ക് റിപ്പബ്ലിക് ദിന സന്ദേശം നൽകി. കുട്ടികളുടെ പ്രസംഗം, ദേശഭക്തി ഗാനാലാപനം എന്നിവ നടത്തി പിടിഎ പ്രതിനിധികൾ വിദ്യാർത്ഥികൾ സ്കൂൾ മാനേജർ എന്നിവർ സ്കൂൾ അങ്കണത്തിൽ

ഉണ്ടായിരുന്..ു

⭐⭐ ജനുവരി 30 രക്തസാക്ഷി ദിനം

കുട്ടികൾ ധീര ദേശാഭിമാനികളായി വളരേണ്ടതിന്റെ പ്രാധാന്യം ഊ ട്ടിയുറപ്പിക്കുന്നതിനായി ഗാന്ധിജിയുടെ ജീവിതം.. വീഡിയോ പ്രദർശനം, പത്രവായന, ധീര രക്തസാക്ഷികൾക്ക് അഭിവാദ്യങ്ങൾ, പോസ്റ്റർ നിർമ്മാണം, ഗാന്ധി ചിത്രരചന എന്നിങ്ങനെ വ്യത്യസ്തമായ പ്രവർത്തനങ്ങൾ നടത്തി.

⭐⭐ ഫെബ്രുവരി 7

ബഹുമാനപ്പെട്ട തൃശൂർ ഈസ്റ്റ് എ ഇ ശ്രീ ബാലകൃഷ്ണൻ നമ്മുടെ വിദ്യാലയം സന്ദർശിച്ചു. മലയാളം വായനയിൽ കുട്ടികളുടെ മിടുക്ക് അറിയുന്നതിനായി മലയാളം പാഠപുസ്തകത്തിലെ പാഠഭാഗങ്ങൾ വായിപ്പിച്ചു. വായനയിലും എഴുത്തിലും കുട്ടികൾ മെച്ചപ്പെട്ടിട്ടുണ്ടെങ്കിലും പോരായ്മകൾ നികത്തണം എന്ന് അദ്ദേഹം നിർദ്ദേശിച്ചു. അതിനുള്ള പ്രവർത്തനങ്ങൾ സ്കൂളിൽ നടത്തുവാനും അദ്ദേഹം ആവശ്യപ്പെട്ടു.

⭐⭐സ്കൂൾ വാർഷികാഘോഷവും യാത്രയയപ്പ് സമ്മേളനവും

ഈ വർഷത്തെ സ്കൂൾ വാർഷികാഘോഷവും യാത്രയയപ്പ് സമ്മേളനവും മാർച്ച് മൂന്നിന് നടന്നു.ഗംഭീരമായ യാത്രയയപ്പ് സമ്മേളനം ആയിരുന്നു നടന്നത്. ഈ വർഷം വിരമിക്കുന്ന ജയശ്രീ ടീച്ചർക്ക് ഏറെ ആദരവ് ആയിരുന്നു ഈ യാത്രയയപ്പ്.

⭐⭐2023...2024⭐⭐

⭐⭐ജൂൺ 1

ഈ വർഷത്തെ പ്രവേശനോത്സവം വളരെ ഭംഗിയായി നടന്നു. ഏകദേശം നൂറോളം കുട്ടികൾ ഈ അധ്യയന വർഷം പ്രവേശനം നേടിയെടുത്തു. പ്രവേശനോത്സവ പരിപാടികളിൽ അധ്യക്ഷ സ്ഥാനം അലങ്കരിച്ചത് പിടിഎ പ്രസിഡന്റ് ഷിജു ആയിരുന്നു. ഉദ്ഘാടനം അരോഷ് വാർഡ് മെമ്പർ നിർവഹിച്ചു. മാനേജർ ഗോപകുമാർ കുട്ടികൾക്കുള്ള യൂണിഫോം വിതരണം ചെയ്തു. നവാഗതരായ കളിപ്പാട്ടങ്ങളും പാവകളും നൽകി സ്കൂളിലേക്ക് ആനയിച്ചു. എല്ലാ കുട്ടികൾക്കും മധുരപലഹാരം വിതരണം ചെയ്തു.

⭐⭐ ജൂൺ 5 പരിസ്ഥിതി ദിനാചരണം

ജൂൺമാസം അഞ്ചാം തിയതി മാനേജർ പ്രധാന അധ്യാപിക അജിതകുമാരി ടീച്ചർ, സീന ടീച്ചർ മറ്റു അധ്യാപകർ പിടിഎ എം പി ടി എ പ്രതിനിധികൾ കുട്ടികൾ എന്നിവർ അടങ്ങുന്ന സംഘം മാതളം നട്ടു... അധ്യാപകരും കുട്ടികളും അവനവന്റെ വീടുകളിൽ പുതിയ വൃക്ഷത്തൈ നട്ടു.. പോസ്റ്ററുകൾ പ്രദർശിപ്പിച്ചു.. പ്ലാസ്റ്റിക് മാലിന്യം തടയാം എന്ന ഈ വർഷത്തെ ഈ സന്ദേശം ഉയർത്തി പിടിക്കുന്ന സൈക്കിൾ റാലി നടത്തിയും പരിസ്ഥിതി ദിനാചരണം ഗംഭീരമാക്കി.. പരിസ്ഥിതി വാരാചാരം നടക്കുന്ന സാഹചര്യത്തിൽ ഇക്കൊ ക്ലബ്‌ ശാസ്ത്ര ക്ലബ്‌ എന്നിവയുടെ സംയുക്ത ഉദ്ഘാടനം ഇസാഫ് സീനിയർ മാനേജർ ശ്രീമതി ലിൻസ നിർവഹിച്ചു..

⭐⭐സോളാർ പാനൽ ഉദ്ഘാടനം

ഇസാഫ് നമ്മുടെ സ്കൂളിൽ നൽകിയ സോളാർ പാനലിന്റെ കൈമാറ്റ ചടങ്ങ് പരിസ്ഥിതി ദിനത്തിൽ നടന്നു. ഇസാഫ് വൈസ്പ്രസിഡന്റ് സോണി വി മാത്യു.. മാനേജർ ശ്രീ ഗോപകുമാറിനു നൽകിക്കൊണ്ട് നിർവഹിച്ചു..

⭐⭐സ്പെഷ്യൽ അസംബ്ലി

ജൂൺ 23 ന് പൊതു വിദ്യാഭ്യാസ വകുപ്പിന്റെ നിർദ്ദേശപ്രകാരം പകർച്ചവ്യാധികളുടെ വ്യാപനം തടയുന്നതിനുള്ള നിബന്ധനകളും സന്ദേശങ്ങളും കൈമാറുന്നതിന് സ്പെഷ്യൽ അസംബ്ലി നടന്നു. പ്രധാന അധ്യാപിക അജിതകുമാരി ടീച്ചർ കുട്ടികൾക്കുള്ള നിർദ്ദേശങ്ങൾ നൽകി. അന്നേദിവസം വൈകുന്നേരം ഡ്രൈ ഡേ ആചരിക്കുകയും ചെയ്തു.

⭐⭐ അന്താരാഷ്ട്ര ലഹരി വിരുദ്ധ ദിനം

ജൂൺ 26 അന്താരാഷ്ട്ര ലഹരി വിരുദ്ധ ദിനത്തിൽ അസംബ്ലിയിൽ ലഹരി വിരുദ്ധ പ്രതിജ്ഞ,ലഹരി വിരുദ്ധ ഗാനാലാപനം, ലഹരി വിരുദ്ധ ക്വിസ് പോസ്റ്റർ പ്രദർശനം എന്നീ പ്രവർത്തനങ്ങൾ നടന്നു.

⭐⭐ പഠനോപകരണ നിർമ്മാണ ശില്പശാല

എൽ പി വിഭാഗം മാതാപിതാക്കളുടെ പഠനോപകരണ നിർമ്മാണ ശില്പശാല 27 ജൂൺ 2023ന് നടന്നു.ഒന്നു മുതൽ നാലു വരെയുള്ള കുട്ടികളുടെ രക്ഷിതാക്കൾ ഈ ശില്പശാലയിൽ പങ്കെടുത്തു. മലയാളം സചിത്ര പുസ്തകത്തിലേക്ക് ആവശ്യമുള്ള പഠനോപകരണങ്ങളുടെ നിർമ്മാണമാണ് ഈ ശില്പശാലയിൽ നടന്നത്.

⭐⭐ ബോധവൽക്കരണ ക്ലാസ്

ജൂൺ 27ന് മഴക്കാല രോഗങ്ങൾക്കെതിരെ ബോധവൽക്കരണ ക്ലാസ് സംഘടിപ്പിക്കപ്പെട്ടു.

വെട്ടുകാട് ഹെൽത്ത് സെന്ററിലെ ജെൻസി സിസ്റ്റർ ആണ് ക്ലാസ് നയിച്ചത്

⭐⭐ പിടിഎ പൊതുയോഗം

ഈ വർഷത്തെ PTA പൊതുയോഗം ജൂലൈ ഒന്നിന് നടന്നു. നൂറ്റമ്പതോളം രക്ഷിതാക്കൾ പൊതുയോഗത്തിൽ പങ്കെടുത്തു. രക്ഷിതാക്കൾക്കായി സിവിൽ എക്സൈസ് ഓഫീസർമാരായ ശ്രീ അനിൽകുമാർ, ശ്രീ മോഹനൻ എന്നിവർ ബോധവൽക്കരണക്ലാസ് നടത്തി. ലഹരി കുട്ടികൾക്കിടയിൽ എന്നായിരുന്നു വിഷയം. പിടിഎ പ്രതിനിധികൾ, എം പി ടിഎ ... അധ്യാപകർ കുട്ടികൾ.... മാതാപിതാക്കൾ തുടങ്ങിയവർ പങ്കെടുത്തു... സ്കൂളിലെ പൊതുവായ കാര്യങ്ങൾ ചർച്ച ചെയ്തതിനൊപ്പം വരുത്തേണ്ട മാറ്റങ്ങളെ കുറിച്ച് ഒരു പൊതുവായ ധാരണയും ഈ യോഗത്തിൽ ഉണ്ടായി.

⭐⭐ ബഷീർ ചരമദിനം

ബഷീർ അനുസ്മരണം,കൃതികൾ പരിചയപ്പെടൽ, ബഷീറിന്റെ കഥാപാത്രങ്ങളായി വേഷമിട്ട് അഭിനയിക്കൽ പ്രശ്നോത്തരി എന്നീ പ്രവർത്തനങ്ങളോടെ വ്യത്യസ്തമായ രീതിയിൽആചരിച്ചു.