ഗവ. എൽ.പി.എസ്. ആനാട്/എന്റെ ഗ്രാമം

'''ആനാട് '''

തിരുവനന്തപുരം ജില്ലയിലെ നെടുമങ്ങാട് താലൂക്കിലെ ഒരു ഗ്രാമപഞ്ചായത്താണ് ആനാട് .ആനാട് പഞ്ചായത്തിന്റെ വടക്ക് നന്ദിയോട്,പനവൂർ പഞ്ചായത്തുകൾ ,കിഴക്ക് തൊളിക്കോട് പഞ്ചായത്ത് ,പടിഞ്ഞാറ്‌ വെമ്പായം പഞ്ചായത്ത് ,തെക്ക് നെടുമങ്ങാട് മുൻസിപ്പാലിറ്റി എന്നിവയാണ് .

ആനാട്

ഭൂപ്രകൃതി

ഭൂപ്രകൃതി അനുസരിച്ച് പഞ്ചായത്തിനെ ഉയർന്ന കുന്നിൻപ്രദേശം ,താഴ്വരകൾ ,സമതങ്ങൾ ,ചതുപ്പുകൾ എന്നിങ്ങനെ തരംതിരിക്കാം . പാറമണ്ണ് ,ചെമ്മണ്ണ് ,ചരൽമണ്ണ് ,മണൽമണ്ണ് ,കളിമണ്ണ് ,എക്കൽ മണ്ണ് ,കറുത്തമണ്ണ്,ചെങ്കൽ മണ്ണ് എന്നിവയാണ് പഞ്ചായത്തിലെ പ്രധാന മണ്ണിനങ്ങൾ.കിള്ളിയാറും ചെറുതും വലുതുമായ തോടുകളും ചിറകളും അടങ്ങിയതാണ് ഈ പഞ്ചായത്തിലെ പ്രധാന ജലസ്രോതസുകൾ .

ഗവണ്മെന്റ് എൽ പി എസ് ആനാട്

       ആനാട് പഞ്ചായത്തിലെ പ്രധാന പ്രൈമറി വിദ്യാലയമാണ് ഗവണ്മെന്റ് എൽ പി എസ് ആനാട്.പഞ്ചായത്തിനോട് അടുത്ത് സ്ഥിതി ചെയ്യുന്ന ഈ വിദ്യാലയം അനേകായിരം കുഞ്ഞുങ്ങൾക്ക് അക്ഷര വെളിച്ചമേകി .ഈ വിദ്യാലയം ഇന്ന് ഭൗതിക സൗകര്യങ്ങളിലും അക്കാദമിക മികവിലും സംസ്ഥാനത്തിൽ തന്നെ മികച്ചതായി നിൽക്കുന്നു .സംസ്ഥാന പി ടി എ അവാർഡ് ,മികച്ച പ്രഥമാധ്യാപകനുള്ള അലി ഹസ്സൻ പുരസ്‌കാരം ,മികച്ച അദ്ധ്യാപകനുള്ള ദേശീയ പുരസ്‍കാരം ,ഹരിത വിദ്യാലയം അവാർഡ് തുടങ്ങി നിരവധി പുരസ്‌കാരങ്ങൾ നേടി .

ആനാട് ഗ്രാമപഞ്ചായത്ത്

ഗവണ്മെന്റ് എൽ പി എസ് ആനാട്

1952 - ൽ ആനാട് വില്ലേജുകൾ മുഴുവൻ ഉൾപ്പെടുത്തിയാണ് പഞ്ചായത് രൂപീകരിച്ചത് .പഞ്ചായത്തിന്റെ ആദ്യ പ്രസിഡന്റ് എൻ .കുഞ്ഞുകൃഷ്ണൻ നായരായിരുന്നു .18 വാർഡുകൾ ഉണ്ട് .

പൊതുസ്ഥാപനങ്ങൾ

ആനാട്പഞ്ചായത്ത്

സ്ക്കൂൾ

പഞ്ചായത്തിലെ പ്രധാന പൊതുസ്ഥാപനങ്ങളാണ് ഗവ .ആയുർവേദ ആശുപത്രി ,ആനാട് കുടുംബാരോഗ്യ കേന്ദ്രം ,പഞ്ചായത്ത് ലൈബ്രറി ,ക്ഷീരോത്പാദക സഹകരണ സംഘം ,മൃഗാശുപത്രി ,ഗവണ്മെന്റ് എൽ പി എസ് ആനാട്,എസ് എൻ വി എച്ച് എസ് എസ് ആനാട് ,അക്ഷയ കേന്ദ്രം എന്നിവ .