വെളിയനാട് എൽ പി ജി എസ്

2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.

ഇംഗ്ലീഷ് വിലാസം

https://schoolwiki.in/Veliyanad_LPGS

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

വെളിയനാട് എൽ പി ജി എസ്
വിലാസം
വെളിയനാട് വെളിയനാട് , വെളിയനാട് പി.ഒ. , 689590 , ആലപ്പുഴ ജില്ല
സ്ഥാപിതം	16 - ജനുവരി - 1912
വിവരങ്ങൾ
ഫോൺ	0477 2754522
ഇമെയിൽ	veliyanadlpgs@gmail.com
കോഡുകൾ
സ്കൂൾ കോഡ്	46406 (സമേതം)
യുഡൈസ് കോഡ്	32111100603
വിക്കിഡാറ്റ	Q87479704
വിദ്യാഭ്യാസ ഭരണസംവിധാനം
റവന്യൂ ജില്ല	ആലപ്പുഴ
വിദ്യാഭ്യാസ ജില്ല	കുട്ടനാട്
ഉപജില്ല	വെളിയനാട്
ഭരണസംവിധാനം
ലോകസഭാമണ്ഡലം	മാവേലിക്കര
നിയമസഭാമണ്ഡലം	കുട്ടനാട്
താലൂക്ക്	കുട്ടനാട്
ബ്ലോക്ക് പഞ്ചായത്ത്	വെളിയനാട്
തദ്ദേശസ്വയംഭരണസ്ഥാപനം	പഞ്ചായത്ത്
വാർഡ്	13
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	ഇംഗ്ലീഷ്
സ്ഥിതിവിവരക്കണക്ക്
ആകെ വിദ്യാർത്ഥികൾ	93
അദ്ധ്യാപകർ	4
സ്കൂൾ നേതൃത്വം
പ്രധാന അദ്ധ്യാപിക	ശ്രീനിവാസഷേണായി റ്റി
പി.ടി.എ. പ്രസിഡണ്ട്	ജെറിമോൻ
എം.പി.ടി.എ. പ്രസിഡണ്ട്	സുമിത മുകേഷ്
അവസാനം തിരുത്തിയത്
14-12-2023	Pradeepan

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ഗവ. എൽ.പി സ്‌കൂൾ വെളിയനാട് 

ആലപ്പുഴ ജില്ലയിലെ കുട്ടനാട് താലൂക്കിലെ വെളിയനാട് ഗ്രാമത്തിലാണ് ഈ വിദ്യാലയം പ്രവർത്തിക്കുന്നത്.ഇത് സർക്കാർ വിദ്യാലയമാണ്.കുട്ടനാട് വിദ്യാഭ്യാസ ജില്ലയുടെ കീഴിലുള്ള വെളിയനാട് വിദ്യാഭ്യാസ ഉപജില്ലയാണ് ഈ സ്കൂളിന്റെ ഭരണനിർവഹണ ചുമതല നടത്തുന്നത്. 16-01-1912 AD (03 മകരം1087) ൽ സ്ഥാപിച്ച ഈ വിദ്യാലയം തലമുറകൾക്ക് അറിവ് പകർന്നു. ശതാബ്ദിയുടെ നിറവിൽ നിൽക്കുന്ന ഈ സ്കൂൾ ആദ്യം പെൺപള്ളിക്കൂടമായും പിന്നീട് മിക്സഡ് സ്കൂൾ ആയും അറിയപ്പെട്ടു .

ചരിത്രം

കാർഷിക മേഖലയായ വെളിയനാട് പഞ്ചായത്തിലെ പൂച്ചാലിൽ പാടശേഖരത്തോട് ചേർന്ന് കിടക്കുന്ന ബണ്ടിലാണ് 1912 ൽ ഈ വിദ്യാലയം സ്ഥാപിതമായത്. പൊതു വിദ്യാഭ്യാസത്തിനുള്ള സൗകര്യങ്ങൾ ഒട്ടുമില്ലാതിരുന്ന ഈ പ്രദേശത്ത് പഠന സൗകര്യമൊരുക്കുക എന്ന ലക്ഷ്യത്തോടെ അക്കാലത്തെ പൗര പ്രമുഖനായിരുന്ന ശ്രീ. ചെറിയാൻ വർഗ്ഗീസ് മാളിയേക്കൽ സൗജന്യമായും മങ്കൊമ്പ് ശ്രീ. നീലകണ്ഠ അയ്യർ, ശ്രീ. ഔസേഫ് തോപ്പിൽ, ശ്രീ. കുര്യൻ പോത്തൻ നാലുകണ്ടത്തിൽഎന്നിവർ സൗജന്യ നിരക്കിലും നൽകിയ 50 സെന്റ് സ്ഥലത്താണ് ഈ വിദ്യാലയം നിൽക്കുന്നത്. പാടശേഖരങ്ങളോട് ചേർന്നുള്ള നീന്തുചാലുകളും തടിപ്പാലങ്ങളും മാത്രമാണ് ഈ സ്കൂളിലേക്ക് എത്തിച്ചേരുന്നതിന് അക്കാലത്ത് ഉണ്ടായിരുന്നു എന്നു പറയപ്പെടുന്നു. കുട്ടനാട്ടിലെ വെള്ളപ്പൊക്കകാലത്ത് ഈ സ്കൂൾ ആളുകളെ മാറ്റി പാർപ്പിക്കുന്നതിനുള്ള ക്യാമ്പായി ഉപയോഗിച്ചിരുന്നു.

ശ്രീ. കേശവപിള്ള, ശ്രീമതി ഗൗരിയമ്മ, ശ്രീമതി പാപ്പിയമ്മ എന്നിവർ ഈ സ്കൂളിലെ ആദ്യകാലപ്രഥമാദ്ധ്യാപകരായിരുന്നുവെന്ന് പഴമക്കാർ ഓർക്കുന്നു. ഈ സ്കൂളിൽ പഠിച്ച് ചിലർ തന്നെ പിൽക്കാലത്ത് ഇവിടെ അദ്ധ്യാപകരായും പ്രഥമാധ്യാപകരായും സേവനമനുഷ്ഠിച്ചിട്ടുണ്ട്. പ്രശസ്ത കാർട്ടൂണിസ്റ്റ് ടോംസ് ഈ സ്കൂളിലെ പൂർവ്വകാല വിദ്യാർത്ഥിയാണ്. ശ്രീ. മോഹൻകുമാർ ഐ.പി.എസ് , അഡ്വ: കൃഷ്ണപിള്ള എന്നിവരും ഈ സ്കൂളിലെ വിദ്യാർത്ഥികളായിരുന്നു.

ഭൗതികസൗകര്യങ്ങൾ

0.50 ഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്

3 കെട്ടിടങ്ങളിലായി പൂർണ്ണമായും വൈദ്യുതീകരിച്ച 6 ക്ലാസ് മുറികളും പ്രധാനഹാളും ഓഫീസും ഡൈനിംഗ് ഹാളും ഗ്യാസ് കണക്ഷനോടു കൂടിയ അടുക്കളയും നിലനിൽക്കുന്നു.

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായ ഹൈടെക് സ്കൂൾ പദ്ധതി പ്രകാരം എല്ലാ ക്ലാസ് മുറികളും സ്മാർട്ട് ക്ലാസ് റൂം ആവുകയും ചെയ്തു. ആകെ 8 ലാപ്ടോപുകളും 6 പ്രൊജക്ടറുകളും സ്കൂളിലുണ്ട് കൂടാതെ BSNL ബ്രോഡ്ബാൻഡ് സൗകര്യവും ഉണ്ട്.

1000 ൽ അധികം പുസ്തകങ്ങളുള്ള ലൈബ്രറിയും ക്ലാസ് ലൈബ്രറികളും നിലനിൽക്കുന്നു

ആൺകുട്ടികൾക്കും പെൺകുട്ടികൾക്കും പ്രത്യേകം മൂത്രപ്പുരകളും ടോയ് ലറ്റുകളും ഉണ്ട്. ഒരു ഗേൾസ് ഫ്രണ്ട്ലി ടോയ്ലറ്റും ഉണ്ട്

വാട്ടർ അതോറിറ്റി കണക്ഷനുള്ള കുടിവെള്ള സൗകര്യമാണ് നിലവിൽ ഉള്ളത്

വെള്ളക്കെട്ട് ഒഴിവാക്കാനായി 2023 ൽ സ്കൂൾ ഗ്രൌണ്ട് മണ്ണിട്ട്ഉയർത്തി.

അംഗീകാരങ്ങൾ

2018 - 19 അധ്യയനവർഷത്തെ മികച്ച പി.ടി.എ ക്കുള്ള അവാർഡ്

2019 -20 ലെ മാതൃഭൂമി SEED ഹരിതമുകുളം അവാർഡ്

2020 LSS പരീക്ഷയിൽ വെളിയനാട് ഉപജില്ലയിലെ മികച്ച വിജയം - 8 കുട്ടികൾക്ക് LSS സ്കോളർഷിപ്പ്

2021 ഡിസംബർ മാസത്തിൽ നടന്ന RAA Quiz മത്സരത്തിൽ നാലാം ക്ലാസ് വിദ്യാർത്ഥിയായ കുമാരി. നവമി നവീന് BRC തലത്തിൽ രണ്ടാം സ്ഥാനം

2023 ലെഗണിതമേളയിൽ ഉപജില്ലയിൽ രണ്ടാംസ്ഥാനം

അക്ഷരമുറ്റം ഉപജില്ലയിൽ ക്ലാസ്സ് 3 ലെ അയാൻ നാഥ് രണ്ടാം സ്ഥാനം നേടി ജില്ലയിൽ അർഹത നേടി

പാഠ്യേതര പ്രവർത്തനങ്ങൾ

• ശാസ്ത്ര- സാമൂഹ്യശാസ്ത്ര ക്ലബ്.
• ഐ.ടി. ക്ലബ്ബ്.
• വിദ്യാരംഗം കലാ സാഹിത്യ വേദി.
• മാത്‌സ്‌ ക്ലബ്ബ്.

• എക്കോ ക്ലബ്ബ്..

മുൻസാരഥികൾ

ഫാ. ഏലിയാസ്

ശ്രീമതി. മായ

ശ്രീമതി. രമ

ശ്രീമതി. ത്രേസ്യാമ്മ

ശ്രീമതി.ഷാഹിദാ ബീവി

ശ്രീ. ജോൺ ബോസ്കോ

ശ്രീമതി.വിനീത വി

സന്ധ്യാദേവി സി

പ്രശസ്തരായ പൂർവ വിദ്യാർഥികൾ

ക്രമം	പേര്	പ്രശസ്തി ആർജിച്ച മേഖല	ചിത്രം
1	ടോംസ്	രേഖാചിത്രം(കാരിക്കേച്ചർ)
2	മോഹൻ കുമാർ.IPS	സിവിൽ സർവീസ്
3	അഡ്വ.കൃഷ്ണപിള്ള	നിയമരംഗം
4	ഡോ.രാധാകൃഷ്ണൻ

ശ്രീ.മോഹൻ കുമാർ ഐ പി.എസ്.

അഡ്വ. കൃഷ്ണപിള്ള

ഡോ.രാധാകൃഷ്ണൻ

വഴികാട്ടി

ആലപ്പുഴ ചങ്ങനാശേരി റോഡിലെ കിടങ്ങറപ്പാലത്തിന് വടക്കോട്ട് 500മീറ്റർ യാത്ര ചെയ്ത് പാലാത്ര ജംഗ്ഷനിൽ എത്തി ഇടത്തോട്ട് നാല് കിലോമീറ്റർ യാത്ര ചെയ്ത് സ്വതന്ത്ര ജംഗ്ഷനിലെത്തി ഇടത്തോട്ട് ഒരു കിലോമീറ്റർ യാത്ര ചെയ്ത് എത്തുന്ന പുളിഞ്ചുവട് എന്ന സ്ഥലത്താണ് സ്കൂൾ പ്രവർത്തിക്കുന്നത്. {{#multimaps:9.443152,76.4689731|zoom=18}}