"എച്ച്. എസ്സ്. എസ്സ്. പനങ്ങാട്/പ്രവർത്തനങ്ങൾ/2023-24" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ഓണാഘോഷപരിപാടികൾ (2023 ആഗസ്റ്റ് 25 ന് ) മത്സബുദ്ധിയോടെ ചിട്ടയായി നടത്തുന്നതിനായി യു പി ഹൈസ്‍കൂൾ വിഭാഗങ്ങളിലെ വിദ്യാർത്ഥികളെ പ്രത്യേകം നാല് ഗ്രൂപ്പുകളായി തിരിച്ചു. ഗ്രൂപ്പ് മേൽനോട്ടത്തിനായി രണ്ട് വിഭാഗങ്ങളിലായി അധ്യാപകരെ കൺവീനർമാരായി നിശ്ചയിച്ചു. ഓണചവിട്ട്, ഉറിയടി, വടം വലി, ചാക്കിലോട്ടം, ഗ്രൂപ്പ് ഡാൻസ്, മൂസിക്കൽ ചെയ‍ർ, സ്‍പൂൺറൈസ്, സുന്ദരിക്കൊരു പൊട്ട്, വാമന മഹാബലി പ്രച്ഛന്നവേഷം എന്നീ വിഭാഗങ്ങളിലായിരുന്നു മത്സരയിനങ്ങൾ. അധ്യാപകർ, പി ടി എ അംഗങ്ങൾ, വിദ്യാർത്ഥികൾ എന്നിവർ ചേർന്നുകൊണ്ട് നടത്തിയ മെഗാതിരുവാതിര വിളക്ക് പി ടി എ പ്രസിഡന്റ് സുനിൽ പി മേനോന്റെ അധ്യക്ഷതയിൽ വാർ‍‍ഡ് മെമ്പർ ശീതൾ തിരികൊളുത്തിയതോടെ ഓണാഘോഷപരിപാടികൾക്ക് തുടക്കമായി. ഐശ്വര്യത്തിന്റേയും സമൃദ്ധിയുടേയും നന്മയുടേയും നാളുകൾക്കായി ആശംസിച്ചുകൊണ്ട് ഈ പരിപാടിയിൽ വന്നുചേർന്ന ഏല്ലാവർക്കും മധുരമായ സദ്യയൊരുക്കി സ്വീകരിച്ചു.