ഹിന്ദി ക്ലബ്

2021_22 വർഷത്തെ ഹിന്ദി ക്ലബിന്റെ ഉദ്ഘാടനം ജൂൺ മാസത്തിൽ തന്നെ നടത്തപ്പെട്ടു. ജി വി എച് എസ് എസ് ഹിന്ദി അധ്യാപകരുടെയും കൺവീനർ സതീശൻ  സാറിന്റെയും വിദ്യാർത്ഥി പ്രതിനിധികളുടെയും നേതൃത്വത്തിൽ ഹിന്ദി ക്ലബിന്റെ പ്രവർത്തനങ്ങൾ നടന്നുവരുന്നു.

പ്രവർത്തനങ്ങൾ

------------------------------

* ജൂൺ 18 ന് വായനാ ദിനത്തോടനുബന്ധിച്ച് ഓൺലൈനായി വായനാ മത്സരം നടത്തി.

* ജൂലായ്‌ 31 ന് പ്രേംചന്ദ് ദിനാഘോഷത്തിന്റെ ഭാഗമായി " പ്രേംചന്ദ് ജയന്തി 'എന്ന വിഷയത്തിൽ പോസ്റ്റർ രചനാ മത്സരം സംഘടിപ്പിച്ചു.

* സെപ്തംബർ 14 ന് 'ഹിന്ദി ദിവസ് ' സമുചിതമായി ആഘോഷിച്ചു.വിവിധ തരം കലാപരിപാടികൾ വിദ്യാർത്ഥികൾക്കായി സംഘടിപ്പിച്ചു.ഹിന്ദി കവിതാലാപന മത്സരം, കവയിത്രി മഹാദേവിവർമയുടെ 'ജോ തും അജാതെ ഏക് ബാർ' എന്ന കവിതയുടെ ദൃശ്യാവിഷ്കാരം എന്നിവ അവതരിപ്പിച്ചു.

* ഹിന്ദി ഭാഷയെ പരിപോഷിപ്പിക്കുന്നതിനുവേണ്ടി ബി ആർ സി തലത്തിൽ ആവിഷ്കരിച്ച 'സുരീലി ഹിന്ദി' എന്ന പദ്ധതി സ്കൂൾ തലത്തിൽ നടപ്പിലാക്കി.

* ഹിന്ദി ഭാഷയിൽ അഭിരുചി വർദ്ധിപ്പിക്കുന്നതിനുവേണ്ടി ചിത്രരചന, ഏകാംഗ നാടകം, ഗാനലാപനം മുതലായ പരിപാടികൾ സംഘടിപ്പിച്ചു.

ഇതിനെല്ലാമുപരി ഹിന്ദി ഭാഷാദ്ധ്യാപകരുടെ നേതൃത്വത്തിൽ ഭാഷാ നൈപുണ്യം വർധിപ്പിക്കുന്നതിനായി വിവിധ പദ്ധതികൾ സ്കൂൾതലത്തിൽ നിരന്തരം നടത്തി വരുന്നു.