"എ എം യു പി എസ് മാക്കൂട്ടം/പ്രവർത്തനങ്ങൾ/2018-19" എന്ന താളിന്റെ പതിപ്പുകൾ തമ്മിലുള്ള വ്യത്യാസം

==ബോധവൽക്കരണ ക്ലാസ്==

==ഗാന്ധിജയന്തി==

2018 ഒക്ടോബർ 9ന് കുന്ദമംഗലം ഉപജില്ലാ ഉർദു ടാലന്റ് ടെസ്റ്റിൽ 5 ഡി ക്ലാസ് വിദ്യാർത്ഥിനി ആമിന ഇസ്ര ഒന്നാം സ്ഥാനം നേടി.

 

2018 ഒക്ടോബർ 13ന് നവതിയാഘോഷവുമായി ബന്ധപ്പെട്ട് സൗജന്യമെഡിക്കൽ ക്യാമ്പ് സംഘടിപ്പിച്ചു. കോഴിക്കോട് മലബാർ കണ്ണാശുപത്രി, കെ.എം സി.ടി ഡെന്റൽ കോളേജ്, കെ.എം.സി.ടി ആയുർവേദ മെഡിക്കൽ കോളേജ് മണാശ്ശേരി എന്നീ ആശുപത്രികൾ ഏറ്റെടുത്തു. ഗ്രാമപഞ്ചായത്ത് അംഗം ഒകെ.കെ ഷൗക്കത്ത് ഉദ്ഘാടനം ചെയ്തു. രാവിലെ 9 മണിക്ക് പരിപാടി ആരംഭച്ചു. 2 മണിക്ക് പര്യവസാനിച്ചു. ദന്തവിഭാഗത്തിൽ 129 പേരും നേത്രരോഗവിഭാഗത്തിൽ 131പേരും ആയുർവേദ വിഭാഗത്തിൽ 131 പേരും അടക്കം ആകെ 362 പേർ മെഡിക്കൽ ക്യാമ്പ് ഉപയോഗപ്പെടുത്തുകയുണ്ടായി. ഡോക്ടർമാർ, നഴ്‌സുമാർ, അധ്യാപകർ, പി.ടി.എ, എം.പി.ടി.എ തുടങ്ങി നൂറോളം പേർക്ക് ഉച്ചഭക്ഷണം നൽകി. 25 അംഗങ്ങളാക്കിയ വിദ്യാർത്ഥികളുടെ നവതി വളണ്ടിയർ ടീം പ്രത്യേകം പ്രശംസ പിടിച്ചുപറ്റി.

2018 ഒക്ടോബർ ദേശീയ വിര നിർമ്മാർജ്ജനയജ്ഞത്തോടനുബന്ധിച്ച് എല്ലാ വിദ്യാർത്ഥികൾക്കും വിരഗുളികൾ വിതരണം നടത്തി.

2018 ഒക്ടോബർ 30ന് സ്‌കൂളിന്റെ നവതിയാഘോഷങ്ങളോടനുബന്ധിച്ച് ഓരോ കുട്ടിയും ഒന്നാമൻ എന്ന ലക്ഷ്യം മുൻനിർത്തി VISTA 2018 ടാലന്റ് ലാബ് ഉദ്ഘാടനം എസ്.എസ്.എ കുന്ദമംഗലം ബി.പി.ഒ ശ്രീ ശിവദാസൻ നിർവ്വഹിച്ചു. വിദ്യാലയത്തിലെ ശാസ്ത്ര-ഗണിത, ശാസ്ത്ര-സാമൂഹ്യശാസ്ത്ര-പ്രവൃത്തിപരിചയ വിഭാഗങ്ങളിലെ പ്രതിഭകളെ കണ്ടെത്തുന്നതിനും തുടർ പരിശീലനം നൽകുന്നതിനുമായിരുന്നു പരിപാടി സംഘടിപ്പിച്ചിരുന്നത്. പിടിഎ പ്രസിഡണ്ട് കെ.എം. ഗിരീഷ് അധ്യക്ഷത വഹിച്ചു. ടി. കബിർ, വി.പി സലീം, വി.പി അദുൽ ഖാദർ, സി.പി കേശവനുണ്ണി, കെ.കെ പുഷ്പലത എന്നിവർ പ്രസംഗിച്ചു. ഹെഡ്മാസ്റ്റർ പി. അബ്ദുൽസലീം സ്വാഗതവും വി. സജ്‌നാബി നന്ദിയും പറഞ്ഞു. വിവിധ ഇനങ്ങളിലായി ..........ഓളം വിദ്യാർത്ഥികൾ സജീവമായി പങ്കെടുത്തു. അധ്യാപകർ മൂല്യനിർണ്ണയം നടത്തി.2018 ഒക്ടോബർ 31 ന് വൈകു. 3.30ന് പ്രത്യേക അസംബ്ലി ചേർന്നു VISTA 2018 മൽസര വിജയികൾക്ക് സമ്മാദാനം നടത്തുകയും ചെയ്തു.

അമ്മത്തിളക്കം എന്ന പേരിൽ അമ്മമാർക്ക് വേണ്ടി നടത്തിയ ഫുഡ് ഫെസ്്റ്റിൽ 58 അമ്മമാർ വിദ്യാർത്ഥികളോടൊപ്പം പങ്കെടുത്തു. നാട്ടിലെ പൊടിയും നാവിലെ രുചിയും എന്നതായിരുന്നു പ്രമേയം. പനപ്പൊടി, ഈന്ത്‌പൊടി, മുത്താറിപ്പൊടി, കുവപ്പൊടി, പൂള (കപ്പ)പൊടി ഇവയിൽ ഏതെങ്കിലും ഒന്ന് പ്രധാന ചേരുവയായി ഉപയോഗിച്ചുണ്ടാക്കിയ ഒരു വിഭവം അമ്മമാർ മൽസരത്തിന് വേണ്ടി വീടുകളിൽ നിന്ന് ഉണ്ടാക്കി കൊണ്ടുവന്നു. കുട്ടിയൊടൊപ്പം മൽസരിച്ചു. കൊതിയൂറുന്ന വൈവിധ്യമാർന്ന വിഭവങ്ങൾ കൊണ്ട് സമ്പന്നമായിരുന്നു ഫുഡ് ഫെസ്റ്റ്. മത്സര വിജയികൾക്ക് സമ്മാന വിതരണം നടത്തി.

ക്ലാസ് പിടിഎയുടെ സാഹയത്തോടെ ഏഴ് ഡി ക്ലാസിൽ സ്മാർട്ട് ക്ലാസ് റൂം സംവിധാനിച്ചു. കുന്ദമംഗലം ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മറ്റി ചെയർമാൻ ശ്രീ ഹിതേഷ് കുമാർ ഉദ്ഘാടനം നിർവ്വഹിച്ചു. പിടിഎ പ്രസിഡണ്ട് കെ.എം. ഗിരീഷ് കുമാർ അധ്യക്ഷത വഹിച്ചു. ഗ്രാമപഞ്ചായത്ത് മെമ്പർ എകെ ഷൗക്കത്ത്, സിപി കേശവനുണ്ണി, അഷ്‌റഫ് മണ്ണത്ത്, വി. ഷബ്‌ന എന്നിവർ സംബന്ധിച്ചു. ഹെഡ് മാസ്റ്റർ പി. അബ്ദുൽ സലിം സ്വാഗതവും വിപി അബ്ദുൽ ഖാദർ മാസ്റ്റർ നന്ദിയും പറഞ്ഞു.

2018 നവംബർ 1ന് രാവിലെ പ്രത്യേക അസംബ്ലി ചേർന്നു. കേരളപ്പിറവി പ്രതിജ്ഞ ചൊല്ലി. കേരളപ്പിറവി സന്ദേസം ഹെഡ്മാസ്റ്റർ അവതരിപ്പിച്ചു.

2018 നവംബർ 07ന് സി.വി രാമൻ ജന്മദിനത്തോടനുബന്ധിച്ച് മാക്കൂട്ടം എ.എം.യു.പി സ്‌കൂൾ ശാസ്ത്രരംഗം ഉദ്ഘാടനം എസ്.സി. ആർ.ടി പാഠപുസ്തക നിർമ്മാണ സമിതിയംഗവും കുട്ടമ്പൂർ ഹയർ സെക്കണ്ടറി സ്‌കൂൾ അധ്യാപകനുമായ ശ്രീ ഷജിൽ നിർവഹിക്കുന്നു.

 

2018 നവംബർ 14ന് നവംബർ 14 ശിശുദിനത്തോടനുബന്ധിച്ച് 1,2 ക്ലാസുകളിലെ വിദ്യാർത്ഥികളുടെ ആഭിമുഖ്യത്തിൽ സ്‌കൂൾ അസംബ്ലി ചേർന്നു. വിദ്യാർഥി ചാച്ചാജി വേഷമണിയുകയും തൊപ്പി നിർമ്മിക്കുകയും ചെയ്തു. വിദ്യാർത്ഥികൾക്ക് വേണ്ടി വിവിധ മൽസരങ്ങൾ നടത്തി. എൽ.പി വിഭാഗത്തിൽ ചാച്ചാജിക്കൊരു പൂച്ചെണ്ട് ഇംഗ്ലീഷ് മാഗസിൻ പ്രകാശനം, ചാച്ചാജി എന്റെ സ്വപ്‌നത്തിൽ എന്ന വിഷയത്തിൽ പ്രബന്ധരചനാ മൽസരം തുടങ്ങിയവ സംഘടിപ്പിച്ചു. യു.പി വിഭാഗത്തിൽ ക്വിസ് മൽസരം, പ്രസംഗ മൽസരം, ചാർട്ട് നിർമ്മാണം എന്നിവ നടത്തി. വിദ്യാർത്ഥികൾ, സ്വാതന്ത്ര്യസമരം പോരാളികളുടെ വേഷങ്ങളണിഞ്ഞ് ചിത്രീകരണം നടത്തി. ഝാൻസിറാണി, മഹാത്മഗാന്ധി, നെഹ്‌റു, ഭഗത്സിംഗ്, സിസ്റ്റർ നിവേദിത, ആനിബസന്റ്, പഴശ്ശിരാജ, രവീന്ദ്രനാഥ് ടാഗോർ, മൗലാന അബ്ദുൽ കലാം, കെ.കേളപ്പൻ ആസാദ് എന്നിവരെ വിദ്യാർത്ഥികൾ പുനരാവിഷ്‌ക്കരിച്ചു.

2018 നവംബർ 8ന് കോഴിക്കോട്് റവന്യൂ ജില്ലാ സാമൂഹ്യശാസ്ത്രമേളയോടനുബന്ധിച്ച് പിടിഎയുടെ ആഭിമുഖ്യത്തിൽ കൂടിയാലോചനായോഗം 3.30ന് വിദ്യാലയത്തിൽ ചേർന്നു.2018 നവംബർ 18, 19 ദിവസങ്ങളിലായി കോഴിക്കോട് റവന്യൂ ജില്ലാ സാമൂഹ്യശാസ്ത്രമേളക്ക് വിദ്യാലയം ആതിഥ്യം വഹിച്ചു. ഉൽസവാന്തരീക്ഷത്തിൽ രണ്ട് ദിവസങ്ങളിലായി നടന്ന സാമൂഹ്യ ശാസ്ത്രമേളയിൽ അധ്യാപകർ, പിടിഎ, എം.പിടിഎ രക്ഷിതാക്കൾ നാട്ടുകാർ, അധ്യാപക സംഘടനകൾ, ഗ്രാമപഞ്ചായത്ത് സാരഥികൾ, മലർവാട് ആർട്‌സ് & സ്‌പോർട്‌സ് ക്ലബ് ഡിപ്പാർട്ട്‌മെന്റ് പ്രതിനിധികൾ എന്നിവർസജീവമായി പങ്കെടുത്തു മേള ചരിത്ര സംഭവമാക്കി.മേളയോടനുബന്ധിച്ച് വിദ്യാലയത്തിന്റെ നവതിയാഘോഷ പദ്ധതിയിൽ പെട്ട കൈതാങ്ങ് ധനശേഖരണാർത്ഥം ലസ്‌കൂൾ വിദ്യാർത്ഥികൾ അവരവരുടെ വീടുകളിൽ നിന്ന് തയ്യാറാക്കി കൊണ്ട് വന്ന നാടൻ വിഭവങ്ങളുടെ തട്ടുകട ശ്രദ്ധേയമായി. 2 ദിവസങ്ങളിൽ അഭൂതപൂർവ്വമായ തിരക്കനുഭവപ്പെട്ടു. ജില്ലാ വിദ്യാഭ്യാസ ഉപഡയരക്ടർ ശ്രീ ഇ.കെ സുരേഷ്‌കുമാർ അടക്കമുള്ള പ്രമുഖർ തട്ടുകട സന്ദർശിച്ചു.സാമൂഹ്യ ശാ്‌സത്രമേളയുടെ ഭക്ഷണവിതരണം വളരെ ഭംഗിയായി നടന്നു. വിദ്യാലയത്തിലെ വിദ്യാർത്ഥികൾ ഉൾപ്പെട്ട നവതി വളണ്ടിയർ ടീം പ്രത്യേകം ശ്രദ്ധ പിടിച്ചുപറ്റി.

2018 നവംബർ 21ന് വിദ്യാലയത്തിലെ മലയാളത്തിളക്കം പദ്ധതിക്ക് തുടക്കം കുറിച്ചു.

 

2018 നവംബർ 23ന്വിദ്യാർത്ഥികൾക്ക് ഫുട്‌ബോളിൽ മികച്ച പരിശീലനം നൽകുന്നതിന് മലർവാട് ആർട്‌സ് & സ്‌പോർട്‌സ് ക്ലബ് പതിമംഗലത്തിന്റെ സഹായത്തോടെ സംഘടിപ്പിക്കുന്ന കോച്ചിംഗ് ക്യാമ്പിന്റെ ഉദ്ഘാടനം 4 മണിക്ക് സന്തോഷ് ട്രോഫി-കേരള പോലീസ് മുൻ താരം ശ്രീ. എ. സക്കീർ ഉദ്ഘാടനം ചെയ്തു

2018 നവംബർ 24ന്

2018 നവംബർ 27ന്

2018 നവംബർ 30, ഡിസംബർ 2, 3 ദിവസങ്ങളിലായി എൽ.പി, യു.പി വിഭാഗങ്ങളിലെ ക്ലാസ് പിടിഎ യോഗങ്ങൾ ചേർന്നു. അർദ്ധപരീക്ഷയുമായി ബന്ധപ്പെട്ട് വിദ്യാർത്ഥികളെ സജ്ജരാക്കുന്നതുമായി ബന്ധപ്പെട്ട് നടത്തിയ യോഗങ്ങളിൽ വളരെ നല്ല പങ്കാളിത്തം ഉണ്ടായിരുന്നു.