"കെ എ എം യു പി എസ് പല്ലന/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

അറബിക്കടലിനും പല്ലനയാറിനും  ഇടയ്ക്ക് തെക്കുവടക്കായി ഏകദേശം നാല് കിലോമീറ്ററോളം നീളത്തിൽ വ്യാപിച്ചു കിടക്കുന്ന ഒരു ചെറു ഗ്രാമമാണ് പല്ലന. ആലപ്പുഴ ജില്ലയിൽ തൃക്കുന്നപ്പുഴ വില്ലേജിൽ പതിനേഴാം വാർഡിൽ തോട്ടപ്പള്ളി തൃക്കുന്നപ്പുഴ പ്രധാന റോഡിൽ കുമാരകോടി ജംഗ്ഷനിൽ നിന്നും 750 മീറ്റർ കിഴക്കുമാറി മഹാകവി കുമാരനാശാന്റെ സ്മൃതിമണ്ഡപത്തിനോട്  ചേർന്ന് തല ഉയർത്തി നിൽക്കുന്ന പഴമയുടെ പാരമ്പര്യം വിളിച്ചോതുന്ന അപ്പർ പ്രൈമറി വിദ്യാലയമാണ് '''കെ എ എം യു പി എസ് പല്ലന.''' ഇത് ഒരു എയ്ഡഡ് വിദ്യാലയം ആണ്.  സ്കൂളിന്റെ ചരിത്രം പരിശോധിക്കുമ്പോൾ ഒഴിച്ചുകൂടാനാവാത്ത ഒന്നുണ്ട്, ഇന്ന് കേരളത്തിൽ മാത്രമല്ല ലോകമെമ്പാടുമുള്ള മലയാളം അറിയുന്ന എല്ലാ മലയാളികളും ഹൃദയത്തോട് ചേർത്ത് കാത്തുസൂക്ഷിക്കുന്ന സ്ഥലനാമം ആണ്  പല്ലന കുമാരകോടി. മഹാകവി കുമാരനാശാൻ അന്ത്യവിശ്രമം കൊള്ളുന്ന സ്ഥലം. 1924 ജനവരി 16ന്  പല്ലനയാറ്റിൽ ഉണ്ടായ  റെഡിമർ ബോട്ടപകടത്തിൽ പെട്ടാണ് കുമാരനാശാൻ അകാല ചരമം പ്രാപിച്ചത്.  കുമാരനാശാന്റെ സ്മാരകം സ്ഥിതി ചെയ്യുന്ന ഈ പ്രദേശത്തെനാട്ടുകാർ കുമാരകോടി എന്നു  വിളിച്ചു. സംസ്ഥാന സർക്കാരിന്റെ സാംസ്കാരിക വകുപ്പിന് കീഴിലുള്ള ആശാൻ സ്മാരക ത്തോട് ചേർന്നാണ് ഈ വിദ്യാലയം സ്ഥിതിചെയ്യുന്നത് എന്നത് തികച്ചും അഭിമാനകരമായ ഒന്നാണ്.