ഗവ. യു പി സ്കൂൾ, നെടുമ്പ്രക്കാട്/അക്ഷരവൃക്ഷം/കുഞ്ഞു മാലാഖ

കുഞ്ഞു മാലാഖ അങ്ങ് സ്വർഗത്തിൽ ഒരു കുഞ്ഞു മാലാഖ ഉണ്ടായിരുന്നു .കൂട്ടുകാരുമായി കളിച്ചും ചിരിച്ചും വളരെ സന്തോഷത്തോടെ കഴിയുകയായിരുന്നു . ഒരു ദിവസം കൂട്ടുകാരുമായി കളിച്ചു അവൾ സ്വർഗ്ഗവാതിൽക്കൽ എത്തി .അവിടെ നിന്ന് താഴേക്ക് നോക്കിയപ്പോൾ അവളുടെ കണ്ണുകളെ വിശ്വസിക്കാനായില്ല . താഴെ വളരെ മനോഹരമായ കാഴ്ചകൾ .....താഴേക്ക് പോകുവാൻ ഒരുങ്ങിയപ്പോൾ കൂട്ടുകാർ അവളെ തടഞ്ഞു .അവൾ അത് അനുസരിച്ചില്ല. അവൾ ഭൂമിയിലേക്ക് വന്നു .ആ മനോഹരമായ കുഞ്ഞു പാദങ്ങൾ ഭൂമിയിലെ മണ്ണിൽ ചവിട്ടി അവൾ നൃത്തം ചെയ്തു .കുറെ സമയത്തിന് ശേഷം അവൾ സ്വർഗത്തിലേക്ക് തിരിച്ചുപോയി. സ്വർഗ്ഗവാതിൽ വെച്ച് അവളെ ഭടന്മാർ തടഞ്ഞു."ഭൂമിയിലെ പാപങ്ങളിൽ തൊട്ട് അശുദ്ധമായ കാലുകൾ .ഇവിടെ വീണ്ടും പ്രവേശിക്കണമെങ്കിൽ നിന്റെ കാലുകൾ മുറിച്ചു കളയണം അല്ലെങ്കിൽ ഭൂമിയിലേക്ക് തിരിച്ചു പോകണം".......... . അവൾ പാദങ്ങൾ മുറിച്ചു കളയാൻ സമ്മതിച്ചു .ആ പാദങ്ങൾ മുറിച്ചു ഭൂമിയിലേക്ക് എറിഞ്ഞു . കുറച്ചു നാളുകൾക്കു ശേഷം അവിടെ ഒരു ചെടി മുളച്ചു വന്നു .ആ ചെടിയിൽ അവളുടെ കുഞ്ഞു പാദങ്ങൾ പോലെ മനോഹരമായ പൂവും ഉണ്ടായി .അതാണ് തുമ്പപ്പൂവ് .ഭൂമിയിലെ ഏറ്റവും സുന്ദരമായ പൂവ് അവളുടെ കുഞ്ഞു പാദങ്ങൾ പോലെ ...... ദിൽജിത് 3A ഗവ. യു പി സ്കൂൾ, നെടുമ്പ്രക്കാട് ചേർത്തല ഉപജില്ല ആലപ്പുഴ അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - abhaykallar തീയ്യതി: 05/ 05/ 2020 >> രചനാവിഭാഗം - കഥ