ജി.യു.പി.എസ്.ചെമ്മനാട് വെസ്‌റ്റ്/പ്രവർത്തനങ്ങൾ/2025-26

അന്താരാഷ്ട്ര ഹിന്ദി ദിനാചരണം

നമ്മുടെ രാഷ്ട്രഭാഷയായ ഹിന്ദിയുടെ പ്രചാരണത്തിനായുള്ള അന്താരാഷ്ട്ര ഹിന്ദി ദിനം 2025 ജനുവരി 10 ന് സ്കൂളിൽ സമുചിതമായി ആചരിച്ചു പരിപാടിയുടെ ഭാഗമായി പോസ്റ്റർ നിർമ്മാണം, പ്രസംഗം എന്നീ മത്സരങ്ങൾ  യുപി ക്ലാസുകളിലെ കുട്ടികൾക്കായി  സംഘടിപ്പിച്ചു.

C-LIFT-creative Literacy Initiative for Fortering Talent

ചെമ്മനാട് ഗ്രാമപഞ്ചായത്ത് വാർഷിക പദ്ധതി 2024- 25 വായനാ പരിപോഷണ പരിപാടി

'ഉയരെ' വായന പരിപോഷണ പരിപാടി ചെമ്മനാട് പഞ്ചായത്ത് പരിധിയിൽപ്പെട്ട എല്ലാ സ്കൂളുകളിലും നടപ്പിലാക്കാൻ തീരുമാനിച്ചതിന്റെ ഭാഗമായി ജനുവരി 15 2025 ബുധനാഴ്ച ജി യുപിഎസ് ചെമ്മനാട് വെ സ്റ്റ് സ്കൂൾ ഓഡിറ്റോറിയത്തിൽ വച്ച് ശ്രീ കൃഷ്ണകുമാർ പള്ളിയത്തിന്റെ നേതൃത്വത്തിൽ ചെമ്മനാട് പഞ്ചായത്തിലെ ഹെഡ്മാസ്റ്റർ, SRG കൺവീനർമാർ എന്നിവർക്ക് ഒരു ഏകദിന പരിശീലനം നടത്തി. ശ്രീ ഇബ്രാഹിമൻസൂർ, ചെമ്മനാട് ഗ്രാമപഞ്ചായത്ത് വൈസ് പ്രസിഡണ്ട് അധ്യക്ഷത വഹിച്ച പരിപാടി ചെമ്മനാട് ഗ്രാമപഞ്ചായത്ത് പ്രസിഡണ്ട് ശ്രീമതി സുഫൈജ അബൂബക്കർ ഉദ്ഘാടനം ചെയ്തു. പിടിഎ പ്രസിഡണ്ട് ശ്രീ മെഹ്റൂഫ് എം കെ, വാർഡ് മെമ്പർ ശ്രീ അമീർ ബി പാലോത്ത്, ഡയറ്റ് പ്രിൻസിപ്പൽ ഡോക്ടർ രഘുരാമ ഭട്ട്, ജില്ലാ വിദ്യാഭ്യാസ ഓഫീസർ ശ്രീ അഗസ്റ്റിൻ ബർണാഡ് വിദ്യാഭ്യാസ ഉപ്പഡയറക്ടർ ശ്രീ മധു സൂദനൻ എന്നിവരുടെ സാന്നിധ്യം പരിപാടിയെ കൂടുതൽ മനോഹരമാക്കി.

എഴുത്തുകൂട്ടം, വായനാക്കൂട്ടം സ്കൂൾതല ഏകദിന ശില്പശാല

ഭാഷ കേവലം ആസിവിനിമയത്തിന് മാത്രമല്ലെന്ന് ആശ കൊണ്ട് അനുഭൂതി കൂടി വിനിമയം നടക്കേണ്ടതുണ്ട് എന്ന ഓർമ്മപ്പെടുത്തലോടെ ബഡ്ഡിങ് റൈറ്റേഴ്സ് എഴുത്തുകൂട്ടം വായനാക്കൂട്ടം ഏകദിന ശില്പശാല സ്കൂൾതല പരിപാടി 29 1 20 25 ബുധനാഴ്ച സ്കൂൾ ഓഡിറ്റോറിയത്തിൽ വച്ച് നടന്നു 5, 6 ,7 ക്ലാസുകളിൽ നിന്നായി 45 കുട്ടികൾ പങ്കെടുത്തു .10 മണിക്ക് ഉദ്ഘാടന ചടങ്ങ് ആരംഭിച്ചു. ഹെഡ്മാസ്റ്റർ പിടി ബെന്നി സാർ അധ്യക്ഷത വഹിച്ച പരിപാടിയിൽ പിടിഎ പ്രസിഡണ്ട് ശ്രീ മഹറൂഫ് എം കെ ഉദ്ഘാടകനായി. സീനിയർ അസിസ്റ്റൻറ് ശ്രീ അജിൽ കുമാർ , പിടിഎ എക്സിക്യൂട്ടീവ് ശ്രീ ഇഖ്ബാൽ തുടങ്ങിയവർ ആശംസകൾ അർപ്പിച്ച് സംസാരിച്ചു. ഉദ്ഘാടന ചടങ്ങുകൾക്ക് ശേഷം 10 30 ന് ക്ലാസ് ആരംഭിച്ചു. അധ്യാപികയും കവയി ത്രിയുമായ ശ്രീമതി ജ്യോതി ലക്ഷ്മി, ശ്രീമതി ഷബീബ എന്നിവരു ടെ നേതൃത്വത്തിൽ വളരെ രസകരവും വിജ്ഞാനപ്രദവുമായ രീതിയിൽ ക്ലാസ് മുന്നോട്ട് പോയി. കുഞ്ഞു രചനകൾ എല്ലാം ചേർത്ത് 'കുഞ്ഞോളങ്ങൾ 'എന്ന മാഗസിൻ തയ്യാറാക്കി. കുട്ടികളിൽ നിന്ന് നൂറ, ഷക്കൂർ എന്നിവർ ക്ലാസിനെ കുറിച്ചുള്ള അഭിപ്രായങ്ങൾ പങ്കുവച്ചു .സ്നേഹൽ നന്ദി പറഞ്ഞു.

2025 ജനുവരി 30 രക്തസാക്ഷിത്വ ദിനാചരണം

നമ്മുടെ രാഷ്ട്രപിതാവായ മഹാത്മാഗാന്ധിയുടെ രക്തസാക്ഷിത്വ ദിനമായ ജനുവരി 30ന് ജി യു പി എസ് ചെമ്മനാട് വെസ്റ്റിൽ സ്പെഷ്യൽ അസംബ്ലി സംഘടിപ്പിച്ചു നാലു മുതൽ ഏഴ് വരെ ക്ലാസുകളിലെ കുട്ടികൾ അസംബ്ലിയിൽ പങ്കെടുത്തു. പിടിഎ പ്രസിഡണ്ട് ശ്രീ മെഹറൂഫ് അധ്യക്ഷത വഹിച്ച പരിപാടിയിൽ വാർഡ് മെമ്പർ ശ്രീ അമീർ ബി പാലോത്ത് സാന്നിധ്യം വഹിച്ചു. ഹെഡ്മാസ്റ്റർ പിടി ബെന്നി സാർ രാജ്യത്തെ കുറിച്ചും മുഖ്യപ്രഭാഷകനായി കാര്യങ്ങൾ കുട്ടികൾക്ക് പറഞ്ഞുകൊടുത്തു.

ബുലന്ദ് -2025 -ജനുവരി 30

അക്കാദമിക കൗൺസിലിന്റെ ആഭിമുഖ്യത്തിൽ ഹിന്ദി പഠനശിബിരംപിടിഎ പ്രസിഡണ്ട് ശ്രീ മെഹറൂഫ് എം കെ

ഉദ്ഘാടനം ചെയ്തു. നാലാം ക്ലാസ് മുതൽ ഉള്ള കുട്ടികളിൽ ഹിന്ദി ഭാഷയുടെ വിത്ത് പാകാനും അവരിൽ താൽപര്യം ജനിപ്പിക്കുവാനും വേണ്ടി തുടങ്ങിയ പരിപാടിയിൽ വിഷയം അവതരിപ്പിച്ചത് പിടിഎ വൈസ് പ്രസിഡണ്ട് ശ്രീ നാസർ കുരുക്കൾ ആയിരുന്നു. ഹിന്ദി ഭാഷാ പഠനം ലളിതവും രസകരവുമായ രീതിയിൽ അവതരിപ്പിച്ചത് കുട്ടികളിൽ താൽപര്യം ജനിപ്പിച്ചു.കമ്മ്യൂണിക്കേറ്റീവ് ഇംഗ്ലീഷ് ക്ലാസ് ഉദ്ഘാടനം

കുട്ടികളിൽ ഇംഗ്ലീഷ് പ്രാവീണ്യം മെച്ചപ്പെടുത്താനും പേടി കൂടാതെ ഒഴുകോടെ ഇംഗ്ലീഷ് സംസാരിക്കാനും കുട്ടികളെ പ്രാപ്തമാക്കുന്നതിന്റെ ഭാഗമായി ജിയുപിഎസ് ചെമ്മനാട് വെസ്റ്റിൽ സ്പോക്കൺ ഇംഗ്ലീഷ് ക്ലാസ് ആരംഭിച്ചു. ഉദ്ഘാടനം ശ്രീ മെഹറൂഫ് എം കെ നിർവഹിച്ചു. പിടിഎ വൈസ് പ്രസിഡൻറ് ശ്രീ നാസർ കുരിക്കളിന്റെ അധ്യക്ഷതയിൽ നടന്ന പരിപാടി ഇംഗ്ലീഷ് ടീച്ചറും ട്രെയിനറുമായ ശ്രീമതി ഷെർലിഹൈ സിന്ത് ക്ലാസ് നയിച്ചു. കളികളിലൂടെയും പാട്ടിലൂടെയും കുട്ടികളിൽ ഉണ്ടായ ഇംഗ്ലീഷിനോടുള്ള ഭയത്തെ ഒരു പരിധിവരെ മാറ്റിയെടുക്കാൻ ടീച്ചർക്ക് സാധിച്ചു. ഹെഡ്മാസ്റ്റർ പിടി ബെന്നി സാറിൻറെ സാന്നിധ്യത്തിൽ നടന്ന പരിപാടിയിൽ ശ്രീമതി ജസീന കെ സ്വാഗതം പറഞ്ഞു

യോങ് മൂഡോ ഗെയിംസിൽ സ്വർണ്ണം നേടിയ കുട്ടികളെ ആദരിച്ചു-2025 ഫെബ്രുവരി 12

കേരള ടീമിന് വേണ്ടി കളിച്ച ജി യു പി എസ് ചെമ്മനാട് വെസ്റ്റിലെ കുട്ടികളെ സാറാസ് റെഡിമേയ്ഡ് ഷോപ്പ് ഉടമ പി കെ താഹ കുട്ടികൾക്ക് വസ്ത്രങ്ങൾ നൽകി ആദരിച്ചു ഉച്ചയ്ക്ക് രണ്ടുമണിക്ക് നടന്ന പരിപാടിയിൽ സ്കൂൾ ഹെഡ്മാസ്റ്റർ പി ടി ബെന്നി മാസ്റ്റർ പി.ടി.എ പ്രസിഡൻറ് ശ്രീ മെഹറൂഫ് എംകെ,  വൈസ് പ്രസിഡൻറ് ശ്രീ നാസർ കുരിക്കൾ, കായിക അധ്യാപകൻ ശ്രീ മനോജ് എന്നിവർ ചടങ്ങിൽ പങ്കെടുത്തു.

കമ്മ്യൂണിക്കേറ്റീവ് ഇംഗ്ലീഷ് ക്ലാസ് ഉദ്ഘാടനം

കുട്ടികളിൽ ഇംഗ്ലീഷ് പ്രാവീണ്യം മെച്ചപ്പെടുത്താനും പേടി കൂടാതെ ഒഴുകോടെ ഇംഗ്ലീഷ് സംസാരിക്കാനും കുട്ടികളെ പ്രാപ്തമാക്കുന്നതിന്റെ ഭാഗമായി ജിയുപിഎസ് ചെമ്മനാട് വെസ്റ്റിൽ സ്പോക്കൺ ഇംഗ്ലീഷ് ക്ലാസ് ആരംഭിച്ചു. ഉദ്ഘാടനം ശ്രീ മെഹറൂഫ് എം കെ നിർവഹിച്ചു. പിടിഎ വൈസ് പ്രസിഡൻറ് ശ്രീ നാസർ കുരിക്കളിന്റെ അധ്യക്ഷതയിൽ നടന്ന പരിപാടി ഇംഗ്ലീഷ് ടീച്ചറും ട്രെയിനറുമായ ശ്രീമതി ഷെർലിഹൈ സിന്ത് ക്ലാസ് നയിച്ചു. കളികളിലൂടെയും പാട്ടിലൂടെയും കുട്ടികളിൽ ഉണ്ടായ ഇംഗ്ലീഷിനോടുള്ള ഭയത്തെ ഒരു പരിധിവരെ മാറ്റിയെടുക്കാൻ ടീച്ചർക്ക് സാധിച്ചു. ഹെഡ്മാസ്റ്റർ പിടി ബെന്നി സാറിൻറെ സാന്നിധ്യത്തിൽ നടന്ന പരിപാടിയിൽ ശ്രീമതി ജസീന കെ സ്വാഗതം പറഞ്ഞു

ഗണിതോത്സവം ശാസ്ത്രോത്സവം- ഫെബ്രുവരി 18 -2025

ഗവൺമെൻറ് യുപി സ്കൂൾ ചെമ്മനാട് വെസ്റ്റിന്റെ ഗണിതോത്സവം ശാസ്ത്രോത്സവം എന്നപേരിൽ പ്രീ പ്രൈമറി രക്ഷിതാക്കൾക്കുള്ള ശില്പശാല രാവിലെ 9 30ന് പുതിയ പള്ളി മദ്രസ ഹാളിൽ നടന്നു. പി ടി. എ പ്രസിഡണ്ട് ശ്രീ എം കെ മഹറൂഫിന്റെ അധ്യക്ഷതയിൽ നടന്ന പരിപാടി ഉദ്ഘാടനം ചെയ്തത് വാർഡ് മെമ്പർ ശ്രീ അമീർ ബി പാലോത്ത് ആണ്. രക്ഷിതാക്കൾക്കുള്ള പ്രത്യേക ക്ലാസ് ബി ആർ സി ട്രെയിനർ ആയ ശ്രീ കെ സുധീഷ് നയിച്ചു. രക്ഷിതാക്കൾക്ക് ആവേശം പകർന്ന ക്ലാസ് തികച്ചും വേറിട്ട ഒരു അനുഭവമായി മാറി.

ബുലന്ദ് കമ്മ്യൂണിക്കേറ്റീവ് ഹിന്ദി ക്ലാസ് ഫോർത്ത് സ്റ്റാൻഡേർഡ് സ്റ്റുഡൻസ് -2025-ഫെബ്രുവരി 21

നാലാം ക്ലാസിലെ കൂട്ടുകാർക്ക് വേണ്ടി അക്കാദമിക കൗൺസിലിന്റെ ആഭിമുഖ്യത്തിൽ തുടങ്ങിയ 'ഹിന്ദി പഠനശിബിരം  '.- കുട്ടികളുടെ ആശയവിനിമയത്തിന് പ്രാധാന്യം നൽകുന്ന പരിപാടി .സ്പെഷ്യൽ സെഷൻ കൈകാര്യം ചെയ്യുന്നതിനായി ഹിന്ദി പ്രചാര സഭയുടെ ട്രെയിനർ ആയ ശ്രീ സുനിൽകുമാർ കെ എൻ ആയിരുന്നു. കുട്ടികളോട് ഹിന്ദിയിൽ മാത്രം ആശയവിനിമയം ചെയ്തത് ഹിന്ദി ഭാഷ കുട്ടികൾക്ക് അനായാസം കൈകാര്യം ചെയ്യാൻ സാധിക്കുമെന്ന് ആത്മവിശ്വാസം നൽകാൻ സാറിന് കഴിഞ്ഞു.

ANNUAL DAY CELEBRATION -2025-ഫെബ്രുവരി 28

ജിയുപിഎസ് ചെമ്മനാട് വെസ്റ്റിൽ പ്രീപ്രൈമറി കുട്ടികളുടെ 21-മത് വാർഷികം നടത്തി. ഫെബ്രുവരി 28ന് ഉച്ചയ്ക്ക് 2 30ന് തുടങ്ങിയ പരിപാടി വൈകുന്നേരം 6 30 വരെ നീണ്ടുനിന്നു. കുട്ടികളുടെ ഡാൻസും പാട്ടുമായി വാർഷികം വാർഷികം തികച്ചും വ്യത്യസ്ത നിലവാരം പുലർത്തി. എക്സിക്യൂട്ടീവ് മെമ്പർ ശ്രീ സി എൽ ഇഖ്ബാലിന്റെ അധ്യക്ഷതയിൽ നടന്ന പരിപാടി പി ടി എ പ്രസിഡൻറ് ശ്രീ മെഹറൂഫ് എം കെ ഉദ്ഘാടനം ചെയ്തു. വാർഡ് മെമ്പർ ശ്രീ അമീർ ബി പാലോത്ത് മുഖ്യ അതിഥിയായ പരിപാടിയിൽ ഹെഡ്മാസ്റ്റർ ശ്രീ ബെന്നി സാർ സ്വാഗതം പറയുകയും എസ്.എം.സി ചെയർമാൻ ശ്രീ താരിഖ് കുട്ടികൾക്കുള്ള സമ്മാനങ്ങൾ വിതരണം ചെയ്യുകയും ചെയ്തു .സീനിയർ അസിസ്റ്റൻറ് ശ്രീമതി ഷെരീഫ ടീച്ചർ പരിപാടിക്ക് നന്ദി അറിയിക്കുകയും ചെയ്തു. രക്ഷിതാക്കളുടെ പൂർണ്ണ പിന്തുണയോടു കൂടി നടന്ന വാർഷിക വാർഷികത്തിൽ പ്രൈമറി  ടീച്ചർമാരുടെ അഹോരാത്രപ്രയത്നം പരിപാടിയെ വേറിട്ട് നിർത്തി.

2025 മാർച്ച് 1- അധ്യാപകർക്കുള്ള മാനേജ്മെൻറ് ട്രെയിനിങ്

ക്ലാസ് മുറികളിൽ നിന്നുള്ള വിരസത ഒഴിവാക്കാനും പുതു പുത്തൻ ആശയങ്ങൾ കുട്ടികളിൽ എത്തിക്കാനും ടീച്ചേഴ്സിന്റെ ഡെവലപ്മെന്റിനും വേണ്ടി ജി യു പി എസ് ചെമ്മനാട് വെസ്റിൽ ശ്രീ പി ഗംഗാധരൻ (Rtd AEO Hosdurg) ൻ്റെ ആഭിമുഖ്യത്തിൽ മാ നേജ്മെൻറ് ട്രെയിനിങ് സംഘടിപ്പിച്ചു.

മുഴുനീളെ ക്ലാസിന് പകരമായി വിവിധതരം ആക്ടിവിറ്റിയിലൂടെ ആയിരുന്നു സാർ ക്ലാസ് നയിച്ചത് അതുകൊണ്ട് രണ്ടു മണിക്കൂർ ഒരു മുഷിപ്പോ മടുപ്പോ ആർക്കും തോന്നിയിട്ടുണ്ടാവില്ല. മാത്രവുമല്ല ക്ലാസ്സിൽ നല്ല മോട്ടിവേഷൻ ഫീൽ ചെയ്യുകയും ഉണ്ടായി. മാർച്ച് 1 ഉച്ചയ്ക്ക് രണ്ടു മുതൽ നാലു വരെ ഉണ്ടായ ക്ലാസ്സിൽ ഹെഡ്മാസ്റ്റർ സ്വാഗതം പറയുകയും പിടിഎ പ്രസിഡണ്ട് ശ്രീ മഹറൂഫ് എം കെ ആശംസ അറിയിക്കുകയും ചെയ്തു എസ് ആർ ജി കൺവീനർ ശ്രീമതി പ്രസീന  നന്ദി അറിയിച്ചു

ചെമ്മനാട് വെസ്റ്റ് കടവത്ത് ക്വിസ് 5.0 Star of the month ഫെബ്രുവരി 2025.

പഠനത്തിൽ മാത്രമല്ല മറ്റിന മത്സരങ്ങളിലും ചെമ്മനാട് വെസ്റ്റിലെ കുട്ടികൾ മുൻപിൽ തന്നെ .മാസംതോറും നടത്തിവരുന്ന കടവത്ത് ക്വിസ് Star of the month  വിജയികളെ പ്രഖ്യാപിച്ചു 6C യിൽ പഠിക്കുന്ന അലിൻ കുരിക്കൾ ഒന്നാം സ്ഥാനവും 7B ക്ലാസിലെ ആദിനാഥ്, ആരാധ്യ ഹരീഷ് രണ്ടാം സ്ഥാനം പങ്കിടുകയും മൂന്നാം സ്ഥാനം 5A ക്ലാസ്സിൽ പഠിക്കുന്ന നിഹാനുജുമും കരസ്ഥമാക്കി.

പഠനോത്സവം മാർച്ച് 13 20025

കുട്ടികളുടെ അറിവുകളുടെയും കഴിവുകളുടെയും ഉത്സവമാണ് പഠനോത്സവം. വിദ്യാലയത്തിൽ നിന്ന് ലഭിച്ച അറിവ് കുട്ടികൾക്ക് തനതായ രീതിയിൽ അവതരിപ്പിക്കുന്നതിനുള്ള അവസരമാണ് പഠനോത്സവം. വളരെ വിപുലമായ രീതിയിലാണ് ജി യുപിഎസ് ചെമ്മനാട് വെസ്റ്റിൽ പഠനോത്സവം ആഘോഷമാക്കി മാറ്റിയത്. വിദ്യാലയത്തിലെ   എല്ലാ കുട്ടികളും പഠനോത്സവത്തിൽ പങ്കെടുത്തു. എൽ പി തലത്തിൽ രണ്ട് സ്റ്റേജുകളിൽ ആയാണ് പഠനോത്സവം നടന്നത്. സ്കിറ്റ്, വഞ്ചിപ്പാട്ട്, കവിതാലാപനം, റീഡേഴ്സ് തിയേറ്റർ, സംഭാഷണം, പരീക്ഷണം ,സ്റ്റോറി ടെല്ലിങ്, ന്യൂസ് റീഡിങ്, സംഖ്യാബോധനവുമായി ബന്ധപ്പെട്ട വിവിധ ഇനങ്ങൾ കൂടാതെ അറബി വിഷയത്തിലും വ്യത്യസ്ത അവതരണം ഉണ്ടായിരുന്നു.  പ്രത്യേകം സജ്ജീകരിച്ച ക്ലാസ് മുറികളിൽ കുട്ടികളുടെ ഉത്പന്നങ്ങളുടെ പ്രദർശനങ്ങളും ഉണ്ടായിരുന്നു. എൽപി തലത്തിൽ മറ്റൊരു മികവാർന്ന പ്രവർത്തനമായിരുന്നു 'വർണ്ണ അക്ഷരം' എന്നപേരിൽ പ്രസിദ്ധീകരിച്ച കുട്ടികളുടെ ഡയറിക്കുറിപ്പുകൾ. കുട്ടികളുടെ  സർഗാത്മകതയും ഭാവനയും കൂട്ടി എഴുതിയ ഡയറിക്കുറിപ്പുകൾ ഏറെ ശ്രദ്ധയാകർഷിച്ചു. ക്ലാസ് സ്ഥലത്തിൽ തുടങ്ങിയ പഠനോത്സവം പിന്നീട് വിവിധ വിഷയങ്ങളെ കേന്ദ്രീകരിച്ച് കോർണർ തലത്തിലും അവതരിപ്പിച്ചു. ഭാഷാ വിഷയവുമായി ബന്ധപ്പെട്ട് തെയ്യം ആവിഷ്കാരം ,കവിത, കഥ, അക്ഷര കാർഡ് കൊണ്ടുള്ള പ്രവർത്തനം തുടങ്ങിയ ഒട്ടനവധി പ്രവർത്തനങ്ങൾ വ്യക്തിഗതമായും സംഘമായും മികവോടുകൂടി കുട്ടികൾ അവതരിപ്പിച്ചു.

ഇംഗ്ലീഷ് എക്സ്പ്രസ് എന്ന പേരിൽ ഇംഗ്ലീഷ് സബ്ജക്ട് വേറിട്ട പ്രവർത്തനങ്ങൾ കാഴ്ചവെച്ചു. ചാർട്ട്, എക്സിബിഷൻ, മോക്ക് ഇൻറർവ്യൂ, ക്യാരക്ടർ പ്രസന്റേഷൻ , സ്പീച്ച്, puppet show  തുടങ്ങി വിവിധ പരിപാടികൾ കുട്ടികൾ സംഘടിപ്പിച്ചു. ഓരോ കുട്ടിയും English Weavers എന്ന പേരിൽ ബാഡ്ജ് അണിഞ്ഞിട്ടുണ്ടായിരുന്നു സാമൂഹ്യശാസ്ത്രവുമായി ബന്ധപ്പെട്ട് നന്നങ്ങാടി, തൊപ്പിക്കല്ല് ,മുനിയറ, കുടക്കല്ല് തുടങ്ങിയവയുടെ മാതൃക പ്രദർശനം കുട്ടികൾക്ക് ഒരു വേറിട്ട അനുഭവമായി.

ശാസ്ത്ര വിഷയത്തോട് അനുബന്ധിച്ച് നടത്തിയ പരീക്ഷണങ്ങൾ ,വിവിധ  മാതൃകകൾ ,കുട്ടി ക്ലാസുകൾ, ചിത്രപ്രദർശനം   തുടങ്ങി വ്യത്യസ്തങ്ങളായ പരിപാടികളും അവതരിപ്പിച്ചു.

ഗണിതശാസ്ത്രവുമായി ബന്ധപ്പെട്ട് സ്റ്റിൽ മോഡൽ, വർക്കിംഗ് മോഡൽ, ജോമട്രിക്കൽ ചാർട്ട് എ,ന്നിങ്ങനെ വിവിധ മേഖലകളിൽ കുട്ടികൾ മികവ് തെളിയിച്ചു. രക്ഷിതാക്കളുടെ മികച്ച പങ്കാളിത്തവും അനുഭവപ്പെട്ടു ഏറെ കൃത്യതയോടെ  നടത്തിയ പഠനോത്സവം ചെറിയൊരു സമാപന സമ്മേളനത്തോടുകൂടി മൂന്നുമണിക്ക് അവസാനിച്ചു.

C-LIFT വായനാ പരിപോഷണ പരിപാടി വിജയപ്രഖ്യാപനം

C-LIFT വായനാ പരിപോഷണ പരിപാടി വിജയപ്രഖ്യാപനം ഭംഗിയായി നടന്നു ഭൂരിപക്ഷ കുട്ടികളുടെയും രക്ഷിതാക്കൾ ചടങ്ങിൽ സംബന്ധിച്ചു 41 പഠനമണിക്കൂറിലായി 53 വർക്ക് സീറ്റുകൾ കുട്ടികൾ ചെയ്തു വെബ്സൈറ്റുകൾ എല്ലാം പുസ്തകരൂപത്തിൽ ആക്കി കവർ ചെയ്ത് കുട്ടികൾക്ക് നൽകി. ഇതോടൊപ്പം ക്ലാസ് ടോപ്പർ ആയ  കുട്ടികൾക്കും സ്റ്റാർ ഓഫ് മന്ത് വിജയികൾക്കും അനുമോദനം നൽകി ചടങ്ങിൽ വാർഡ് മെമ്പർ ശ്രീ അമീർ ബി പാലോത്ത് പിടിഎ പ്രസിഡണ്ട് ശ്രീ മെഹ റൂഫ് എം കെ, പ്രധാനധ്യാപകൻ പി.ടി ബെന്നി സാർ, വിനോദ് കുമാർ പെരുമ്പള, എക്സിക്യൂട്ടീവ് അംഗങ്ങളായ ശ്രീ. എൻ . എൽ.ഇഖ്ബാൽ ശ്രീമതി സൈനബത്ത് സാദിയ തുടങ്ങിയവർ സംബന്ധിച്ചു

ഗ്രീഷ്മോത്സവം 2025 ഏപ്രിൽ 7 ,8 ,9 ,10

വിദ്യാർത്ഥികളുടെ ഭൗതിക സാംസ്കാരിക വളർച്ചയെ ലക്ഷ്യമാക്കി ജി യു പി എസ് ചെമ്മനാട് വെസ്റ്റിൽ ഏപ്രിൽ 7, 8, 9 ,10 തീയതികളിലായി ഗ്രീഷ്മോത്സവം എന്നപേരിൽ ചതുർദിന സഹവാസ ക്യാമ്പ് സംഘടിപ്പിച്ചു. ഉദ്ഘാടന ചടങ്ങിൽ പ്രധാന അധ്യാപകൻ ശ്രീ പി.ടി ബെന്നി മാസ്റ്റർ സ്വാഗതം പറഞ്ഞു. വാർഡ് മെമ്പർ അമീർ ബി പാലോത്ത് ഉദ്ഘാടനം നിർവഹിച്ചു. പരിപാടിയിൽ പിടിഎ പ്രസിഡണ്ട് ശ്രീ എം കെ നെഹ്റൂഫ് അധ്യക്ഷത വഹിച്ചു. പൊതുനിർദേശങ്ങൾ നൽകി ക്യാമ്പ് ഡയറക്ടർ വിജയൻ ശങ്കരംപാടി മുഖ്യ പ്രഭാഷണം നടത്തി.

2024 -25 അധ്യായന വർഷം കുട്ടികളുടെ ഇംഗ്ലീഷിലും ഹിന്ദിയിലും ഉള്ള ഭാഷാ വികസനം ലക്ഷ്യമാക്കി ജനുവരി മുതൽ തുടങ്ങിയ പദ്ധതികൾ ആയിരുന്ന Enrich Your English ,Buland-Hindi എന്നിവയുടെ ഔപചാരികമായ സമാപനത്തോടുകൂടി ക്യാമ്പിന്റെ ഒന്നാം ദിവസം ആരംഭിച്ചു .

90 ഓളം കുട്ടികൾ ഗ്രീഷ്മോത്സവം ക്യാമ്പിൽ പങ്കെടുത്തു. രാവിലെ 10 മണി മുതൽ തുടങ്ങിയ EYE പ്രോഗ്രാമിൽ പ്രോഗ്രാം രണ്ട് സെഷനുകളിലായി ഷേർലി ഹൈസിന്ത് സർവ്വ മംഗള റാവു എന്നിവരുടെയും ബുലന്ദ് ഹിന്ദി ക്ലാസ് ശ്രീ സുനിൽകുമാർ കെ എൻ ൻറെയും നേതൃത്വത്തിൽ ആയിരുന്നു നടന്നത് .

ക്യാമ്പിന്റെ രണ്ടാം ദിവസം രാജേഷ് പാടി, സിനോജ് കൊട്ടോടി വിജയൻ ശങ്കരംപാടി എന്നിവരുടെ നേതൃത്വത്തിലുള്ള നാട്ടറിവ് പാട്ടുകൾ ആയിരുന്നു നടന്നത്. നാടൻപാട്ട് എന്ന കേരളത്തിൻറെ സമ്പന്നമായ സംഗീത പാരമ്പര്യത്തെ കുട്ടികൾക്ക് പരിചയ പ്പെടുത്തുകയും പ്രായോഗിക പരിശീലനം നൽകുകയും ചെയ്തു.

Pathways of Newgen Parenting

രക്ഷിതാക്കൾക്കുള്ള ബോധവൽക്കരണ ക്ലാസ്

2025 മെയ് 26 തിങ്കൾ രാവിലെ 10 മണിക്ക് 'നമ്മുടെ കുട്ടിയെ അറിയാം 'എന്ന പേരിൽ പ്രശസ്ത നാഷണൽ ട്രെയിനർ ശ്രീ കൂത്താട്ടുകുളം വിജയകുമാർ രക്ഷിതാക്കൾക്കുള്ള ബോധവൽക്കരണ പഠന ക്ലാസ് സംഘടിപ്പിച്ചു. ഇന്നത്തെ തലമുറയിലെ കുട്ടികളുടെ പ്രശ്നങ്ങളും ഒരു യഥാർത്ഥ രക്ഷിതാവ് എങ്ങനെ കുട്ടികളുമായി ഇടപെടണമെന്നും വളരെ വിശദമായി അദ്ദേഹം രക്ഷിതാക്കളുമായി സംസാരിച്ചു .ഉച്ചവരെ നീണ്ട സെഷൻ രക്ഷിതാക്കൾക്ക് തികച്ചും പുതിയ അനുഭവമായി മാറി. വാർഡ് മെമ്പർ ഉദ്ഘാടനം ചെയ്ത  ചടങ്ങിൽ പിടിഎ പ്രസിഡണ്ട് ശ്രീ മെഹറൂഫ് എം കെ അധ്യക്ഷത വഹിച്ചു. ഹെഡ്മാസ്റ്റർ പിടി ബെന്നി സാർ, പിടിഎ എക്സിക്യൂട്ടീവ് അംഗം ശ്രീ ഇഖ്ബാൽ എന്നിവർ പരിപാടിയിൽ സംബന്ധിച്ചു.

ചരിത്ര നേട്ടവുമായി ഗവൺമെൻറ് യുപി സ്കൂൾ ചെമ്മനാട് വെസ്റ്റ്

.2024 25 അധ്യായന വർഷത്തെ എൽഎസ്എസ് യുഎസ്എസ് പരീക്ഷയിൽ ചരിത്രനേട്ടം കൈവരിച്ച് ജി യു പി എസ് ചെമ്മനാട് വെസ്റ്റ് 21 കുട്ടികൾ എഴുതിയ യുഎസ്എസ് പരീക്ഷയിൽ രണ്ട് ഗിഫ്റ്റ് ഉൾപ്പെടെ 18 കുട്ടികൾ സ്കോളർഷിപ്പിന് അർഹത നേടി. വിജയിക്കുള്ള അവാർഡ് ദാനം പിടിഎ പ്രസിഡണ്ട് ശ്രീ എം കെ മെഹ്റൂഫിന്റെ അധ്യക്ഷതയിൽ ചേർന്ന അനുമോദന ചടങ്ങിൽ SEEMAT നാഷണൽ ട്രെയിനർ ശ്രീ കൂത്താട്ടുകുളം വിജയകുമാർ നിർവഹിച്ചു. ഹെഡ്മാസ്റ്റർ ശ്രീ വി ടി ബെന്നി സാർ ,വാർഡ് മെമ്പർ അമീർ ബി പാലോത്ത് ,എസ് എം സി ചെയർമാൻ ശ്രീ പി താരിഖ് എന്നിവർ ചടങ്ങിൽ സംബന്ധിച്ചു.

പ്രവേശനോത്സവം

2025 26 അധ്യയന വർഷത്തെ പ്രവേശനോത്സവം 2 .6. 2025 തിങ്കളാഴ്ച ജി. യു.പി.എസ് . ചെമ്മ നാട് വെസ്റ്റ് സമുചിത മായി ആഘോഷിച്ചു. കയ്യിൽ ബലൂണും തലയിൽ പ്രവേശനോത്സവം എന്നെഴുതിയ തൊപ്പിയും അണിയിച്ചാണ് അധ്യാപകർ കുരുന്നുകളെ വരവേറ്റത് സ്കൂളിലെ മുഴുവൻ കുട്ടികൾക്കും രക്ഷിതാക്കൾക്കും മധുരം നൽകി ചെമ്മനാട് ഗ്രാമപഞ്ചായത്ത് മെമ്പർ ശ്രീ അമീർ ബി പാലോത്ത് ഉദ്ഘാടനം ചെയ്തു. പി.ടി.എ. പ്രസിഡണ്ട് ശ്രീ മെഹറൂഫ് എം കെ അധ്യക്ഷത വഹിച്ചു സ്വാഗതം പറഞ്ഞു പ്രസിഡൻറ് ശ്രീമതി ഷ രീഫ ടീച്ചർ , സ്റ്റാഫ് സെക്രട്ടറി ശ്രീ മുജീബ് മാസ്റ്റർ, മുനീർ മാസ്റ്റർ തുടങ്ങിയവർ ആശംസകൾ അറിയിച്ചുകൊണ്ട് സംസാരിച്ചു.

ഔഷധപച്ച -2025 ജൂൺ 5

     ചെമ്മനാട് വെസ്റ്റ് ജി യു പി സ്കൂളിൽ ഔഷധപച്ച ഔഷധതോട്ട നിർമ്മാണം ആരംഭിച്ചു. പരിസ്ഥിതിനത്തിന്റെ ഭാഗമായി ചെമ്മനാട് സർവീസ് സഹകരണ ബാങ്കിന്റെ നേതൃത്വത്തിൽ കുട്ടികൾക്ക് ഔഷധസസ്യങ്ങൾ വിതരണം ചെയ്തു സഹകരണ ബാങ്ക് സെക്രട്ടറി പരിപാടി ഉദ്ഘാടനം ചെയ്തു. ഹെഡ്മാസ്റ്റർ ബെന്നി മാഷ് സീറോ പ്ലാസ്റ്റിക് മേഖലയായി ചെമ്മനാട് വെസ്റ്റ് സ്കൂളും പരിസരവും മാറണം എന്ന സന്ദേശം നൽകി.സീനിയർ അസിസ്റ്റന്റ് ഷെരീഫ ടീച്ചർ അധ്യാപകകോർഡിനേറ്റർമാർ പരിപാടിക്ക് നേതൃത്വം നൽകി.

ലോക സമുദ്ര ദിനം 2025 -ജൂൺ 8

ജൂൺ 8 ലോക സമുദ്ര ദിനത്തിന്റെ ഭാഗമായി നല്ല പാഠം ക്ലബ്ബിന്റെ നേതൃത്വത്തിൽ സ്കൂളിലെ നല്ല പാഠം കുട്ടികൾ ചെമ്പരിക്ക ബീച്ചും പരിസരവും വൃത്തിയാക്കി .പ്ലാസ്റ്റിക് മാലിന്യങ്ങൾ കൊണ്ട് മലിനമായ കടൽത്തീരവും ചുറ്റുപാടും നല്ല പാഠം കൂട്ടുകാർ വൃത്തിയാക്കുകയായിരുന്നു. സാമൂഹ്യപ്രതിബദ്ധതയുള്ള ഈ പ്രവർത്തനം വളരെ ആവേശത്തോടെയാണ് നല്ല പാഠം കുട്ടികൾ ഏറ്റെടുത്ത് നടപ്പിലാക്കിയത്. വിദ്യാർത്ഥി കോഡിനേറ്റർ ആയിഷത്ത് ഷസാന അധ്യാപക കോഡിനേറ്റർമാരായ മുജീബ് റഹ്മാൻ, രഞ്ജിനി എന്നിവർ പരിപാടിക്ക് നേതൃത്വം നൽകി.

സ്കൂൾ പ്രൊട്ടക്ഷൻ ആൻഡ് സേഫ്റ്റി ഗ്രൂപ്പ് രൂപീകരണയോഗം

2025 -26 ചെമ്മനാട് വെസ്റ്റ് ഗവൺമെൻറ് സ്കൂളിൻറെ സ്കൂൾ പ്രൊട്ടക്ഷൻ ആൻഡ് സേഫ്റ്റി ഗ്രൂപ്പ് രൂപീകരണയോഗം ജൂൺ 11ന് സ്കൂളിൽ വച്ച് നടന്നു. കുട്ടികൾക്കെതിരെയുള്ള അതിക്രമങ്ങൾ, നിയമവിരുദ്ധ പ്രവർത്തികൾ, ലഹരി, പുകയില വസ്തുക്കൾ, പോക്സോ അതിക്രമങ്ങൾ എന്നിവയിൽ നിന്ന് കുട്ടികളെ സംരക്ഷിക്കുക എന്നതാണ് സ്കൂൾ പ്രൊട്ടക്ഷൻ ഗ്രൂപ്പിൻറെ ചുമതല. മേൽപറമ്പ് പോലീസ് എസ് ഐ ശ്രീ സുരേഷ് കുമാർ, ശ്രീ നിഖിൽ  പിടിഎ കമ്മിറ്റി അംഗങ്ങൾ എസ്എംസി അംഗങ്ങൾ, അധ്യാപകർ ,വ്യാപാരി വ്യവസായികൾ ,സ്കൂൾ വാൻഡ്രൈവർമാർ, സ്കൂൾ ആയമാർ തുടങ്ങിയവർ കമ്മിറ്റി. അംഗങ്ങളായി പ്രവർത്തിക്കുന്നു

ജൂൺ 12 ബാലവേല വിരുദ്ധ ദിനം

ഗവൺമെൻറ് യുപി സ്കൂൾ ചെമ്മനാട് വെസ്റ്റ് നല്ല പാഠം ക്ലബ്ബിൻറെ നേതൃത്വത്തിൽ സമുചിതമായി ആഘോഷിച്ചു. ബാലവേല വിരുദ്ധ പോസ്റ്ററുകൾ, പ്ലക്കാർ ഡ്ുകൾ എന്നിവ കുട്ടികൾ നിർമ്മിച്ചു. അതിലൂടെ കുട്ടികൾക്ക് അവരുടെ അവകാശങ്ങളെക്കുറിച്ച് ഒരു അവബോധം നൽകാൻ സാധിച്ചു. അധ്യാപക കോഡിനേറ്റർമാർ പരിപാടിക്ക് നേതൃത്വം നൽകി.,

ചെമ്മനാട് വെസ്റ്റിൽ ഭാഷോത്സവം ആരംഭിച്ചു.

ചെമ്മനാട് വെസ്റ്റ് ഗവ. യു.പി. സ്കൂളിൽ ഭാഷാ ക്ലബുകളുടെ ഉദ്ഘാടനവും വായന പക്ഷാചരണവും ചെമ്മനാട് ഗ്രാമപഞ്ചായത്ത് മെമ്പർ അമീർ ബി. പാലോത്ത് ഉദ്ഘാടനം ചെയ്തു. ദേശീയ അധ്യാപക അവാർഡ് ജേതാവ് വി. ശ്രീനിവാസ് സാഹിത്യ ശില്പശാല സംഘടിപ്പിച്ചു. രണ്ടാഴ്ച നീണ്ടുനിൽക്കുന്ന ഭാഷാ ക്ലബ്ബുകളുടെ വ്യത്യസ്തമായ പ്രവർത്തനങ്ങൾ കോർത്തിണക്കി ഭാഷോത്സവ പരിപാടിയും ആരംഭിച്ചു. പി.ടി.എ. പ്രസിഡൻ്റ് എം.കെ. മഹ്റൂഫ് അധ്യക്ഷത വഹിച്ചു. ഹെഡ്മാസ്റ്റർ പി.ടി.ബെന്നി സ്വാഗതവും എസ്.ആർ.ജി. കൺവീനർ എം.കെ. സൗമ്യ നന്ദിയും പറഞ്ഞു. എസ്.എം.സി. ചെയർമാൻ പി.താരിഖ്, പി.ടി.എ. വൈസ് പ്രസിഡൻ്റ് നാസർ കുരിക്കൽ, കെ. ജെസീന, എം. മുജീബ് റഹ്മാൻ, പി.കെ. ഷബീബ, കെ.പി. സ്മിലു തുടങ്ങിയവർ നേതൃത്വം നൽകി.

അലിഫ് അറബിക് ക്ലബ്ബ് ഉദ്ഘാടനം

വായനാവാര പരിപാടിയുടെ ഭാഗമായി യുപി സ്കൂൾ ചെമ്മനാട് വെസ്റ്റിൽ അറബി ക്ലബ്ബ് ഉദ്ഘാടനം പിടിഎ പ്രസിഡണ്ട് ശ്രീ എം കെ മഹറൂഫ് ഉദ്ഘാടനം ചെയ്തു. അധ്യാപകരായ ശ്രീമതി ഷെരീഫ ,എം. കെ മുനീർ, ശ്രീ. അസ്ലം എന്നിവർ സംബന്ധിച്ചു കളറിംഗ്, പദനിർമ്മാണം, ക്യാപ്ഷൻ രചന, പദസമ്പത്ത് തുടങ്ങിയ വിവിധതരം പരിപാടികളും നടത്തി

2025 ജൂൺ 21 അന്തർദേശീയ യോഗാദിനം

SPIC MACAY kERALA കാസർഗോഡ് ചാപ്റ്ററിന്റെ ഭാഗമായി ഗവൺമെൻറ് യുപിഎസ് ചെമ്മനാട് വെസ്റ്റിൽ മൂന്ന് ദിവസം നീണ്ടുനിന്ന യോഗ പരിശീലനം അന്തർദേശീയ യോഗാ ദിനത്തിൻറെ ഭാഗമായി സംഘടിപ്പിച്ചു ശ്രീമതി പ്രഭ വേങ്ങയിൽ കുട്ടികൾക്ക് മൂന്ന് ദിവസം പരിശീലനം നൽകി. കുട്ടികളുടെ ശാരീരികവും മാനസികവും വൈകാരികവുമായ ആരോഗ്യത്തിന് യോഗ പരിശീലിപ്പിക്കേണ്ടതാണ് എന്ന ബോധ്യം കുട്ടികളിൽ ജനിപ്പിക്കാൻ ഇതിലൂടെ സാധിച്ചു. വിവിധതരത്തിലുള്ള  യോഗാസനങ്ങൾ കുട്ടികൾക്ക് പരിചയപ്പെടുത്താനും സാധിച്ചു. മൂന്ന് ദിവസവും യോഗയ്ക്ക് പങ്കെടുത്ത കുട്ടികൾക്ക് സർട്ടിഫിക്കറ്റ് വാർഡ് മെമ്പർ അമീർ ബി പാലോത്ത്, പിടിഎ പ്രസിഡണ്ട് ശ്രീ എം കെ മേഹ്റൂഫ് ,നല്ല പാഠം കോർഡിനേറ്ററും സ്റ്റാഫ് സെക്രട്ടറിയുമായ  എം മുജീബ് റഹ്മാനും വിതരണം ചെയ്തു

2025 ജൂൺ 17 വാങ്മയം പ്രതിഭാപരീക്ഷ

2025 ജൂൺ 17 വാങ്മയം പ്രതിഭാപരീക്ഷ വിദ്യാരംഗം കലാസാഹിത്യവേദിയുടെ ആഭിമുഖ്യത്തിൽ സ്കൂൾതല ഭാഷാ പ്രതിഭാ പരീക്ഷ 'വാങ്മയം' ചെമ്മനാട് വെസ്റ്റിൽ നടത്തി. സംസ്ഥാനത്തെ ഏറ്റവും കൂടുതൽ കുട്ടികൾ പങ്കെടുക്കുന്ന ഈ പ്രതിഭാ പരീക്ഷ എൽ പി, യു പി വിഭാഗങ്ങളിലെ ഭാഷാ പ്രതിഭകളെ കണ്ടെത്തുന്നതിന് വേണ്ടിയാണ്

.കടവത്ത് ക്വിസ് 6.0

സ്റ്റാർ ഓഫ് ദ മന്ത് ജൂൺ 2025- 26 അധ്യായന വർഷത്തെ ആദ്യ കടവത്ത് ക്വിസ് വിജയികളായി സ്നേഹൽ എ'കെ ,നിഹാനുജം എംപി ,അലിൻ അബ്ദുള്ള കുരി ക്കൾ എന്നിവർ സ്കൂളിൻറെ അഭിമാനമായി ..LP ക്ലാസ്സിലെ വിജയികളായി ഫൈസാൻ അനസ് ശെഷീൻ ഫാത്തിമ ആർജ്ജവ് നമ്പ്യാർ എന്നിവരും.

ജൂലൈജി യു പി എസ് ചെമ്മനാട് വെസ്റ്റ് സ്കൂൾ പാർലമെൻറ് തിരഞ്ഞെടുപ്പ് 2025 -ജൂലൈ 25

ജി യു പി എസ് ചെമ്മനാട് വെസ്റ്റ് സ്കൂളിൽ സ്കൂൾ പാർലമെൻറ് ഇലക്ഷൻ 2025 ജൂലൈ 25 സോഷ്യൽ സയൻസ് ക്ലബ്ബിൻറെ നേതൃത്വത്തിൽ നടന്നു ഇലക്ഷൻ കമ്മീഷണർ പിടി ബെന്നി സാറും അസിസ്റ്റൻറ് ഇലക്ഷൻ കമ്മീഷണർ ബഹിത ടീച്ചർ presiding ഓഫീസർ  ആദിദേവ് പോളിംഗ് ഓഫീസേഴ്സ് സ്നേഹൽ  എ കെ നിഹാനുജും, സാഹിൽ എന്നിവരും നേതൃത്വം നൽകി. സ്കൂൾലീഡർ സ്ഥാനത്തേക്ക് മത്സരിക്കുന്നതിനുവേണ്ടി 6 കുട്ടികളും ആർട്സ് സ്ഥാനത്തേക്ക് 9 പേരും സ്പോർട്സ് ക്യാപ്റ്റൻ സ്ഥാനത്തേക്ക് 5 പേരുമാണ് ഉണ്ടായിരുന്നത് .നാലു മുതൽ ഏഴ് വരെ ക്ലാസിലെ കുട്ടികൾ ഇലക്ഷനിൽ പങ്കാളികളായി 2005 ജൂലൈ 15ന് 10 മണി മുതൽ 4 മണി വരെയാണ് വോട്ടിംഗ് നടന്നത് ഇലക്ഷൻ പ്രഖ്യാപനം അന്ന് വൈകുന്നേരം 4 30ന് നടത്തി

ഇലക്ഷൻ വിജയികൾ: സ്കൂൾ ലീഡറായി ആയിഷത്ത് ഷ സാന ഡെപ്യൂട്ടി ലീഡറായി അലിൻ അബ്ദുള്ള കുരിക്കൾ സ്പോർട്സ് ക്യാപ്റ്റൻ മുഹമ്മദ് ഫൈസ് സ്പോർട്സ് വൈസ് ക്യാപ്റ്റൻ അബ്ദുള്ള ഷഹലാൻ ആർട്സ് ക്യാപ്റ്റൻ കെ എൻ സഫ്‌വാൻ, വൈസ് ക്യാപ്റ്റൻ ആയിഷത്ത് സഹറ  എന്നിവരെയും തെരഞ്ഞെടുത്തു.

31 2025 പ്രേംചന്ദ് ജയന്തി ജൂലൈ 31

പ്രേംചന്ദ് ജയന്തിയോട് അനുബന്ധിച്ച് ഹിന്ദി ക്ലബ്ബിന്റെ നേതൃത്വത്തിൽ വ്യത്യസ്തമായ പരിപാടികൾ സംഘടിപ്പിച്ചു .6 ,7 ക്ലാസിലെ കുട്ടികൾക്കായി പ്രസംഗമത്സരവും അഞ്ചാം ക്ലാസിലെ കുട്ടികൾക്കായി പോസ്റ്റർ നിർമ്മാണ മത്സരവും നടത്തി.

ആഗസ്റ്റ് 3 2025 'ചങ്ങായിക്കൊരു മരം'

ജി യു പി എസ് ചെമ്മനാട് വെസ്റ്റ് 'ചങ്ങായിക്കൊരു മരം: പദ്ധതിയുമായി നല്ല പാഠം പ്രവർത്തകർ. സൗഹൃദ ദിനത്തിൻറെ ഭാഗമായി ബന്ധങ്ങൾ പച്ച പിടിക്കട്ടെ എന്ന സന്ദേശവും ആയിട്ടാണ് നല്ല പാഠം ക്ലബ്ബ് ഇത്തരമൊരു പദ്ധതി തുടങ്ങിയത്. അംഗങ്ങൾ കൊണ്ടുവന്ന ഫലവൃക്ഷതൈകൾ ഉൾപ്പെടെ .അവരവരുടെ കൂട്ടുകാർക്ക് കൈമാറി .അധ്യാപക കോർഡിനേറ്റർമാരായ മുജീബ് റഹ്മാൻ  വിദ്യാർത്ഥി കോർഡിനേറ്റർമാരായ ഷസാന ,അലിൻ അബ്ദുള്ള കുരിക്കൾ എന്നിവർ നേതൃത്വം നൽകി.

2025 ആഗസ്റ്റ് 5 ബോധവൽക്കരണ ക്ലാസ്

നല്ല പാഠം ക്ലബ്ബിന്റെയും ഹെൽത്ത് ക്ലബ്ബിന്റെയും നേതൃത്വത്തിൽ ജിയുപിഎസ് ചെമ്മനാട് വെസ്റ്റിൽ 'കുട്ടികളുടെ ആരോഗ്യം'എന്ന വിഷയത്തെ ആസ്പദമാക്കി പെൺകുട്ടികൾക്കായി ബോധവൽക്കരണ ക്ലാസ് സംഘടിപ്പിച്ചു. താലൂക്ക് ഹെഡ് ക്വാർട്ടേഴ്സ് ഹോസ്പിറ്റൽ, ബെഡ ടുക്കAH കൗൺസിലർ ശ്രീമതി ഐശ്വര്യയുടെ നേതൃത്വത്തിൽ ആയിരുന്നു ക്ലാസ്. ആഗസ്റ്റ് 5  2 30ന് സ്കൂൾ ഓഡിറ്റോറിയത്തിൽ വച്ച് നടന്ന ക്ലാസ്സിൽ 6, 7 ക്ലാസിലെ മുഴുവൻ കുട്ടികളും പങ്കെടുത്തു. വ്യക്തി ശുചിത്വത്തിന് ഊന്നൽ നൽകിക്കൊണ്ട് നടത്തിയ ക്ലാസ്സിൽ കുട്ടികളുടെ സംശയത്തിന് ഉത്തരം നൽകിക്കൊണ്ട് ശ്രീമതി ഐശ്വര്യ. കെ ക്ലാസുകൾ നയിച്ചു.

ആഗസ്റ്റ് 6 ,9 ഹിരോഷിമ ,നാഗസാക്കി ദിനം

സോഷ്യൽ സയൻസ് ക്ലബ്ബിൻറെ നേതൃത്വത്തിൽ ജിയുപിഎസ് ചെമ്മനാട് വെസ്റ്റിൽ ആഗസ്റ്റ് 6 ,9 തീയതികളിൽ ഹിരോഷിമ നാഗസാക്കി ദിനം വിപുലമായി നടത്തി. എൽ പി വിഭാഗത്തിലെ കുട്ടികൾക്ക് വിവിധ മത്സരങ്ങൾ സംഘടിപ്പിച്ചു. എൽപി ,യുപി വിഭാഗങ്ങളിലെ കുട്ടികൾക്ക് ക്വിസ് മത്സരം നടത്തി. തുടർന്ന് എൽ പി വിഭാഗത്തിലെ കുട്ടികൾക്ക്  പോസ്റ്റർ നിർമ്മാണവും യുപി വിഭാഗത്തിലെ കുട്ടികൾക്ക് കവിത രചനയും നടത്തി.

ശുചിത്വവും ആരോഗ്യവും സ്റ്റിക്കർ വിതരണ ഉദ്ഘാടനം

'നാടിൻറെ നന്മ ശുചിത്വത്തിലൂടെ 'എന്ന സന്ദേശം നൽകിക്കൊണ്ട് ജി യു പി എസ് ചെമ്മനാട് വെസ്റ്റിലെ നല്ല പാഠം പ്രവർത്തകർ സ്റ്റിക്കർ വിതരണം ചെയ്തു. ഹെഡ്മാസ്റ്റർ ശ്രീ പിടി ബെന്നി സാർ നല്ലപാഠം സ്കൂൾ കോഡിനേറ്റർ ആയ അലിൻ അബ്ദുള്ളക്ക് സ്റ്റിക്കർ വിതരണം ചെയ്തുകൊണ്ട് പരിപാടി ഉദ്ഘാടനം ചെയ്തു . ആഗസ്റ്റ് എട്ടിന് ഉച്ചക്ക് ശേഷം നടത്തിയ പരിപാടിയിൽ ഓരോ വീട്ടിലും നല്ലപാഠം സ്റ്റിക്കർ വിതരണം ചെയ്തു. പ്ലാസ്റ്റിക് പൂർണ്ണമായും ഒഴിവാക്കുക എന്നതായിരുന്നു ഇതിൻറെ ലക്ഷ്യം.

ബാല- ബാലികാസഭ

ബാലസൗഹൃദ പഞ്ചായത്ത് പ്രഖ്യാപനത്തിന് മുന്നോടിയായി ചെമ്മനാട് പഞ്ചായത്തിൽ ബാല- ബാലിക സഭ ചെമ്മനാട് വെസ്റ്റിൽ പൂർത്തീകരിച്ചു ചെമ്മനാട് പഞ്ചായത്ത് പ്രസിഡണ്ട് അബൂബക്കർ ഉദ്ഘാടനം ചെയ്ത പരിപാടി പ്രസിഡണ്ട് ഇബ്രാഹിം മൻസൂർ കുരിക്കൾ അധ്യക്ഷനായി . സ്ഥിരം സമിതി അധ്യക്ഷ രാമ ഗംഗാധരൻ, ക്ഷേമകാര്യ സ്ഥിരം സമിതി അധ്യക്ഷൻ ഷംസുദ്ദീൻ തെക്കിൽ  പഞ്ചായത്ത് അംഗങ്ങളായ രാജൻ അമീർ ബി പാലോത്ത്, സുധീഷ് ചട്ടഞ്ചാൽ, സ്കൂൾ ഹെഡ്മാസ്റ്റർ പിടി ബെന്നി സാർ തുടങ്ങിയവർ ചടങ്ങിൽ സംസാരിച്ചു.

ജിയുപിഎസ് ചെമ്മനാട് വെസ്റ്റിൽ മെഗാ ഫുഡ് ഫെസ്റ്റ്

അഞ്ചാം തരം വിദ്യാർത്ഥികൾ പഠന പ്രവർത്തനത്തിന്റെ ഭാഗമായി തയ്യാറാക്കിയ ഫുഡ് ഫെസ്റ്റ് സ്കൂൾ ഹെഡ്മാസ്റ്റർ പിടി ബെന്നി സാർ ഉദ്ഘാടനം ചെയ്തു. സോഷ്യൽ  സയൻസ് ക്ലബ്ബിൻറെ നേതൃത്വത്തിൽ സംഘടിപ്പിച്ച ഫുഡ് ഫെസ്റ്റിൽ അറേബ്യൻ, ചൈനീസ്, ഇന്ത്യൻ, വിഭവങ്ങൾ നാടൻ വിഭവങ്ങൾ എന്നിങ്ങനെ വിവിധതരം ഭക്ഷണങ്ങൾ വിദ്യാർത്ഥികൾ ഒരുക്കി. സോഷ്യൽ സയൻസ് അധ്യാപകരായ നിവേദ സാർ ,ശ്രീമതി ഷംന ടീച്ചർ എന്നിവർ നേതൃത്വം നൽകി കുട്ടികൾക്ക് വളരെ ആവേശമായി ഇത്തരത്തിലുള്ള പരിപാടികൾ.

Annual Sports Meet 2025 September 27

2025 -26 അധ്യായനവർഷത്തെ സ്കൂൾതല സ്പോർട്സ് Annual  Sports Meet- 2025 എന്ന പേരിൽ GMRHS  ഫോർ Girls പരവടുക്കം സിന്തറ്റിക് ട്രാക്കിൽ സെപ്റ്റംബർ 27 ശനി രാവിലെ ശ്രീ അമീർ ബി പാലോത്ത് ,ചെമ്മനാട് ഗ്രാമപഞ്ചായത്ത് വാർഡ് മെമ്പർ ഉദ്ഘാടനം ചെയ്തു. അസിസ്റ്റൻറ് ട്രൈബൽ ഓഫീസർ, കാസർഗോഡ് ജില്ല സ്പോർട്സ് സെക്രട്ടറി, ശ്രീ .രാഘവൻ പാലായി മുഖ്യ അതിഥിയായ ചടങ്ങിൽ പിടിഎ പ്രസിഡൻറ് മഹറൂഫ് എം കെ അധ്യക്ഷത വഹിച്ചു .സ്കൂൾ ഹെഡ്മാസ്റ്റർ ശ്രീ പിടി ബെന്നി സാ ർ, സ്പോർട്സ് ചെയർമാൻ ഷാജഹാൻ ആലച്ചേരി, എസ്.എം.സി ചെയർമാൻ ശ്രീ പി. താരിഖ്, വൈസ് പ്രസിഡൻറ് ശ്രീ നാസർ കുരിക്കൾ എന്നിവർ ആശംസകൾ അറിയിച്ചു .തുടർന്ന് കുട്ടികളുടെ കായിക മത്സരങ്ങൾ നടന്നു. ആവേശം ഒട്ടുംചോരാതെ വീറും വാശിയോടും കൂടി മത്സരം നടന്നു. മാതൃകാപരമായി നടന്ന  സ്പോർട്സിൽ വിജയികൾക്കുള്ള ട്രോഫികൾ പി.ടി.എ പ്രസിഡണ്ട് ശ്രീ. മഹറൂഫ് എം കെ, സ്പോർട്സ് ചെയർമാൻ ഷാജഹാൻ ആലിച്ചേരി എന്നിവർ വിതരണം ചെയ്തു. വിജയികളെ പ്രധാനാധ്യാപകൻ അനുമോദിച്ചു.

ഗാന്ധിജയന്തി 2025 ഒക്ടോബർ 2

ജിയുപിഎസ് ചെമ്മനാട് വെസ്റ്റിലെ നല്ലപാഠം ക്ലബ്ബിന്റെ നേതൃത്വത്തിൽ ഗാന്ധിജയന്തിയോടനുബന്ധിച്ച് ശുചീകരണ പ്രവർത്തനം നടത്തി. മുണ്ടാംകുളം മുതൽ സ്കൂൾ വരെ കുട്ടികൾ വൃത്തിയാക്കി . പ്ലാസ്റ്റിക് മാലിന്യം ഹരിത കർമ്മ സേനയ്ക്ക് നല്ല പാഠം കുട്ടികൾ കൈമാറി. സ്റ്റുഡൻറ്  കോഡിനേറ്റർമാരായ ഷസാന, അലിൻ അബ്ദുള്ള കുരിക്കൾ അധ്യാപക കോഡിനേറ്റർമാരായ മുജീബ് റഹ്മാൻ ,വി രഞ്ജിനി എന്നിവർ നേതൃത്വം നൽകി. രാവിലെ 10ന് ആരംഭിച്ച  ശുചീകരണ പ്രവർത്തനം 12 മണി വരെ നീണ്ടുനിന്നു.

സ്കൂൾ കലോത്സവം 2025 ഒക്ടോബർ 6

ജി.യു.പി.എസ് ചെമ്മനാട് വെസ്റ്റ് 2025- 26 അധ്യായന വർഷത്തെ സ്കൂൾ കലോത്സവം ഒക്ടോബർ 6 തിങ്കൾ സ്കൂൾ മുറ്റത്ത് വളരെ ഗംഭീരമായി ആഘോഷിച്ചു. ശ്രീ. മെഹറൂഫ് എം കെ , പി.ടി.എ പ്രസിഡൻറ്  അധ്യക്ഷതവഹിച്ച പരിപാടി എഴുത്തുകാരനും കഥാകാരനും ആയ ശ്രീ അബ്ലസ് മുഹമ്മദ് ഷംനാഡ് ഉദ്ഘാടനം ചെയ്തു. വാർഡ് മെമ്പർ, ശ്രീ അമീർ ബി പാലോത്ത് മുഖ്യാതിഥിയായി. പ്രധാന അധ്യാപകൻ ബെന്നിസർ,സീനിയർ അസിസ്റ്റൻറ് ശ്രീമതി ഷ രീഫ എന്നിവർ ആശംസകൾ അറിയിച്ച് സംസാരിച്ചു.

ആട്ടവും പാട്ടവും മിമിക്രിയുമായി അബ്ലസ് കുട്ടികളുടെ കയ്യടി നേടി. കലാമേള കൺവീനർ ആയ ശ്രീ. രഞ്ജിനി  നന്ദി അറിയിച്ചു. തുടർന്ന് കുട്ടികളുടെ വിവിധ കലാപരിപാടികൾ നടന്നു കുട്ടികൾക്ക് ആവേശം പകർന്നു കൊണ്ട് ഒപ്പനയും നൃത്തവും പരിപാടിക്ക് ഊർജ്ജം നൽകി.

കേരള കായിക ദിനം 20025 ഒക്ടോബർ 13

കാസർഗോഡ് ജില്ലാ റഗ്ബി അസോസിയേഷന്റെ ആഭിമുഖ്യത്തിൽ കേരള കായിക ദിനമായ ഒക്ടോബർ 13 രാവിലെ 10 മണിക്ക് ജിയുപിഎസ് ചെമ്മനാട് വെസ്റ് കായിക ദിനം ആചരിച്ചു. ജില്ലാ സ്പോർട്സ്  കൗൺസിൽ പ്രസിഡൻറ് ഹബീബ് റഹ്മാൻ മുഖ്യാതിഥിയായി പ്രഭാഷണം നടത്തി പരിപാടി ഉദ്ഘാടനം ചെയ്തു. സബ്ജില്ലാതലത്തിലും ജില്ലാതലത്തിലും പങ്കെടുത്ത വിദ്യാലയത്തിലെ  6 കായിക താരങ്ങളെ ആദരിച്ചു. സ്കൂൾ ഹെഡ്മാസ്റ്റർ പി ടി ബെന്നി സാർ, പഞ്ചായത്ത് മെമ്പർ അമീർ ബി പാലോത്ത്, പിടിഎ പ്രസിഡണ്ട് മെഹറൂഫ് എം കെ, നാസർ കുരിക്കൾ ജില്ലാ റഗ്ബി പ്രസിഡൻറ് എം. എം ഗംഗാധരൻ, ജില്ലാ ടെന്നീസ് സെക്രട്ടറി താരിഖ് സ്റ്റാഫ് സെക്രട്ടറി മുജീബ് റഹ്മാൻ എന്നിവർ ചടങ്ങിൽ  പങ്കെടുത്തു.

ലോക കൈകഴുകൽ ദിനം 2025ഒക്ടോബർ 15

ലോക കൈകഴുകൽ ദിനവുമായി ബന്ധപ്പെട്ട് ഹെൽത്ത് ക്ലബ്ബിൻറെ ആഭിമുഖ്യത്തിൽ ജി യു പിഎസ് ചെമ്മനാട് വെസ്റ്റിൽ കൈ കഴുകൽ ദിനാചരണം ആചരിച്ചു. വ്യക്തി ശുചിത്വത്തിന്റെ ഭാഗമായി കൈ കഴുകൽ ശീലം  പ്രചരിപ്പിക്കുന്നതിന്റെ ഭാഗമായി എല്ലാവർഷവും ഒക്ടോബർ 15 ലോക കൈകഴുകൽ ദിനമായി ആചരിച്ചു പോരുന്നു. ഈ ദിനത്തോടനുബന്ധിച്ച് സ്കൂളിൽ കൈകഴുകുന്നതിന്റെ പ്രാധാന്യത്തെയും ആവശ്യകതയെയും ആസ്പദമാക്കി പോസ്റ്ററുകൾ നിർമിച്ചു. കുട്ടികൾക്ക് വർക്ക് ഷോപ്പുകൾ നടത്തി. ആനുകാലിക പ്രസക്തിയുള്ള ജലജന്യ രോഗങ്ങളെ സംബന്ധിച്ച് ഹെൽത്ത് ക്ലബ്ബ് ചാർജ് ഉള്ള പറഞ്ഞപോലെ അധ്യാപകർ കുട്ടികൾക്ക് ബോധവൽക്കരണ ക്ലാസ് സംഘടിപ്പിച്ചു.

പുകയില വിരുദ്ധക്യാമ്പയിൻ - 2025 ഒക്ടോബർ 25

പുകയില വിരുദ്ധ ദിനത്തിന്റെ ഭാഗമായി ജി യു പി എസ് ചെമ്മനാട് വെസ്റ്റിൽ പുകയില വിരുദ്ധ ക്യാമ്പയിൻ സംഘടിപ്പിച്ചു. ക്യാമ്പയിന്റെ ഭാഗമായി പുകയില വിരുദ്ധ സന്ദേശ റാലി സംഘടിപ്പിച്ചു. കൂടാതെ സ്കിറ്റ്, നൃത്താവിഷ്കാരം എന്നിവയും നടത്തി. കുട്ടികൾ പ്ലക്കാർഡൂകൾ നിർമ്മിച്ചു. ലഹരിവസ്തുക്കൾ ഉപയോഗിച്ചാൽ ഉണ്ടാകുന്ന വിപത്തുകളെ  ആവിഷ്കരിച്ച് കൊണ്ട് അവതരിപ്പിച്ച സ്കിറ്റ് വളരെ മനോഹരമായിരുന്നു.

ഗ്രാമപഞ്ചായത്ത് പദ്ധതികളുടെ ഉദ്ഘാടനം 2025 നവംബർ 3

ചെമ്മനാട് വെസ്റ്റ് ഗവൺമെൻറ് യുപി സ്കൂളിൽ ചെമ്മനാട് ഗ്രാമപഞ്ചായത്തിന്റെ ഫണ്ടിൽ നിർമ്മാണം പൂർത്തിയാക്കിയ വിവിധ പദ്ധതികൾ ഒരേ ദിവസം സമർപ്പണം നടത്തി. ആഘോഷ നിർഭരമായ അന്തരീക്ഷത്തിൽ പഞ്ചായത്ത് പ്രസിഡൻറ് സുഫൈജ അബൂബക്കർ പദ്ധതിയുടെ ഉദ്ഘാടനം നിർവഹിച്ചു .  ചടങ്ങിൽ ചെമ്മനാട് പഞ്ചായത്ത് വൈസ് പ്രസിഡണ്ട് മൻസൂർ കുരിക്കൾ അധ്യക്ഷനായി. സ്ഥിര സമിതി അധ്യക്ഷരായ ആയിഷാ അബൂബക്കർ, ഷംസുദ്ദീൻ ,രമ ഗംഗാധരൻ, പഞ്ചായത്ത് അംഗങ്ങളായ അമീർ ബി പാലോത്ത്, ചന്ദ്രശേഖരൻ കുളങ്ങര, ജി .ജാനകി, സ്കൂൾ എസ്എംസി ചെയർമാൻ ശ്രീ. പി താരിഖ് അവർകൾ എന്നിവർ സംസാരിച്ചു. പ്രധാന അധ്യാപകൻ സ്വാഗതം പറഞ്ഞു. സ്റ്റാഫ് സെക്രട്ടറി മുജീബ് റഹ്മാൻ നന്ദി പറഞ്ഞു. പ്രീ പ്രൈമറി കുട്ടികളുടെ  സ്വാഗത നൃത്ത ശിൽപ്പത്തോടെ  പരിപാടി ആരംഭിച്ചു.  നാട്ടുകാരുടെയും അധ്യാപകരുടെയും നിറഞ്ഞ സാന്നിധ്യത്തോടെ നടന്ന പരിപാടിയിൽ സാമൂഹ്യ രാഷ്ട്രീയ മേഖലയിലെ പ്രമുഖരും പങ്കെടുത്തു. ഉദ്ഘാടനത്തിന് എത്തിയ മുഴുവൻ പേർക്കും പായസവിതരണം നടത്തി.

നേത്ര പരിശോധന ക്യാമ്പ് 2025 നവംബർ 10

ചെമ്മനാട് ഗ്രാമപഞ്ചായത്ത് നേത്ര പരിശോധന ക്യാമ്പ് നടത്തുന്നതിന്റെ മുന്നോടിയായി ജി യു പി എസ് ചെമ്മനാട് വെസ്റ്റ് കുട്ടികൾക്കായി നേത്ര പരിശോധന നടത്തി. ഓരോ ക്ലാസ് ടീച്ചേർസിന്റെയും നേതൃത്വത്തിൽ സ്നല്ലർ ചാർട്ട് ഉപയോഗിച്ച് സ്കൂൾ ഓഡിറ്റോറിയത്തിൽ വച്ച് കണ്ണ് പരിശോധിച്ചു. വൈകല്യമുള്ള കുട്ടികളുടെ ലിസ്റ്റ് തയ്യാറാക്കി.

സംഗീത സദസ്സ് 2025 നവംബർ 14

സംഗീതത്തിന്റെ മാധുര്യവും അനുമോദനത്തിന്റെ മഹത്വവും ഒരുമിച്ച് ഒന്നിക്കുന്ന സംഗീത അനുമോദന സദസ്സ് ജി യു പി എസ് ചെമ്മനാട് വെസ്റ്റിൽ നവംബർ നാലിന് ശ്രീ മണക്കാട് ഗോപാലകൃഷ്ണൻ സാർ ഉദ്ഘാടനം ചെയ്തു.

സ്കൂൾ ഹെഡ്മാസ്റ്റർ ശ്രീ പിടി ബെന്നിസർ സ്വാഗതം പറഞ്ഞു. പിടിഎ പ്രസിഡണ്ട് ശ്രീ എം .കെ മഹറൂഫ് അധ്യക്ഷത വഹിച്ച ചടങ്ങിൽ വാർഡ് മെമ്പർ ശ്രീ അമീർ ബി പാലോത്ത് മുഖ്യ അതിഥിയായി. എസ്എംസി ചെയർമാൻ ശ്രീ പി താരിഖ് ആശംസ അറിയിച്ചു സംസാരിച്ചു. വിവിധ മത്സര ഇനങ്ങളിൽ വിജയിച്ച കുട്ടികൾക്കുള്ള സമ്മാനങ്ങളും വേദിയിൽ വെച്ച് കുട്ടികൾക്ക് നൽകി സ്റ്റാഫ് സെക്രട്ടറി മുജീബ് റഹ്മാൻ നന്ദി അറിയിച്ചു സംസാരിച്ചു.

എൽ പി വിഭാഗം ഓവറോൾ അറബിക് ചാമ്പ്യന്മാർ

വീണ്ടും ചരിത്രം കുറിച്ച് ചെമ്മനാട് വെസ്റ്റ് എൽ പി അറബിക് കാസർഗോഡ് ഉപജില്ല അറബിക് കലോത്സവ ത്തിൽ മുഴുവൻ പോയിന്റുകളും നേടി എൽ പി വിഭാഗം ഓവറോൾ ചാമ്പ്യന്മാർ

സ്കൂൾ അസംബ്ലി ശ്രദ്ധേയമായി

ജി യു പി എസ് ചമ്മനാട് വെസ്റ്റിൽ എല്ലാ തിങ്കളും വ്യാഴവും സ്കൂൾ അസംബ്ലി നടത്തുന്നു അതിൽ കാസർഗോഡിലെ കലാകാരന്മാരെ പരിചയപ്പെടുത്തി ആറ് സി ക്ലാസിലെ വിദ്യാർത്ഥികൾ അവതരിപ്പിച്ച അസംബ്ലി ശ്രദ്ധ പിടിച്ചുപറ്റി.

ചെമ്മനാട് വെസ്റ്റ് യുപി സ്കൂളിന് മികച്ച നേട്ടം

കാസർഗോഡ് ഉപജില്ല മേളകളിൽ മികച്ച നേട്ടവുമായി ഗവൺമെൻറ് യുപി സ്കൂൾ ചെമ്മനാട് വെസ്റ്റ് ജൈത്രയാത്ര തുടരുന്നു. എൽ പി വിഭാഗം സാമൂഹ്യശാസ്ത്രമേളയിലും അറബിക് കലോത്സവത്തിലും ഓവറോൾ ചാമ്പ്യൻഷിപ്പും യുപി പ്രവർത്തിപരിചയ മേളയിൽ  ഓവറോൾ ചാമ്പ്യൻഷിപ്പും എൽപി വിഭാഗത്തിൽ രണ്ടാം സ്ഥാനവും നേടിയാണ് ചെമ്മനാട് വെസ്റ്റ് തലയുയർത്തി നിൽക്കുന്നത്.

Home

2025-26

Archive 2022-23 2023-24 2024-25 2025-26

സ്നേഹാദരം 2025

കലാകായികമേളയിൽ കുട്ടികളെ മികച്ച രീതിയിൽ പരിശീലനം നൽകി വിവിധ സമ്മാനങ്ങൾ നേടാൻ പ്രാപ്തരാക്കിയതിൽ അധ്യാപകർക്ക് പിടിഎയുടെ സ്നേഹാദരം .പിടിഎ പ്രസിഡണ്ട് ശ്രീ മെഹറൂഫ് എം കെ യുടെ നേതൃത്വത്തിൽ നടന്ന പരിപാടിയിൽ വൈസ് പ്രസിഡണ്ട് ശ്രീ നാസർ കുരികൾ, വാർഡ് മെമ്പർ ശ്രീ അമീർ ബി പാലോത്ത് എസ്.എം.സി ചെയർമാൻ ശ്രീ താരിഖ് മറ്റ് പിടിഎ എക്സിക്യൂട്ടീവ് അംഗങ്ങളും പങ്കെടുത്തു വൈകുന്നേരം 4 മണിക്ക് തുടങ്ങിയ അനുമോദന ചടങ്ങ് വൈകീട്ട് ആറു വരെ നീണ്ടുനിന്നു .

കാരം ടൂർണമെന്റിൽ ഓവറോൾ കിരീടം

കാസർഗോഡ് ജില്ല കാരം ചാമ്പ്യൻഷിപ്പിൽ ചെമ്മനാട് വെസ്റ്റ് യുപി സ്കൂൾ ചാമ്പ്യന്മാരായി .സംസ്ഥാന കാരം അസോസിയേഷൻ വൈസ് പ്രസിഡണ്ട് കെ പി ജയരാജൻ ചാമ്പ്യൻഷിപ്പ് ഉദ്ഘാടനം ചെയ്തു. കാസർഗോഡ് ജില്ലാ ലൈബ്രറി സെക്രട്ടറി പ്രഭാകരൻ മാസ്റ്റർ മുഖ്യാതിഥിയായി. ഹോസ്ദുർഗ് ബി ആർ സി അധ്യാപിക  അധ്യക്ഷത വഹിച്ചു.  മനോജ് പള്ളിക്കര സ്വാഗതം പറഞ്ഞു. 34 പോയിൻറ് നേടി ജി യു  പി എസ് ചെമ്മനാട് വെസ്റ്റ് ജേതാക്കളായി. 22. പോയിന്റുമായി പള്ളിക്കര സെൻറ് ആൻsr സ്കൂൾ രണ്ടാം സ്ഥാനവും നേടി.

Enrich Your English Programme 2025 നവംബർ 13

2025 26 അധ്യായനവർഷത്തെ EYE ഉദ്ഘാടനം നവംബർ 13 വ്യാഴാഴ്ച ജി യു പി എസ് ചെമ്മനാട് വെസ്റ്റിൽ ശ്രീമതി ഷേർളി ഹൈ സിൻ ഉദ്ഘാടനം ചെയ്തു. പിടിഎ പ്രസിഡണ്ട് എം കെ മെഹറൂഫ് ൻറെ അധ്യക്ഷതയിൽ നടന്ന ചടങ്ങിൽ ഇംഗ്ലീഷ് അധ്യാപികമാരായ ജസീന കെ  ദീപ്തി. കെ എന്നിവർ പങ്കെടുത്തു. 5 B 5 C,6B, 6C ക്ലാസിലെ കുട്ടികൾക്കാണ് ഈ പ്രോഗ്രാമിലേക്ക് അവസരം ഉണ്ടായിരുന്നത്. കുട്ടികളുടെ ഇംഗ്ലീഷിലുള്ള ആശയവിനിമയത്തിനുള്ള കഴിവ് വർദ്ധിപ്പിക്കുവാനും ഉച്ചാരണവും ആത്മവിശ്വാസവും വർദ്ധിപ്പിക്കാനും തുടങ്ങിയ പരിപാടിയാണ് ഇത്.

ബുലന്ദ് കമ്മ്യൂണിക്കേറ്റീവ് ഹിന്ദി

കുട്ടികളിൽ ഹിന്ദി പ്രാവീണ്യം മെച്ചപ്പെടുത്തുന്നതിന്റെ ഭാഗമായി നാലാം ക്ലാസിൽ പഠിക്കുന്ന കുട്ടികൾക്ക് ബുലന്ദ് എന്ന പേരിൽ ചെമ്മനാട് ഗവൺമെൻറ് യുപിസ്കൂളിൽ അക്കാദമിക ശില്പശാല നടത്തി. പിടിഎ വൈസ് പ്രസിഡന്റിന്റെ അധ്യക്ഷതയിൽ എസ് എം സി ചെയർമാൻ ശ്രീ പി താരിഖ് പരിപാടി ഉദ്ഘാടനം ചെയ്തു.

ശിശുദിനാഘോഷം 2025 നവംബർ 14

പ്രഥമ പ്രധാനമന്ത്രി ജവഹർലാൽ നെഹ്റുവിൻറെ ഓർമ്മദിവസമായ നവംബർ 14 ജി യു പി എസ് ചെമ്മനാട് വെസ്റ്റിൽ ശിശുദിനാഘോഷ പരിപാടി സംഘടിപ്പിച്ചു. ശിശുദിന റാലി സംഘടിപ്പിച്ചു .കുട്ടികൾ ചാച്ചാജി ആയും ഭാരതാംബയായും ഗാന്ധിജിയായും വേഷ പകർച്ച നടത്തി. ഉച്ചയ്ക്കുശേഷം യുപി ക്ലാസ്സിലെ കുട്ടികൾക്ക് 'നേതാജിക്ക് ഒരു കത്ത്' എന്ന പരിപാടിയും എൽ പി ക്ലാസിലെ കുട്ടികൾക്ക് തൊപ്പി നിർമ്മാണവും നടത്തി.

അങ്കണവാടിയിലേക്ക് സമ്മാനങ്ങളുമായി നല്ലപാഠം കുട്ടികൾ

ചെമ്മനാട് : ശിശുദിനത്തിൽ പുത്തൻ കളിപ്പാട്ടങ്ങളുമായി കൈനിറയെ സ്നേഹസമ്മാനങ്ങളുമായി സ്നേഹ യാത്രയുമായി നല്ലപാഠം അംഗങ്ങൾ. ഗവ : യു പി സ്കൂൾ ചെമ്മനാട് വെസ്റ്റിലെ നല്ലപാഠം അംഗങ്ങൾ ആണ് കൈ നിറയെ കളിപ്പാട്ടങ്ങളുമായി ചെമ്മനാട് മണലിലെ അങ്കണവാടിയിലേക്ക് കൂട്ടുകാരെ കാണാനെത്തിയത്. സ്കൂളിൽ സ്ഥാപിച്ച ടോയ് ബോക്സിൽ ലഭിച്ച കളിപ്പാട്ടവുമായി ആവേശത്തോടെയാണ് അങ്കണവാടിയിലേക്ക് പോയത്.

       നല്ലപാഠം അധ്യാപക കോർഡിനേറ്റർമാരായ മുജീബ് റഹ്‌മാൻ, രഞ്ജിനി, വിദ്യാർത്ഥി കോർഡിനേറ്റർമാരായ അലിൻ, ഷസാന എന്നിവർ നേതൃത്വം നൽകി

ബഡ്‌സ് സ്കൂൾ സന്ദർശിച്ചു നല്ലപാഠം കൂട്ടുകാർ

ചെമ്മനാട് : ഡിസംബർ 3 ഭിന്നശേഷി ദിനത്തിന്റെ ഭാഗമായി ചെമ്മനാട് ഗവൺമെന്റ് യുപിഎസിലെ നല്ലപാടം കൂട്ടുകാർ പരവനടുക്കം മിഴി പുനരധിവാസ കേന്ദ്രം സന്ദർശിച്ചു. ബഡ്സ് സ്കൂളിലെ എല്ലാ കുട്ടികൾക്കും നോട്ട്ബുക്ക് കളറിംഗ് ബുക്ക് മധുരപലഹാരങ്ങൾ തുടങ്ങിയവ വിതരണം ചെയ്തു. ബഡ്സ് സ്കൂളിലെ ടീച്ചറായ ശ്രീമതി ആതിര ശ്രീമതി ദിവ്യ എന്നിവരുടെ നേതൃത്വത്തിൽ കുട്ടികൾ കലാപരിപാടികൾ അവതരിപ്പിച്ചു. നല്ലപാഠം കൂട്ടുകാർ പാട്ടുകൾ പാടിയും കഥകൾ പറഞ്ഞും കുട്ടികളെ സന്തോഷിപ്പിച്ചു. അദ്ധ്യാപകനായ അസ്‌ലം സംസാരിച്ചു. നല്ലപാഠം വിദ്യാർഥി കോർഡിനേറ്ററായ അലിൻ, ഷസാന അധ്യാപക കോർഡിനേറ്റർ ആയ മുജീബ്റഹ്മാൻ, രഞ്ജിനി എന്നിവർ നേതൃത്വം നൽകി.

പ്രമാണം:11453-greeshmolsavam-2025.jpg