"പി.എം.എസ്.എ.എച്ച്.എസ്. എളങ്കൂർ/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== മാസ്മരികം ഈ മാസം ജൂലൈ ==

മാസ്മരികം ഈ മാസം എന്ന പദ്ധതിയുടെ ജൂലൈ മാസത്തെ പ്രവർത്തനമായി ജൂലൈ 31 വ്യാഴാഴ്ച സ്കൂളിൽ ഒരു ശാസ്ത്രപരീക്ഷണ ശില്പശാല സംഘടിപ്പിച്ചു. ചെമ്പ്രശ്ശേരി എ യു പി സ്കൂളിലെ സീമ ടീച്ചറാണ് ശാസ്ത്ര പരീക്ഷണ ശില്പശാല കൈകാര്യം ചെയ്തത്. പരിപാടിയിലേക്ക് ശ്രീജിനി ടീച്ചർ എല്ലാവരെയും സ്വാഗതം ചെയ്തു. ശില്പശാലയുടെ ഉദ്ഘാടനം സ്കൂളിലെ സയൻസ് ക്ലബ് കൺവീനർ സംഗീത ടീച്ചർ നിർവഹിച്ചു. അഞ്ചു മുതൽ 9 വരെ ക്ലാസ്സുകളിലെ ശാസ്ത്ര ക്ലബ്ബിൽ അംഗമായിട്ടുള്ള കുട്ടികൾക്കാണ് ശാസ്ത്രപരീക്ഷണ ശില്പശാലയിൽ പങ്കെടുക്കാൻ അവസരം ഒരുക്കിയത്. കുട്ടികൾക്ക് വളരെയധികം ആസ്വദിക്കാൻ പറ്റുന്നതും അവരെ പ്രചോദിപ്പിക്കുന്നതും ആയിരുന്നു ഈ പരീക്ഷണ ശില്പശാല. വരാൻ പോകുന്ന ശാസ്ത്രമേളകളിൽ ഇത് ഒരുപാട് സഹായകരമാകുമെന്ന അഭിപ്രായം കുട്ടികൾ പങ്കുവെച്ചു. സ്കൂളിലെ സീനിയർ അധ്യാപിക രേണു ടീച്ചർ ശില്പശാല കൈകാര്യം ചെയ്ത സീമ ടീച്ചറെ മൊമെന്റോ നൽകി ആദരിച്ചു. മാസ്മരികം ഈ മാസം പദ്ധതിയുടെ പ്രോഗ്രാം കോഡിനേറ്റർ ഗോഗുൽ മാഷ് നന്ദി പറഞ്ഞുകൊണ്ട് പരിപാടി അവസാനിപ്പിച്ചു.