"മദർ തേരസാ ഹൈസ്ക്കൂൾ , മുഹമ്മ/പ്രവർത്തനങ്ങൾ/2023-24" എന്ന താളിന്റെ പതിപ്പുകൾ തമ്മിലുള്ള വ്യത്യാസം

2023 സെപ്റ്റംബർ അഞ്ചാം തീയതി  സ്കൂളിന്റെ മധ്യസ്ഥയായ വിശുദ്ധ മദർ തെരേസയുടെ അനുസ്മരണവും അധ്യാപക ദിനവും സമുചിതമായി കൊണ്ടാടി. മദർ തെരേസ അനുസ്മരണത്തോടൊപ്പം അധ്യാപക ദിനത്തിൽ കുട്ടികൾ  എല്ലാ അധ്യാപകർക്കും പുഷ്പങ്ങൾ നൽകി ആദരിച്ചു.

കേരളപ്പിറവി ദിനമായ നവംബർ ഒന്നിന് മദർ തെരേസ ഹൈസ്കൂളിൽ അധ്യാപകരും കുട്ടികളും ചേർന്ന് പ്രത്യേക അസംബ്ലി നടത്തി. കേരള ശ്രീമാൻ, ശ്രീമതി വേഷം ധരിച്ച കുട്ടികൾ സ്കൂൾ അസംബ്ലിയിൽ എല്ലാവർക്കും ആശംസകൾ നേർന്നു.  വിവിധ ജില്ലകളെ അടിസ്ഥാനമാക്കി കടന്നുവന്ന പ്രതിനിധികൾ ആ ജില്ലകളുടെ  ചെറുവിവരണം നടത്തി.കൂടാതെ പ്രസംഗം, സംഘഗാനം എന്നിങ്ങനെ കുട്ടികളുടെ വിവിധ കലാപരിപാടകളും ഉണ്ടായിരുന്നു.

ചേർത്തല വിദ്യാഭ്യാസ ജില്ലയിലെ മുഹമ്മ ഗ്രാമപഞ്ചായത്തിൽ സ്ഥിതിചെയ്യുന്ന മദർ തെരേസ ഹൈസ്കൂളിൽ ക്രിസ്തുമസ് അതിഗംഭീരമായി ആഘോഷിച്ചു.2023 ഡിസംബർ 22 വെള്ളിയാഴ്ച രാവിലെ 9:30ന് ക്രിസ്തുമസ് ആഘോഷങ്ങൾ ആരംഭിച്ചു  . അതിമനോഹരമായ ക്രിസ്തുമസ് പാപ്പ മത്സരത്തിന് എല്ലാ ക്ലാസുകളിൽ നിന്നും ഓരോ കുട്ടി വീതം ഉണ്ടായിരുന്നു. പിന്നീട് പ്രയർ ഡാൻസ് ഉണ്ടായിരുന്നു. ബഹുമാനപ്പെട്ട ഹെഡ്‍മാസ്റ്റർ ജെയിംസ് കുട്ടി പി എ സ്വാഗതപ്രസംഗം ആശംസിച്ചു. ബഹുമാനപ്പെട്ട സ്കൂൾ മാനേജർ ഫാദർ പോൾ തുണ്ട്പറമ്പിൽ സി എം ഐ ക്രിസ്തുമസ് സന്ദേശം നൽകി ഉദ്ഘാടനം നിർവഹിച്ചു. കുമാരി സെസ്നാ സാബു മധുരമായ ക്രിസ്തുമസ് ഗാനം ആലപിച്ചു. തിരുപിറവിയുടെ ഓർമ്മ സ്കൂളിലെ കുട്ടികളിലേക്ക് എത്തിക്കാൻ സഹായിക്കുന്ന ഒരു മനോഹരമായ സ്കിറ്റ് കുട്ടികൾ അവതരിപ്പിച്ചു. 8,9 ക്ലാസിലെ കുട്ടികളുടെ ശ്രുതി മധുരമായ കരോൾ ഗാനം ഏവർക്കും ആനന്ദദായികമായിരുന്നു. ക്രിസ്തുമസ് പാപ്പയുടെ  ക്രിസ്തുമസ് സന്ദേശവും ഉണ്ടായിരുന്നു. പി ടിഎ പ്രസിഡണ്ട് മിസ്റ്റർ ദിലീപ് ആശംസകൾ അറിയിച്ചു.  സ്റ്റാഫ് അംഗങ്ങളുടെ കരോൾ ഗാനം ഉണ്ടായിരുന്നു. ജയ്സമ്മ ടീച്ചർ നന്ദി അറിയിച്ചു. പരിപാടികൾ അവസാനിച്ച ശേഷം ലഭിച്ച മധുരമുള്ള കേക്ക് ക്രിസ്തുമസ് പരിപാടികൾ കൂടുതൽ മധുരതരമാക്കി.<gallery widths="200" heights="200">

മുഹമ്മ മദർ തെരേസ ഹൈസ്കൂളിന്റെ  42 മത് സ്കൂൾ വാർഷികം 'സ്വരലയ 2024' ,2024 ഫെബ്രുവരി എട്ടാം തീയതി വ്യാഴാഴ്ച നടത്തപ്പെട്ടു. സ്കൂൾ മാനേജർ ഫാദർ പോൾ തുണ്ട്പറമ്പിൽ സി എം ഐ അധ്യക്ഷത വഹിച്ച മീറ്റിങ്ങിന് സ്കൂൾ ഹെഡ്മാസ്റ്റർ ശ്രീ ജയിംസ് കുട്ടി പി എ സ്വാഗതം ആശംസിച്ചു. തുടർന്ന് മുഹമ്മ  കാർമൽ കോളേജ് പ്രിൻസിപ്പൽ ഫാദർ സജി ചിറ മുഖത്ത് സമ്മേളനം ഉദ്ഘാടനം ചെയ്തു മുഖ്യ സന്ദേശം നൽകി.ആര്യാട് ബ്ലോക്ക് പഞ്ചായത്ത് മെമ്പർ ശ്രീമതി സിന്ധു രാജീവ് ,വാർഡ് മെമ്പർ ശ്രീ വിഷ്ണു വി, പിടിഎ പ്രസിഡണ്ട് സി പി ദിലീപ് ,സ്കൂൾ അഡ്മിനിസ്ട്രേറ്റർ ഫാദർ ജോസഫ് കുറുപ്പശ്ശേരി സി എം ഐ എന്നിവർ ആശംസകളർപ്പിച്ച് സംസാരിച്ചു. തുടർന്ന് 2023 -24 അധ്യയന വർഷത്തെ  പാഠ്യ പാഠ്യേതര പ്രവർത്തനങ്ങളിൽ മികവ് തെളിയിച്ച കുട്ടികൾക്കുള്ള സമ്മാനദാനം നടത്തി. സ്റ്റാഫ് സെക്രട്ടറി ശ്രീ അനിൽ മാത്യു സമ്മേളനത്തിന് നന്ദി പ്രകാശിപ്പിച്ചു.സമ്മേളനനന്തരം നടത്തപ്പെട്ട കുട്ടികളുടെ വിവിധ കലാപരിപാടികൾ വാർഷികാഘോഷങ്ങൾ കൂടുതൽ മികവുറ്റതാക്കി.<gallery widths="250" heights="250">

2024 ഫെബ്രുവരി 28ന് ഉച്ചയ്ക്ക് ഒന്നരയ്ക്ക് മുഹമ്മ മദർ തെരേസ ഹൈസ്കൂൾ ഓഡിറ്റോറിയത്തിൽ വച്ച് ഗുരുവന്ദനം പരിപാടി സംഘടിപ്പിച്ചു. എസ്എസ്എൽസി പരീക്ഷയ്ക്ക് തയ്യാറാക്കുന്ന വിദ്യാർഥികൾക്ക് വേണ്ടിയാണ് സ്കൂൾ ഹെഡ്മാസ്റ്ററുടെ നേതൃത്വത്തിൽ ഈ ചടങ്ങ് സംഘടിപ്പിച്ചത്. സ്കൂൾ മാനേജർ ഫാദർ പോൾ തുണ്ട്പറമ്പിൽ സിഎംഐ ചടങ്ങ് ഉദ്ഘാടനം ചെയ്തു. സീനിയർ അസിസ്റ്റന്റ് ശ്രീമതി ത്രേസ്യാമ്മ ആന്റണി സ്വാഗതം ആശംസിച്ചു തുടർന്ന് കുട്ടികൾ നേതൃത്വം നൽകിയ സർവ്വമത പ്രാർത്ഥന നടത്തി. സ്കൂൾ അഡ്മിനിസ്ട്രേറ്റർ ഫാദർ ജോസഫ് കുറുപ്പശ്ശേരി സി എം ഐ കുട്ടികളുടെ പരീക്ഷയ്ക്ക് ഉപയോഗിക്കുന്ന പേന, ഹാൾടിക്കറ്റ് ,ഇൻസ്ട്രമെന്റ് ബോക്സ് എന്നിവ പ്രാർത്ഥിച്ച്, ആശീർവദിച്ച് നൽകി. ഹെഡ്‍മാസ്റ്റർ ജെയിംസ് കുട്ടി പി എ, പി ടി എ പ്രസിഡണ്ട് സി പി ദിലീപ് ,അധ്യാപക പ്രതിനിധികളായ സിസ്റ്റർ സിമി മാത്യു അനിൽ മാത്യു ,മിനി വർഗീസ് എന്നിവർ കുട്ടികൾക്ക് യാത്രാ മംഗളങ്ങൾ നേർന്നു സംസാരിച്ചു. തുടർന്ന് കുട്ടികളുടെ പ്രതിനിധികളായ അമ്പിളി എ പി, ഐശ്വര്യ എസ് നിരുപം എ വി എന്നീ കുട്ടികൾ എല്ലാ അധ്യാപകർക്കും അനധ്യാപകർക്കുമായി നന്ദി പറഞ്ഞു. പിന്നീട് നടത്തിയ സ്നേഹവിരുന്ന് എല്ലാവരും  സന്തോഷത്തോടെ ആസ്വദിച്ചു.<gallery widths="180" heights="180">