എസ്.ജി.യു.പി കല്ലാനിക്കൽ

2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

എസ്.ജി.യു.പി കല്ലാനിക്കൽ
വിലാസം
കല്ലാനിക്കൽ തെക്കുംഭാഗം. പി.ഒ. , ഇടുക്കി ജില്ല 685585 , ഇടുക്കി ജില്ല
സ്ഥാപിതം	1936
വിവരങ്ങൾ
ഇമെയിൽ	sgupskallanickal@gmail.com
കോഡുകൾ
സ്കൂൾ കോഡ്	29326 (സമേതം)
യുഡൈസ് കോഡ്	32090700202
വിക്കിഡാറ്റ	Q64615250
വിദ്യാഭ്യാസ ഭരണസംവിധാനം
റവന്യൂ ജില്ല	ഇടുക്കി
വിദ്യാഭ്യാസ ജില്ല	തൊടുപുഴ
ഉപജില്ല	തൊടുപുഴ
ഭരണസംവിധാനം
ലോകസഭാമണ്ഡലം	ഇടുക്കി
നിയമസഭാമണ്ഡലം	തൊടുപുഴ
താലൂക്ക്	തൊടുപുഴ
ബ്ലോക്ക് പഞ്ചായത്ത്	തൊടുപുഴ
തദ്ദേശസ്വയംഭരണസ്ഥാപനം	ഇടവെട്ടി പഞ്ചായത്ത്
വാർഡ്	7
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി യു.പി
സ്കൂൾ തലം	1 മുതൽ 7 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	152
പെൺകുട്ടികൾ	153
ആകെ വിദ്യാർത്ഥികൾ	305
അദ്ധ്യാപകർ	17
സ്കൂൾ നേതൃത്വം
പ്രധാന അദ്ധ്യാപകൻ	ലിന്റോ ജോർജ്
പി.ടി.എ. പ്രസിഡണ്ട്	സിബി കോടമുള്ളിൽ
എം.പി.ടി.എ. പ്രസിഡണ്ട്	ജിസ്സ ഡോൺ
അവസാനം തിരുത്തിയത്
27-07-2024	Ranjithsiji

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ഇടുക്കി ജില്ലയിലെ തൊടുപുഴ താലൂക്കിൽ കാരിക്കോട് വില്ലേജിൽ ഇടവെട്ടി പഞ്ചായത്തിലെ ഏഴാം വാര്ഡിലെ പ്രകൃതി രമണീയമായ കൊച്ചു ഗ്രാമത്തിലാണ് കല്ലാനിക്കൽ സെന്റ് ജോർജ്സ് യു പി സ്കൂൾ ‍സ്ഥിതി ചെയ്യുന്നത്.

ചരിത്രം

കല്ലാനിക്കൽ സെന്റ് ജോർജ് പള്ളിയോട് ചേർന്ന് സ്‌ഥിതി ചെയ്യുന്ന സെൻറ് ജോര്ജ്ജസ് യു പി സ്കൂൾ 1936 ലാണ് സ്‌ഥാപിതമായത്. ഇടവെട്ടി ഗ്രാമപഞ്ചായത്തിൽ തെക്കുംഭാഗം പ്രദേശത്താണ് ഈ വിദ്യാലയം.

തൊടുപുഴയുടെ തെക്കുഭാഗം എന്ന അർത്ഥത്തിലാണ് ഈ പ്രദേശത്തിന് തെക്കും ഭാഗം എന്ന പേര് സിദ്ധിച്ചത്.1928 ഇൽ കാരിക്കോട് ഒരു പാലം നിർമിക്കുകയും ഇങ്ങോട്ട് ധാരാളം ആളുകൾ കുടിയേരുകയും ചെയ്തു. അവരുടെ മക്കൾക്ക് വിദ്യാഭ്യാസം നൽകുന്നതിനുള്ള സൗകര്യം അന്ന് ലഭ്യമല്ലായിരുന്നു. ആ നാളുകളിൽ എറണാകുളം അതിരൂപത മെത്രാപ്പൊലീത്ത പള്ളി സന്ദർശിക്കാൻ എത്തുകയും നാടിന്റെ വികസനത്തിന്‌ പള്ളിയോട് ചേർന്ന് പള്ളിക്കൂടം ആരംഭിക്കാൻ ആവശ്യപ്പെടുകയും ചെയ്തു.അന്ന് പള്ളി വികാരി ആയിരുന്ന നമ്പ്യാപറമ്പിൽ ജോസഫ് (കളരിക്കത്തൊട്ടി )അച്ചന്റെ നേതൃത്വത്തിൽ പള്ളിക്കൂടം സ്‌ഥാപിക്കുന്നതിന് വേണ്ട പ്രാരംഭ നടപടികൾ കൈക്കൊണ്ടു.

അക്കാലത്ത് മലങ്കരയിൽ പ്രവർത്തിച്ചിരുന്ന കുടിപ്പള്ളിക്കൂടം തെക്കുംഭാഗം സ്കൂളിനോട് ചേർക്കുവാൻ നാട്ടുകാർ എസ്റ്റേറ്റ് മാനേജരോട് ആവശ്യപ്പെട്ടു. അങ്ങനെ മലങ്കര തെക്കുംഭാഗം പ്രദേശങ്ങൾക്കായി 1936ൽ എൽ പി സ്കൂൾ സ്‌ഥാപിതമായി. സ്കൂളിന്റെ ആദ്യ മാനേജർ ഫാ ജോസഫ് നമ്പ്യാപറമ്പിലും ആദ്യ ഹെഡ്മിസ്ട്രെസ് സി. ലൂസീനയും ആയിരുന്നു. എൽ പി സ്കൂൾ പിന്നീട് 1955 ൽ യു പി സ്കൂൾ ആയി ഉയർത്തി.

യു പി സ്കൂളിന്റെ ആദ്യ ഹെഡ്മിസ്ട്രെസ് സി. ഗോഡ്ഫ്രെ ആയിരുന്നു.ശ്രീ.ജോസഫ് മൂലശ്ശേരി,ശ്രീ.നെടിയശാല ജോസഫ്, ശ്രീ. പി വി ബേബി, ശ്രീ. ഡാമിയൻ പി വി, ശ്രീ. ജോസുകുട്ടി വി. റ്റി,ശ്രീ.. പി എം. ദേവസ്യാചൻ, ശ്രീ റോയ് റ്റി ജോസ്, ശ്രീ ജെയ്സൺ ജോർജ്,സി. ഡാൻസി പി ജെ.എന്നിവർ പ്രധാന അദ്ധ്യാപകർ ആയി സേവനം ചെയ്തിട്ടുണ്ട്.ശ്രീമതി. മിനി തോമസ് ഇപ്പോൾ പ്രധാന അദ്ധ്യാപികയായി സേവനം ചെയുന്നു. തൊടുപുഴ സബ് ജില്ലയിലെ മികച്ച സ്കൂളിലൊന്നായി കല്ലാനിക്കൽ സെന്റ് ജോർജ് യു പി സ്കൂൾ തലയുയർത്തി നിൽക്കുന്നു.

കൂടുതൽ അറിയാം

ഭൗതികസൗകര്യങ്ങൾ

സ്കൂൾ ബസ്

കല്ലാനിക്കൽ സ്കൂൾ ന് സ്വന്തമായി ഒരു സ്കൂൾ ബസ് പത്തിൽ അധികം വർഷമായി സർവീസ് നടത്തി വരുന്നു. കുട്ടികളെ സ്കൂളിൽ എത്തിക്കുവാനായ്  സ്കൂൾ ബസുകൾ മിതമായ നിരക്കിൽ സജ്ജികരിച്ചിരിക്കുന്നു. ആനക്കയം, അഞ്ചിരി, പാലപിള്ളി, ഇഞ്ചിയാനി, വട്ടമറ്റം, തെക്കുംഭാഗം, ഇടവെട്ടി, മാർത്തോമാ, ആലക്കോട്, മീൻമുട്ടി, നടയം, കുമ്പംകല്ല്, വലിയ ജാരം ഭാഗത്തേക്ക്‌ സ്കൂൾ ബസ് സൗകര്യം കുട്ടികൾക്ക് നൽകി വരുന്നു. രക്ഷകർത്താക്കൾക്ക് താങ്ങാൻ പറ്റുന്ന ഫീസും sanitize ചെയ്തു സുരക്ഷ ഉറപ്പ് വരുത്തിയ യാത്ര സൗകര്യവുമാണ് ഓരോ ട്രിപ്പിലും സ്കൂൾ ഉറപ്പ് വരുത്തുന്നത്. സ്കൂൾ ബസിൽ ആയമാരുടെ സേവനവും നൽകിയിട്ടുണ്ട്.

നഴ്സറി സ്കൂൾ

നമ്മുടെ സ്കൂളിനോട് ചേർന്ന് ഒരു നഴ്സറി സ്കൂൾ കൂടെ  പ്രവർത്തിക്കുന്നുണ്ട്.ഏകദേശം 42 കുട്ടികൾ lkg, ukg ക്ലാസുകളിലായി ഇവിടെ പഠിക്കുന്നു.കുട്ടികൾക്ക് പഠനം രസകരമാക്കാൻ ഉതകുന്ന ഒട്ടേറെ പഠനോപകരണങ്ങൾ സ്കൂളിൽ ലഭ്യമാക്കിയിട്ടുണ്ട്. ഒപ്പം കളിക്കാനും രസിക്കാനും കിഡ്സ്‌ പാർക്കും ഒരുകിയിരിക്കുന്നു.മികച്ച പഠനനിലവാരം ഉറപ്പ് നൽകി മുന്നേറുന്ന നഴ്സറി സ്കൂളും നമ്മുടെ എടുത്തു പറയേണ്ട മേന്മകളിൽ ഒന്ന് തന്നെ.

ജൈവ വൈവിധ്യ പാർക്ക്‌

കല്ലാനിക്കൽ സ്കൂളിന്റെ ഏറ്റവും ആകർഷണീയതകളിൽ എടുത്തു പറയേണ്ടതാണ് ഇവിടുത്തെ മനോഹരമായ ജൈവ വൈവിധ്യ പാർക്ക്. കുട്ടികൾക്ക് പ്രകൃതി സൗഹൃദഅന്തരീക്ഷം പ്രധാനം ചെയ്യുന്നതിനോടൊപ്പം വൈവിധ്യ പൂർണമായ ജൈവ പരിസ്ഥിതിയുടെ നേർകാഴ്ച കൂടി ഏവർകും അനുഭവവേദ്യമാക്കുന്നു.

sgupskallanickal

ലൈബ്രറി

പുസ്തകങ്ങളെ കൂട്ടു കാരാക്കികൊണ്ട് മികച്ച പൗരന്മാരെ വാർത്തെടുക്കാൻ പ്രാപ്തമായ അതി വിശാലമായ 1500 ഇൽ അധികം പുസ്തകങ്ങളുള്ള ഒരു ലൈബ്രറി നമ്മുടെ മാത്രം പ്രേത്യേകതയാണ്.ഇംഗ്ലീഷ്, മലയാളം, സാഹിത്യ പുസ്തകങ്ങൾ, ഗണിതം, ഹിന്ദി, sanskrit, നിഘണ്ടു, കഥാപുസ്തകങ്ങൾ, കവിതസമാഹാരങ്ങൾ, ആത്മകഥകൾ, എന്ന് തുടങ്ങി വിവിധങ്ങളായ പുസ്തകശേഖരവും ഇരുന്നു വായിക്കാനുള്ള ഇരിപ്പിടവും സ്കൂളിൽ സജീകരിച്ചിട്ടുണ്ട്. മാത്രവുമല്ല വളരുന്ന ലൈബ്രറിയും ക്ലാസ്സ്‌ തല വായനമൂലയും നമ്മുടെ മികവാർന്ന പ്രവർത്തനങ്ങളിൽപ്പെടുന്നു. ഒപ്പം വായനമൃതം പരിപാടി കഴിഞ്ഞ 7 വർഷമായി ഇവിടെ വളരെ മനോഹരമായി നടന്നു വരുന്നു.

Maths ലാബ്

ആകർഷകമായി ഒരുക്കിയിരിക്കുന്ന ഗണിതലാബിൽ വൈവിധ്യമാർന്ന പഠനോപകരണങ്ങളുടെ വിപുലമായ ശേഖരം കുട്ടികളുടെ പഠനത്തിന് ഏറെ സഹായകരമാണ്. ഗണിത മേളകൾ, ഗണിത ശില്പശാലകൾ, പഠനോപകരണ നിർമ്മാണം, പതിപ്പ് തയ്യാറാക്കൽ, ഒറിഗാമി നിർമ്മാണം, പ്രകൃതിയിലെ ഗണിത വിസ്മയം തേടിയുള്ള യാത്രകൾ തുടങ്ങിയ പ്രവർത്തനങ്ങളിലൂടെ  ഗണിത ക്ലബ്‌ സജീവമായി പ്രവർത്തിച്ചു വരുന്നു.

സ്മാർട്ട്‌ ക്ലാസ്സ്‌ റൂമുകൾ

ശിശു സൗഹൃദഅന്തരീക്ഷം  ഒരുക്കിക്കൊണ്ട് പഠനത്തിലേക്ക് ആനയിക്കുന്ന തരത്തിൽ മനോഹരമായ ചിത്രങ്ങളും അക്ഷരങ്ങളും നിറങ്ങളും ഒക്കെ സമ്മേളിക്കുന്ന വിശാലമായ സ്മാർട്ട്‌ ക്ലാസ്സ്‌ റൂമുകൾ സ്കൂളിന്റെ എടുത്തു പറയാവുന്ന പ്രേത്യേകത ആണ്. പ്രൊജക്ടറും ICT സാധ്യതകളും ഉപയോഗപ്പെടുത്തി കുട്ടികൾക്ക് പഠനത്തിൽ താല്പര്യം ജനിപ്പിക്കാനും സ്മാർട്ട്‌ ക്ലാസ്സ്‌ റൂമിൽ സജീകരണങ്ങൾ ഒരുക്കിയിട്ടുണ്ട്.

പ്ലാസ്റ്റിക് വിരുദ്ധ സ്കൂൾ ക്യാമ്പസ്‌

2018 മുതൽ സ്കൂളും പരിസരവും പ്ലാസ്റ്റിക് വിമുക്ത മേഖലയായി സംരക്ഷിച്ചു വരുന്നു. പ്ലാസ്റ്റിക് നിരോധിത മേഖല ബോർഡുകളും സ്കൂൾ പരിസരത്തു സ്‌ഥാപിച്ചിട്ടുണ്ട്.പ്രകൃതിയെ മലിനപ്പെടുത്താൻ ആഗ്രഹിക്കാത്ത  ആരോഗ്യമുള്ള ഭൂമിയെ  സ്വപ്നം കാണുന്ന നൂതന ആശയത്തിന് കുട്ടികളും മുതിർന്നവരും മികച്ച വരവേൽപ് നൽകുകയും അതിനായി ഓരോരുത്തരും യത്നിക്കുകയും ചെയ്തു പോരുന്നു.കൂട്ടായ പരിശ്രമത്തിലൂടെ പ്ലാസ്റ്റിക് വിരുദ്ധ ക്യാമ്പസ് സാധ്യമാക്കാൻ നമുക്ക് കഴിഞ്ഞിട്ടുണ്ട്.വരും തലമുറയ്ക്കും അനുഗ്രഹമാകുന്ന  ഈ പദ്ധതി ഏറെ പ്രശംസനീയമാണ്.

രുചികരമായ ഉച്ചഭക്ഷണം

കൊതിയൂറും രുചിയിൽ വിഭവ സമൃദ്ധമായ സദ്യ നമ്മുടെ മറ്റൊരു ആകർഷണീയത തന്നെ.വീട്ടിലെ പോലെ ശുദ്ധമായതും പോഷകം നിറഞ്ഞതുമായ ഉച്ചയൂണ് കുട്ടികൾക്ക് ഏറെ പ്രിയങ്കരമാണ്.പ്രധാന പ്രത്യേകത എന്തെന്നോ? ഇവിടുത്തെ തോട്ടത്തിൽ തന്നെ ജൈവ വളം ഉപയോഗിച്ച് കൃഷി ചെയുന്ന പച്ചക്കറികൾ തന്നെ ആണ് പാകം ചെയ്തു കുട്ടികൾക്ക് നൽകി വരുന്നത്.ഇവിടുത്തെ ഊണ് ഒരു തവണ കഴിച്ചാൽ പിന്നെ അതിന്റെ സ്വാദ് നാവിൽ നിന്നും മാറില്ല എന്നത് വാസ്തവം തന്നെ.

കൂടുതൽ അറിയാം

പാഠ്യേതര പ്രവർത്തനങ്ങൾ

ദിനാഘോഷഓൺലൈൻ പ്രവർത്തനങ്ങൾ

സ്കൂൾ തലത്തിൽ കഴിഞ്ഞ 4 വർഷങ്ങളായി ഓരോ മാസത്തിലെയും പ്രധാന ദിനങ്ങൾ  ആഘോഷിക്കുകയും ഡോക്യൂമെന്റുകൾ സൂക്ഷിക്കുകയും അനുബന്ധ മത്സരങ്ങൾ നടത്തുകയും ചെയ്തു വരുന്നു.കോവിഡ് പശ്ചാത്തലത്തിൽ പോലും നോട്ടീസ് തയ്യാറാക്കി ഓൺലൈൻ മത്സരങ്ങൾ സംഘടിപ്പിക്കുകയും സർട്ടിഫിക്കറ്റ് വിതരണം ചെയുകയും ദിനാഘോഷ പരിപാടികളിൽ മുഴുവൻ കുട്ടികളുടെയും പങ്കാളിത്തം ഉറപ്പ് വരുത്തുകയും ചെയ്തു വരുന്നു.  ദിനാഘോഷ കലണ്ടർ ഓരോ മാസവും മുൻകൂട്ടി തയ്യാറാക്കി പ്രവർത്തനപദ്ധതികൾ ആസൂത്രണം ചെയ്തു നടപ്പിലാക്കാൻ ദിനാഘോഷ ക്ലബ്‌ സദാ പ്രവർത്തനസജ്ജമാണ്.

സ്കൗട്ട് and ഗൈഡ്സ്

കുട്ടികളിൽ നല്ല സ്വഭാവരൂപീകരണം, അച്ചടക്ക ബോധം, അടുക്കും ചിട്ടയുമുള്ള ജീവിതം, ജീവിതമൂല്യങ്ങൾ തുടങ്ങിയ ജീവിത ബന്ധിയായ ഗുണങ്ങൾ നേടി എടുക്കുന്നതിനും പാഠ്യപാഠ്യേതര മേഖലയിൽ മികവ് തെളിയിക്കുന്നതിനും സഹായകമാകുന്ന വിധത്തിൽ 2022- 2023 വർഷത്തിൽ സെന്റ് ജോർജ് യു. പി സ്കൂളിൽ സ്കൗട്ട് & ഗൈഡ് ആരംഭിച്ചു.

മാതൃഭൂമി സീഡ്

കല്ലാനിക്കൽ സ്കൂളിന്റെ ഏറ്റവും ആകർഷണീയതകളിൽ എടുത്തു പറയേണ്ടതാണ് ഇവിടുത്തെ മനോഹരമായ പച്ചക്കറിത്തോട്ടം. ഏകദേശം അഞ്ചു വർഷങ്ങളായി സീഡ് പ്രവർത്തനങ്ങൾ നടത്തിവരുന്നു. പാവൽ ,കോവൽ, വെണ്ട, വഴുതന ,പയർ, മത്തൻ ,കോളിഫ്ലവർ മുതലായ വിവിധ ഇനം പച്ചക്കറികൾ തോട്ടത്തിൽ ഉടനീളം കാണാൻ സാധിക്കും . കൃഷിയുടെ മേൽനോട്ടത്തിനും ഉന്നമനത്തിനു മുന്നിൽ നിൽക്കുന്നത്  സ്കൂളിലെ കുട്ടികൾ തന്നെയാണ്. സ്കൂൾ പച്ചക്കറി തോട്ടത്തിൽ നിന്ന് ലഭിക്കുന്ന പച്ചക്കറികൾ ഉച്ചഭക്ഷണത്തിൻ്റെ ഭാഗമായി ഉപയോഗിച്ചുവരുന്നു. ഇത്തരത്തിലുള്ള പ്രവർത്തനങ്ങൾ ചെയ്യുന്നതിൽ കുട്ടികളെ പ്രോത്സാഹിപ്പിക്കുന്നതുമൂലം കൃഷിയും മണ്ണും ആയി കുട്ടികളെ കൂടുതൽ അടുപ്പിക്കാനും, ആരോഗ്യപൂർണമായ ഭക്ഷണശൈലി വാർത്തെടുക്കാനും , മാനസിക ഉല്ലാസവും സാധ്യമാക്കുന്നു. മാതൃഭൂമി സീഡ് ക്ലബ്ബിൻറെ ഭാഗമായി കുട്ടികൾക്ക് മുതൽക്കൂട്ടാകുന്ന മറ്റുചില പ്രവർത്തനങ്ങളും നടത്തി വരുന്നു. ശുചീകരണ പ്രവർത്തനങ്ങളും, നല്ല ആരോഗ്യ ശീലങ്ങൾ എങ്ങനെ വാർത്തെടുക്കാൻ സാധിക്കുംഎന്നതിനെക്കുറിച്ച് ക്ലാസുകൾ നൽകാനും സീഡ് ക്ലബ്ബ് കഴിയുന്നുണ്ട്.

LSS, USS പരിശീലനം

LSS, USS പരീക്ഷകളോടനുബന്ധിച്ച് സ്കൂളിൽ കുട്ടികൾക്കും മാതാപിതാക്കൾക്കുമായി ബോധവൽക്കരണ ക്ലാസുകൾ  നടത്തുന്നു. ആഴ്ചയിൽ 3 ദിവസം LSS, USS ക്ലാസ്സുകളും എല്ലാ വെള്ളിയാഴ്ചകളിലും മോക് ടെസ്റ്റും നടത്തി വരുന്നു. ഈ പരിശീലനത്തിന്റെ ഭാഗമായി എല്ലാ വർഷവും മികച്ച വിജയം കൈവരിക്കാറുണ്ട്.

Spoken ഇംഗ്ലീഷ്

ശനിയാഴ്ച ദിവസങ്ങളിൽ  നടന്നു വരുന്ന spoken ഇംഗ്ലീഷ് ക്ലാസുകൾക്ക്  മികച്ച വരവേൽപ് ആണ് കുട്ടികളുടെയും മാതാപിതാക്കളുടെയും ഭാഗത്തു നിന്ന് ലഭിച്ചു വരുന്നത്. ഭാഷയുടെ ഏറ്റവും പ്രധാന skill ആയ speaking ന് ആണ് ഈ ക്ലാസുകൾ പ്രധാനമായും ഊന്നൽ നൽകുന്നത്. ഇംഗ്ലീഷ് പോലെ ഒരു ഇന്റർനാഷണൽ ലാംഗ്വേജ് അനായാസം സംസാരിക്കുവാൻ ഇവിടെ പഠിക്കുന്ന കുട്ടികൾക്ക് സാധിക്കുന്നുണ്ട്.ഇംഗ്ലീഷ് സംസാരിച്ചു പഠിക്കാൻ പറ്റുന്ന വിവിധ പ്രവർത്തനങ്ങൾ നൽകികൊണ്ട് LSRW ന് പ്രാധാന്യം നൽകികൊണ്ട് വളരെ മികച്ച രീതിയിൽ spoken ഇംഗ്ലീഷ് ക്ലാസുകൾ നടന്നു വരുന്നു.

വായനമൃതം

വായിച്ചു വളരുവാനും വായനയെ പരിപോഷിപ്പിക്കാനും സ്കൂളിൽ വർഷങ്ങളായി നടപ്പിലാക്കി വരുന്ന പദ്ധതിയാണ് വായനാമൃതം. ക്ലാസ്സ്‌ തല വയനാമൂലകൾ സജ്ജീകരിച്ചും വായന കാർഡുകളും ചാർട്ടുകളും ഒരുക്കിയും വായനയിൽ പിന്നോകാം നിൽക്കുന്ന കുട്ടികൾക്ക് വായിക്കാൻ പരിശീലനം നൽകുന്നു. രാവിലെ ക്ലാസ്സ്‌ സമയം തുടങ്ങും മുൻപ് വായിക്കാൻ ബുദ്ധിമുട്ട് നേരിടുന്ന കുട്ടികൾക്കായി വായനമൃതം പരിപാടിയുടെ ഭാഗമായി അദ്ധ്യാപകർ അടിസ്ഥാനപരിശീലനം നൽകി വരുന്നു. അക്ഷരം പരിചയപ്പെടാനും വായിക്കാനും നൂതന സാധ്യതകൾ എല്ലാം ഉപയോഗിക്കുന്നു. വായനയുടെ ലോകത്തേക്ക് കുരുന്നുകളെ കൈ പിടിച്ചു ഉയർത്തുവാൻ വായനമൃതം പദ്ധതിയ്ക്ക് സാധിച്ചു.

കൂടുതൽ അറിയാം

മുൻ സാരഥികൾ

1. സിസ്റ്റർ ഗോഡ്ഫ്രൈ
2. ശ്രീ. ജോസഫ് മൂലശ്ശേരി
3. ശ്രീ നേടിയശാല ജോസഫ്
4. ശ്രീ. പി. വി. ബേബി
5. ശ്രീ. ഡാമിയൻ പി വി
6. ശ്രീ. ജോസുകുട്ടി വി റ്റി
7. ശ്രീ. പി എം ദേവസ്യാച്ചൻ
8. ശ്രീ. റോയ് റ്റി ജോസ് ആന്റണി
9. ശ്രീ. ജെയ്സൺ ജോർജ്
10. സിസ്റ്റർ ഡാൻസി പി ജെ
11. ശ്രീമതി മിനി തോമസ്

നേട്ടങ്ങൾ .അവാർഡുകൾ.

നല്ല വിദ്യാഭ്യാസത്തിലൂടെ മാത്രമേ ദൈവസമൂഹം രൂപപ്പെടുകയുള്ളൂ.  കേരള കാത്തലിക് സ്റ്റുഡന്റ്‌സ് ലീഗ് അധ്യാപകരെയും വിദ്യാർത്ഥികളെയും വിദ്യാഭ്യാസത്തിൽ അവരുടെ ലക്ഷ്യം നേടുന്നതിനും സാമൂഹിക മൂല്യങ്ങൾ വികസിപ്പിക്കുന്നതിനും സഹായിക്കുന്നതിൽ ഒരു പ്രധാന പങ്ക് വഹിക്കുന്നു.  ഓരോ വർഷവും വിദ്യാർത്ഥികൾക്ക് അവരുടെ പഠനത്തിനും ഗവേഷണത്തിനുമായി വിവിധ വിഷയങ്ങൾ നൽകുന്നു. ഇത്തരം വിഷയങ്ങൾ സ്കൂളിൽ ഉടനീളം പ്രവർത്തിച്ചുവരുന്നു. കാര്യക്ഷമതയുള്ള പ്രവർത്തനഫലമായി നിരവധി തവണ അംഗീകാരങ്ങൾ സ്കൂളിനെ തേടിയെത്തി.

Best PTA Award (First in Sub District 2010_11)

Best PTA Award (First in Revenue District 2010_11)

Best PTA Award ( First in Sub District 2011_12)

Excellent Performance Award (First  in UP Section 2016-2017)

Best Units Award ( First in UP Section 2017-2018)

Best Units Award ( First in UP Section 2018-2019)

Carol  Song Competition 2018 (2nd in  UP Section)

കൂടുതൽ അറിയാം

പുറംകണ്ണികൾ

ഞങ്ങൾക്ക് ഒപ്പം കൂടാൻ... ഞങ്ങളുടെ പ്രവർത്തനങ്ങൾ അറിയാൻ.... ഞങ്ങളെ പിന്തുടരാം....

Facebook: St. George's U.P School Kallanickal

Youtube: St.George's U P School Kallanickal

വഴികാട്ടി

തൊടുപുഴ - മങ്ങാട്ടുകവല - കല്ലാനിക്കൽ - ആനക്കയം

തൊടുപുഴ ആനക്കയം റൂട്ടിൽ തൊടുപുഴയിൽ നിന്ന് ഏകദേശം 6 കിലോമീറ്റർ അകലെയാണ് കല്ലാനിക്കൽ യുപി സ്കൂൾ സ്ഥിതി ചെയ്യുന്നത്.