ജി.യു.പി.എസ് ചോക്കാട്/ക്ലബ്ബുകൾ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ക്ലബ്ബുകൾ

വിവിധ ക്ലബ്ബുകളുടെ കീഴിൽ നിരവധി പ്രവർത്തനങ്ങൾ വളരെ ആസൂത്രിതമായി ചോക്കാട് ഗവൺമെന്റ് യു.പി.സ്കൂളിൽ വെച്ച് നടത്തിവരുന്നു.

ഇംഗ്ലീഷ് ക്ലബ്ബ്

ഉദ്ദേശ്യ ലക്ഷ്യങ്ങൾ

• വിദ്യാർത്ഥികളിൽ ഇംഗ്ലീഷ് ഭാഷയോടുള്ള താൽപര്യം വർദ്ധിപ്പിക്കുന്നതിനും ഇംഗ്ലീഷ്  അനായാസേന കൈകാര്യം ചെയ്യുന്നതിനുമുള്ള ആർജവം നേടിയെടുക്കുക എന്ന ഉദ്ദേശ്യത്തോടെ ഇംഗ്ലീഷ് ക്ലബ്ബ് രൂപീകരിക്കപ്പെട്ടു.

പ്രവർത്തനങ്ങൾ

ഇംഗ്ലീഷ് ഡേ

•     ഇംഗ്ലീഷ് ക്ലബ്ബിൻറെ ആഭിമുഖ്യത്തിൽ എല്ലാ ആഴ്ചയിലും ഒരു ദിവസം ഇംഗ്ലീഷ് ഡേ ആയി ആചരിച്ചുവരുന്നു. ഇംഗ്ലീഷ് പ്രാർത്ഥന, പ്രതിജ്‌ഞ , ദിനാചരണ ശബ്ദ സന്ദേശങ്ങൾ തുടങ്ങി എല്ലാം അന്ന് ഇംഗ്ലീഷ് ഭാഷയിലാണ് ചെയ്യുന്നത്.അതിന്റെ ഭാഗമായി ന്യൂസ് പേപ്പർ റീഡിങ്,തോട്ട് ഓഫ് ദി ഡേ മുതലായവ അവതരിപ്പിക്കാറുണ്ട്

ഇംഗ്ലീഷ് ഫെസ്റ്റ്

• ഹലോ വേൾഡിന്റെ ഭാഗമായി ഇംഗ്ലീഷ് ക്ലബ്ബിന്റെ നേതൃത്വത്തിൽ ഇംഗ്ലീഷ് ഫെസ്റ്റ് Excellence എന്ന പേരിൽ ഓൺലൈനായി നടത്തി. ഇംഗ്ലീഷ് കമ്മ്യൂണിക്കേഷൻ സുഖപ്രദമാക്കുന്നതിനു വേണ്ടി story telling Recitation .റോൾപ്ലേ,സ്കിറ്റ് തുടങ്ങി ധാരാളം പരിപാടികൾ നടത്തി. ലാംഗ്വേജ് ഗെയിംസ്, റിഡിൽസ് എന്നിവ അവതരിപ്പിക്കുന്ന ഇംഗ്ലീഷ് കോർണർ സ്ഥാപിച്ചു. കുട്ടികളുടെ ഭാഷാ നൈപുണി ലക്ഷ്യംവെച്ച്  ക്ലാസ് തല മത്സരങ്ങളും മറ്റും സംഘടിപ്പിക്കുന്നു.  

ഇ ന്യൂസ് വാർത്താ അവതരണം

• ഇംഗ്ലീഷ് ഭാഷ അനായാസേന കൈകാര്യം ചെയ്യാനുതകുന്ന രീതിയിൽ മാസത്തിലെ രണ്ട് ആഴ്ചകളിൽ പോയവാരം വാർത്താ അവതരണം ഇംഗീഷ് ഭാഷയിൽ നടത്തുന്നു.

ഡിജിറ്റൽ മാഗസിൻ

• Daffodils എന്ന പേരിൽ ഒരു English ഡിജിറ്റൽ മാഗസിനും മാസം തോറുമുള്ള digital magazine ൽ ഇംഗ്ലീഷിൽ കഥ, കവിത തുടങ്ങി ധാരാളം വ്യവഹാരരൂപങ്ങളും ഉൾക്കൊളളിച്ചിട്ടുണ്ട്.

'എ വേഡ് എ ഡേ'

.ക്ലാസ് തലത്തിൽ 'എ വേഡ് എ ഡേ' എന്ന പരിപാടി സംഘടിപ്പിച്ചു വരുന്നുണ്ട്.

ശാസ്ത്ര ക്ലബ്ബ്

ഉദ്ദേശ്യ ലക്ഷ്യങ്ങൾ

കുട്ടികളിലെ ശാസ്ത്രാവബോധം വളർത്തുന്നതിനും നിരീക്ഷണങ്ങളിലൂടെയും പരീക്ഷണങ്ങളിലൂടെയും പഞ്ചേന്ദ്രിയങ്ങൾ ഉപയോഗിച്ച് വിദ്യാർത്ഥികളിലെ അന്വേഷണ തൽപരത വളർത്തുന്നതിനും ശാസ്ത്ര ക്ലബ്ബിന്റെ പങ്ക് വളരെ വലുതാണ്. ചെറുതും വലുതുമായ ധാരാളം പ്രവർത്തനങ്ങൾ ശാസ്ത്ര ക്ലബ്ബിന്റെ ആഭിമുഖ്യത്തിൽ നടത്തി വരുന്നു.

പ്രവർത്തനങ്ങൾ

ശാസ്ത്ര ദിനം

ശാസ്ത്ര ക്ലബ്ബിന്റെ കീഴിൽ എല്ലാ വർഷവും ഫെബ്രുവരി 28 ന് ദേശീയ ശാസ്ത്രദിനം ആചരിക്കാറുണ്ട് . ശാസ്ത്ര കൗതുകം ഉണർത്തുന്ന പരീക്ഷണങ്ങൾ, കുട്ടിശാസ്ത്രജ്ഞൻമാരായാൽ ....., ശാസ്ത്രദിനത്തിന്റെ പ്രാധാന്യം ഉൾക്കൊള്ളിക്കുന്ന വീഡിയോ/ഓഡിയോ സന്ദേശം എന്നീ വ്യത്യസ്തമാർന്ന പ്രവർത്തനങ്ങൾ നടത്തിവരുന്നു.

ശാസ്ത്ര പതിപ്പുകൾ

ശാസ്ത്ര ദിനാചരണത്തിന്റെ ഭാഗമായി വിദ്യാർത്ഥികളിലെ ശാസ്താഭിരുചി വളർത്തുന്ന തരത്തിലുള്ള സൃഷ്ടികൾ ഉൾപെടുത്തിയ ശാസ്ത്ര മാഗസിൻ നിർമ്മിച്ചു.ക്ലബ്ബിന്റെ കീഴിൽ ശാസ്ത്രജ്ഞന്മാരെ കുറിച്ചുള്ള പഠനം നടത്തി യു.പി തലത്തിൽ ഓരോ ക്ലാസിലും ശാസ്ത്ര പതിപ്പ് നിർമ്മിക്കുന്നു.

ക്വിസ് മത്സരം

ശാസ്ത്രദിനം, ജല ദിനം, വനദിനം .....തുടങ്ങിയ ദിനങ്ങളിൽ ശാസ്ത്ര ക്വിസ് നടത്തി വിജയികൾക്ക് സമ്മാനം നൽകി.

ശാസ്ത്ര ക്യാമ്പ്

വാനനിരീക്ഷണം, പ്രകൃതി നിരീക്ഷണം തുടങ്ങി ശാസ്ത്രത്തിൽ താൽപര്യമുള്ള കുട്ടികൾക്ക് വേണ്ടി ശാസ്ത്രക്യാമ്പ് സംഘടിപ്പിക്കാൻ എല്ലാവിധ തയ്യാറെടുപ്പുകളും നടത്തിവരുന്നു .

ഫീൽഡ് ട്രിപ്പ്

ക്ലബ്ബിന്റെ  ആഭിമുഖ്യത്തിൽ ശാസ്ത്ര യാത്രകളും സമീപ പ്രദേശത്തേക്ക് ഫീൽഡ് ട്രിപ്പുകളും സംഘടിപ്പിക്കുന്നു.

ശാസ്ത്ര മേള

  സ്കൂൾതലത്തിൽ ശാസ്ത്രമേളകൾ സംഘടിപ്പിച്ച് മത്സരങ്ങൾ നടത്തി വിജയികളെ കണ്ടെത്താറുണ്ട്.

വിദ്യാരംഗം കലാസാഹിത്യ വേദി

വിദ്യാർത്ഥികളിലെ കലാഭിരുചി വളർത്തുന്നതിനും വായനാശീലം വർദ്ധിപ്പിക്കുന്നതിനുമായി വിദ്യാരംഗം കലാസാഹിത്യവേദി പ്രവർത്തിച്ചുവരുന്നു. സർഗ്ഗാത്മക പ്രവർത്തനങ്ങൾ ആസൂത്രണം ചെയ്യുന്നതിലും നടപ്പാക്കുന്നതിലും വിദ്യാരംഗം ശ്രദ്ധേയമായ നേട്ടമാണ് കൈവരിച്ചിരിക്കുന്നത്.

ബഷീർ ദിനം

ബഷീർ ദിനത്തോടനുബന്ധിച്ച് ഡോക്യുമെന്റേഷൻ, ബഷീർ കഥാപാത്രങ്ങളുടെ ചിത്രീകരണം, ബഷീറിനെ പരിചയപ്പെടുത്തൽ തുടങ്ങി നിരവധി പ്രവർത്തനങ്ങൾ ചെയ്തു. ഈ വർഷത്തെ ബഷീർ ദിനത്തിൽ അതിഥിയായെത്തിയത് വൈക്കം  മുഹമ്മദ് ബഷീറിന്റെ മകളായ ഷാഹിന ഗഫൂറായിരുന്നു.

വായനാദിനം

വായനാ ദിനത്തോടനുബന്ധിച്ച് വിദ്യാർത്ഥികൾക്ക് കുറച്ച് പുസ്തകങ്ങൾ ഡിജിറ്റൽ രൂപത്തിൽ നൽകുകയും അതിനെ അടിസ്ഥാനപ്പെടുത്തി ക്വിസ് മത്സരം സംഘടിപ്പിക്കുകയും ചെയ്തു. വായനാ വാരാചരണത്തിന്റെ ഭാഗമായി ഒരാഴ്ച നീണ്ടു നിൽക്കുന്ന പ്രവർത്തനങ്ങളായിരുന്നു നടപ്പാക്കിയത്. വായനയെ പ്രോത്സാഹിപ്പിക്കുന്നതിനായി പുസ്തകാസ്വാദനസദസുകൾ സംഘടിപ്പിച്ചു.വായനവാരാഘോഷത്തോടനുബന്ധിച്ച് സംസ്ഥാന ലൈബ്രറി കൗൺ സിൽ സംഘടിപ്പിക്കുന്ന വായനാമത്സരം എല്ലാ വർഷവും നമ്മുടെ സ്ക്കൂളിൽ വിദ്യാരംഗം ക്ലബ്ബിന്റെ ആഭിമുഖ്യത്തിൽ നടത്തുന്നുണ്ട്. താലൂക്ക് തലത്തിലും ജില്ലാ തലത്തിലും നടക്കുന്ന മത്സരങ്ങളിൽ നമ്മുടെ സ്ക്കൂളിലെ കുട്ടികൾ വിജയികളായിട്ടുണ്ട്.

കേരളപ്പിറവിദിനം

എന്റെ നാട് എത്ര സുന്ദരം എന്ന വിഷയത്തിൽ ചിത്രരചനാ മത്സരം, കേരളത്തെക്കുറിച്ചുള്ള ഗാനാലാപനം, ലളിത ഗാനങ്ങൾ, നൃത്താവിഷ്ക്കാരം എന്നിവ നടത്തി കേരളപ്പിറവി ദിനം സമുചിതമായി ആഘോഷിച്ചു. ഓൺലെെനായും ധാരാളം പ്രവർത്തനങ്ങൾ ഏറ്റെടുത്ത് ചെയ്തു.

നാൾവഴി

വിദ്യാർത്ഥികളിലെ കലാഭിരുചി വളർത്തുക വായനാശീലം വർദ്ധിപ്പിക്കുക എന്നീ ലക്ഷ്യങ്ങളോടെ 2000 മുതൽ സ്ക്കൂളിൽ വിദ്യാരംഗം കലാസാഹിത്യവേദി പ്രവർത്തിച്ചുവരുന്നു വിദ്യാരംഗവും ബാലസാഹിത്യ ഇൻസ്റ്റിട്യൂട്ടും ചേർന്നു നടത്തിയിരുന്ന തളിര് സ്കോളർഷിപ്പ് പരീക്ഷയിൽ കുട്ടികൾ പങ്കെടുക്കാറുണ്ട്. വിവിധ ദിനാചരണങ്ങൾ സംഘടിപ്പിക്കുക, പതിപ്പുകൾ തയ്യാറാക്കുക, ശില്പശാലകൾ സംഘടിപ്പിക്കുക തുടങ്ങിയവയാണ് വിദ്യാരംഗം കലാസാഹിത്യവേദിയിൽ അംഗങ്ങളായുള്ള കുട്ടികൾ ഏർപ്പെട്ടിരിക്കുന്നത്.  ഉപജില്ലാ  മത്സങ്ങളിൽ ഈ സ്ക്കൂളിലെ വിദ്യാരംഗം കലാസാഹിത്യവേദിയിൽ അംഗങ്ങളായുള്ള കുട്ടികൾ പങ്കടുക്കുകയും സമ്മാനങ്ങൾ നേടുകയും ചെയ്തിട്ടുണ്ട്.

കുറ്റിപ്പെൻസിൽ ശില്പശാല

സ്ക്കൂൾതലത്തിൽ തന്നെ സാഹിത്യരചന ശില്പശാല നടത്തി.  കഥാരചന കവിതാ രചന ചിത്ര രചന തുടങ്ങിയ ഇനങ്ങളിലാണ് ഈ വർഷം ശില്പശാല സംഘടിപ്പിച്ചത്.

വിദ്യാരംഗം വാർത്തകൾ

നല്ല വായന,നല്ല പഠനം,നല്ല ജീവിതം....... പൊതു വിദ്യാഭ്യാസ വകുപ്പ് വിദ്യാലയങ്ങളിൽ നവംബർ 1 മുതൽ 14 വരെയുള്ള ദിവസങ്ങളിൽ നടപ്പാക്കിയ നല്ല വായന, നല്ല പഠനം, നല്ല ജീവിതം പദ്ധതിയുടെ ഭാഗമായി വൈവിധ്യമാർന്ന പ്രവർത്തനങ്ങളാണ് വിദ്യാലയത്തിലൊരുക്കിയത്.

• സയൻസ് ക്ലബ്ബ്
• ഇംഗ്ലീഷ് ക്ലബ്ബ്

സോഷ്യൽ സയൻസ് ക്ലബ്ബ്

• ഗണിത ക്ലബ്ബ്
• പരിസ്ഥിതി ക്ലബ്ബ്
• ആർട്‌സ് ക്ലബ്ബ്
• സ്പോർ‌ട്സ് ക്ലബ്ബ്
• അറബിക് ക്ലബ്ബ്
• ഹിന്ദി ക്ലബ്ബ്
• കാർഷിക ക്ലബ്ബ്