"ഹോളി ഫാമിലി എച്ച് എസ് എസ് രാജപുരം/പ്രവർത്തനങ്ങൾ/2025-26" എന്ന താളിന്റെ പതിപ്പുകൾ തമ്മിലുള്ള വ്യത്യാസം

{{Yearframe/Pages}}

രാജപുരം സ്കൂളിൽ പ്രവേശനോത്സവം വർണാഭമായി സംഘടിപ്പിച്ചു. രാവിലെ പത്തുമണിയോടെ സ്കൂൾ ഗേറ്റ് മുതൽ ഓഡിറ്റോറിയം വരെ ചെണ്ടമേളത്തിന്റെയും പ്രവേശനോത്സവം ഗാനത്തിന്റെയും അകമ്പടിയോടെ കുട്ടികളെ ഓഡിറ്റോറിയത്തിലേക്ക് ആനയിച്ചു. ചന്ദനം കുറികൾ അണിയിച്ച് കുട്ടികളെ ഇരിപ്പിടങ്ങളിലേക്ക് നയിച്ചു. തുടർന്ന് നടന്ന ഉദ്ഘാടന ചടങ്ങിന് പിടിഎ പ്രസിഡൻറ് ശ്രീ പ്രഭാകരൻ കെ എ അധ്യക്ഷത വഹിച്ചു. ബഹുമാനപ്പെട്ട സ്കൂൾ മാനേജർ ഫാദർ ജോസഫ് അരീച്ചിറ ഉദ്ഘാടനകർമ്മം നിർവഹിക്കുകയും രാജപുരം പോലീസ് സ്റ്റേഷൻ ഓഫീസ് ശ്രീ രാജേഷ് മുഖ്യപ്രഭാഷണം നടത്തുകയും ചെയ്തു. കുട്ടികളുടെ വിവിധ കലാപരിപാടികളും ചടങ്ങിനോട് അനുബന്ധിച്ച് സംഘടിപ്പിച്ചിരുന്നു. മധുരം കഴിച്ച് പുതിയ ക്ലാസ് മുറികളും കൂട്ടുകാരെയും അധ്യാപകരെയും  പരിചയപ്പെട്ട് ആദ്യദിനം അവസാനിച്ചു.

== ലിറ്റിൽ കൈറ്റ്സ് 2024 -27 ബാച്ച്- സ്കൂൾതല ക്യാമ്പ് ==

ലിറ്റിൽ കൈറ്റ്സ് 2024 -27 ബാച്ചിന്റെ സ്കൂൾതല ക്യാമ്പ്  04-11-2025, ചൊവ്വാഴ്ച്ച സ്കൂളിൽ വച്ച് നടത്തി. ഉദ്ഘാടനം എച്ച് എം ഇൻ ചാർജ് ശ്രീ വിനോദ് ജോസഫ് നിർവഹിച്ചു. ആർപി മാരായ , ജിഎച്ച്എസ്എസ് അട്ടേങ്ങാനം സ്കൂളിലെ ഇംഗ്ലീഷ് വിഭാഗം അധ്യാപിക ശ്രീമതി മെറീന ആന്റണി കെ യും ,ഹോളി ഫാമിലിയിലെ ഫിസിക്കൽ സയൻസ് വിഭാഗം അധ്യാപികയായ ജിഷ തോമസും ചേർന്ന് കുട്ടികൾക്ക് ക്ലാസ്സ്‌ എടുത്തു. എച്ച് എം ശ്രീ സജി മാത്യു സർ ക്യാമ്പ് സന്ദർശിക്കുകയും വേണ്ട നിർദ്ദേശങ്ങൾ നൽകുകയും ചെയ്തു. സ്കൂളിലെ ലിറ്റിൽ കൈറ്റ്സ് മെന്റർ sr. സിന്ധു വി കെ ക്യാമ്പിന് നേതൃത്വം നൽകി. പ്രണവ്, അമേയ എന്നീ വിദ്യാർത്ഥികൾ ക്യാമ്പ് അനുഭവങ്ങൾ പങ്കുവയ്ക്കുകയും ചെയ്‍തു . 4 30 ഓടുകൂടി ക്യാമ്പ്  സമാപിക്കുകയും ചെയ്തു .