ജി.എച്ച്.എസ്‌. മുന്നാട്/2024-25

പ്രവേശനോത്സവം

പ്രവേശനോത്സവം സ്വാഗതം ഹെഡ്മാസ്റ്റർ കെ രാജൻ മാസ്റ്റർ

പ്രവേശനോത്സവത്തിൽ കുട്ടികൾ അക്ഷര ദീപം തെളിച്ചപ്പോൾ

ജില്ലാ പഞ്ചായത്ത് ആരോഗ്യവിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ ശ്രീമതി എസ്എൻ സരിത ഉദ്ഘാടനം ചെയ്യുന്നു

ഈ വർഷത്തെ സ്കൂൾ പ്രവേശനോത്സവം ബേഡഡുക്ക ഗ്രാമ പഞ്ചായത്ത് വികസന സ്റ്റന്റിംഗ് കമ്മറ്റി ചെയർപേഴ്സൺ ശ്രീമതി ലത ഗോപിയുടെ അധ്യക്ഷതയിൽ കാസർഗോഡ് ജില്ലാപഞ്ചായത്ത് ആരോഗ്യവിദ്യാഭ്യാസ സ്റ്റന്റിംഗ് കമ്മറ്റി ചെയർപേഴ്സൺ അഡ്വ.സരിത എസ് എൻ ഉദ്ഘാടനം ചെയ്തു.ഈ വേദിയിൽ തന്നെ എസ്.എസ്.എൽ.സി 2024 വിജയികൾക്കുള്ള ഉപഹാര വിതരണവും നടന്നു.ഗ്രാമപഞ്ചായത്ത് അംഗം കുമാരി ശ്രൂതി പി,പിടിഎ വൈസ്പ്രസിഡണ്ട് ടിആർ ഭാസ്കരൻ,എസ്എംസി ചെയർമാൻ ഇ രാഘവൻ,എസ്എംസി അംഗങ്ങളായ അബ്ബാസ് ബേഡകം,സുരേഷ് പയ്യങ്ങാനം,കരുണാകരൻ വിസ്മയ,രാമകൃഷ്ണൻ ജയപുരം,നാരായണൻ കാവുങ്കാൽ സംസാരിച്ചു.ഹെഡ്മാസ്റ്റർ കെ രാജൻ മാസ്റ്റർ സ്വാഗതവും ,സ്റ്റാഫ് സെക്രട്ടറി ബി വേണുഗോപാലൻ നന്ദിയും പറഞ്ഞു.SSLCഉന്നത വിജയികളുടെ വകയായി ലഡു വിതരണവും,പിടിഎ വകയായി പായസ വിതരണവും നടന്നു

പരിസ്ഥിതി ദിനം

പരിസ്ഥിതി ദിനത്തിൽ ശതാവരി കുന്നിൽ കുട്ടികളുടെ വക ജൈവവേലി

ഗവൺമെന്റ് ഹൈസ്കൂൾ മുന്നാടിൽ ജൂൺ

5പരിസ്ഥിതിദിനം ആഘോഷിച്ചു.ഹെഡ്മാസ്റ്റർ ശ്രീ കെ രാജൻ സ്കൂൾ വളപ്പിൽ ആൽമരം നട്ട് ഉദ്ഘാടനം ചെയ്തു.കുട്ടികൾ വീടുകളിൽ നിന്നും കൊണ്ട് വന്ന വിവിധ ഇനം ചെമ്പരത്തികൾ ഉപയോഗിച്ച് പുതുതായി നിർമ്മിച്ച മൈതാനത്തിന് ചുറ്റും കുട്ടികൾ ജൈവ വേലി നിർമ്മിച്ചു.ശതാവരിക്കുന്ന് എന്നറിയപ്പെടുന്ന സ്കൂൾ കാമ്പസിലെ ജൈവ വൈവിധ്യം സംരക്ഷിക്കുമെന്ന് കുട്ടികൾ പ്രതിജ്ഞയെടുത്തു.കാമ്പസ്  പ്ലാസ്റ്റിക് മുക്തമാക്കുന്ന പ്രവർത്തനം ഇക്കോ ക്ലബ്ബിന്റെ നേതൃത്ത്വത്തിൽ നടന്നു കഴിഞ്ഞു.ഇക്കോ ക്ലബ് കൺവീനർ ശ്രീ പത്മനാഭൻ മാസ്റ്റർ സ്വാഗതം പറഞ്ഞു.സെക്രട്ടറി കുമാരി വൈഗ കെ നന്ദി പറഞ്ഞു

പരിസ്ഥിതി ദിന അസംബ്ലി

പരിസ്ഥിതി ദിനത്തിൽ ഇക്കോ ക്ലബ്ബിന്റെ നേതൃത്വത്തിൽ പുതതുതായി നിർമ്മിച്ച കളിസ്ഥലത്തിന് ചുറ്റും ജൈവവേലി നിർമ്മാണത്തിന് തുടക്കമായി

മധുരവാണി

വായന പ്രോത്സാഹിപ്പിക്കുന്നതിന്റെ ഭാഗമായി സ്കൂളിൽ മധുരവാണി (റേഡിയോ)പ്ക്ഷേപണം ആരംഭിച്ചു.ദിന പത്രങ്ങളിലേയും സ്കൂളിലേയും വാർത്തകൾ കോർത്തിണക്കി ,ക്ലാസ്മുറികളിലേക്കുള്ള ശബ്ദസംവിധാനം ഉപയോഗിച്ച് ഇടവേളകളിൽ കുട്ടികൾ വാർത്ത വായിക്കും ശ്രീ ആനന്ദകൃഷ്ണൻ മാസ്റ്ററാണ് ഇതിന് നേതൃത്വം കൊടുക്കുന്നത്.

ബാലവേലവിരുദ്ധ ദിനം

ജൂൺ 12ന് ബാലവേല വിരുദ്ധ ദിനത്തിൽ കുട്ടികളുടെ അസംബ്ലി ചേർന്നു.ബാലവേല വിരുദ്ധ ദിനാചരണത്തിന്റെ അന്തസത്ത ഹെഡ്മാസ്റ്റർ കെ രാജൻ മാസ്റ്റർ കുട്ടികളോട് വ്യക്തമാക്കി.പോസ്റ്റർ പ്രദർശനവും നടന്നു

ലോക രക്തദാന ദിനം

ലോക രക്ത ദാന ദിനത്തോടനുബന്ധിച്ച് ജൂൺ 14 ന് സ്കൂളിൽ കുട്ടികളുടെ പോസ്റ്റർ രചനയും പ്രദർശനവും നടന്നു.

വായന മാസാചരണം

ജൂൺ 19 ന് സ്കൂളിലെ വായനാമാസാചരണത്തിന് തുടക്കമായി.ഹെഡ്മാസ്റ്റർ ശ്രീ കെ രാജൻ മാസ്റ്ററുടെ അധ്യക്ഷതയിൽ കവി ശ്രീ ബാലഗോപാലൻ കാഞ്ഞങ്ങാട് ഉദ്ഘടനം നിർവ്വഹിച്ചു.എസ്എംസി അംഗം സുരേഷ് പയ്യങ്ങാനം ആശംസകൾ നേർന്നു.വിദ്യാരംഗം കൺവീനർ ശ്രീ ആനന്ദകൃഷ്ണൻ മാസ്റ്റർ സ്വാഗതവും ശ്രീനന്ദ എം നന്ദിയും പറഞ്ഞു

വായനാമാസാചരണം കവി ശ്രീ ബാലഗോപാലൻ കാഞ്ഞങ്ങാട് ഉദ്ഘാടനം ചെയ്യുന്നു

ക്ലാസ്സ് പിടിഎ

ജൂൺ 3 ന് പ്രവേശനോത്സവത്തോടനുബന്ധിച്ച് എട്ടാം ക്ലാസ് പിടിഎ 10.30ന് യോഗം ചേർന്നു.രക്ഷിതാക്കൾക്കുള്ള ബോധവൽക്കരണ ക്ലാസ് വേണുഗോപാലൻ മാസ്റ്റർ നടത്തി.

ജൂൺ 20ന് 9,10 ക്ലാസുകളിലെ ക്ലാസ് പിടിഎ 2.30 ന് യോഗം ചേർന്നു.ഹെഡ്മാസ്റ്റർ ശ്രീ കെ രാജൻ മാസ്റ്റർ ഉദ്ഘാടനം ചെയ്തു.വേണുഗോപാലൻ മാസ്റ്റർ,രജനി ടീച്ചർ,ഷൈനി ടീച്ചർ,സുജ ടീച്ചർ സംസാരിച്ചു.സമ്പൂർണയിലെ തിരുത്തലുകൾ,അച്ചടക്കം,അക്കാദമിക കാര്യങ്ങൾ,പാഠ്യേതര പ്രവർത്തനങ്ങൾ ചർച്ച ചെയ്തു.സ്കൂളിലെ മുഴുവൻ കുട്ടികൾക്കും നീന്തൽ പരിശീലനം നൽകുന്ന പദ്ധതി ചർച്ച ചെയ്തു.ശാസ്ത്രീയ മായ നീന്തൽ പരിശീലനം സൗജന്യമായി ചെയ്തുകൊടുക്കാമെന്ന് നീ്ന്തൽ പരിശീലകൻ ശ്രി ശശി അത്തിയടുക്കം യോഗത്തിൽ എത്തി ഉറപ്പ് നൽകി.വൈകാതെ 50 പേരുടെ ബാച്ചുകളായി പരിശീലനം ആരംഭിക്കാൻ ധാരണയായി.കുറ്റിക്കോൽ പൊട്ടൻകുളത്തുള്ള കുളത്തിൽ ശനി ഞായർ ദിവസങ്ങളിൽ വൈകുന്നേരം 3മണി മുതലാണ് പരിശീലനം നടക്കുക.

ജൂൺ 24മുതൽ എസ്എസ് എൽസിക്ക് രാവിലെ 9.15മുതൽ ക്ലാസ് ആരംഭിക്കാൻ തീരുമാനിച്ചു.

ജൂലൈ 8 മുതൽ വൈകുന്നേരം 4.45 വരെ അധിക ക്ലാസും ആരംഭിച്ചു

അന്താരാഷ്ട്ര യോഗ ദിനം

ശ്രീ വേണുഗോപാലൻ ജയപുരത്തിന്റെ നേതൃത്വത്തിൽ കുട്ടികൾ യോഗ പ്രദർശനം നടത്തുന്നു

ഗവ.ഹൈസ്കൂൾ മുന്നാട്  ജൂൺ 21അന്താരാഷ്ട്ര യോഗം ദിനം ആചരിച്ചു.ഹെഡ്മാസ്റ്റർ ശ്രീ കെ രാജൻ മാസ്സർ ഉദ്ഘാടനം ചെയ്തു.ബി വേണുഗോപാലൻ മാസ്റ്റർ,കുമാരി ശ്രീനന്ദ എം,യദുദേവ് എഎം എന്നിവർ യോഗയുടെ പ്രാധാന്യത്തെക്കുറിച്ച് സംസാരിച്ചു.യോഗാചാര്യൻ ശ്രീ വേണുഗോപാലൻ ജയപുരം അദ്ദേഹത്തിന്റെ ശിക്ഷണത്തിൽ പരിശീലനം നേടിയ 10കുട്ടികളോടൊപ്പം എത്തി യോഗ പ്രദർശനം നടത്തുകയും.നിത്യജീവിതത്തിൽ യോഗയുടെ അനിവാര്യതയെക്കുറിച്ച് സംസാരിക്കുകയും ചെയ്തു.കുമാരി ശിവാനി ശിവൻ നന്ദി പറഞ്ഞു.

ലോക സംഗീത ദിനാഘോഷം

സംഗീത ദിനാഘോഷത്തിന്റെ ഭാഗമായി നടന്ന മ്യൂസിക് ഫ്യൂഷൻ

ജൂൺ 21 ലെ ലോക സംഗീത ദിനത്തോടനുബന്ധിച്ച് ജൂൺ 22 ന് ശനിയാഴ്ച സ്കൂളിൽ ഉപകരണ സംഗീക മേള നടന്നുഎ.വി.എസ്.ജി.വി.എച്ച്.എസ് കരിവെള്ളൂരിലെ മ്യൂസിക് ബാൻ്റാണ് സംഗീത വിരുന്നൊരുക്കിയത് വിവിധ സംഗീത ഉപകരണങ്ങളെ കുട്ടികൾക്ക് പരിചയപ്പെടുത്തി.

ലോക ലഹരി വിരുദ്ധ ദിനം

ജൂൺ 26 ലോക ലഹരി വിരുദ്ധ ദിനത്തിന്റെ ഭാഗമായി സ്കൂളിൽ പ്രത്യേക അസംബ്ലി ചേർന്നു.ലീഡർ വൈഗ കെ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു.ഹെഡ്മാസ്റ്റർ കെ രാജൻ മാസ്റ്റർ ലഹരി വിരുദ്ധ സന്ദേശം നൽകി.എക്സൈസ് പ്രിവന്റീവ് ഓഫീസർ ജയരാജ് ലഹരിവിരുദ്ധ ബോധവൽക്കരണ ക്ലാസ് എടുത്തു.എക്സൈസ് ജീവനക്കാരായ സജിത്ത് ,അഫ്സൽ,ഐശ്വര്യ എന്നിവർ സംബന്ധിച്ചു.സ്റ്റാഫ് സെക്രട്ടറി വേണുഗോപാലൻ ബി നന്ദി പറഞ്ഞു.തുടർന്ന് കുട്ടികൾ ഉണ്ടാക്കിയ പോസ്റ്ററുകളുടെ പ്രദർശനം നടന്നു.മധുരവാണി (സ്കൂൾ റേഡിയോ) വഴി ,ശ്രീനന്ദ രവി, അമൃത,ശ്രീനന്ദ എം എന്നിവർ ലഹരിവിരുദ്ധ പ്രഭാഷണം നടത്തി

ലഹരിവിരുദ്ധ ബോധവൽക്കരണം ശ്രീ.ജയരാജ് (എക്സൈസ് പ്രിവന്റീവ് ഓഫീസർ)

സുബ്രതോ കപ്പ് ഫുട്ബോൾ

കാസർഗോഡ് സബ് ജില്ലാതല സുബ്രതോകപ്പ് ഫുട്ബോൾ ടൂർണമെന്റിൽ കായിക അധ്യാപകരില്ലാഞ്ഞിട്ടും സ്കൂളിലെ കുട്ടികൾ സബ്ജൂനിയർ,ജൂനിയർ വിഭാഗങ്ങളിൽ മത്സരത്തിൽ പങ്കെടുത്തു.

സബ്ജൂനിയർ വിഭാഗം ടീം	ജൂനിയർ വീഭാഗം ടീം

ജൂലൈ 5 ബഷീർ ദിനം

ബഷീർ ദിന പ്രഭാഷണം ശ്രീ പ്രകാശൻ കരിവെള്ളൂർ

*ബഷീർ സ്വന്തം ഭാഷയെ കേരളത്തിന്റെ ഭാഷയാക്കി പരിവർത്തനം ചെയ്ത ഇതിഹാസം

-പ്രകാശൻ കരിവെള്ളൂർ*

വ്യക്തിഭാഷയെ കഥ പറച്ചിലിലൂടെ സമൂഹഭാഷയാക്കിയ ഇതിഹാസമാണ് വൈക്കം മുഹമ്മദ് ബഷീർ.ഭാഷയുടെ അതിർവരമ്പുകളെ ലംഘിച്ചുകൊണ്ട് പുതുമലയാണ്മതൻ മഹേശ്വരനായി വാഴാൻ അദ്ദേഹത്തിന് സാധിച്ചു.മുന്നാട് ഗവൺമെന്റ് ഹൈസ്കൂൾ 'ഗുത്തിനഹാലിട്ട ലിത്താപ്പോ ബഷീർ അനുസ്മരണം നടത്തുകയായിരുന്നു അദ്ദേഹം. ആകാശമിഠായിയുടെ കഥ ചൊല്ലിയും ഹുന്ത്രാപ്പി ബുസ്സാട്ടോയുടെ ചരിത്രം പറഞ്ഞും സഞ്ചിന ബാലിക്ക ലുട്ടാപി പാടിയും ബഷീറിന് വ്യത്യസ്തമായ സ്മരണാഞ്ജലി . ഗുത്തിന ഹാലിട്ട ലുത്താലോ എന്ന പേരിൽ ആണ് പരിപാടി സംഘടിപ്പിച്ചത് . അനുഭവങ്ങൾ കൊണ്ട് ജീവിതത്തെത്തന്നെ സാഹിത്യമാക്കി മാറ്റിയ ബഷീറിനെ ഒരു മണിക്കൂർ നേരം കൊണ്ട് പുനർജീവിപ്പിക്കുകയായിരുന്നു പ്രഭാഷണത്തിൽ പ്രകാശൻ കരിവെള്ളൂർ. ബഷീറിൻ്റെ ജീവിതവും രചനകളും ഏറെക്കുറേ പ്രഭാഷണത്തിൻ്റെ ഉള്ളടക്കമായി.പരിപാടിക്ക് ആമുഖമായി നയന വിവി അവതരിപ്പിച്ച പുസ്തക പ്രാർത്ഥനയും അനുബന്ധമായി അതുൽ ദേവ് എം അവതരിപ്പിച്ച ബാല്യകാലസഖി നോവൽ പരിചയവും ഹൃദ്യമായി പ്രധാനാധ്യാപകൻ കെ രാജൻ അധ്യക്ഷത വഹിച്ചു..ആനന്ദകൃഷ്ണൻ എടച്ചേരി സ്വാഗതവും ആവണി നന്ദിയും പറഞ്ഞു.

നീന്തൽ പരിശീലനം

നീന്തിക്കയറാം ജീവിതത്തിലേക്ക്*

നീന്തൽ പരിശീലനം ശ്രീ ഷാജി ജോസഫ് (STO,Fir Force)ഉദ്ഘാടനം ചെയ്യുന്നു	നീന്തൽ പരിശീലകൻ കെ ടി ശശിധരൻ സംസാരിക്കുന്നു.	നീന്തൽ പരിശീലിക്കുന്ന പൊട്ടൻ കുളം

എല്ലാവർക്കും സൗജന്യ നീന്തൽ പരിശീലനം . പുസ്തകജ്ഞാനത്തോടൊപ്പം ജീവിത പാഠവും ' മുന്നാട് ഗവ. ഹൈസ്കൂൾ തനത് പരിപാടി സംഘടിപ്പിച്ചു.ജൂലൈ 6ന് ശനിയാഴ്ച വൈകുന്നേരം 3.30ന് കുറ്റിക്കോൽ പൊട്ടൻ കുളത്ത് വെച്ച് കുറ്റിക്കോൽ ഫയർ ഫോഴ്സ് സ്റ്റേഷൻ ഓഫീസർ ശ്രീ ഷാജി ജോസഫ് ഉദ്ഘാടനം ചെയ്തു.

വർഷം ആയിരത്തിലധികം പേർ മുങ്ങിമരിക്കുന്ന പശ്ചാത്തലത്തിൽ വളരെ ജീവിതഗന്ധിയായ ഒരു പ്രവർത്തനമാണ് മുന്നാട് ഗവ. ഹൈസ്കൂൾ ഏറ്റെടുത്തിരിക്കുന്നതെന്ന് ഉദ്ഘാടകൻ പറഞ്ഞു. ദീർഘകാലമായ തൻ്റെ പരിശീലനകാലയളവിൽ ഒരു സ്കൂൾ അധ്യാപകർ ഇങ്ങനെയൊരു ദൗത്യം ഏറ്റെടുക്കുന്നത് ആദ്യമാണെന്ന് മുഖ്യപരിശീലകൻ ശ്രീ കെ ടി ശശിധരൻ അഭിപ്രായപ്പെട്ടു   പ്രധാനാധ്യാപകൻ കെ. രാജൻ സ്വാഗതം പറഞ്ഞു. രജനി ടീച്ചർ, വേണു ഗോപാലൻ മാസ്റ്റർ, ശ്രീജ ടീച്ചർ , അഖില ടീച്ചർ, കെ ഗോപാലകൃഷ്ണൻ എന്നിവർ പങ്കെടുത്തു. 

കവിയോടൊപ്പം  

കവിയോടൊപ്പം സദസ്സ്	പ്രശസ്ത കവി ശ്രീ ദിവാകരൻ വിഷ്ണുമംഗലം കുട്ടികളുമായി സംവദിക്കുന്നു	കവിയുടെ അഭിന്നം എന്ന കവിത മനോഹരമായി ചൊല്ലിയതിന് നയന വിവിക്ക് പുസ്തകം സമ്മാനിക്കുന്നു

"സാമാന്യമായ ജീവിതത്തിനുവേണ്ട പ്രാഥമിക പാഠം പറഞ്ഞു തരുന്നതിനപ്പുറം മറ്റു ചില പാഠം പറഞ്ഞു തരുന്നതാണ് സാഹിത്യ വായന" -പ്രശസ്ത കവി ശ്രീ ദിവാകരൻ വിഷ്ണുമംഗലം.

മുന്നാട് ഗവൺമെന്റ് ഹൈസ്കൂളിലെ വായനാ മാസാചരണത്തിന്റെ ഭാഗമായി ജൂലൈ 9 ന് കുട്ടികളോട് സംവദിക്കുകയായിരുന്നു കവി.

ലൈബ്രറികൾ മോർച്ചറികളാകാതിരിക്കാൻ നമ്മൾ അവിടെ നിത്യ സന്ദർശകരാകണമെന്നും, പുസ്തകങ്ങൾ നമ്മുടെ കൂട്ടുകരാകണമെന്നും അദ്ദേഹം അഭിപ്രായപ്പെട്ടു.

ശ്രീ ദിവാകരൻ വിഷ്ണുമംഗലത്തിന്റെ അഭിന്നം എന്ന കവിത മനോഹരമായി ആലപിച്ച നയന വിവിക്ക് അദ്ദേഹം തന്റെ പുസ്തകം സമ്മാനമായി നൽകി.

കവിത എഴുത്തിനെകുറിച്ച് കവി കുട്ടികളുമായി സംവദിച്ചു.

സീനിയർ അസിസ്റ്റന്റ് ശ്രീമതി രജനി പിവി അധ്യക്ഷത വഹിച്ച യോഗത്തിൽ ശ്രീ ആനന്ദകൃഷ്ണൻ എടച്ചേരി സ്വാഗതവും അമൃത കെ നന്ദിയും പറഞ്ഞു.

*ആടുകളെ കൈമാറി*

ആട് കൈമാറ്റം ശ്രീ സുരേഷ് പയ്യങ്ങാനം,(എസ്എംസി അംഗം)	ആട് കൈമാറ്റം ശ്രീ രാജൻ കെ,ഹെഡ്മാസ്റ്റ‌‍ർ

മുന്നാട് ഗവൺമെന്റ് ഹൈസ്കൂളിലെ ആടു വിതരണ പദ്ധതിയുടെ ഭാഗമായി രണ്ട് ആടുകളെ ഇന്ന് കൈമാറി.അഭിനവ് രവി, സഞ്ജയ് കൃഷ്ണൻ എന്നീ കുട്ടികൾക്ക് കഴിഞ്ഞ വർഷം സ്കൂളിൽ നിന്നും കൊടുത്ത ആടുകളുടെ ഓരോ കുട്ടികളെ ഇന്ന് സ്കൂളിൽ ഏൽപ്പിക്കുകയായിരുന്നു.ഇവയെ അനഘ, നിവേദ്യ എന്നീ കുട്ടികൾക്ക് കൈമാറി.ഹെഡ് മാസ്റ്റർ ശ്രീ രാജൻ കെ, അധ്യാപകരായ വേണുഗോപാലൻ,രജനി പിവി,ഷൈനി വിവി, പത്മനാഭൻ വി,ആതിര,എസ് എംസി അംഗം സുരേഷ് പയ്യങ്ങാനം, എംപിടിഎ പ്രസിഡന്റ് ശ്രീജ സിവി തുടങ്ങിയവർ സംബന്ധിച്ചു.

സ്കൂൾ വിക്കി ക്ലബ്ബ് രൂപീകരിച്ചു

മുന്നാട് ഗവൺമെന്റ് ഹൈസ്കൂളിൽ ജൂലൈ 9 ന് സ്കൂൾ വിക്കി ക്ലബ്ബ് രൂപീകരിച്ചു.സ്കൂളിൽ നടക്കുന്ന മുഴുവൻ പരിപാടികളും സ്കൂൾ വിക്കിയിൽ പ്രസിദ്ധികരിക്കാൻ മുഴുവൻ ക്ലബ്ബ് അംഗങ്ങളും സജീവമായി രംഗത്തുണ്ടാകുവാൻ തീരുമാനിച്ചു.സ്കൂൾ വിക്കിയിലെ പ്രവർത്തനങ്ങൾ സംബന്ധിച്ച് ക്ലബ്ബ് അംഗങ്ങൾക്ക് പരിശീലനം സംഘടിപ്പിക്കാൻ തീരുമാനിച്ചു.എസ്ഐടിസി രജനി ടീച്ചർ അധ്യക്ഷത വഹിച്ചു.ഹെഡ്മാസ്റ്റർ ശ്രീ രാജൻ കെ ഉദ്ഘാടനം ചെയ്തു.ലിറ്റിൽ കൈറ്റ് മാസ്റ്റർ വേണുഗോപാലൻ വിക്കിയിലെ പ്രവർത്തനങ്ങളും സാധ്യതകളും വിശദീകരിച്ചു.ശ്രീ പത്മനാഭൻ വി സംബന്ധിച്ചു.

സ്കൂൾ വിക്കി ക്ലബ്ബ് രൂപീകരണയോഗം

കാർട്ടൂൺ, പുസ്തകപ്രദർശനം സംഘടിപ്പിച്ചു

വായനാ മാസാചരണത്തിന്റെ ഭാഗമായി ജൂലൈ 11 ന്, മുന്നാട് ഗവൺമെന്റ് ഹൈസ്കൂൾ വിദ്യാരംഗം കലാസാഹിത്യ വേദി കാർട്ടൂൺ, പുസ്തക പ്രദർശനം സംഘടിപ്പിച്ചു.പ്രശസ്ത കവിയും   കാർട്ടൂണിസ്റ്റുമായ ശ്രീ സന്തോഷ് ഒഴിഞ്ഞവളപ്പ് ഉദ്ഘാടനം ചെയ്തു.കുട്ടികൾക്ക് മുന്നിൽ കാർട്ടൂൺ വരയ്ക്കുകയും ചെയ്തു.ഹെഡ്മാസ്റ്റർ രാജൻ കെ അധ്യക്ഷത വഹിച്ചു.ശ്രീ ആനന്ദകൃഷ്ണൻ എടച്ചേരി സ്വാഗതവും ദൃശ്യ നന്ദിയും പറഞ്ഞു.പരിപാടിയോടനുബന്ധിച്ച് ഏറ്റവും പുതിയതും വായനക്കാർ ഏറെ ഇഷ്ടപ്പെടുന്നതുമായ പുസ്തകങ്ങൾ കുട്ടികൾക്ക് വാങ്ങാനുള്ള സൗകര്യവും ഏർപ്പെടുത്തിയിരുന്നു.

വായനാമാസാചരണത്തിൽ ശ്രീ സന്തോഷ് ഒഴിഞ്ഞവളപ്പ് സംസാരിക്കുന്നു

പുസ്തക പ്രദർശനത്തിൽ നിന്നും

കുട്ടികൾ കാർട്ടൂൺ പ്രദർശനം നോക്കികാണുന്നു

ലോക ജനസംഖ്യാദിനം

ലോക ജനസംഖ്യാ ദിനത്തോടനുബന്ധിച്ച് സോഷ്യൽ സയൻസ് ക്ലബ്ബിന്റെ നേതൃത്വത്തിൽ കുട്ടികളുടെ പോസ്റ്റർ പ്രദർശനം സംഘടിപ്പിച്ചു

സംഗീത ഉപകരണ ക്വിസ്

ജൂലൈ 12 ന് സംഗീത ഉപകരണങ്ങൾ വിഷയത്തിൽ കുട്ടികൾക്ക് ക്വിസ് മത്സരം നടത്തി.ശ്രീ പത്മനാഭൻ മാസ്റ്റർ ക്വിസ് നയിച്ചു.അമൃത കെ ഒന്നാം സ്ഥാനവും,യദുദേവ് എഎം രണ്ടാം സ്ഥനവും നേടി.

ഒന്നാംസ്ഥാനം അമൃത കെ	രണ്ടാംസ്ഥാനം യദുദേവ് എഎം	ശ്രീ പത്മനാഭൻ മാസ്റ്റർ ക്വിസ് നയിക്കുന്നു

ശാസ്ത്ര ക്ലബ്ബ് രൂപീകരിച്ചു

ജൂലൈ 18 ന് ശാസ്ത്ര ക്ലബ്ബ് രൂപകരിച്ചു.

പിടിഎ എക്സിക്യൂട്ടിവ്

ജൂലൈ 18 ന് പിടിഎ എക്സിക്യൂട്ടിവ് യോഗം പ്രസിഡണ്ട് അഡ്വ പി രാഘവന്റെ അധ്യക്ഷതയിൽ ചേർന്നു

പിടിഎ

സംഘാടക സമിതി രൂപീകരിച്ചു

സ്കൂളിന് വേണ്ടി പുലിക്കോട് മാവില ചിണ്ടൻ നമ്പ്യാരുടെയും കമ്മട്ട പാർവ്വതിഅമ്മയുടെയും സ്മരണയ്ക്കായി മക്കൾ നിടമ്മിച്ചു നൽകിയ പ്രവേശ കവാടം ഉദ്ഘാടനത്തിനുള്ള സംഘാടക സമിതി രൂപീകരണം ജൂലൈ 19 ന് ബേഡഡുക്ക ഗ്രാമപഞ്ചായത്ത് പ്രസിഡണ്ട് ശ്രീമതി എം ധന്യ ഉദ്ഘാടനം ചെയ്തു.

ബേഡഡുക്ക ഗ്രാമ പഞ്ചായത്ത് വൈസ് പ്രസിഡണ്ട് എ മാധവൻ അധ്യക്ഷത വഹിച്ചു. .കാറഡുക്ക ബ്ലോക്ക് പഞ്ചായത്തംഗം സാവിത്രി ബാലൻ, ഗ്രാമ പഞ്ചായത്ത് സ്ഥിരം സമിതി ചെയർപേഴ്സൺ ലതാ ഗോപി, ഗ്രാമപഞ്ചായത്തംഗം പി. ശ്രുതി, സ്കൂൾ സ്റ്റാഫ് കൗൺസിൽ സെക്രട്ടറി ബി.വേണുഗോപാലൻ, മുൻ പി.ടി.എ പ്രസിഡണ്ടുമാരായ വേണുഗോപാൽ കക്കോട്ടമ്മ, വി.സി. മധുസൂദനൻ മുൻ വൈസ് പ്രസിഡണ്ട് അബ്ബാസ് ബേഡകം , കാറഡുക്ക ബ്ലോക്ക് പഞ്ചയത്ത് മുൻ പ്രസിഡണ്ട് ഓമനാ രാമചന്ദ്രൻ, മുൻ വൈസ് പ്രസിഡണ്ട് എം. മിനി എം. കുഞ്ഞമ്പു കളക്കര പി.ടി.എ വൈസ് പ്രസിഡണ്ട് ടി. ആർ. ഭാസ്ക്കരൻ ,മുന്നാട് എ.യു .പി സ്കൂൾ പി.ടി.എ പ്രസിഡണ്ട് ജയപുരം നാരായണൻഎന്നിവർ സംസാരിച്ചു

പി.ടി.എ പ്രസിഡണ്ട് അഡ്വ. പി. രാഘവൻ സ്വാഗതവും സ്കൂൾ സീനിയർ അസിസ്റ്റൻ്റ് പി.വി. രജനി നന്ദിയും പറഞ്ഞു.

ഭാരവാഹികൾ എം. ധന്യ (ചെയർപേഴ്സൺ)

എ മാധവൻ, ഇ കുഞ്ഞികൃഷ്ണൻ നായർ ഇ.രാഘവൻ (വൈചെയർ)

കെ. രാജൻ (ജന കൺ)

ടി.ആർ. ഭാസ്ക്കരൻ

അബ്ബാസ് ബേഡകം

ബി. വേണുഗോപാലൻ (ജോ.സെക്ര)

ശാസ്ത്ര ക്ലബ്ബ് ഉദ്ഘാടനം

ജൂലൈ 22 ന് രാവിലെ അസംബ്ലി കൂടി കുട്ടികൾ തയ്യാറാക്കി വന്ന പോസ്റ്ററുകൾ പ്രദർശിപ്പിച്ചു.സീനിയർ അസിസ്റ്റന്റ് രജനി ടീച്ചർ,കുട്ടികളായ ശ്രീനന്ദ എം,ദൃശ്യ ടി ശാസ്ത്ര വിഷയത്തിൽ സംസാരിച്ചു.വൈകുന്നേരം 4 മണിക്ക് ശാസ്ത്ര ക്ലബ്ബ് ഉദ്ഘാടനത്തിന്റെ ഭാഗമായി ബഹിരാകാശക്കുതിപ്പ് എന്ന പേരിൽ ജോതിശാസ്ത്ര പഠന ക്ലാസ് സംഘടിപ്പിച്ചു.സീനിയർ അസിസ്റ്റന്റ് ശ്രീമതി രജനി പിവി അധ്യക്ഷത വഹിച്ചു.ശ്രീ കെ ടി എൻ ഭാസ്കരൻ മാസ്റ്റർ(റിട്ട.പ്രിൻസിപ്പൽ) ക്ലബ്ബ് ഉദ്ഘാടനം ചെയ്തു തുടർന്ന് പഠന ക്ലാസ്സും നടത്തി.ശ്രീ പത്മനാഭൻ വി സ്വാഗതവും ശ്രീനന്ദ എം  നന്ദിയും പറഞ്ഞു.

ശ്രീ കെടിഎൻ ഭാസ്കരൻ മാസ്റ്റർ ശാസ്തക്ലബ്ബ് ഉദ്ഘാടനം ചെയ്യുന്നു.

ബഹിരാകാശ പഠനക്ലാസിനെത്തിയ കുട്ടികൾ

പോസ്റ്റർ പ്രദർശനം

ദൃശ്യ ടി നിർമ്മിച്ച മാതൃക

ലിറ്റിൽ കൈറ്റ്സ് പ്രിലിമിനറി ക്യാമ്പ്

ജൂലൈ 24 ന് LK 2024-27 ബാച്ചിന്റെ പ്രിലിമിനറി ക്യാമ്പ് സ്കൂളിൽ വെച്ച് നടന്നു.സ്കൂളിലെ ഹിന്ദി അധ്യാപകനും കവിയുമായ ശ്രീ ആനന്ദകൃഷ്ണൻ എടച്ചേരി ഉദ്ഘാടനം ചെയ്തു.കാസറഗോഡ് കൈറ്റിലെ മാസ്റ്റർ ട്രെയിനർ ഖാദർ സർ ക്ലാസുകൾ കൈകാര്യം ചെയ്തു.face sensing വഴി കുട്ടികളെ ഗ്രൂപ്പ് തിരിച്ചു .LK അംഗങ്ങളായതുവഴി വന്ന ഉത്തര വാദിത്വങ്ങളും സമയ ബന്ധിതമായി പൂർത്തിയാക്കേണ്ട പ്രവർത്തനങ്ങളെയും കുറിച്ച് കൈറ്റ് മാസ്റ്റർ വേണുഗോപാലൻ വിശദീകരിച്ചു.സാങ്കേതിക വിദ്യയുടെ സ്വാധീനവും സൗകര്യവും കൂട്ടികൾ തിറിച്ചറിഞ്ഞു.ക്വിസ് മത്സരത്തിലൂടെ ലിറ്റിൽ കൈറ്റ്സിന്റെ വളർച്ചയും തുടർച്ചയും അറിയാമെന്ന് ഉറപ്പ് വരുത്തി.സ്ക്രാച്ച് game വഴി പ്രോഗ്രാമിങ്ങ് ബാലപാഠം സ്വായത്തമാക്കി.ഓപ്പൺ ടൂൺസ് വഴി train ചലനം പൂർത്തിയാക്കിയപ്പോൾ ആനിമേഷൻ തങ്ങൾക്കും വഴങ്ങുമെന്ന് കുട്ടികൾ തിരിച്ചറിഞ്ഞു.തീറ്റ കൊത്തുന്ന കോഴിയിലൂടെ റോബോട്ടിക് സാങ്കേതിക വിദ്യയുടെ ബാല പാഠം കുട്ടികളറിഞ്ഞു.കുട്ടികളുടെ ഫീഡ്ബാക്ക് പറയാനായി ജീവനയും,ആദിതേജും എത്തി.തുടർന്ന് രക്ഷിതാക്കൾക്കുള്ള ബോധവൽക്കരണ ക്ലാസും നടന്നു.രക്ഷിതാക്കളുടെ ഫീഡ്ബാക്ക് വളരെ അർത്ഥവത്തായിരുന്നു.കൈറ്റ് മാസ്റ്റർ വേണുഗോപാലൻ സ്വാഗതവും മിസ്ട്രസ് രജനി പിവി നന്ദിയും പറഞ്ഞു.

മാസ്റ്റർ ട്രെയിനർ ഖാദർ സർ ക്ലാസുകൾ എടുക്കുന്നു	കുട്ടികൾ പ്രവർത്തനത്തിൽ
കുട്ടികൾ പ്രവർത്തനത്തിൽ	രക്ഷിതാക്കൾ്ക്കുള്ള ക്ലാസ്
കുട്ടികളുടെ ഫീഡ് ബാക്ക്	കുട്ടികളുടെ ഫീഡ് ബാക്ക്
രക്ഷിതാക്കൾക്കുളുടെ ഫീഡ്ബാക്ക്	രക്ഷിതാക്കളുടെ ഫീഡ്ബാക്ക്

ഉന്നത വിദ്യാഭ്യാസ മന്ത്രി ശ്രീമതി ആർ ബിന്ദു സ്കൂളിൽ

മുന്നാട് ഗവ. ഹൈസ്കൂൾ പ്രവേശ കവാടം ജൂലൈ 25 ന് ഉന്നത വിദ്യാഭ്യാസ മന്ത്രി ഡോ. ആർ. ബിന്ദു ഉദ്ഘാടനം ചെയ്യ്തു

പുലിക്കോട് മാവില ചിണ്ടൻ നമ്പ്യാരുടെയും കമ്മട്ട പാർവ്വതിയമ്മയുടെയും സ്മരണക്കായി കുടുംബാംഗങ്ങളാണ് പ്രവേശ കവാടം നിർമ്മിച്ചു നൽകിയത്

______________________

ആർ.എം.എസ്.എ പദ്ധതിയിലുൾപ്പെടുത്തി ആരംഭിച്ച മുന്നാട് ഗവ. ഹൈസ്കൂളിന് വേണ്ടി നിർമ്മിച്ച പ്രവേശ കവാടം ജൂലൈ 25 ന് (വ്യാഴം) രാവിലെ 9 മണിക്ക് കേരള ഉന്നത വിദ്യാഭ്യാസ വകുപ്പ് മന്ത്രി ഡോ. ആർ. ബിന്ദു ഉദ്ഘാടനം ചെയ്യ്തു. അഡ്വ. സി.എച്ച്. കുഞ്ഞമ്പു എം.എൽ എ അധ്യക്ഷത വഹിച്ചു. പ്രവേശന കവാം നിർമ്മിച്ചു നൽകിയ കുടുംബത്തെ മന്ത്രി ഉപഹാരം നൽകി അനുമോദിച്ചു.ശില്പി ജയറാമിനെ പൊന്നാട അണിയിച്ച് ആദരിച്ചു.മന്ത്രി സ്കൂൾ വളപ്പിൽ വൃക്ഷത്തൈ നട്ടു. ജില്ലാ പഞ്ചായത്ത് വൈസ് പ്രസിഡണ്ട് ഷാനവാസ് പാദൂർ ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്സൺ അഡ്വ എസ്.എൻ. സരിത എന്നിവർ മുഖ്യാതിഥികളായിരുന്നു. ബേഡഡുക്ക പഞ്ചായത്ത് വൈസ് പ്രസിഡണ്ട് എ മാധവൻ, പഞ്ചായത്ത് വികസന കാര്യ സ്ഥിതസമിതി ചെയർപേഴ്സൺ ലതാ ഗോപി, കാറഡുക്ക ബ്ലോക്ക് പഞ്ചായത്തംഗം സാവിത്രി ബാലൻ ബേഡഡുക്ക ഗ്രാമ പഞ്ചായത്തംഗം പി. ശ്രുതി, കാസർകോട് വിദ്യാഭ്യാസ ജില്ലാ ഓഫീസർ വി.ദിനേശ, രാഷ്ട്രീയ പാർട്ടി പ്രതിനിധികളായ എം. അനന്തൻ (സി.പി.എം), ഇ കുഞ്ഞികൃഷ്ണൻ നായർ (ഇന്ത്യൻ നാഷണൽ കോൺഗ്രസ് )ദിലീപ് പള്ളഞ്ചി (ബി.ജെ.പി) ,

എസ് എം.സി ചെയർമാൻ ഇ രാഘവൻ , സ്കൂൾ പി.ടി.എ പ്രസിഡണ്ട് അഡ്വ. പി. രാഘവൻ, സ്റ്റാഫ് കൗൺസിൽ സെക്രട്ടറി ബി.വേണുഗോപാലൻ വിസ്മയകരുണാകരൻ എന്നിവർ ആശംസകൾ അറിയിച്ച് സംസാരിച്ചു. ബേഡഡുക്ക പഞ്ചായത്ത് പ്രസിഡണ്ടും സംഘാടക സമിതി ചെയർപേഴ്സണുമായ എം ധന്യ സ്വാഗതവും ജനറൽ കൺവീനറും സ്കൂൾ പ്രധാനാധ്യാപകനുമായ കെ.രാജൻ നന്ദിയും പറഞ്ഞു.

മുന്നാട് പുലിക്കോട്ടെ മാവില ചിണ്ടൻ നമ്പ്യാരുടെയും കമ്മട്ട പാർവ്വതിയമ്മയുടെയും സ്മരണക്കായി അവരുടെ കുടുംബാംഗങ്ങളാണ് സ്കൂൾ പ്രവേശ കവാടം നിർമ്മിച്ചത്.

അമ്മയുടെ മരണാനന്തര ചടങ്ങുകൾ ഒഴിവാക്കി അതിൻ്റെ തുകയാണ് പ്രവേശ കവാടത്തിൻ്റെ നിർമ്മാണത്തിനായി നീക്കിവെച്ചത്. 2020 ൽ അന്നത്തെ എം.എൽ എകെ. കുഞ്ഞിരാമൻ യും അന്നത്തെ പി.ടി.എ പ്രസിഡണ് വേണ്ടു ഗോപാൽ കക്കോട്ടമ്മയും ചേർന്നാണ് കുടുംബാംഗങ്ങളിൽ നിന്ന് പ്രവേശകവാടം നിർമ്മിക്കുന്ന വിവരം കൈപറ്റിയത്.

മന്ത്രിയെ കാത്ത് വൻ ജനാവലി

മന്ത്രി എത്തുന്നു

പ്രവേശന കവാടം ഉന്നത വിദ്യാഭ്യാസ മന്ത്രി ശ്രീമതി ആർ ബിന്ദു ഉദ്ഘാടനം ചെയ്യുന്നു

ഉദ്ഘാടന പ്രഭാഷണം ഉന്നത വിദ്യാഭ്യാസ മന്ത്രി ആർ ബിന്ദു

പ്രവേശന കവാടം നിർമ്മിച്ചു നൽകിയ കുടുംബത്തിനുള്ള പിടിഎ വക ഉപഹാര വിതരണം മന്ത്രി നിർവ്വഹിക്കുന്നു

ഉന്നത വിദ്യാഭ്യാസ മന്ത്രി ആർ ബിന്ദു സ്കൂൾ വളപ്പിൽ വൃക്ഷതൈ നട്ടു

ഡിഇഒ സന്ദർശനം

ജൂലൈ 25 ന് കാസറഗോഡ് ഡിഇഒ ദിനേശ വി സ്കൂൾ സന്ദർശിച്ചു.എസ്എസ്എൽസി കുട്ടികളുമായി സംവദിച്ചു.സ്കൂൾ വളപ്പിൽ ഞാവൽ നട്ടു

ഡിഇഒ ശ്രീ ദിനേശ വി എസ്എസ്എൽസി കുട്ടികളുമായി ക്ലാസിൽ സംവദിക്കുന്നു

ഡിഇഒ ശ്രീ ദിനേശ വി സ്കൂൾ വളപ്പിൽ ഞാവൽ നടുന്നു.മുൻ ഹെഡ്മാസ്റ്റർ ശ്രീ സുരേന്ദ്രൻ സർ സമീപം

50 മത്തെ കുട്ടിക്ക് ആട് വിതരണം

ജൂലൈ 26 ന് സ്കൂളിലെ ആട് വിതരണ പദ്ധതിയിൽ 50മത്തെ കുട്ടിക്ക് ആട്ടിൻകുട്ടിയെ കൈമാറി.തേജസ് കെ യാദവ് തിരിച്ചേൽപ്പിച്ച ആട്ടിൻ കുട്ടിയെ അമൽ മാധവിന് ഹെഡ്മാസ്റ്റർ ശ്രീ രാജൻ കെ കൈമാറി.

ഹെഡ്മാസ്റ്റർ ശ്രീ രാജൻ കെ ആടിൻ കുട്ടിയെ അമൽ മാധവിന് കൈമാറുന്നു

SRG യോഗം

ആഗസ്റ്റ് മാസത്തെ പ്രവർത്തനങ്ങൾ ആസൂത്രണം ചെയ്യാൻ എസ്ആർജി യോഗം ചേർന്നു.

SRG

ഒളിമ്പിക്സ് ദീപശിഖ

ജൂലൈ 27 ന് പാരീസിൽ ഒളിമ്പിക്സ് ആരംഭിച്ചതോനുബന്ധിച്ച് സ്കൂളിൽ ദീപശിഖ തെളിച്ചു.എംപിടിഎ പ്രസിഡണ്ട് ശ്രീമതി ശ്രീജ സിവി തിരി തെളിച്ച ദീപശിഖ ഷോട്ട്പുട്ട് താരം ആതിര എംസി ക്ക് കൈമാറി.തുടർന്ന് മറ്റ് കായികരാരങ്ങളോടൊപ്പം ഗൗണ്ടിൽ അസംബ്ലി കൂടിയതിനു മുന്നിലായി സ്ഥാപിച്ചു.ഹെഡ്മാസ്റ്റ ശ്രീ കെ രാജൻ സന്ദേശം നൽകി.സ്കൂൾ ലീഡർ വൈഗ കെ പ്രതിജ്ഞ ചൊല്ലികൊടുത്തു.

ഒളിമ്പിക്സിനോടനുബന്ധിച്ച് നടന്ന പ്രത്യേക അസംബ്ലിയിൽ കുട്ടികൾ പ്രതിജ്ഞ എടുക്കുന്നു

പ്രതിമാസ ഗണിത ക്വിസ് ജൂലൈ

ഗണിത ക്ലബ്ബിന്റെ നേതൃത്വത്തിലുള്ള പ്തിമാസ ഗണിത ക്വിസ് ജൂലൈ മാസത്തിലേത് ജൂലൈ 27 ന് നടന്നു.നിരഞ്ജന (8B) ഒന്നാമതെത്തി.ശ്വേത ശരത്(10B),യദുദേവ് എഎം(9B) എന്നിവർ രണ്ടാംസ്ഥാനം നേടി.

ഒന്നാം സ്ഥാനം- നിരഞ്ജന	രണ്ടാം സ്ഥാനം- ശ്വേത ശരത്	രണ്ടാംസ്ഥാനം -യദുദേവ് എഎം

ലോക പ്രകൃതി സംരക്ഷണ ദിനം

ഇക്കോ ക്ലബ്ബിന്റെ നേതൃത്വത്തിൽ ജൂലൈ 28 ലോക പ്രകൃതി സംരക്ഷണ ദിനത്തിന്റെ ഭാഗമായി ജൂലൈ 29 ന് പ്രകൃതി നടത്തവും പ്രതിജ്ഞയും എടുത്തു.സ്കൂൾ വളപ്പിലൂടെയുള്ള യാത്രയിൽ ഒട്ടേറെ ചെടികളെ പരിചയപ്പെടാൻ കുട്ടികൾക്ക് സാധിച്ചു. ഇതിനിടെ സ്കൂൾ വളപ്പിൽ ഒരുഭാഗത്ത് നിരവധി ചെടികൾ നശിപ്പിക്കപ്പെട്ടത് ശ്രദ്ധയിൽപ്പെട്ടു,ഇവയ്ക്ക് കുട്ടികൾ വലയം തീർത്ത് സംരക്ഷണ പ്രതിജ്ഞയെടുത്തു.ഇക്കോ ക്ലബ്ബ് കൺവീനർ പത്മനാഭൻ മാഷ് നേതൃത്വം നൽകി

വാർഷിക ജനറൽബോഡി

മുന്നാട് ഗവൺമെന്റ് ഹൈസ്കൂൾ വാർഷിക ജനറൽ ബോഡി യോഗം ജൂലൈ 29ന് തിങ്കളാഴ്ച ഉച്ചയ്ക്ക് രണ്ടിന് ബേഡഡുക്ക ഗ്രാമപഞ്ചായത്ത് വൈസ് പ്രസിഡന്റ് ശ്രീ എ മാധവൻ ഉദ്ഘാടനം ചെയ്തു.പിടിഎ പ്രസിഡന്റ് അഡ്വ പി രാഘവൻ അധ്യക്ഷനായി.ഹെഡ്മാസ്റ്റർ ശ്രീ രാജൻ കെ റിപ്പോർട്ട് അവതരിപ്പിച്ചു.സ്റ്റാഫ് സെക്രട്ടറി വേണുഗോപാലൻ ബി വരവ് ചെലവു കണക്കുകൾ അവതരിപ്പിച്ചു.എസ്എംസി ചെയർമാൻ ഇ രാഘവൻ, രാമകൃഷ്ണൻ ജയപുരം തുടങ്ങിവർ സംസാരിച്ചു.പുതിയ വർഷത്തേക്കുള്ള പിടിഎ,എംപിടിഎ, എസ് എം സി കമ്മിറ്റി യെ യോഗം തെരഞ്ഞെടുത്തു.മദർ പിടി

എ പ്രസിഡന്റ് ശ്രീജ സിവി നന്ദി പറഞ്ഞു.

ഭാരവാഹികൾ:

പിടിഎ

രാമകൃഷ്ണൻ ജയപുരം (പ്രസിഡന്റ്)

രവീന്ദ്രൻ ആലിനടുക്കം (വൈസ് പ്രസിഡന്റ്)

എംപിടിഎ

ജ്യോതി എ ഇട്ടക്കാട് (പ്രസിഡന്റ്)

എസ് എം സി

ഇ രാഘവൻ (ചെയർമാൻ)

വാർഷിക ജനറൽബോഡിയോഗം ബേഡഡുക്ക ഗ്രാമപഞ്ചായത്ത് വൈസ് പ്രസിഡണ്ട് ശ്രീ എ മാധവൻ ഉദ്ഘാടനം ചെയ്യുന്നു

പുതിയ ക്ലാർക്ക്

ആഗസ്റ്റ് 31ന് പുതിയ ക്ലാർക്ക് ശരത്ത് സ്കൂളിൽ ജോലിയിൽ പ്രവേശിച്ചു.GHS കൊളത്തുരിൽ നിന്നും സ്ഥലമാറ്റം വഴി വന്നതാണ്

ക്ലാർക്ക് ശരത്ത് ചുമതല എടുക്കുന്നു

ഫ്രീഡം ക്വിസ്

ഫ്രീഡം ക്വിസ് സ്കൂൾതലം ആഗസ്റ്റ് 5 ന് തിങ്കളാഴ്ച നടന്നു.

ഒന്നാംസ്ഥാനം - ലയ കെ

രണ്ടാംസ്ഥാനം - മയൂഖ കെവി

മൂന്നാംസ്ഥാനം - യദുദേവ് എഎം

ലയ കെ	മയൂഘ കെവി	യദുദേവ് എഎം

ഹിരോഷിമ ദിനം

ആഗസ്റ്റ് 6 ന് ഹിരോഷിമ ദിനം ആചരിച്ചു.പ്രത്യേക അസംബ്ലിയിൽ ഈ ദിനത്തിന്റെ പ്രാധാന്യത്തെക്കുറിച്ച് ഹെഡ്മാസ്റ്റർ ശ്രീ രാജൻ കെ സംസാരിച്ചു.കുട്ടികളായ ശ്രീനന്ദ എം,യദുദേവ് എഎം എന്നിവരും സംസാരിക്കുകയുണ്ടായി.സ്കൂൾ ലീഡർ വൈഗ കെ യുദ്ധ വിരുദ്ധ പ്രതിജ്ഞ ചൊല്ലിക്കൊടുത്തു.തുടർന്ന് സോഷ്യൽ സയൻസ് ക്ലബ്ബ് വക തയ്യാറാക്കിയ സഡാക്കോ കൊക്കുകളെ തൂക്കിയ മരത്തിനു ചുവട്ടിൽ കുട്ടികൾ കൊണ്ട് വന്ന മെഴുകുതിരി കത്തിച്ചു വെച്ചു.ശ്രീമതി സുജ ടീച്ചർ ഇതിനു നേതൃത്വം നൽകി.

ദീപം തെളിക്കുന്നു

സ്വദേശി ക്വിസ്

സ്കൂൾ തല സ്വദേശി ക്വിസ് ആഗസ്റ്റ് 6 ന് നടന്നു.

ഒന്നാംസ്ഥാനം - മയൂഖ കെ വി

രണ്ടാംസ്ഥാനം- യദുദേവ് എഎം

മൂന്നാംസ്ഥാനം-ആവണി എം

മയൂഘ കെവി	യദുദേവ് എഎം	ആവണി എം

ചാന്ദ്ര ദിന ക്വിസ്

ശാസ്ത്ര ക്ലബ്ബിന്റെ നേതൃത്വത്തിൽ ആഗസ്റ്റ് 7ന് ചാന്ദ്ര ദിന ക്വിസ് നടത്തി.മയൂഖ കെവി,യദുദേവ് എഎം എന്നിവർ ഒന്നാം സ്ഥാനം പങ്കിട്ടു.ലയ കെ രണ്ടാംസ്ഥാനം നേടി

ചാന്ദ്ര ദിന ക്വിസ് 2024

മയൂഖ കെവി	യദുദേവ് എഎം	ലയ കെ

രാമായണപ്രശ്നോത്തരി

ശ്രീ രാജൻ സർ ക്വിസ് നയിക്കുന്നു

ആഗസ്റ്റ് 12 ന് രാമായണ പ്രശ്നോത്തരി നടന്നു.ഹെ‍ഡ്മാസ്റ്റർ രാജൻ സർ അവതരിപ്പിച്ച പ്രശ്നോത്തരി ഏവർക്കും രാമായണത്തെക്കുറിച്ച് മികച്ച അറിവ് പകരുന്ന വിധത്തിലായിരുന്നു.

വിജയികൾ

ശ്രീനന്ദ രവി ടി	ആവണി എം

ഒന്നാംസ്ഥാനം - ശ്രീനന്ദ രവി

രണ്ടാംസ്ഥാനം -ആവണി എം

മൂന്നാംസ്ഥാനം - ജിഷ്ണുപ്രസാദ്

വൈഗ കെ

അക്ഷരമുറ്റം ക്വിസ്

ദേശാഭിമാനി അക്ഷരമുറ്റം ക്വിസ് സ്കൂൾ തലം ആഗസ്റ്ര് 14ന് ബുധനാഴ്ച നടന്നു.ഹെഡ്മാസ്റ്റർ രാജൻ സർ,രജനി ടീച്ചർ നേതൃത്വം നകി.യദുദേവ് എഎം ഒന്നാം സ്ഥാനവും,മയൂഖ കെവി രണ്ടാം സ്ഥാനവും നേടി

സബ് ജില്ലാ കരാട്ടെ മികച്ച വിജയം

ആഗസ്റ്റ് 14ന് മുഗു വിൽ വെച്ച് നടന്ന കാസറഗോട് സബ്ജില്ലാ കരാട്ടെ മത്സരത്തിൽ സികൂളിന് മികച്ച വിജയം നേടാനായി.സീനിയർ വിഭാഗം ആൺകുട്ടികളുടെ 66kgക്ക് താഴെയുള്ള വിഭാഗത്തിൽ പി ശ്രേയസ്കുമാർ ഒന്നാംസ്ഥാനം നേടി.സീനിയർ വിഭാഗം പെൺകുട്ടികളുടെ 55kgക്ക് താഴെയുള്ള വിഭാഗത്തിൽ ദൃശ്യ ടിയും ഒന്നാംസ്ഥാനം നേടി.സീനിയർ വിഭാഗം ആൺകുട്ടികളുടെ 35kgക്ക് താഴെയുള്ള വിഭാഗത്തിൽ ആസിഷ് രണ്ടാംസ്ഥാനം നേടി.സീനിയർ വിഭാഗം ആൺകുട്ടികളുടെ 40kgക്ക് താഴെയുള്ള വിഭാഗത്തിൽ അതുൽ കൃഷ്ണയും രണ്ടാംസ്ഥാനം നേടി.സീനിയർ വിഭാഗം ആൺകുട്ടികളുടെ 45kgക്ക് താഴെയുള്ള വിഭാഗത്തിൽ സായന്ത്ഉം രണ്ടാംസ്ഥാനം നേടി.

കരാട്ടെ ,കാസറഗോഡ് സബ് ജില്ലാ മത്സര വിജയികൾ

സ്വാതന്ത്ര്യദിനാഘോഷം

ആഗസ്റ്റ് 15 ന് രാവിലെ 9.30ന് ഹെഡ്മാസ്റ്റർ കെ രാജൻ ദേശീയ പതാക ഉയർത്തി.ഹെഡ്മാസ്റ്ററും പിടിഎ പ്രസിഡണ്ട് ശ്രീ രാമകൃഷ്ണൻ ജയപുരവും സ്വാതന്ത്ര്യദിന സന്ദേശം നൽകി.തുടർന്ന് ഈ വർഷത്തെ JRC കുട്ടികളുടെ സ്കാർഫിങ്ങ് സെറിമണി ,പ്രതിജ്ഞ എന്നിവ നടന്നു.വയനാട് ദുരന്ത ബാധിതരെ സഹായിക്കാൻ JRC കുട്ടികൾ സ്വരൂപിച്ച തുക ഹെഡ്മാസ്റ്റർക്ക് കൈമാറി.JRC കൗൺസിലർ പത്മനാഭൻ മാസ്റ്റർ ഇതിന് നേതൃത്വം നൽകി.JRC കുട്ടികളുടെ ക്ലാസ് അടിസ്ഥാനത്തിലുള്ള ദേശഭക്തി ഗാനം,പൊതുവിഭാഗം കുട്ടികളുടെ ക്ലാസ് അടിസ്ഥാനത്തിലുള്ള ദേശഭക്തി ഗാനം,വിവിധ ക്ലാസുകളിലെ കുട്ടികൾ അവതരിപ്പിച്ച ഗ്രൂപ്പ് ഡാൻസ്,ദൃശ്യാവിഷ്കാരം എന്നിവ നടന്നു.സ്വാതന്ത്ര്യ സമര ചരിത്രത്തെ അടിസ്ഥാനമാക്കി ലിറ്റിൽ കൈറ്റ്സിന്റെ നേതൃത്വത്തിൽ ക്വിസ് മത്സരം നടന്നു.ലിറ്റിൽ കൈറ്റ്സ് മാസ്റ്റർ വേണുഗോപാലൻ നേതൃത്വം നൽകി.ഓരോ ക്ലാസിൽ നിന്നും രണ്ട് വീതം ലിറ്റിൽ കൈറ്റ്സ് അംഗങ്ങളുടെ ഗ്രൂപ്പിനോട് വിവിധ റൗണ്ട് കളായി നടത്തിയ ക്വിസിൽ 9B ക്ലാസിലെ മയൂഖ കെവി,ലയ കെ ടീമ് ഓന്നാം സ്ഥാനവും,10Bയിലെ അതുൽദേവ് ,ശ്വേത ശരത് ടീമ് രണ്ടാംസ്ഥാനവും നേടി.9A യിലെ ആവണി,വൈഗ ടീമ് മൂന്നാംസ്ഥനം നേടി.പിടിഎ,എംപിടിഎ,എസ്എംസി ഭാരവാഹികളും അംഗങ്ങളും എത്തി ഈ വർഷത്തെ സ്വാതന്ത്ര്യ ദിനാഘോഷം മികവുറ്റതാക്കി.പിടിഎയുടെ നേതൃത്വത്തിൽ പായസ വിതരണവും നടത്തി.

സ്വാതന്ത്ര്യദിന അസംബ്ലി 2024

JRC സ്കാർഫിങ്ങ് സെറിമണി

JRC വയനാട് സഹായം

JRC പ്രതിജ്ഞ

സ്കൂൾ പാർലമെന്റ് തെരെഞ്ഞെടുപ്പ്

ആഗസ്റ്റ് 16 ന് സ്കൂൾ പാർലമെന്റ് തെരെഞ്ഞെടുപ്പ് നടന്നു.പൊതു തെരെഞ്ഞെടുപ്പ് മാതൃകയിൽ സോഫ്റ്റ് വെയർ ഉപയോഗിച്ച് ബട്ടൺ അമർത്തിയാണ് ഈ വർഷത്തെ തെരെഞ്ഞെടുപ്പ് നടന്നത്.സോഫ്റ്റ് വെയർ ഉപയോഗിച്ച് കൺട്രോൾയൂണിറ്റ് ബാലറ്റ് യൂണിറ്റ് തയ്യാറാക്കിയതും കൗണ്ടിങ്ങും ലിറ്റിൽ കൈറ്റ്സിന്റെ നേതൃത്വത്തിലായിരുന്നു.തെരഞ്ഞടുപ്പ് നടത്തിപ്പ് JRC കുട്ടികളുടെ നേതൃത്വത്തിലായിരുന്നു.അസംബ്ലി ഹളിൽ തയ്യാറാക്കിയ രണ്ട് ബൂത്തുകളിലായി എല്ലാ ക്ലാസുകളിലെയും കുട്ടികൾ വോട്ട് രേഖപ്പെടുത്തി.തെരെഞ്ഞെടുപ്പിനോട് അനുബന്ധിച്ച് ലിറ്റിൽ കൈറ്റ്സ് കുട്ടികൾ സർവ്വെ എടുത്ത് എക്സിറ്റ് പോൾ ഫലപ്രഖ്യാപനം നടത്തി.വോട്ടിങ്ങ് ശതമാനത്തിൽ ഏറ്റകുറച്ചിൽ ഉണ്ടായെങ്കിലും ഫലം 100% ശരിയായി വന്നു.

ഉച്ച്ക്ക് 2 മണിക്ക് സ്റ്റുഡന്റ് കൗൺസിൽ ഭാരവാഹി തെരെഞ്ഞെടുപ്പ് നടന്നു.

ചെയർപേഴ്സൺ	അനഘ ജെപി	9B
വൈസ് ചെയർപേഴ്സൺ	ഗോപിക ബികെ	9A
സെക്രട്ടറി	മുഹമ്മദ് റഷാദ് പിഎച്ച്	8B
ജോയിന്റ് സെക്രട്ടറി	ശ്രേയ ശരത്	10B
കലാവേദി സെക്രട്ടറി	വൈഷ്ണ എം	10A
കായികവേദി സെക്രട്ടറി	ജീവന കെ	8A

ചിങ്ങം 1 കർഷക ദിനം

ഈ വർഷത്തെ കർഷക ദിനം വേറിട്ട പരിപാടികളോടെ സ്കൂളിൽ ആചരിച്ചു.'മുറ്റത്തൊരു അമരപ്പന്തൽ' പദ്ധതി തുടങ്ങി.വീടുകളിലും സ്കൂൾ വളപ്പിലും അമര വിത്ത് പാകി.വിദ്യാർത്ഥികൾ ഇവ പരിപാലിക്കും.

കുഞ്ഞിമംഗലത്തെ പരിസ്ഥിതി പ്രവർത്തനങ്ങളിലൂടെ പ്രകൃതിയുടെ കാവലാളായ ശ്രീ.പി.പി രാജൻ മാസ്റ്ററിൽ നിന്നും ലഭിച്ച അമരവിത്തുകൾ പ്രധാനാധ്യാപകൻ ശ്രീ കെ രാജൻ മാസ്റ്റർ സീഡ് അംഗങ്ങൾക്ക് നൽകി കൊണ്ടും കൂവളമരത്തൈ നട്ടുകൊണ്ടും കർഷക ദിനം അവിസ്മരണീയമാക്കി. സീഡ് അംഗങ്ങളുടെ വീടുകളിൽ അമരപ്പന്തലുയരും വളർച്ചയുടെ ഘട്ടങ്ങൾ ഫോട്ടോയെടുത്ത് കോഡിനേറ്റർക്ക് അയക്കും സ്കൂളിലും അമര വിത്ത് നട്ടു. പരിസ്ഥിതി സീഡ് കോഡിനേറ്റർ ശ്രീപദ്മനാഭൻ മാസ്റ്റർ സ്വാഗതം പറഞ്ഞ ചടങ്ങിൽ ശ്രീ. സതീശൻ പോള , സൗമ്യ ടീച്ചർ എന്നിവർ സംസാരിച്ചു. സീനിയർ അസിസ്റ്റൻ്റ് ശ്രീമതി രജനി ടീച്ചർ നന്ദി പറഞ്ഞു.

സംസ്കൃത ദിനം ആഘോഷിച്ചു

ശ്രാവണപൂർണിമ ദിനമായ ആഗസ്ത് 19 ന് സംസ്കൃത ദിനം ആചരിച്ചു. ഇതോടനുബന്ധിച്ച് സംസ്കൃത അസംബ്ലിയും പോസ്റ്റർ പ്രദർശനവും നടത്തി.

സംസ്കൃതം അധ്യാപിക ശ്രീമതി സൗമ്യ ടീച്ചർ,ഹിന്ദി അധ്യാപകൻ ശ്രീ ആനന്ദകൃഷ്ണൻ മാസ്റ്റർ എന്നിവർ സംസ്കൃത ദിനത്തിൻ്റെ പ്രാധാന്യത്തെ കുറിച്ച് സംസാരിച്ചു.  അസംബ്ലിയിൽ വെച്ച് 2023-24 വർഷം സംസ്കൃതം സ്കോളർഷിപ്പ് നേടിയ ശ്രീനന്ദ എം, ശ്രീനന്ദ.ടി, യദുദേവ് എ.എം, ആവണി.എം എന്നീ കുട്ടികൾക്കുള്ള സർട്ടിഫിക്കറ്റ് വിതരണവും ശ്രീ ആനന്ദകൃഷ്ണൻ മാസ്റ്റർ നിർവഹിച്ചു.

സംസ്കൃത പ്രാർത്ഥനയ്ക്ക് ശേഷം യദുദേവ് എ.എം പ്രതിജ്ഞ ചൊല്ലിക്കൊടുത്തു. തുടർന്ന് അജിൽ കൃഷ്ണൻ എം, ആവണി എം, കൃഷ്ണപ്രിയ ടി എന്നീ കുട്ടികൾ സുഭാഷിതം അവതരിപ്പിച്ചു. വൈഗ. കെ സംസ്കൃത ഗീതം ചൊല്ലി. സഞ്ജന ചന്ദ്രൻ  പി പുസ്തകപരിചയം നടത്തി. ലയ കെ യുടെ വാർത്താവതരണത്തോടെ സംസ്കൃത അസംബ്ലി സമാപിച്ചു.

സ്കൂൾ പാർലമെന്റ് ഭാരവാഹികൾ സത്യപ്രതിജ്ഞ ചെയ്തു

ആഗസ്റ്റ് 21 ന് വ്യാഴാഴ്ച ഉച്ചയ്ക്ക് 1.30 ന് അസംബ്ലി കൂടി സ്കൂൾ പാർലമെന്റ് ഭാരവാഹികൾ സത്യപ്രതിജ്ഞ ചെയ്തു.ഹെഡ്മാസ്റ്റർ രാജൻ സാറിന്റെ സാന്നിദ്ധ്യത്തിൽ ഷൈനി ടീച്ചർ ചെയർ പേഴ്സൺ അനഘ ജെപിക്ക് സത്യവാചകം ചൊല്ലിക്കൊടുത്തു.തുടർന്ന് ചെയർപേഴ്സൺ മറ്റ് ഭാരവാഹികൾക്ക് സത്യവാചകം ചൊല്ലിക്കൊടുത്തു.സെക്രട്ടറി മുഹമ്മദ് റഷാദ്,ജോയിൻസെക്രട്ടറി ശ്വേത ശരത്,കലാവേദി സെക്രട്ടറി വൈഷ്ണ എം,കായിക വേദി സെക്രട്ടറി ജീവന കെ എന്നിവർ സത്യപ്രതിജ്ഞ ചൊല്ലി ചുമതല ഏറ്റു.

ക്ലാസ് പിടിഎ

ആഗസ്റ്റ് 21 ന് ബുധനാഴ്ച ഉച്ചയ്ക്ക് ശേഷം 2.30 ന് 8A,8B ക്ലാസുകളിലെ ക്ലാസ് പിടിഎ നടന്നു.

ജില്ലാതല കരാട്ടെ

ജില്ലാതല കരാട്ടെയിൽ ദൃശ്യ ടി (under52) മൂന്നാംസ്ഥാനം നേടി

സംസ്ഥാനതല ക്രിക്കറ്റ് മത്സരം

കേരള ക്രിക്കറ്റ് അസോസിയേഷൻ മലപ്പുറത്ത് വെച്ച് സംഘടിപ്പിച്ച സംസ്ഥന തല അണ്ടർ15 പെൺകുട്ടികളുടെ ക്രിക്കറ്റ് മത്സരത്തിൽ കാസർഗോഡ് ജില്ലാ ടീമിൽ ഒമ്പതാം ക്ലാസിൽ പഠിക്കുന്ന ശ്രീനന്ദ പി ജെ പങ്കെടുത്തു.

വിമുക്തി ക്വിസ്

ലഹരിവർജ്ജനമിഷൻ വിമുക്തിയുടെ ആഭിമുഖ്യത്തിൽ ഹൈസ്കൂൾ വിദ്യാർത്ഥികൾക്കായി "അറിവാണ് ലഹരി" എന്ന് സന്ദേശവുമായി2024 ഗസ്റ്ര് 23ന് നടത്തിയ വിമുക്തി ക്വിസ് മത്സരത്തിൽ കാസർഗോഡ് എക്സൈസ് സർക്കിൾ പരിധിയിൽ നമ്മുടെ സ്കൂളിലെ യദുദേവ് എഎം രണ്ടാം സ്ഥാനം നേടി

സ്കൂൾ ഒളിമ്പിക്സ് 2024

ആഗസ്റ്റ് 27ന് ആരംഭിച്ചു.മഴ കാരണം രണ്ടാം ദിവസം മത്സരം നടത്താനായില്ല.

ഐടി ക്വിസ്

ശാസ്ത്രോത്സവത്തോടനുബന്ധിച്ച് ആഗസ്റ്റ്30ന് നടത്തിയ സ്കൂൾ തല ഐടി ക്വിസ് മത്സരത്തിൽ യദുദേവ് എഎം ഒന്നാംസ്ഥാനവും കാർത്തിക് രണ്ടാംസ്ഥാനവും നേടി.

സംസ്ഥാനതല ക്രിക്കറ്റ് മത്സരം

കേരള ക്രിക്കറ്റ് അസോസിയേഷൻ മലപ്പുറത്ത് വെച്ച് സംഘടിപ്പിച്ച സംസ്ഥന തല അണ്ടർ15 പെൺകുട്ടികളുടെ ക്രിക്കറ്റ് മത്സരത്തിൽ കാസർഗോഡ് ജില്ലാ ടീമിൽ ഒമ്പതാം ക്ലാസിൽ പഠിക്കുന്ന ശ്രീനന്ദ പി ജെ പങ്കെടുത്തു.

വിമുക്തി ക്വിസ്

ലഹരിവർജ്ജനമിഷൻ വിമുക്തിയുടെ ആഭിമുഖ്യത്തിൽ ഹൈസ്കൂൾ വിദ്യാർത്ഥികൾക്കായി "അറിവാണ് ലഹരി" എന്ന് സന്ദേശവുമായി2024 ഗസ്റ്ര് 23ന് നടത്തിയ വിമുക്തി ക്വിസ് മത്സരത്തിൽ കാസർഗോഡ് എക്സൈസ് സർക്കിൾ പരിധിയിൽ നമ്മുടെ സ്കൂളിലെ യദുദേവ് എഎം രണ്ടാം സ്ഥാനം നേടി

സ്കൂൾ ഒളിമ്പിക്സ് 2024

ആഗസ്റ്റ് 27ന് ആരംഭിച്ചു.മഴ കാരണം രണ്ടാം ദിവസം മത്സരം നടത്താനായില്ല. പിന്നീട് ഒരു മാസത്തിന് ശേഷം സെപ്തംബർ 27നാണ് ബാക്കി മത്സരങ്ങൾ നടന്നത്.

റിലേ

തൈക്കോണ്ട

ഉപജില്ല തൈക്കോണ്ട അണ്ടർ 38 വിഭാഗത്തിൽ നമ്മുടെ സ്കൂളിലെ വൈഭവ് പി രണ്ടാംസ്ഥാനം നേടി

ഓണാഘോഷം

സെപ്തംബർ 13ന് സ്കൂളിലെ ഓണാഘോഷ പരിപാടി നടന്നു.പൂക്കള മത്സരം,വിവിധ ഇനം കളികൾ,ഓണ സദ്യ ഇവ ഉണ്ടായിരുന്നു.മത്സരങ്ങൾക്കുള്ള സമ്മാനങ്ങൾ സുരേഷ് പയ്യങ്ങാനം സ്പോൺസ‌ർ ചെയ്തു.ഓണ സദ്യ സ്റ്റാഫ് കൗൺസിൽ വക ആയിരുന്നു.

സ്കൂൾ തല ഗണിത ക്വിസ്

സെപ്തംബർ 24 ന് സ്കൂൾതല ഗണിത ക്വിസ് നടന്നു.മയൂഖ കെവിയെ ഉപജില്ല തല ക്വിസ് മത്സരത്തിനും വൃന്ദാലക്ഷ്മിയെ ടാലന്റ് സെർച്ച് മത്സരത്തിനും തെരെഞ്ഞെടുത്തു.

മുയൂഖ കെവി ,വൃന്ദാലക്ഷമി

ഐടി ക്വിസ്

ഉപജില്ല ഐടി ക്വിസ് യദുദേവ് എഎം മൂന്നാംസ്ഥാനം നേടി

സ്കൂൾ തല സയൻസ് ക്വിസ്

സെപ്തംബർ 24 ന് സ്കൂൾതല സയൻസ് ക്വിസ് നടന്നു.ലയ കെ യെ ഉപജില്ല തല ക്വിസ് മത്സരത്തിനും നിരഞ്ജന കെ എൻ നെ ടാലന്റ് സെർച്ച് മത്സരത്തിനും തെരെഞ്ഞെടുത്തു.

ക്ലാസ് പിടിഎ

സെപ്തംബർ 26 ന് ക്ലാസ് പിടിഎ ചേ‌ർന്ന് പാദവാർശിക പരീക്ഷഫലം വിലയിരുത്തി

ഗാന്ധിജയന്തി

ഒക്ടോബർ 2ന് ഗാന്ധി ജയന്തി ആഘോഷിച്ചു.പ്രത്യേക അസംബ്ലി,പുഷ്പാർച്ചന,കവിതാലാപനം,പ്രസംഗം,ശുചീകരണ പ്രവർത്തനങ്ങൾ,ക്വിസ് മത്സരം,ഗാന്ധി സന്ദേശം പോസ്റ്റർ രചന,ഗാന്ധി ചിത്ര പ്രദർശനം ഇവ നടന്നു.

കണ്ണ് പരിശോധന

ഒക്ടോബർ 3ന് കുട്ടികളുടെ കണ്ണ് പരിശോധന നടന്നു

പോഷൻ മാ-2024

കൗമാരബോധവൽക്കരണ പരിപാടിയുടെ ഭാഗമായി ഒക്ടോബർ 3ന് അനീമിയ ബോധവൽക്കരണവും ആരോഗ്യബോധവൽക്കരണ ക്ലാസും നടന്നു.ബേഡഡുക്ക താലൂക്ക് ആശൂപത്രിയിലെ മിഡിൽലെവൽ സർവ്വീസ് പ്രൊവൈഡർ ശ്രീമതി ആര്യ,JPHN ശ്രീമതി നയന എന്നിവർ ക്ലാസ് കൈകാര്യം ചെയ്തു.

ലിറ്റിൽ കൈറ്റ്സ് സ്കൂൾ തല ക്യാമ്പ്

ഒക്ടോബർ 7ന് ലിറ്റിൽ കൈറ്റ്സ് സ്കൂൾ തല ക്യാമ്പ് നടന്നു.ആനിമേഷൻ ,പ്രോഗ്രാമിങ്ങ് വിഷയങ്ങളിൽ ഗവ.ഹയർസെക്കണ്ടറി സ്കൂളിലെ അജിതകുമാരി ടീച്ചർ ക്ലാസ് നയിച്ചു

ഉപജില്ല സ്പോർട്സ്

ഒക്ടോബർ 8,9,10 തിയതികളിൽ നടന്ന ഉപജില്ല കായികമേളയിൽ നമ്മുടെ കുട്ടികൾ സജീവമായി പങ്കെടുത്തു.സബ്ജൂനിയർ ആൺകുട്ടികളുടെ ലോങ്ജമ്പിൽ അനന്തുകൃഷ്ണ എരോൽ രണ്ടാംസ്ഥാനം,സബ്ജൂനിയർ പെൺകുട്ടികളുടെ ഡിസ്കസ് ത്രോയിൽ ശിവാനി എൻ രണ്ടാം സ്ഥാനം,സബ്ജൂനിയർ ആൺകുട്ടികളുടെ ഷോട്ട്പുട്ടിൽ ആദിത്യൻ എൽ മൂന്നാംസ്ഥാനം,ജൂനിയർ പെൺകുട്ടികളുടെ ഡിസ്കസ് ത്രോയിൽ ആതിര എംസി മൂന്നാംസ്ഥാനവും നേടി.

ജീൻ ഹെന്റി ഡുനന്റ് സ്മാരക ക്വിസ്

ഒക്ടോബർ 10 ന് JRC കുട്ടികൾക്ക് നടന്ന ജീൻ ഹെന്ട്രി ഡ്യൂനന്റ് സ്മാരക ക്വിസ് മത്സരത്തിൽ വിസ്മയ എം ഒന്നാംസ്ഥാനവും ശിവന്യ കെ രണ്ടാംസ്ഥാനവും നേടി

സ്കൂൾ കലോത്സവം

കലോത്സവം ഉദ്ഘാടനം നാടൻ പാട്ട് കലാകാരൻ ഉദയൻ കുണ്ടംകുഴി

ഒക്ടോബർ14,15 തിയതികളിൽ സ്കൂൾ കലോത്സവം നടന്നു.നാടൻ പാട്ട് കലാകാരൻ ശ്രീ ഉദയൻ കുണ്ടംകുഴിയാണ് ഈ വർഷത്തെ കലോത്സവം ഉദ്ഘാടനം ചെയ്തത്.

ശ്രീ ഉദയൻ കുണ്ടംകുഴിക്ക് ആദരവ്

ഉപജില്ല ശാസ്ത്രോത്സവം

ഒക്ടോബർ 17,18തിയതികളിൽ GVMHS തളിങ്കര വെച്ച് നടന്ന ഉപജില്ല ശാസ്ത്രമേളയിൽ ഗണിതം ,വർക്ക് എക്സ്പീരിയൻസ്,സയൻസ്,സോഷ്യൽ മേളകളിൽ നമ്മുടെ കുട്ടികൾ സജീവമായി പങ്കെടുത്തു

ടീൻസ് ക്ലബ്ബ്

ടീൻസ് ക്ലബ്ബ് കൗമാര ബോധവൽക്കരണ പരിപാടിയുടെ ഭാഗമായി ഒക്ടോബർ 19ന് ക്രിയാത്മക കൗമാരം കരുത്തും കരുതലും എന്ന വിഷയത്തിൽ ശ്രീ ഇ രാധാകൃഷ്ണൻ നായർ (ബയോളജിസ്റ്റ് ജില്ലാ വെക്ടർ കണ് ട്രോൾ യുണിറ്റ്) ക്ലാസ് എടുത്തു.

ജില്ലാ ഒളിമ്പിക്സ്

ഒക്ടോബർ 21,22,23 തിയതികളിൽ നടന്ന ജില്ലാ ഒളിമ്പിക്സിൽ സ്കൂളിലെ അനന്തുകൃഷ്ണ,ആതിര എംസി,ആദിത്യൻ എൽ,ശിവാനി എൻ പങ്കെടുത്തു.

NMMSപരീക്ഷ പരിശീലനം

NMMSപരീക്ഷക്ക് രജിസ്റ്റർ ചെയ്ത കുട്ടികൾകുള്ള പരിശീലനം ഒക്ടോബർ 23 ന് ആരംഭിച്ചു

ഔട്ട് റീച്ച് പ്രോഗ്രാം

ഒക്ടോബർ 25 ന് വനിതാശിശുവികസന വകുപ്പ് വുമൺ എംപവർമെന്റ് പ്രോഗ്രാം സ്കൂളിൽ നടന്നു

ഉപജില്ല സ്കൂൾ കലോത്സവം

ഒക്ടോബർ 24,25,26,28,29,30 തിയതികളിൽ ഗവ.യുപിസ്കൂൾ തെക്കിൽ പറമ്പ് വെച്ച് നടന്ന ഉപജില്ല സ്കൂൾ കലോത്സവത്തിൽ നമ്മുടെ കുട്ടികൾ മികച്ച വിജയമാണ് കരസ്ഥമാക്കിയത്.സംസ്കൃതോത്സവത്തിൽ ഒന്നാംസ്ഥാനം നേടാനായത് അഭിമാനമായി.പൊതുവിഭാഗത്തിൽ സ്ഥാനം നേടി.

ശ്രദ്ധ

നവംബർ 11ന് പിന്നോക്കം നിൽക്കുന്ന കുട്ടികൾക്കുള്ള ശ്രദ്ധ ക്ലാസ് ആരംഭിച്ചു.

ജില്ല സ്കൂൾകലോത്സവം

നവംബർ 26 മുതൽ 30വരെ നടന്ന ജില്ലാസ്കൂൾ കലോത്സവത്തിൽ നമ്മുടെ കുട്ടികൾ പങ്കെടുത്തു

ക്ലാസ് പിടിഎ

ഡിസംബർ 2 ന് മുഴുവൻ ക്ലാസുകളിലേയും പിടിഎ നടന്നു

സംഘാടകസമിതി

ക്രിസ്തുമസ് അവധിക്കാലത്ത് സ്കൂളിൽ വെച്ച് നടക്കുന്ന കൊട്ടോടി ഗവ.ഹയർസെക്കണ്ടറി സ്കൂൾ NSSക്യാമ്പിനുള്ള സംഘാടക സമിതി ഡിസംബർ 9ന് രൂപീകരിച്ചു.

ക്യാമ്പിൻ്റെ ഭാഗമായി വിവിധ നിർമ്മാണ പ്രവർത്തനങ്ങളും പദ്ധതികളും സർവ്വെകളും നടക്കും. സുകൃത കേരളം,ഹരിതസമൃദ്ധി, സ്നേഹ സന്ദർശനം, അപ് സൈക്ലിംഗ്,പുസ്തക പയറ്റ് തുടങ്ങിയ

പദ്ധതികളാണ് നടപ്പിലാക്കുക,

ക്യാമ്പിൻ്റെ വിജയത്തിനായി ചേർന്ന സംഘാടക സമിതി രൂപീകരണ യോഗം ബേഡഡുക്ക ഗ്രാമ പഞ്ചായത് വൈസ് പ്രസിഡണ്ട് എ .മാധവൻ ഉദ്ഘാടനം ചെയ്തു.

സ്കൂൾ പി.ടി എ പ്രസിഡണ്ട് രാമകൃഷ്ണൻ ജയപുരം അധ്യക്ഷത വഹിച്ചു. എൻ. എസ് എസ് പ്രോഗ്രാം ഓഫീസർ എൻ. ശരണ്യ,ഇ രാഘവൻ, സുരേഷ് പയ്യങ്ങാനം,ബി വേണുഗോപാലൻ, ഇ കുഞ്ഞികൃഷ്ണൻ നായർ, കള്ളാർ ഗ്രാമ പഞ്ചായതംഗം ജോസ് പുതുശ്ശേരി കാലായിൽ, സി.കെ.ഉമ്മർ,

ഷിനിത്ത് പാട്യം , ബി.അബ്ദുള്ള, ജോബി ജോസ്,

വേണുഗോപാൽ കക്കൊട്ടമ്മ, എന്നിവർ സംസാരിച്ചു . പി.വി. രജനി സ്വാഗതവും

കൊട്ടോടി ഗവ. ഹയർ സെക്കണ്ടറി സ്കൂൾ പ്രിൻസിപ്പാൾ നന്ദിയും പറഞ്ഞു.

ഭാരവാഹികൾ എം. ധന്യ (ചെയർ.)

രാമകൃഷ്ണൻ ജയപുരം (വർക്കിംഗ് ചെയർ.)

എ മാധവൻ, ഇ രാഘവർ (വൈചെയർ)

കെ രാജൻ (ജനറൽ കൺവീനർ) പി.വി. രജനി (വർക്കിംഗ് കൺ)

എൽ.ശരണ്യ (കോർഡിനേറ്റർ)

സംഘാടക സമിതി യോഗം

മനിഷ്യാവകാശ ദിനം

‍ഡിസംബർ 10 ന് മനുഷ്യാവകാശ ദിനത്തോടനുബന്ധിച്ച് കുട്ടികൾ പ്രതിജ്ഞ എടുത്തു

ജില്ല ക്യാമ്പിലേക്ക് തെരെ‍ഞ്ഞെടുത്തു

ഉപജില്ല ലിറ്റിൽ കൈറ്റ്സ് ക്യാമ്പിൽ നിന്നും നമ്മുടെ സ്കൂളിലെ യദുദേവ് എഎം പ്രോഗ്രാമിങ്ങ് വിഭാഗത്തിലും വൃന്ദാലക്ഷ്മി ആനിമേഷൻ വിഭാഗത്തിലും ജില്ല ക്യാമ്പിലേക്ക് തെരെഞ്ഞെടുക്കപ്പെട്ടു.

NSSക്യാമ്പ് പോസ്റ്റർ

സ്കൂളിൽ വെച്ച് നടക്കുന്ന NSS ക്യാമ്പ് പോസ്റ്റർ ഡിസംബർ 16ന് പ്രകാശനം ചെയ്തു

അന്താരാഷ്ട്ര മില്ലറ്റ് ദിനം

ഡിസംബർ 20 ന് ചെറുധാന്യം വിഭവമേള സംഘടിപ്പിച്ചു.

പ്രദർശനം

NSS ക്യാമ്പ്

ഡിസംബർ 21മുതൽ ഡിസംബർ 27വരെ സ്കൂളിൽ വളരെ മികച്ച രീതിയിൽ നടന്നു

NSS ക്യാമ്പിന്റെ വൻ വിജയത്തിന് പിന്തുണയും സഹകരണവും നൽകി കൂടെ നിന്ന ധാരാളം ആളുകൾ ഉണ്ട് . പ്രത്യേകമായി പേരെടുത്ത് പറയാതിരിക്കുന്നതിന് ക്ഷമിക്കണം. മുന്നാട്ടിലെ നിസ്വാർത്ഥരായ അർപ്പണ മനോഭാവമുള്ള ക്യാമ്പുമായി ബന്ധപ്പെട്ട് പ്രവർത്തിച്ച കുറേ ആളുകളുണ്ട് അത്തരക്കാരുടെ സൗഹൃദവും , സഹകരണവും ആത്മസമർപ്പണവും ക്യാമ്പിന്റെ വിജയത്തിന് അടിത്തറയിട്ടത് ഏറെ പ്രശംസനീയമാണ്.ഇതിനായി സുരേഷ് പയ്യങ്ങാനം,രാമകൃഷ്ണൻ ജയപുരം വളരെയധികം ത്യാഗം അനുഭവിച്ചു

ക്യാമ്പിനോടുള്ള ഇവിടുത്തുകാരുടെ പ്രോത്സാഹനങ്ങൾ, പങ്കാളിത്തം, അതോടൊപ്പം തന്നെ ക്യാമ്പ് എല്ലാവർക്കും അഭിമാനമായി മാറ്റാനുള്ള തത്പരത, ഈ ക്യാമ്പിന്റെ 100% വിജയം ഉറപ്പാക്കി.

പ്രമോവീഡിയോ രണ്ടാംസ്ഥാനം

ലിറ്രിൽ കൈറ്റ്സ് ജില്ലാ ക്യാമ്പിനോട് അനുബന്ധിച്ച് തയ്യാറാക്കിയ പ്രമോ വിഡിയോയ്ക്ക് നമ്മുടെ സ്കൂലിലെ വൃന്ദാലക്ഷ്മി ജില്ലയിൽ രണ്ടാംസ്ഥാനം നേടി.

മോട്ടിവേഷൻ ക്ലാസ്

ഡിസംബർ 31ന് SSLC കുട്ടികൾക്കായി മോട്ടിവേഷൻ ക്ലാസ് സംഘടിപ്പിച്ചു.ശ്രീ പ്രമോദ് ശിവൻ(സാമ്പത്തിക ഉപദേഷ്ടാവ്,സ്ക്രിപ്റ്റ് റൈറ്റർ,അസിസ്റ്റന്റ് ഡയറക്ടർ) കുട്ടികളുമായി സംവദിച്ചു

SSLC ക്ലാസ് പിടിഎ

ജനുവരി 3ന് SSLC ക്ലാസ് പിടിഎ ചേ‌ർന്ന് രണ്ടാംപാദവാർഷിക പരീക്ഷ ഫലം വിലയിരുത്തി.തുടർ പ്രവർത്തനങ്ങൾ ആസൂത്രണം ചെയ്തു

50 പരീക്ഷ

SSLC കുട്ടികൾക്കായി നടത്തുന്ന 50 പരീക്ഷ സീരീസ് ടെസ്റ്റ് ജനുവരി 6 ന് ആരംഭിച്ചു.

ക്ലാസ് പിടിഎ

ജനുവരി 7ന് 8,9 ക്ലാസ് പിടിഎ ചേ‌ർന്ന് രണ്ടാംപാദവാർഷിക പരീക്ഷ ഫലം വിലയിരുത്തി

പഠനയാത്ര

SSLC കുട്ടികൾക്കായി നടത്തിയ പഠന യാത്ര ജനുവരി 11ന് ആരംഭിച്ച് 15ന് തിരിച്ചെത്തി ഊട്ടി,കൊടെക്കനാൽ,മൂന്നാർ ,എറണാകുളം സന്ദർശിച്ചു.

പ്രമോഷൻ

സ്കൂളിലെ മലയാളം അധ്യാപകൻ പത്മനാഭൻ മാഷിന് പ്രൈമറി ഹെഡ്മാസ്റ്ററായി പ്രമോഷൻ ലഭിച്ചു.ജനുവരി 15ന് പാണൂർ എൽപി സ്കൂളിൽ ജോയിൻചെയ്തു.

JRC Aലെവൽ പരീക്ഷ

JRC Aലെവൽ പരീക്ഷ ജനുവരി 7 ന് നടന്നു

റിപ്പബ്ലിക് ദിനം

ജനുവരി 26 റിപ്പബ്ലിക് ദിനം സമുചിതമായി ആചരിച്ചു

ഗാന്ധി സ്മൃതി ദിനാചരണം

വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ ജനുവരി 30 ന് ഗാന്ധിസ്മൃതി ദിനാചരണം നടത്തി.സർവ്വധർമ്മ പ്രാർത്ഥന,ഗാന്ധിസൂക്താവലി പ്രകാശനം,കാവ്യാലാപനം എന്നിവ നടന്നു.കേരള ഫോക് ലോർ അക്കാദമി മുൻ ചെയർമാൻ പ്രൊ ബി മുഹമ്മദ് അഹമ്മദ് കുട്ടികളുമായി സംവദിച്ചു.

എഴുത്തുകൂട്ടം വായനക്കൂട്ടം

ബഡ്ഡിങ്ങ് റൈറ്റേഴ്സ് സ്കൂൾ തല ഏകദിന ശില്പശാല എഴുത്തുകൂട്ടം വായനക്കൂട്ടം ഫെബ്രവരി 4ന് സ്കൂളിൽ വെച്ച് നടന്നു .ശ്രീ ആനന്ദകൃഷ്ണൻ മാഷ് ക്ലാസ് കൈകാര്യം ചെയ്തു

റോബോട്ടിക്സ് &ആനിമേഷൻ ഫെസ്റ്റ്

ലിറ്റിൽ കൈറ്റിസിന്റെ ആഭിമുഖ്യത്തിൽ റോബോട്ടിക്സ് &ആനിമേഷൻ ഫെസ്റ്റ് ഫെബ്രവരി 3ന് നടന്നത് കുട്ടികളുടെ ടെക്നോളജിയിലെ വികാസം വിളിച്ചോതുന്നതായിരുന്നു.

യാത്രയയപ്പ്

SSLC കുട്ടികൾക്കുള്ള യാത്രയയപ്പ് ഫെബ്രവരി 24ന് നടന്നു

സംസ്കൃതം സ്കോളർഷിപ്പ്

സ്കൂളിലെ 6 കുട്ടികൾക്ക് സംസ്കൃതം സേകോളർഷിപ്പ് ലഭിച്ചു.ശ്രീനന്ദ ടി, കൃഷ്ണപ്രിയ ടി, യദുദേവ്, ആവണി, ജീവന, ദേവനന്ദ ചന്ദ്രൻ എന്നീകുട്ടികൾക്കാണ് സ്കോളർഷിപ്പ്.

ഹിന്ദി പ്രദർശനം

പഠനോത്സവത്തിന്റെ ഭാഗമായി മാർച്ച് 12 ന് ഹിന്ദി പ്രദർശനം സംഘടിപ്പിച്ചു.ഹിന്ദി ഭാഷയിലെ അടിസ്ഥാന വിവരങ്ങളും വ്യാകരണവും സാഹിത്യവും ടൈപ്പിങ്ങുംപരിചയപ്പെടുത്തുന്ന വിശദമായ പ്രദർശനം ഉദ്ഘാടനം ചെയ്യാൻ കേരള കേന്ദ്ര സർവ്വകലാശാല ഹിന്ദി വിഭാഗം തലവൻ പ്രൊ ഡോ മനു എത്തി.കടന്നപ്പള്ളി സ്കൂളിലെ ഹിന്ദി അധ്യാപകൻ (റിട്ട) എം രവി മാസ്റ്റർ ആണ് പ്രദർശനവസ്തുക്കൾ ഒരുക്കിയത്.ജിഎച്ചഎസ് മുന്നാട്,എയുപി സ്കൂൾ മുന്നാടിലെ കുട്ടികളും പ്രദർശനം കാണാനെത്തി

ശ്രീ രവിസാറിന് ആദരവ്

ഡോ മനു ഉദ്ഘാടനം ചെയ്യുന്നു

RO പ്ലാന്റ്

കാസർഗോഡ് ജില്ലാ പഞ്ചായത്ത് വാർഷിക പദ്ധതി 2024-25 യിൽ സ്ഥാപിച്ചRO പ്ലാന്റ് ഉദ്ഘാടനം മാർച്ച് 22ന് വിദ്യാഭ്യാസ ക്ഷേമകാര്യ സ്റ്റാന്റിങ് കമ്മറ്റി ചെയർ പേഴ്സൺ അഡ്വ സരിത എസ്എൻ വിർവ്വഹിച്ചു.വാർഡ് മെമ്പർ ശ്രുതി,ഹെഡ്മാസ്റ്റർ രാജൻ കെ,പിടിഎ പ്രസിഡണ്ട് രാമകൃഷ്ണൻ ജയപുരം,സുരേഷ് പയ്യങ്ങാനം,അബ്ബാസ് ബേഡകം,എംപിടിഎ പ്രസിഡണ്ട് ജോതി . പിടിഎ, എംപിടിഎ അംഗങ്ങൾ സംബന്ധിച്ചു.

പഠനോത്സവം

സ്കൂൾ പഠനോത്സവം മാർച്ച് 22 ന്കാസർഗോഡ് ജില്ലാ പഞ്ചായത്ത് വിദ്യാഭ്യാസ ക്ഷേമകാര്യ സ്റ്റാന്റിങ് കമ്മറ്റി ചെയർ പേഴ്സൺ അഡ്വ സരിത എസ്എൻ ഉദ്ഘാടനം ചെയ്തുകുട്ടികളുടെ സ്കിറ്റുകൾ,നാടകങ്ങൾ,സംഭാഷണങ്ങൾ,കവിതകൾ,ചാർട്ട് പ്രദർശനം,പീക്ഷണങ്ങൾ,മോഡലുകൾ ഇവ ഏറെ ആകർഷകമായി വാർഡ് മെമ്പർ ശ്രുതി,ഹെഡ്മാസ്റ്റർ രാജൻ കെ,പിടിഎ പ്രസിഡണ്ട് രാമകൃഷ്ണൻ ജയപുരം,സുരേഷ് പയ്യങ്ങാനം,അബ്ബാസ് ബേഡകം,എംപിടിഎ പ്രസിഡണ്ട് ജോതി സംസാരിച്ചു.

ഉദ്ഘാടനം

സ്നേഹ വിരുന്ന്

സ‌‌ർവ്വീസിൽ നിന്നും ഈ വർഷം വിരമിക്കുന്ന ഹെഡ്മാസ്റ്റർ കെ രാജൻ മാസ്റ്റർ മാർച്ച് 22നും ശ്രീ ആനന്ദകൃഷ്ണൻ മാസ്റ്റർ മാർച്ച് 27നും കുട്ടികൾക്കും PTA,MPTA,SMC അംഗങ്ങൾക്കുമായി സ്നേഹ വിരുന്ന് ഒരുക്കി

വിരമിച്ചു

കഴിഞ്ഞ 13 വർഷക്കാലം സ്കൂളിലെ ഹിന്ദി അധ്യാപകൻ ആയിരുന്ന ശ്രീ ആനന്ദകൃഷ്ണൻ മാഷ് മാർച്ച് 28ന് സർവ്വീസിൽ നിന്നും വിരമിച്ചു.യാത്രയപ്പ് സംസാരം അദ്ദേഹത്തിന് ഇഷ്ടമല്ല എന്ന് അറിയിച്ചതിനാൽ മറ്റുചടങ്ങുകൾ ഒഴിവാക്കി സ്റ്റാഫ് വക ഒരു ഉപഹാരം മാത്രം അദ്ദേഹം ഏറ്റുവാങ്ങി.

പഠനയാത്ര

മാർച്ച് 29 ന് 8,9 ക്ലാസുകളിലെ കുട്ടികളുടെ ഏകദിനപഠനയാത്ര കണ്ണുരേക്ക് സംഘടിപ്പിച്ചു

ജീവനയ്ക്ക് NMMS

സ്കൂളിലെ ജീവനയ്ക്ക് ഈ വർഷത്തെ NMMS കിട്ടിയത് ഏറെ അഭിമാനമാണ്.

ഇൻസ്റ്റാലേഷൻ ഫെസ്റ്റ്

ലിറ്റിൽ കൈറ്റ്സിന്റെ ആഭിമുഖ്യത്തിൽ ഏപ്രിൽ 2ന് ഉബുണ്ടു22.04 ഇൻസ്റ്റാലേഷൻ ഫെസ്റ്റ് സംഘടിപ്പിച്ചു.

ക്ലാസ് പിടിഎ

ഏപ്രിൽ 7ന് 8,9 ക്ലാസ് പിടിഎ ചേർന്നു ,കുട്ടികളുടെ വാർഷിക പരീക്ഷ ഉത്തര കടലാസുകൾ മൂല്യ നിർണ്ണയം നടത്തിയത് നൽകി.

പഠനപിന്തുണ ക്ലാസ്

വാർഷിക പരീക്ഷയിൽ പരാജയപ്പെട്ട 8ലെ കുട്ടികൾക്കുള്ള പഠന പിന്തുണ ക്ലാസ് ഏപ്രിൽ 9 മുതൽ ആരംഭിച്ചു.

ക്വിസ് മത്സരത്തിൽ നേട്ടം

സംസ്ഥാന സർക്കാരിന്റെ നാലാം വാർഷികത്തോടനുബന്ധിച്ച് നീലേശ്വരം രാജാസ് ഹൈസ്കൂളിൽ എന്റെ കേരളം ഇന്നലെ ഇന്ന് നാളെ എന്ന വിഷയത്തിൽ സംഘടിപ്പിച്ച ജില്ല തല ക്വിസ് മത്സരത്തിൽ യദുദേവ് എഎം മൂന്നാം സ്ഥാനം നേടി

പരീക്ഷ ഫലം

മെയ് 2ന് റിസൾട്ട് പ്രസിദ്ധീകരിച്ചു

അഡ്മിഷൻ ആരംഭിച്ചു

മെയ് 3 മുതൽ അഡ്മിഷൻ ആരംഭിച്ചു

SSLC ഫലം

മെയ് 9ന് SSLC ഫലം വന്നപ്പൾ നമ്മുടെ കുട്ടികൾ 100% നേടി.12 കുട്ടികൾ മുഴുനൻ വിഷയങ്ങൾക്കും A+ നേടി.2 കുട്ടികൾ 9 വിഷയങ്ങൾക്ക്A+ നേടി. മലയാളം മീഡിയം മാത്രം ഉള്ള സ്കൂൾ എന്ന നിലയിൽ മികച്ച വിജയം നേടി.

പാഠപുസ്തക വിതരണം

മെയ് 20 മുതൽ പാഠപുസ്തക വിതരണം ആരംഭിച്ചു

PTA,MPTA,SMC

മെയ് 21ന് PTA,MPTA,SMC സംയുക്തയോഗം ചേർന്ന് സ്കൂൾ തുറക്കുന്നതുമായി ബന്ധപ്പട്ട കാര്യങ്ങൾ ചർച്ചചെയ്ത് തീരുമാനിച്ചു

ശുചീകരണം

മെയ് 27 ന് അധ്യാപകരും കുട്ടികളും രക്ഷിതാക്കളും ചേർന്ന് സ്കൂൾ ശുചീകരണം നടത്തി

ശ്രീ രാജൻ മാഷ് വിരമിച്ചു

മൂന്ന് വർഷത്തെ മുന്നാട് ഗവ.ഹൈസ്കൂളിലെ സേവനത്തിന് ശേഷം മെയ് 31 രാജൻ സാർ വിരമിച്ചു.വിവിധ സ്കൂളുകളിലായി 25 വർഷം അദ്ദേഹം സ‌ർക്കാർ സർവ്വീസ് ചെയ്തു.ബേഡഡുക്ക ഗ്രാമപഞ്ചായത്ത് വൈസ് പ്രസിഡണ്ട് ശ്രീ എ മാധവന്റെ അധ്യക്ഷതയിൽ ജില്ലാ പഞ്ചായത്ത് വിദ്യാഭ്യാസ സ്റ്റാന്റിങ്ങ് കമ്മറ്റി ചെയർപേഴ്സൺ അഡ്വ.സരിത എസ് എൻ ഉപഹാരം വിതരണം ചെയ്തു.ജനപ്രതിധികൾ ,പിടിഎ,എസ്എംസി,എംപിടിഎ ഭാരവാഹികൾ,രക്ഷക‌ർത്താക്കൾ ,അധ്യാപകർ,വിദ്യാ‌ത്ഥികൾ ചടങ്ങിന് എത്തി

ഉപഹാരവിതരണം

ഒന്നിച്ചൊരുക്ലിക്ക്

ചടങ്ങിന് സാക്ഷി ആയവർ

ഹാജ‌ർ പുസ്തകത്തിൽ അവസാനത്തെ ഒപ്പ്