@@ വരി 10: / വരി 10: @@
 === വായന വാരാചരണം ===
+[[പ്രമാണം:29040-Vayana Varam-1.jpg|ലഘുചിത്രം|വായന വാരം-കൂട്ട വായന]]
 മുതൽ കേരള സർക്കാർ ജൂൺ 19 വായനാദിനമായി ആചരിക്കുന്നു.ജൂൺ 19 മുതൽ 25 വരെയുള്ള ഒരാഴ്ച വായനാവാരമായി ആഘോഷിക്കുന്നു.കേരള ഗ്രന്ഥശാല സംഘത്തിന്റെ ഉപജ്ഞാതാവും പ്രചാരകനുമായിരുന്ന പി എൻ പണിക്കരുടെ ചരമദിനമാണ് ജൂൺ 19. കൂമ്പൻപാറ ഫാത്തിമ മാതാ ഗേൾസ് ഹയർ സെക്കൻഡറി സ്കൂളിൽ വായനാവാരാചരണത്തിന്റെ ഭാഗമായി സ്കൂൾ ഹെഡ് മിസ്ട്രസ് സിസ്റ്റർ ക്രിസ്റ്റീന വായനാദിന പ്രതിജ്ഞ കുട്ടികൾക്ക് ചൊല്ലിക്കൊടുത്തു. പി എൻ പണിക്കരുടെ അനുസ്മരണ സന്ദേശം കുമാരി ആത്മിക സാൻസ്കൃതി നൽകി. തുടർന്നുള്ള ദിവസങ്ങളിൽ കൂട്ട വായന ,കഥാരചന ,വായന ക്വിസ്, കവിതാലാപനം, കഥ പറച്ചിൽ ,നാടൻപാട്ട് തുടങ്ങിയവ നടത്തുകയുണ്ടായി.ഒരാഴ്ച നീണ്ട വായന വാരാചരണത്തിൽ കുട്ടികൾ വളരെ ഉത്സാഹത്തോടെ പങ്കുചേർന്നു.
@@ വരി 45: / വരി 46: @@
 [[പ്രമാണം:29040-Malayala Manorama Nalla Padam-1.jpg|ലഘുചിത്രം|മലയാള മനോരമ നല്ലപാഠം പെൻ ബോക്സ്]]
 പുതിയ അധ്യയന വർഷം പ്രതീക്ഷയോടെ ഇന്ന് വാതിൽ തുറക്കുമ്പോൾ ചില നല്ല പാഠങ്ങളുടെ സഫല നിക്ഷേപം പ്രചോദനമേകി നമ്മുടെ കുട്ടികൾക്കൊപ്പം ഉണ്ട്.ക്ലാസ് മുറിക്കും അപ്പുറത്തുള്ള ജീവിതങ്ങളെ കണ്ടും സാമൂഹ്യസ്ഥിതി അടുത്തറിഞ്ഞും കാലത്തിന്റെ വിളിയൊച്ച കേട്ടും കുട്ടികൾ വളരട്ടെ. പതിറ്റാണ്ടുകളായി മലയാളികളുടെ പ്രഭാതങ്ങളിൽ വായനയുടെ അറിവ് നിറയ്ക്കുന്ന മലയാള മനോരമ കുടുംബത്തിൽ നിന്നും നമ്മുടെ കുരുന്നുകളിൽ സാമൂഹിക പ്രതിബദ്ധത നിറയ്ക്കാൻ 11 വർഷം മുമ്പ് സ്കൂളുകളിൽ തുടക്കം കുറിച്ച പദ്ധതിയാണ് നല്ല പാഠം.  ക്ലാസ് മുറിക്ക് പുറത്തുള്ള ലോകത്തെ അറിയാനും പഠിക്കാനും സഹജീവികളോട് സ്നേഹപൂർവ്വമായി ഇടപെടാനും വിദ്യാർത്ഥികളെ സജ്ജമാക്കുകയാണ് നല്ല പാഠം പദ്ധതിയുടെ ലക്ഷ്യം. നമ്മുടെ സ്കൂളുകളിലെ അധ്യാപകരും രക്ഷാകർതൃ സമൂഹവും ഒരൊറ്റ മനസ്സോടെ ഈ വിദ്യാർത്ഥി കൂട്ടായ്മയ്ക്ക് ഊർജ്ജം ഏകു മ്പോൾ സംസ്ഥാനത്തെ ആറായിരത്തിലേറെ വിദ്യാലയങ്ങളിൽ ഇപ്പോൾ നല്ല പാഠം വഴിവിളക്ക് ആകുന്നു. കോവിഡിന്റെ സമയത്ത് ഡിജിറ്റൽ ഉപകരണങ്ങളിൽ കുടുങ്ങിപ്പോയ കുട്ടികളെ പ്രകൃതിയിലേക്കും സമൂഹത്തിലേക്കും കൊണ്ടുവരാൻ നല്ല പാഠം പദ്ധതിക്ക് സാധിച്ചു. ലഹരി വിരുദ്ധ പ്രവർത്തനങ്ങൾക്ക് സ്കൂളുകളിൽ തുടക്കം കുറിക്കാൻ നല്ല പാഠം പദ്ധതിയിലൂടെ സാധിച്ചു. വർഷാന്ത്യത്തിൽ മികച്ച പ്രവർത്തനം കാഴ്ചവയ്ക്കുന്ന നല്ല പാഠങ്ങളെ തിരഞ്ഞെടുത്തു അംഗീകാരങ്ങൾ നൽകുന്നു. പ്ലാസ്റ്റിക്കിനെ വീടുകളിൽ നിന്നും സമൂഹത്തിൽ നിന്നും ഇല്ലായ്മ ചെയ്യാനുള്ള പ്രവർത്തനങ്ങൾ, കുട്ടികൾ നിക്ഷേപ ശീലം വളർത്തി ആ കിട്ടുന്ന ചെറിയ തുക സമൂഹത്തിലെ പിന്നോക്കാവസ്ഥയിലുള്ള ആളുകളുടെ ഉന്നമനത്തിനായി ഉപയോഗിക്കുക, വീടില്ലാതെ കഷ്ടപ്പാട് അനുഭവിക്കുന്ന തങ്ങളുടെ സഹപാഠിക്ക് കൂട്ടായ്മയിലൂടെ വീട് നിർമ്മിച്ചു നൽകുക തുടങ്ങി ഒട്ടനവധി പ്രവർത്തനങ്ങളാണ് നല്ല പാഠം കൂട്ടായ്മയിലൂടെ ചെയ്തു വരുന്നത്. ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലും വഴിവിളക്ക് ആകുന്ന നല്ലപാഠം യൂണിറ്റിന്റെ പ്രവർത്തനങ്ങൾ ഈ വർഷം മുതൽ ആരംഭിച്ചു. സ്കൂളിലെ ഒരു അധ്യാപകൻ ഇതിന്റെ കോഡിനേറ്ററായി തിരഞ്ഞെടുക്കപ്പെട്ടു. ജിസ് സാറിന്റെ നേതൃത്വത്തിലാണ് സ്കൂളിൽ നല്ല പാഠം പ്രവർത്തനങ്ങൾ ഈ വർഷം നടക്കുക. പ്രവർത്തനങ്ങളുടെ ആദ്യഘട്ടം എന്ന നിലയ്ക്ക് കുട്ടികളിൽ നിന്നും ഉപയോഗശൂന്യമായ പേനകൾ ശേഖരിക്കുകയും സ്കൂളിൽ ഒരു പെൻബോക്സ് സ്ഥാപിച്ച പേനകൾ അതിൽ നിക്ഷേപിക്കുകയും ചെയ്തു. നമ്മുടെ പഞ്ചായത്തിലെ മികച്ച കർഷകനായി തിരഞ്ഞെടുക്കപ്പെട്ട ശ്രീ തെയിംസ് കുട്ടിയുമായി ഒരു അഭിമുഖം നല്ല പാടത്തിന്റെ നേതൃത്വത്തിൽ സംഘടിപ്പിച്ചു. കുട്ടികൾ കൃഷിയെ സംബന്ധിക്കുന്ന അവരുടെ സംശയങ്ങൾ ചോദ്യാവലിയായി തയ്യാറാക്കുകയും അദ്ദേഹത്തോട് ചോദിച്ച് മനസ്സിലാക്കുകയും ചെയ്തു.ജൂൺ 5 പരിസ്ഥിതി ദിനത്തിൽ നല്ല പാഠം അംഗങ്ങളുടെ നേതൃത്വത്തിൽ മരത്തൈകൾ സ്കൂളിൽ നടുകയുണ്ടായി. പരിസ്ഥിതി ദിനത്തിന്റെ ഭാഗമായി കുട്ടികൾക്ക് പ്രകൃതിയെ കൂടുതൽ അടുത്ത അറിയുന്നതിനും ആയി പ്രകൃതി നടത്തം സംഘടിപ്പിച്ചു. കുട്ടികൾക്ക് പ്രകൃതിയെയും മണ്ണിനെയും അടുത്തറിയാനും ശാന്തമായ അന്തരീക്ഷത്തിൽ പ്രകൃതിവിഭവങ്ങൾ രുചിക്കാനും ഉള്ള വലിയ അവസരമായിരുന്നു പ്രകൃതി നടത്തത്തിലൂടെ കിട്ടിയത്. ഓണത്തിന് ഒരു മുറം പച്ചക്കറി എന്ന ആശയവുമായി നല്ല പാഠം അംഗങ്ങൾ സ്കൂളിലെ കുട്ടികളിലേക്ക് എത്തി. എല്ലാവർക്കും പച്ചക്കറിക്ക് വിത്തുകൾ വിതരണം ചെയ്തു. ഓണസദ്യക്കായി അവരവർ നട്ടു വിളയിച്ച പച്ചക്കറികൾ സ്കൂളുകളിൽ എത്തിക്കാനും ആവശ്യപ്പെട്ടു. കുട്ടികളിൽ സാമൂഹിക പ്രതിബദ്ധം നിറയ്ക്കുന്ന ഒട്ടനവധി പ്രവർത്തനങ്ങളിലൂടെ നല്ല പാഠത്തിന്റെ പ്രവർത്തനങ്ങൾ മികച്ച രീതിയിൽ കൊണ്ടുപോകും എന്ന് കുട്ടികളും അധ്യാപകരും ഒരേ സ്വരത്തിൽ പറഞ്ഞു. സാമൂഹിക പ്രതിബദ്ധതയും മാനുഷികതയും ചേർത്ത് ഞങ്ങൾ പുതിയ കേരളം രചിക്കുക തന്നെ ചെയ്യും നല്ല പാഠത്തിലൂടെ.
+=== ലിറ്റിൽ കൈറ്റ്സ് ഫ്രഷേഴ്സ് ഡേ ===
+[[പ്രമാണം:29040-Little Kites Freshers Day-2.jpg|ലഘുചിത്രം|280x280ബിന്ദു|ലിറ്റിൽ കൈറ്റ്‍സ് ഫ്രഷേഴ്‍സ് ഡേ ആഘോഷം]]
+പൊതു വിദ്യാഭ്യാസ സംരക്ഷണ യജ്നത്തിന്റെ ഭാഗമായി സംസ്ഥാന സർക്കാർ ആവിഷ്കരിച്ചു നടപ്പിലാക്കി വരുന്ന ഹൈ ടെക് സ്കൂൾ പദ്ധതിയുടെ ഫലമായി സ്കൂളുകളിൽ ഹൈ ടെക് ക്ലാസ്സ്‌റൂമുകളും ഐ സി ടി അധിഷ്ഠിത പഠനവും യഥാർഥ്യമായിരിക്കുകയാണ്. ഐ സി ടി പ്രവർത്തനങ്ങളിൽ കുട്ടികളെക്കൂടി ഉൾപെടുത്തുക എന്ന ലക്ഷ്യം മുൻ നിർത്തി   സ്കൂളുകളിൽ എെ.ടി ക്ലബ്ബുകൾ പ്രവർത്തിക്കുന്നു.സ്കൂളുകളിൽ ഹൈ ടെക് ഉപകരണങ്ങൾ വേണ്ടവിധം പ്രയോജനപ്പെടുത്തുന്നതിനും അവയുടെ കാര്യക്ഷമമായ ഉപയോഗത്തിനും പരിപാലനത്തിനും അദ്ധ്യാപകരോടൊപ്പം വിദ്യാർത്ഥികളെയും ഉൾപെടുത്തുവാനായി ഐ ടി ക്ലബ്ബിനോട് ചേർന്നു കൂടുതൽ വിപുലമായ പ്രവർത്തന പദ്ധതികളോടെ ലിറ്റിൽ കൈറ്റ്സ് എന്ന ക്ലബ് സ്കൂളിൽ പ്രവർത്തിക്കുന്നു.ഈ വർഷത്തെ  ലിറ്റിൽ  കൈറ്റ്സ് ക്ലബ്ബിൽ തിരഞ്ഞെടുക്കപ്പെട്ട കുട്ടികൾക്കായ് ഒരു ഫ്രഷേഴ്‌സ് ഡേ പ്രോഗ്രാം സംഘടി പ്പിച്ചു.കുമാരി. അമേയ സൽജു സ്വാഗതം പറഞ്ഞു.ബഹുമാനപെട്ട ഹെഡ്മിസ്ട്രെസ് സിസ്റ്റർ ക്രിസ്റ്റീന ഈ യോഗം ഉദ്ഘാടനം ചെയ്തു സംസാരിച്ചു. പുതിയ കുട്ടികൾക്കു ബാഡ്ജ് നൽകി അവരെ ലിറ്റിൽ കൈറ്റ്സ് ക്ലബ്ബിലേക് സ്വാഗതം ചെയ്തു.കഴിഞ്ഞ വർഷത്തേതുപോലെതന്നെ വളരെ മികവുറ്റ പ്രവർത്തനങ്ങൾ കാഴ്ചവെക്കാൻ കഴിയട്ടെ എന്ന് ആശംസിച്ചു.കൈറ്റ് മിസ്ട്രെസ് ആയ സിസ്റ്റർ ഷിജിമോൾ ആശംസ അർപ്പിച്ചു.പുതിയ കുട്ടികളെ അഭിനന്ദിക്കുകയും അവർക്ക് വേണ്ട മാർഗ നിർദേശങ്ങൾ നൽകുകയും ലിറ്റിൽ കൈറ്റ്സ് ക്ലബ്ബിലേക്ക് അവരെ സ്വാഗതം ചെയ്യുകയും ചെയ്തു. കൈറ്റ് മിസ്ട്രെസ് ആയ അമ്പിളി ടീച്ചറും ഈ ക്ലബ്ബിലേക് കുട്ടികളെ സ്വാഗതം ചെയ്തു. കുട്ടികളുടെ പഠന മികവുകളുടെ കൂട്ടത്തിൽ ലിറ്റിൽ കൈറ്റ്സ് ക്ലബ്‌ ഒരു മുതൽ കൂട്ട് ആയിരിക്കട്ടെയെന്നും മികവുറ്റ പ്രവർത്തനങ്ങൾ കാഴ്ച വെക്കാൻ സാധിക്കട്ടെയെന്നും ആശംസിച്ചു.. സീനിയർ ആയിട്ടുള്ള കുട്ടികളുടെ കലാപരിപാടികൾ ഈ യോഗത്തിന് മാറ്റ് കൂട്ടി. ലിറ്റിൽ കൈറ്റ്സ് ക്ലബ്ബിനേക്കുറിച്ച് പുതിയ ബാച്ചിലെ കുട്ടികൾക്ക് അവബോധം നൽകുന്നതിനായി സീനിയർ കുട്ടികൾ നടത്തിയ സ്ലൈഡ് പ്രസന്റേഷൻ വളരെ പ്രയോജനപ്രദമായിരുന്നു. കുമാരി. ദേവിക പ്രശാന്ത് കൃതജ്ഞത അർപ്പിച്ചു. ലിറ്റിൽ കൈറ്റ്സ് ക്ലബ്ബിലൂടെ കുട്ടികൾ ആർജ്ജിച്ചെടുത്ത കഴിവുകളും സംഘാടന മികവും വിളിച്ചോതുന്ന ഒരു പ്രോഗ്രാമായിരുന്നു ഫ്രഷേഴ്സ് ഡേ.  കൂടുതൽ മികവുറ്റ പ്രവർത്തനങ്ങൾ ഈ വർഷം നടത്താൻ സാധിക്കുമെന്നും ഇത്തരത്തിൽ ഒരു ഫ്രഷേഴ്സ് ഡേ ഒരുക്കി തന്നതിന് സീനിയർ ലിറ്റിൽ കൈറ്റ്സ് അംഗങ്ങൾക്ക് നന്ദിയും പുതിയ  ബാച്ചിലെ കുട്ടികൾ അറിയിച്ചു.
 === കുരുന്നു പ്രതിഭകളെ കണ്ടെത്താൻ സ്കൂൾതല ശാസ്ത്രമേളകൾ ===
+[[പ്രമാണം:29040-school level Mathematics Fair-1.jpg|ലഘുചിത്രം|സ്‍ക്കൂൾ തല ശാസ്‍ത്ര മേള ]]
 ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ 2024 -25 വർഷത്തെ സ്കൂൾതല ശാസ്ത്രമേള 26 -7-2024ന് നടന്നു. സയൻസ് ഗണിതം സാമൂഹ്യശാസ്ത്രം ഐടി വർക്ക് എക്സ്പീരിയൻസ് എന്നീ വിഷയങ്ങളുടെ മേളകളാണ് നടന്നത്.ക്ലാസ് മുറികളിൽ നിന്നും ലഭിക്കുന്ന അറിവുകൾ പ്രാവർത്തികമാക്കാനുള്ള വേദികളാണ് ശാസ്ത്രമേളകൾ. പുതിയ പുതിയ കണ്ടെത്തലുകൾ നടത്താൻ ഇത്തരം മേളകൾ കുട്ടികൾക്ക് പ്രചോദനമാകുന്നു. ഭാവിയിലെ ശാസ്ത്ര പ്രതിഭകളെ വാർത്തെടുക്കുന്നതിൽ ഇത്തരം ശാസ്ത്രമേളകൾ പ്രധാന പങ്കുവഹിക്കുന്നു.സയൻസ് സാമൂഹ്യശാസ്ത്ര വർക്ക് എക്സ്പീരിയൻസ് ഐടി ഗണിത വിഷയങ്ങളിലാണ് കുട്ടി ശാസ്ത്ര പ്രതിഭകൾ മാറ്റുരച്ചത് . സ്കൂൾതല ശാസ്ത്രമേളകളിൽ നിന്ന് വിജയിച്ച കുട്ടികളെ സബ്ജില്ലാ മത്സരങ്ങളിലേക്ക് തിരഞ്ഞെടുത്തു. സയൻസ് വിഷയങ്ങളിൽ റിസർച്ച് ടൈപ്പ് പ്രോജക്ട് ,വർക്കിംഗ് മോഡൽ സ്റ്റിൽ മോഡൽ ,ഇമ്പ്രവൈസ്ഡ് എക്സ്പിരിമെന്റ്, സയൻസ് ഡ്രാമ ,സയൻസ് ക്വിസ് എന്നീ ഇനങ്ങളിലാണ് കുട്ടികൾ മത്സരിച്ചത്. ഗണിതമേളയിൽ സ്റ്റിൽ മോഡൽ ,വർക്കിംഗ് മോഡൽ, പസ്സിൽ കൺസ്ട്രക്ഷൻ അപ്ലൈഡ് കൺസ്ട്രക്ഷൻ, ജോമട്രിക്കൽ ചാർട്ട്, നമ്പർ ചാർട്ട് ,ഗ്രൂപ്പ് പ്രോജക്ട് എന്നീ ഐറ്റങ്ങളിലാണ് മത്സരങ്ങൾ നടന്നത്. ഐടി ക്വിസ്, അനിമേഷൻ ,സ്ക്രാച്ച് പ്രോഗ്രാമിംഗ് ,മലയാളം ടൈപ്പിംഗ് പ്രസന്റേഷൻ ,ഡിജിറ്റൽ പെയിന്റിംഗ്  തുടങ്ങിയ ഏഴോളം ഇനങ്ങളിൽ ആണ് മത്സരങ്ങൾ നടന്നത്. വർക്ക് എക്സ്പീരിയൻസ് മേളയിൽ ഗാർമെന്റ് മേക്കിങ്, പാവ നിർമ്മാണം, ക്വയർ മേക്കിങ് ,എംബ്രോയിഡറി, നെറ്റ് മേക്കിങ്, കുട നിർമ്മാണം ,ചോക്ക് നിർമ്മാണം എന്നിങ്ങനെയുള്ള ഇരുപതോളം ഐറ്റങ്ങളിൽ ഹൈസ്കൂൾ വിഭാഗത്തിലും പത്തോളം ഐറ്റങ്ങളിൽ യുപി വിഭാഗത്തിലും പത്തോളം ഐറ്റങ്ങളിൽ എൽപി വിഭാഗത്തിലും മത്സരങ്ങൾ നടന്നു. കുട്ടികളിലെ ശാസ്ത്ര പ്രതിഭകളെ കണ്ടെത്താൻ ഇത്തരം ശാസ്ത്രമേളകൾ വളരെയധികം സഹായകരമാണ്.
 === സ്വാതന്ത്ര്യദിനാഘോഷ മത്സരങ്ങൾ ===
+[[പ്രമാണം:29040-indepedence day comeptetions-1.jpg|ലഘുചിത്രം|സബ്ജില്ല തല സ്വാതന്ത്ര്യദിന മൽസരങ്ങൾ]]
 പൊതുവിദ്യാഭ്യാസ വകുപ്പിന്റെ നേതൃത്വത്തിൽ 2024 സ്വാതന്ത്ര്യ ദിനവുമായി ബന്ധപ്പെട്ട് സബ്ജില്ലാതലത്തിൽ വിവിധ മത്സരങ്ങൾ നടത്തി. നമ്മുടെ സ്കൂളിലെ കുട്ടികൾ വിവിധ ഇനങ്ങളിൽ മത്സരിച്ച സമ്മാനാർഹരായി. ദേശഭക്തിഗാന മത്സരത്തിൽ ഹൈസ്കൂൾ വിഭാഗത്തിലും യുപി വിഭാഗത്തിലും എൽ പി വിഭാഗത്തിലും നമ്മുടെ കുട്ടികൾ ഫസ്റ്റ് നേടി. അതുപോലെതന്നെ ഉപന്യാസ മത്സരങ്ങളിലും ഹൈസ്കൂൾ വിഭാഗത്തിലും യുപി വിഭാഗത്തിലും എൽ പി വിഭാഗത്തിലും നമ്മളുടെ കുട്ടികൾ ഫസ്റ്റ് നേടി. എൽപി യുപി തല ക്വിസ് മത്സരങ്ങളിലും നമ്മളുടെ കുട്ടികൾ ഫസ്റ്റ് നേടി സമ്മാനാർഹരായി. തുടർന്ന് മൂന്നാറിൽ വച്ച് നടന്ന ജില്ലാതല മത്സരങ്ങളിലും ദേശഭക്തിഗാനത്തിനും അതുപോലെ ഉപന്യാസ മത്സരത്തിനും ഫാത്തിമതയിലെ കുട്ടികൾ ഫസ്റ്റ് നേടി.
@@ വരി 56: / വരി 63: @@
 === ലിറ്റിൽ കൈറ്റ്സ് പ്രിലിമിനറി ക്യാമ്പ് 2024- 27 ബാച്ച് ===
+[[പ്രമാണം:29040-LK Preliminary Camp 2024-27Batch-1.jpg|ലഘുചിത്രം|ലിറ്റിൽ കൈറ്റ്‍സ് പ്രിലിമിനറി ക്യാമ്പ് 2024-27ബാച്ച്]]
 ലിറ്റിൽ കൈറ്റ്സ് 2024 -27 ബാച്ചിന്റെ പ്രിലിമിനറി ക്യാമ്പ് 12- 8 -2024ന് രാവിലെ 9 മണിക്ക് ഫാത്തിമ മാതാ സ്കൂളിൽ വച്ച് നടന്നു. സ്കൂൾ ഹെഡ്മിസ്ട്രസ് സിസ്റ്റർ ക്രിസ്റ്റീനയുടെ അധ്യക്ഷതയിൽ ചേർന്ന യോഗത്തിൽ കൈറ്റ് മിസ്ട്രസ് ആയ സിസ്റ്റർ ഷിജി മോൾ മാത്യു സ്വാഗതംആശംസിച്ചു. ക്യാമ്പിന്റെ ട്രെയിനറായി എത്തിയത് കൈറ്റ് മാസ്റ്റർ ജോസഫ് മാത്യു സർ ആയിരുന്നു. സാർ ലിറ്റിൽ കൈറ്റ്സിലേക്ക്തിരഞ്ഞെടുക്കപ്പെട്ട പുതിയ വിദ്യാർത്ഥികളെ ഹൃദ്യമായി സ്വാഗതം ചെയ്തു. പിന്നീട് ലിറ്റിൽ കൈറ്റ്സ് എന്ന ഐടി ക്ലബ്ബ് എന്താണെന്നും അതിന്റെ പ്രവർത്തന ഉദ്ദേശങ്ങൾ എന്താണെന്നും സ്ലൈഡ് പ്രസന്റേഷന്റെ സഹായത്തോടെ സാർ വിശദീകരിച്ചു കൊടുത്തു. അതിനുശേഷം ഒരു ഗെയിമിലൂടെ സർ കുട്ടികളെ 5 ഗ്രൂപ്പുകൾ ആയി തരംതിരിച്ചു.  എ ഐ,ഈ കോമേഴ്സ്,വി ആർ,റോബോട്ടിക്സ് എന്നിങ്ങനെ ഗ്രൂപ്പുകൾക്ക് പേരും നൽകി. പിന്നീട് ഗ്രൂപ്പുകൾ തമ്മിൽ മത്സരം നടക്കുന്ന രീതിയിലാണ് ഓരോ മത്സരങ്ങളും സംഘടിപ്പിക്കപ്പെട്ടത്. ഓരോ മത്സരങ്ങളുടെയും സ്കോർ സർ കൃത്യമായി രേഖപ്പെടുത്തുന്നുണ്ടായിരുന്നു. കുട്ടികൾക്ക് താൽപര്യം തോന്നുന്ന ഒരുപാട് ഗെയിമുകളിലൂടെ ആയിരുന്നു ക്യാമ്പ് പുരോഗമിച്ചത്. ഓരോ ഗെയിമുകളിലും കുട്ടികൾ വളരെ വാശിയോടുകൂടി പങ്കെടുത്തു. ഉച്ചയ്ക്കുശേഷം വിവിധ സോഫ്റ്റ്‌വെയറുകൾ പരിചയപ്പെടുത്തുന്ന ക്ലാസ് ആയിരുന്നു. ആദ്യമായി പരിചയപ്പെടുത്തിയത് അനിമേഷനുകൾ തയ്യാറാക്കാൻ ഉപയോഗിക്കുന്ന ഓപ്പൺ ടൂൺസ് എന്ന സോഫ്റ്റ്‌വെയർ ആയിരുന്നു. അത് ഉപയോഗിച്ച് നിർമ്മിച്ച ഒരു അനിമേഷിന്റെ വീഡിയോ കുട്ടികൾക്ക് കാണിച്ചു കൊടുത്തു. എങ്ങനെയാണ് ഓപ്പൺ ടൂൺസിൽ അനിമേഷൻ നിർമ്മിക്കുന്നത് എന്നും കുട്ടികൾക്ക് പഠിപ്പിച്ചു കൊടുത്തു. തുടർന്ന് സ്ക്രാച്ച് ഉപയോഗിച്ച് ഗെയിമുകൾ തയ്യാറാക്കാൻ പഠിപ്പിച്ചു. പിന്നീട് റോബോട്ടിക്സിനെ കുറിച്ച് പഠിപ്പിക്കുകയും നമ്മുടെ കൈ അടുത്തേക്ക് ചെല്ലുമ്പോൾ സെൻസ് ചെയ്ത പ്രവർത്തിക്കുന്ന കോഴിയുടെ പ്രവർത്തനവും സാർ കുട്ടികൾക്ക് കാണിച്ചുകൊടുത്തു. ക്യാമ്പിന്റെ അവസാനം പേരൻസ് മീറ്റിങ്ങും ഉണ്ടായിരുന്നു.മത്സരങ്ങളിൽ കൂടുതൽ പോയിന്റുകൾ നേടിയ ടീമിന് ചെറിയ സമ്മാനങ്ങളും ക്യാമ്പിന്റെ അവസാനം വിതരണം ചെയ്തു. ലിറ്റിൽ കൈറ്റ്സ് എന്ന വലിയൊരു ക്ലബ്ബിന്റെ ഭാഗമാകാൻ തുടക്കം കുറിക്കുന്ന കുട്ടികൾക്ക്എല്ലാവിധ ആശംസകളും സാർ നേർന്നു. ഒരുപാട് കാര്യങ്ങൾ കുട്ടികൾക്ക് പുതിയതായി മനസ്സിലാക്കാൻ സാധിച്ച ഒരു ക്ലാസ് ആയിരുന്നു എന്ന് കുട്ടികൾ അഭിപ്രായപ്പെട്ടു. വിദ്യാർത്ഥി പ്രതിനിധിയായ കുമാരി സാന്ദ്രയുടെ നന്ദിയോടെ പ്രിലിമിനറി ക്യാമ്പ് സമാപിച്ചു.
 === ലിറ്റിൽ കൈറ്റ്സ് പേരന്റ്സ് മീറ്റിംഗ് ===
+[[പ്രമാണം:29040-LK Parents Meeting 2024-27batch-1.jpg|ലഘുചിത്രം|ലിറ്റിൽ കൈറ്റ്‍സ് പേരന്റ്‍സ് മീറ്റിംഗ് 2024-27 ബാച്ച്]]
 -8- 20024 ഉച്ചകഴിഞ്ഞ് 2. 30ന് ലിറ്റിൽ കൈറ്റ്‌സിന്റെ 20274 27 ബാച്ചിലെ കുട്ടികളുടെ പേരെന്റ്സ് മീറ്റിംഗ് നടന്നു. സ്കൂൾ ഹെഡ്‍മിസ്‍ട്രസ് സിസ്റ്റർ ക്രിസ്റ്റീന അധ്യക്ഷത വഹിച്ച യോഗത്തിൽ കൈറ്റ് മിസ്ട്രസ് ആയ സിസ്റ്റർ ഷിജിമോൾ മാത്യു രക്ഷതാക്കൾക്ക് ഹൃദ്യമായ സ്വാഗതം ആശംസിച്ചു. തുടർന്ന് കൈറ്റ് മാസ്റ്റർ ട്രെയിനറായ ജോസഫ് സാർ രക്ഷകർത്താക്കൾക്ക് ലിറ്റിൽ കൈറ്റ്സ് എന്താണെന്നും ഈ ക്ലബ്ബിന്റെ പ്രവർത്തനങ്ങൾ എന്തൊക്കെയാണെന്നും സ്ലൈഡ് പ്രസന്റേഷന്റെ സഹായത്തോടെ വിശദമായി പറഞ്ഞ് മനസ്സിലാക്കി കൊടുത്തു. ലിറ്റിൽ കൈറ്റ്സ് ക്ലബ്ബിൽ അംഗങ്ങൾ ആകുന്നതിലൂടെ കുട്ടികൾ എന്തൊക്കെ കാര്യങ്ങളിൽ പരിശീലനം നേടുന്നു ഏതൊക്കെ രീതിയിൽ ലിറ്റിൽ കൈറ്റ്സ് ക്ലബ്ബിലെ പരിശീലനം കുട്ടികൾക്ക് ഭാവിയിൽ പ്രയോജനപ്പെടും എന്നീ കാര്യങ്ങൾ എല്ലാം ജോസഫ് സാർ വളരെ വിശദമായി രക്ഷകർത്താക്കൾക്ക് പറഞ്ഞ് മനസ്സിലാക്കി കൊടുത്തു. തുടർന്ന് സാർ കുട്ടികൾ തയ്യാറാക്കിയ വിവിധ അനിമേഷൻ വീഡിയോസ് രക്ഷകർത്താക്കൾക്ക് കാണിച്ചു കൊടുത്തു. മൂന്നുവർഷത്തെ കൃത്യമായ ചിട്ടയായ പരിശീലനത്തിലൂടെ നിങ്ങളുടെ കുട്ടികളും ഇതുപോലെയുള്ള അനിമേഷനുകളും ഗെയിമുകളും ഒക്കെ നിർമ്മിക്കാൻ പ്രാപ്തരാകും എന്ന് സാറ് ഓർമിപ്പിച്ചു. തുടർന്ന് കൈ മിസ്രസ് ആയ സിസ്റ്റർ ഷിജിമോൾ ലിറ്റിൽ കയറ്സിന്റെ പ്രാധാന്യത്തെക്കുറിച്ചും നമ്മുടെ സ്കൂളിൽ ക്ലബ്ബിന്റെ നേതൃത്വത്തിൽ നടക്കുന്ന വിവിധങ്ങളായ പ്രവർത്തനങ്ങളെക്കുറിച്ചും രക്ഷകർത്താക്കൾക്ക് പറഞ്ഞ് മനസ്സിലാക്കി കൊടുത്തു. ജില്ലയിലെ ഈ വർഷത്തെ മികച്ച ലിറ്റിൽ കൈറ്റ്സ് യൂണിറ്റിനുള്ള അവാർഡ് നമ്മുടെ സ്കൂളിന് ലഭിച്ച വിവരം വളരെ സന്തോഷത്തോടെ സിസ്റ്റർ രക്ഷിതാക്കളുമായി പങ്കുവെച്ചു. പ്രവർത്തി ദിവസമായിരുന്നിട്ടുകൂടി ലിറ്റിൽ കൈറ്റ്സ് പേരൻസ് മീറ്റിങ്ങിൽ  രക്ഷിതാക്കളുടെ നിറഞ്ഞ സാന്നിധ്യം ഉണ്ടായിരുന്നു. ഒരുപാട് തിരക്കുകൾക്കിടയിലും മീറ്റിങ്ങിന് എത്തിച്ചേർന്ന രക്ഷിതാക്കൾക്ക് കൃതജ്ഞത അർപ്പിച്ച് യോഗം അവസാനിപ്പിച്ചു.
-=== കായിക മേഖലയിലെ മത്സരങ്ങളുടെ തുടക്കത്തിൽ തന്നെ വിജയക്കൊടി പാറിച്ച്  ===
+=== കായിക മേഖലയിലെ മത്സരങ്ങളിൽ വിജയക്കൊടി പാറിച്ച്ഫാത്തിമമാതാ ===
+[[പ്രമാണം:29040-Sports-6.jpg|ലഘുചിത്രം|സ്‍പോർട‍്സ് ]]
-=== ഫാത്തിമ മാതാ ===
 25 അധ്യായനവർഷത്തെ സ്കൂൾതല മത്സരങ്ങൾ ഓഗസ്റ്റ് മാസം ആദ്യ ആഴ്ചയിൽ തന്നെ നടത്തി. സബ്ജില്ലാതലത്തിലേക്ക് മത്സരിക്കാൻ യോഗ്യത നേടിയ മുഴുവൻ കുട്ടികൾക്കും സ്കൂളിൽ കൃത്യമായ പരിശീലനം നൽകുന്നു.പാഠ്യ വിഷയങ്ങൾക്ക് മാത്രമല്ല ഇത്തരത്തിലുള്ള മറ്റ് പാഠ്യേതര വിഷയങ്ങൾക്കും നമ്മുടെ സ്കൂളിൽ പ്രത്യേക പരിഗണനയും പ്രോത്സാഹനവും കൊടുക്കുന്നു.
 ==== ചെസ്സ് മത്സരങ്ങൾ ====
 ഈ അധ്യയന വർഷത്തെ സബ്ജില്ല ചെസ്സ് മത്സരങ്ങൾ കുഞ്ചിത്തണ്ണി ഗവൺമെന്റ് ഹൈസ്കൂളിൽ വച്ച് നടന്നു. സബ്ജൂനിയർ ബോയ്സ് സബ്ജൂനിയർ ഗേൾസ് എന്നീ വിഭാഗങ്ങളിൽ കുട്ടികൾ പങ്കെടുത്തു. സബ്ജൂനിയർ ഗേൾസിൽ നേഹ ആർ ഒന്നാം സ്ഥാനവും , ദയ സോജൻ രണ്ടാം സ്ഥാനവും നേടി കണ്ണൂരിൽ നടക്കുന്ന സംസ്ഥാനതല മത്സരത്തിൽ പങ്കെടുക്കാൻ അർഹത നേടി.
-==== കരാട്ടെ മത്സരങ്ങൾ ====
-ഈ അധ്യയന വർഷത്തെ കരാട്ടെ സബ് ജില്ലാ റവന്യൂ ജില്ലാ മത്സരങ്ങൾ ആഗസ്റ്റ് പതിനാറാം തീയതി കുമളിയിൽ വച്ച് നടന്നു. നമ്മുടെ സ്കൂളിൽ നിന്നും സീനിയർ വിഭാഗത്തിൽ ചന്ദ്ര മനോജ് എന്ന കുട്ടി സബ്ജില്ലാതലത്തിലും റവന്യൂ ജില്ലാതലത്തിലും ഒന്നാം സ്ഥാനം നേടി കണ്ണൂരിൽ നടക്കുന്ന സംസ്ഥാനതല മത്സരത്തിൽ പങ്കെടുക്കാൻ അർഹത നേടി.
 ==== ത്രോ ബോൾ മത്സരങ്ങൾ ====
+[[പ്രമാണം:29040-Sports-4.jpg|ലഘുചിത്രം|ത്രോബോൾ മൽസരങ്ങൾ]]
 ഈ അധ്യയന വർഷത്തെ സബ്ജില്ലാ മത്സരങ്ങൾ ഓഗസ്റ്റ് 17 തീയതി മാങ്കുളം സെൻമേരിസ് ഹൈസ്കൂളിൽ വച്ച് നടത്തപ്പെട്ടു. സീനിയർ ഗേൾസ് ത്രോബോൾ മത്സരത്തിൽ നമ്മുടെ സ്കൂളിന് രണ്ടാം സ്ഥാനം ലഭിക്കുകയുണ്ടായി. മീരാ ബാബു അന്നാ മോൾ അസ്ന എന്നീ മൂന്ന് കുട്ടികൾ അടിമാലി സബ് ജില്ലാ മത്സരത്തിൽ കളിക്കുകയും ഒന്നാം സ്ഥാനം നേടുകയും ചെയ്തു. അന്നമോൾ അസ്ന എന്നീ കുട്ടികൾ ഇടുക്കി ജില്ലയെ പ്രതിനിധീകരിച്ച് സംസ്ഥാനതല മത്സരത്തിൽ പങ്കെടുക്കാൻ അർഹത നേടി.
 ==== തായ്‌ക്കോണ്ട മത്സരങ്ങൾ ====
+[[പ്രമാണം:29040-Sports Takewondo-3.jpg|ലഘുചിത്രം|തായ്ക്കോക്കോണ്ട മൽസരങ്ങൾ]]
 ഈ വർഷത്തെ തായ്കൊണ്ട് സബ്ജില്ലാ മത്സരങ്ങൾ ഓഗസ്റ്റ് 22 ആം തീയതി അടിമാലിയിൽ വച്ച് നടത്തപ്പെട്ടു. സബ്ജൂനിയർ ബോയ്സ് സബ് ജുനർ ഗേൾസ് ജൂനിയർ ഗേൾസ് സീനിയർ ഗേൾസ് എന്നീ വിഭാഗങ്ങളിലായി 23 കുട്ടികൾ ഫാത്തിമ മാതയെ പ്രതിനിധീകരിച്ച് പങ്കെടുത്തു. സബ്ജൂനിയർ ഗേൾസിൽ മൂന്നു കുട്ടികൾക്കും ( ബസുലിയ ജിംജോ, ഡല്ലാ ഷാജി, എയ്ഞ്ചൽ മരിയ) സബ്ജൂനിയർ ബോയ്സിൽ മൂന്നു കുട്ടികൾക്കും ( സിലിൻ കുറ്റപ്പാല രോഹിത് കെ ആർ ഭഗത് പി ജെ ) ജൂനിയർ ഗേൾസിൽ മൂന്നു കുട്ടികൾക്കും( അമ്രിൻ ഫാത്തിമ,ഫിദ ഫാത്തിമ, അദ്വൈത അനിൽകുമാർ ) സീനിയർ ഗേൾസിൽ രണ്ടു കുട്ടികൾക്കും (ആവണി, അതുല്യ പ്രസാദ് ) റവന്യൂ ജില്ല തായ്‌ക്കോണ്ട മത്സരങ്ങളിലേക്ക് സെലക്ഷൻ കിട്ടുകയുണ്ടായി. ഈ വർഷത്തെ തായ്‌ക്കോണ്ട മത്സരങ്ങളിൽ മികച്ച പ്രകടനമായിരുന്നു നമ്മുടെ കുട്ടികൾ കാഴ്ചവച്ചത്. ഇടുക്കി ജില്ലയെ പ്രതിനിധീകരിച്ച് സംസ്ഥാനതല മത്സരങ്ങൾ പങ്കെടുക്കാൻ നമ്മുടെ എട്ടു കുട്ടികൾക്ക് അവസരം ലഭിച്ചു എന്നത് അഭിനന്ദനാർഹമായ കാര്യമാണ്
+=== എൻ.എം.എം എസ് സ്കോളർഷിപ്പിൽ ഉജ്ജ്വല വിജയം നേടി ഫാത്തിമ മാതയുടെ ചുണക്കുട്ടികൾ ===
+-24 വർഷത്തിലെ നാഷണൽ മീൻസ് കം മെറിറ്റ് സ്കോളർഷിപ്പിന്റെ പരീക്ഷയിൽ ഫാത്തിമ മാതയിലെ രണ്ട് കുട്ടികൾ ഉജ്ജ്വല വിജയം നേടി. മയൂഷാ ദീപു ,അൻട്രീസ സിബി എന്നിവരാണ്  ആ മിടുക്കികൾ. ദേശീയതലത്തിലുള്ള സ്കോളർഷിപ്പുകൾ വരെ നമ്മളുടെ കുട്ടികൾ കരസ്ഥമാക്കുന്നു എന്നത് വളരെ അഭിമാനിക്കാവുന്ന കാര്യമാണ്.
+=== 2023-24 വർഷത്തെ എൽ എസ് എസ്,യു എസ് എസ് വിജയികൾ ===
+സ്കോളർഷിപ്പ് പരീക്ഷകൾ കുട്ടികളിലെ കഴിവുകളെ പ്രോത്സാഹിപ്പിക്കാൻ വളരെയധികം സഹായകമാണ്. എൽ പി യു പി ക്ലാസുകളിലെ കുട്ടികളുടെ പഠന നേട്ടങ്ങൾ പ്രകടിപ്പിക്കുന്നതിനായി പൊതുവിദ്യാഭ്യാസ വകുപ്പ് നടത്തുന്ന പ്രധാനപ്പെട്ട പരീക്ഷകളാണ് എൽ എസ് എസ്, യു എസ് എസ് പരീക്ഷകൾ.ഇത്തവണത്തെ എൽഎസ്എസ് സ്കോളർഷിപ്പ് പരീക്ഷയിൽ നമ്മുടെ സ്കൂളിലെ 11 കുട്ടികൾ വിജയിച്ച സ്കോളർഷിപ്പിന് അർഹരായി. ലിയാൻ ലിസാ ,ക്രിസ്റ്റല്ല ഷെർലി റോഡ് ഗ്രിഗസ്, മുഹമ്മദ് ഹാഫിസ്, ഇശൽ സാറ, എലിസബത്ത് മാത്യു സിറിൽ സിബി ആദവ് സി ആർ,മിൻഹാ ഫാത്തിമ,എ ഗൗരി പാർവതി,അനുരഞ്ജന കെ എസ്, ആൻ എൽസ മാത്യു എന്നീ കുട്ടികളാണ് എൽഎസ്എസ് സ്കോളർഷിപ്പിൽ മികച്ച വിജയം നേടിയത്.
+ഈ വർഷത്തെ യുഎസ്എസ് സ്കോളർഷിപ്പിന് നമ്മുടെ സ്കൂളിലെ റയാൻ ഷിബി എന്ന കുട്ടി അർഹനായി.സാമ്പത്തിക മേഖലയിൽ വളരെ പിന്നോക്കം നിൽക്കുന്ന ജില്ലയിലെ ഒരു സ്കൂളാണ് നമ്മുടേത്.ഇവിടെ ഈ സ്കൂളിലെ അധ്യാപകരുടെ ചിട്ടയായ പരിശീലനം ഒന്നുകൊണ്ടുമാത്രമാണ് നമ്മുടെ കുട്ടികൾക്ക് ഇത്തരം സ്കോളർഷിപ്പുകളിൽ ഉന്നത വിജയം കരസ്ഥമാക്കാൻ സാധിക്കുന്നത്.
+=== സയൻസ് സെമിനാർ- എ ഐ ===
+-25 വർഷത്തെ സബ്ജില്ല സയൻസ് സെമിനാർ കല്ലാർകുട്ടി സ്കൂളിൽ വച്ച് നടന്നു.ഈ വർഷത്തെ സെമിനാറിന്റെ വിഷയം എ ഐ ആയിരുന്നു.ഫാത്തിമ മാതാ സ്കൂളിൽ നിന്നും സെമിനാറിൽ പങ്കെടുത്ത ബിയോണ ബിനു ഒന്നാം സ്ഥാനം കരസ്ഥമാക്കി തൊടുപുഴയിൽ വച്ച് നടക്കുന്ന ജില്ലാ ലെവലിലേക്ക് തിരഞ്ഞെടുക്കപ്പെട്ടു.28-8-2024ൽ തൊടുപുഴയിൽ വച്ച് നടന്ന ജില്ലാതല മത്സരത്തിൽ ഫാത്തിമ മാതാ സ്കൂളിലെ ബിയോണ ബിനു രണ്ടാം സ്ഥാനം കരസ്ഥമാക്കി സംസ്ഥാനതല സയൻസ് സെമിനാർ മത്സരത്തിൽ പങ്കെടുക്കാൻ യോഗ്യത നേടി.
+=== പ്രകൃതിയുടെ സ്പന്ദനങ്ങൾ തൊട്ടറിയാൻ പ്രകൃതി സഹവാസ ക്യാമ്പ് ===
+[[പ്രമാണം:29040-eco club nature camp-1.jpg|ലഘുചിത്രം|എക്കൊ ക്ല‍ബ്ബ് പ്രകൃതി സഹവാസ ക്യാമ്പ്]]
+എക്കോ ക്ലബ്ബിലെ അംഗങ്ങൾക്കായുള്ള ഒരു പ്രകൃതി സഹവാസ ക്യാമ്പ് 23 -8-2024 ക്ലാസിക് എക്കോസ് സ്റ്റഡി സെന്റർ ചെമ്പകപ്പാറയിൽ വച്ച് നടത്തപ്പെട്ടു. നമ്പർ ഉദ്ഘാടനം ചെയ്തത് ഇടുക്കി ജില്ല എക്സൈസ് കമ്മീഷണർ എസ് ജയചന്ദ്രൻ സാർ ആയിരുന്നു.തുടർന്ന് ക്ലാസ് നയിച്ചത് ഇടുക്കി ജില്ല വിമുക്തി നോഡൽ ഓഫീസർ സാബു സാർ ആയിരുന്നു. രണ്ടാമത്തെ ദിവസം രാവിലെ സെൽഫ് ഡിഫൻസ് ക്ലാസും യോഗ ക്ലാസും ഉണ്ടായിരുന്നു. പിന്നീട് തങ്കമണി സഹകരണ സൊസൈറ്റിയുടെ ടീ ഫാക്ടറി സന്ദർശിക്കുവാൻ പോയി. ക്യാമ്പ് നടന്ന ക്ലാസിക് എക്കോസ് സ്റ്റഡീസ് സെന്റർ വിവിധങ്ങളായ സസ്യലതാദികൾ കൊണ്ട് നിറഞ്ഞ പ്രദേശമായിരുന്നു. ക്ലാസിക് എക്കോ സ്റ്റഡി സെന്ററിൽ നൂറിലധികം ഔഷധസസ്യങ്ങളും വിവിധയിനം 50 മരങ്ങളും അഞ്ജനത്തിൽപ്പെട്ട മുള സസ്യങ്ങളും മറ്റ് അനേകം സസ്യജാലങ്ങളും ഉണ്ടായിരുന്നു. ഒരുപാട് അപൂർവയിനം സസ്യങ്ങൾ കൊണ്ട് നിറഞ്ഞ അതിമനോഹരമായ പ്രകൃതിരമണീയത നിറഞ്ഞുനിൽക്കുന്ന ഒരു സ്ഥലമായിരുന്നു അവിടം. കുട്ടികൾക്ക് ഒരുപാട് ഔഷധസസ്യങ്ങളും മരങ്ങളും ഒക്കെ കണ്ടു മനസ്സിലാക്കാനും അതിന്റെ ഉപയോഗങ്ങൾ മനസ്സിലാക്കാനും സാധിച്ചു. പിന്നീട് ട്രക്കിംഗ് ആയിരുന്നു 24 മണിക്കൂറും 25 കിലോമീറ്റർ അധികം കാറ്റ് സഞ്ചരിക്കുന്ന കുരിശുമലയിലേക്ക് ആയിരുന്നു ട്രക്കിംഗ്. കാടിന്റെ ശാന്തതയും സ്പന്ദനങ്ങളും തൊട്ടറിഞ്ഞ ഒരു യാത്രയായിരുന്നു അത്. പുൽമേടുകളിൽ സമ്പുഷ്ടമായ വനപ്രദേശം ആയിരുന്നു അവിടം. 24ആം തീയതി വൈകുന്നേരം കുട്ടികളുടെ വിവിധ കലാപരിപാടികളും ക്യാമ്പ് ഫയറും ഉണ്ടായിരുന്നു. 25 തീയതി ഇടുക്കി ജില്ലയുടെ പ്രത്യേകതകളെ കുറിച്ച് ജോലി സാർ വളരെ വിജ്ഞാനപ്രദമായ ക്ലാസ് നയിച്ചു. അന്നേദിവസം ഉച്ചഭക്ഷണത്തോടെ ക്യാമ്പ് അവസാനിച്ചു. കുട്ടികൾക്ക് പ്രകൃതിയെ തൊട്ട് അറിയാനും മനസ്സിലാക്കാനും ഒരുപാട് സഹായിച്ച ഒരു ക്യാമ്പ് ആയിരുന്നു ഇത് എന്ന് നിസംശയം പറയാൻ സാധിക്കും. കുട്ടികൾക്ക് വിജ്ഞാനവും വിനോദവും സമ്മാനിച്ച മനോഹരമായ ഒരു ക്യാമ്പ് ആയിരുന്നു ഇത്.
+=== അക്ഷര ലോകത്തേക്ക് കൈപിടിച്ച് നടത്തിയ ഗുരുക്കന്മാർക്കായി ഒരു ദിനം ===
+അറിവിന്റെ അനന്തവിഹായസിലേക്ക് നമ്മളെ ഓരോരുത്തരെയും കൈപിടിച്ചുയർത്തിയ പ്രിയ അധ്യാപകർക്കായി ഒരു ദിനം. സെപ്റ്റംബർ 5 അധ്യാപക ദിനം. മാതാ പിതാ ഗുരു ദൈവം എന്നാണല്ലോ നമ്മുടെ ഭാരതീയ സങ്കല്പം. അച്ഛനും അമ്മയ്ക്കും ദൈവത്തിനും ഒപ്പം നമ്മൾ ഗുരുവിനെയും ആദരിക്കുകയും സ്നേഹിക്കുകയും ചെയ്യുന്നു. ഒരു വ്യക്തിക്ക് ജീവനും ജീവിതവും നൽകുന്നത് മാതാപിതാക്കൾ ആണെങ്കിൽ ജീവിക്കാൻ വേണ്ട അറിവും വെളിച്ചവും പാതയും കാട്ടിത്തരുന്നവരാണ് ഓരോ അധ്യാപകരും. ഇന്ത്യയുടെ രണ്ടാമത്തെ രാഷ്ട്രപതിയും മികച്ച ഒരു അധ്യാപകനും ആയിരുന്ന ഡോക്ടർ സർവേപ്പിള്ളി രാധാകൃഷ്ണന്റെ ജന്മദിനമാണ് അധ്യാപക ദിനമായി നാം ആഘോഷിക്കുന്നത്. സ്വയം ചിന്തിക്കാൻ നമ്മെ സഹായിക്കുന്നവരാണ് യഥാർത്ഥ അധ്യാപകർ എന്ന അദ്ദേഹത്തിന്റെ വാക്കുകൾ ഇന്ത്യക്കാരെ മാത്രമല്ല ലോകമെമ്പാടുമുള്ള വിദ്യാർത്ഥികളെ പ്രചോദിപ്പിച്ച വാക്കുകളാണ്. തന്റെ ജന്മദിനം ആഘോഷിക്കാതെ ഓരോ അധ്യാപകർക്കും വേണ്ടി നീട്ടിവയ്ക്കണം എന്നാണ് അദ്ദേഹം ആഗ്രഹിച്ചത്. ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലും വളരെ വിപുലമായ പരിപാടികളോടെയാണ് അധ്യാപക ദിനം ആഘോഷിച്ചത്. ബഹുമാനപ്പെട്ട പ്രിൻസിപ്പൽ സിസ്റ്റർ വിൽസി മരിയുടെ അധ്യക്ഷതയിൽ ചേർന്ന യോഗത്തിൽ സ്കൂളിലെ എല്ലാ അധ്യാപകരും വിദ്യാർത്ഥികളും സന്നിഹിതരായിരുന്നു. അറിവിന്റെ വെളിച്ചം ഏകുന്ന അധ്യാപകർക്കായി ഒരുപാട് ആശംസകളും പൂച്ചെണ്ടുകളും ആയാണ് കുട്ടികൾ എത്തിയത്. അവരുടെ പ്രിയ അധ്യാപകർക്കു നിറഞ്ഞ ഹൃദയത്തോടെ കുട്ടികൾ ആശംസകൾ അർപ്പിച്ചു. നഴ്സറി തലത്തിലെ കുഞ്ഞുമക്കൾ മുതൽ പ്ലസ് ടു തലം വരെയുള്ള എല്ലാ കുട്ടികളും അവരുടെ പ്രിയ അധ്യാപകർക്ക് ആദരം അർപ്പിച്ചു. യോഗ നടപടികൾക്ക് ശേഷം അധ്യാപകർക്കായി ചായ സൽക്കാരവും സ്കൂളിൽ നടത്തി. അധ്യാപക ദിനത്തിന്റെ ഓർമ്മയ്ക്കായി എല്ലാ അധ്യാപകർക്കും ഉപഹാരങ്ങളും നൽകി. അധ്യാപക ദിനത്തോടനുബന്ധിച്ചുള്ള സന്തോഷത്തിൽ എല്ലാ വിദ്യാർത്ഥികൾക്കും മിഠായി വിതരണം നടത്തി. ഹെഡ്മിസ്ട്രസ് സിസ്റ്റർ റെജി മോൾ  മാത്യു എല്ലാ അധ്യാപകർക്കും ആശംസകൾ അറിയിച്ചു.
+=== '''ഒത്തൊരുമയുടെ സന്തോഷം വിളിച്ചോതി ഫാത്തിമ മാതയിലെ  ഓണാഘോഷം''' ===
+മലയാളികൾക്ക് ഗൃഹാതുരത്വത്തിന്റെ ഒരു പിടി ഓർമ്മകൾ സമ്മാനിച്ചുകൊണ്ട് മറ്റൊരു ഓണക്കാലം കൂടി കടന്നുവന്നു. ഫാത്തിമ മാതാ സ്കൂളിലും വളരെ വിപുലമായ പരിപാടികളോടെ ആയിരുന്നു ഇത്തവണത്തെ ഓണാഘോഷം.ഫാത്തിമ മാതാ സ്കൂളിലെ ഈ വർഷത്തെ ഓണാഘോഷം വളരെ ഭംഗിയായി 13- 9-2024 ആഘോഷിക്കുകയുണ്ടായി. സ്മൃതി 2024 എന്ന പേരിലായിരുന്നു ഇത്തവണത്തെ ഓണാഘോഷം. ഓണാഘോഷത്തോടനുബന്ധിച്ച് ഒരുപാട് ഓണക്കളികൾ കുട്ടികൾക്കായി ഒരുക്കിയിരുന്നു. ഓണപ്പാട്ട് മത്സരം ,മഹാബലി മത്സരം, അത്തപ്പൂക്കളം മത്സരം  എന്നിങ്ങനെയുള്ള ഒരുപാട് മത്സരങ്ങൾ കുട്ടികൾക്കായി നടത്തി. കുട്ടികളെല്ലാവരും മനോഹരമായ വസ്ത്രങ്ങൾ അണിഞ്ഞാണ് ഓണാഘോഷത്തിന് എത്തിയത്. ഓണക്കളികളും ഓണപ്പാട്ടും മാവേലിത്തമ്പുരാൻ എഴുന്നള്ളത്തും ചെണ്ടമേളവും എല്ലാം കൂടി അക്ഷരാർത്ഥത്തിൽ സ്കൂൾ ഉത്സവ ഉത്സവലഹരിയിലേക്ക് മാറി. സ്കൂളിൽ എല്ലാ കുട്ടികൾക്കും വിഭവസമൃദ്ധമായ ഓണസദ്യ തയ്യാറാക്കിയിരുന്നു. ഓണ മത്സരങ്ങളിൽ വിജയിച്ച കുട്ടികൾക്ക് സമ്മാനങ്ങൾ വിതരണം ചെയ്തു. ഒത്തൊരുമയുടെ എല്ലാ സന്തോഷങ്ങളും കൂടി ഇത്തവണത്തെ ഓണം വളരെ ഭംഗിയായി ആഘോഷിച്ചു.
+=== ആരോഗ്യ കായിക വിദ്യാഭ്യാസം ===
+വളർച്ചയുടെ അടിത്തറ രൂപപ്പെടുന്ന ഘട്ടമാണ് പ്രൈമറി തലം. അതിനാൽ ഈ ഘട്ടത്തിൽ മുഴുവൻ കുട്ടികൾക്കും ആരോഗ്യകായിക വിദ്യാഭ്യാസത്തിന്റെ അനുഭവങ്ങൾ ലഭ്യമാകുന്നു എന്ന് ഉറപ്പുവരുത്തേണ്ടതുണ്ട്. സ്കൂൾ തലത്തിലെ കായിക വിദ്യാഭ്യാസ പരിപാടിയുടെ പ്രധാന ലക്ഷ്യം കായിക ക്ഷമത വർധിപ്പിക്കുക എന്നത് തന്നെയാണ്. കായിക ക്ഷമത എന്നത് ആരോഗ്യപൂർണമായ ജീവിതത്തിന് അനിവാര്യമായ ഒരു ഘടകമാണ്.ചലനമാണ് കായിക വിദ്യാഭ്യാസത്തിന്റെ അടിസ്ഥാനം.ഗുണപരമായ ചലനം സാധ്യമാകണമെങ്കിൽ ശാരീരിക ക്ഷമത അത്യന്താപേക്ഷിതമാണ്. ശാരീരികവും മാനസികവും വൈകാരികവും സാമൂഹികവും ആയ വികസനമാണ് കായിക വിദ്യാഭ്യാസം കൊണ്ട് വിഭാവനം ചെയ്തിട്ടുള്ളത്.
+'''ചെസ്സ്'''
+ഓഗസ്റ്റ് 6 ആം തീയതി ഗവൺമെന്റ് എച്ച്.എസ്.എസ് കുഞ്ചിത്തണ്ണിയിൽ വെച്ച് സബ്ജില്ലാതല ചെസ്സ് മത്സരം നടത്തി. സബ്ജുനിയർ ബോയ്സ്, സബ്‍ജുനിയർ ഗേൾസ് എന്നീ വിഭാഗങ്ങളിൽ കുട്ടികൾ പങ്കെടുത്തു. സബ് ജുനിയർ ഗേൾസിൽ  ൽ നേഹ -ഫസ്‍റ്റും ദയ സോജൻ -സെക്കന്റും കരസ്ഥമാക്കി. അണക്കര ഗവൺമെന്റ് സ്കൂളിൽ വച്ച് നടന്ന ജില്ലാ മത്സരത്തിൽ ദയ സോജൻ ഒന്നാം സ്ഥാനം കരസ്ഥമാക്കി കുസാറ്റിൽ വെച്ച് നടന്ന സംസ്ഥാനതല മത്സരത്തിൽ പങ്കെടുക്കാൻ അർഹത നേടുകയും ചെയ്തു.
+'''കരാട്ടെ'''
+ഓഗസ്റ്റ് പതിനാറാം തീയതി കുമളിയിൽ വെച്ച് കരാട്ടെ സബ്ജില്ലാതല മത്സരവും,റവന്യൂ ജില്ലാതല മത്സരവും നടന്നു. സ്കൂളിൽ നിന്നും സീനിയർ വിഭാഗത്തിൽ ചന്ദ്ര മനോജ് പങ്കെടുത്തു. സബ്ജില്ലാതലത്തിലും റവന്യൂ ജില്ലാതലത്തിലും ഒന്നാം സ്ഥാനം നേടി എറണാകുളത്തു വെച്ച് നടക്കുന്ന സംസ്ഥാനതല ഒളിമ്പിക്സ് മത്സരത്തിൽ പങ്കെടുക്കാൻ അർഹത നേടി.
+'''തായ്ക്കൊണ്ട മത്സരങ്ങൾ'''
+അടിമാലിയിൽ വച്ച് നടന്ന സബ്ജില്ല തായ്ക്കോണ്ടാ മത്സരങ്ങളിൽ ഫാത്തിമ സ്കൂളിലെ 23 കുട്ടികൾ പങ്കെടുക്കുകയും 16 കുട്ടികൾക്ക് റവന്യൂജില്ലാ മത്സരത്തിൽ പങ്കെടുക്കാൻ യോഗ്യത നേടുകയും ചെയ്തു സബ് ജൂനിയർ ബോയ്സ്, സബ് ജൂനിയർ ഗേൾസ്,ജൂനിയർ ഗേൾസ്,സീനിയർ ഗേൾസ് എന്നീ കാറ്റഗറിയിൽ കുട്ടികൾ മത്സരിച്ചു. വളരെ മികച്ച പ്രകടനമാണ് റവന്യൂജില്ലാ മത്സരങ്ങളിൽ കുട്ടികൾ കാഴ്ചവച്ചത്.
+സബ്ജൂനിയർ ഗേൾസിൽ മൂന്നു കുട്ടികൾക്കും സബ്ജൂനിയർ ബോയ്സിൽ മൂന്ന് കുട്ടികൾക്കും  ജൂനിയർ ഗേൾസിൽ മൂന്ന് കുട്ടികൾക്കും സിനയർ ഗേൾസിൽ 2കുട്ടികൾക്കും റവന്യൂ ജില്ലാ തായ്‌ക്കൊണ്ട മത്സരത്തിലേക്ക് സെലക്ഷൻ കിട്ടുകയുണ്ടായി.ജില്ലയെ പ്രതിനിധീകരിച്ച് സംസ്ഥാനതലത്തിൽ പങ്കെടുക്കാൻ 8 കുട്ടികൾക്ക് അവസരം ലഭിച്ചുകണ്ണൂരിൽ വെച്ച് നടന്ന തായിക്കോണ്ട സംസ്ഥാനതല മത്സരത്തിൽ സബ്ജൂനീ യർ ബോയ്സിൽ നിന്നും മൂന്ന് കുട്ടികളും സബ്ജുനിയർ  ഗേൾസിൽ നിന്ന് മൂന്ന് കുട്ടികളും പങ്കെടുത്തു. സീന ഗേൾസിന്റെ മത്സരം എറണാകുളത്ത് വച്ചാണ് നടന്നത് സീനീയർ ഗേൾസിൽ രണ്ടു കുട്ടികൾ സംസ്ഥാനതല ഒളിമ്പിക്സിൽ പങ്കെടുത്തു.
+'''വോളി ബോൾ'''
+സെപ്റ്റംബർ 24 ആം തീയതി രാജാക്കാട് ഗവൺമെന്റ് സ്കൂളിൽ വെച്ച് വോളിബോൾ സബ്ജില്ലാ മത്സരം നടത്തുകയുണ്ടായി. സബ്ജൂനിയർ ഗേൾസ്, ജൂനിയർ ഗേൾസ്, സീനിയർ ഗേൾസ് എന്നീ വിഭാഗത്തിൽ സ്കൂളിൽ നിന്നും ടീമുകൾ പങ്കെടുത്തു. സബ്ജൂനിയർ ഗേൾസിലും സീനിയർ ഗേൾ ലും ഒന്നാം സ്ഥാനവും ജൂനിയർ ഗേൾസിൽ മൂന്നാം സ്ഥാനവും ലഭിക്കുകയുണ്ടായി.റവന്യൂ ജില്ല- അടിമാലി സബ് ജില്ലയെ പ്രതിനിധീകരിച്ച് സ്കൂളിൽ നിന്നും സബ്ജൂനിയർ ഗേൾസിൽ5 കുട്ടികളും ജൂനിയർ ഗേൾസിൽ 2 കുട്ടികളും സീനിയർ ഗേൾസിൽ 6 കുട്ടികളും പങ്കെടുത്തു.സബ്ജൂനിയർ ഗേൾസിൽ ഒന്നാം സ്ഥാനവും ജൂനിയർ ഗേൾസിൽ മൂന്നാം  സ്ഥാനവും സീനിയർ  ഗേൾസിൽ രണ്ടാം സ്ഥാനവും ലഭിക്കുകയുണ്ടായി.ജില്ലയെ പ്രതിനിധീകരിച്ച് സബ്ജൂനിയർ ഗേൾസിന്റെ വിഭാഗത്തിൽ5 കുട്ടികൾ( ബ്ലെസ്സി, ആഫിയ, സ്വാഫിയ, മരിയ) എന്നിവർ സംസ്ഥാന ഒളിമ്പിക്സിൽ പങ്കെടുത്തു.
+'''അത്‍ലെറ്റിക്സ് മൽസരങ്ങൾ'''
+[[പ്രമാണം:29040-Sports-5.jpg|ലഘുചിത്രം|അത്‍ലെറ്റിക് മൽസരങ്ങൾ]]
+ഒക്ടോബർ 14 മുതൽ 16 വരെ എൻ ആർ സിറ്റി സ്ക്കുളിൽ വച്ചു നടന്ന അത്‍ലെറ്റിക് മത്സരത്തിൽ 32 കുട്ടികൾ പങ്കെടുത്തു.ഇൻഫന്റ് സെക്ഷൻ  എൽ.പി കിഡ്ഡീസ്-ഫസ്‍റ്റ്,ഗേൾസ് എൽ.പി കിഡ്ഢീസ്-ഫസ്റ്റ്,കിഡ്ഡീസ് ഗേൾസ് യു.പി-സെക്കന്റ്,കിഡ്ഡീസ് ബോയ്സ് യു.പി-സെക്കന്റ് എന്നീ സ്ഥാനങ്ങൾ നേടാൻ സാധിച്ചു.ജൂനിയർ ഗേൾസ് ഷോട്ട്പുട്ടിൽ ശ്വേതാ എസ്  ജില്ലാതലത്തിൽ ഒന്നാം സ്ഥാനം ലഭിച്ചു സംസ്ഥാനതലത്തിൽ പങ്കെടുക്കുകയും ചെയ്തു.സീനിയർ വിഭാഗം  ത്രോ ബോൾ മത്സരത്തിൽ സ്കൂളിന് രണ്ടാം സ്ഥാനം ലഭിച്ചു.
+=== ജന്മദിനത്തിന് ഒരു പുസ്തകം ===
+[[പ്രമാണം:29040-Book Donation For Birthday-1.jpg|ലഘുചിത്രം|277x277ബിന്ദു|പിറന്നാൾ ദിവസം ഓരോ കുട്ടിയും മിഠായിക്ക് പകരം സ്‍ക്കൂളിലേക്ക് ഒരു പുസ്‍തകം സംഭാവന ചെയ്യുന്നു.]]
+എല്ലാ സ്കൂളുകളിലും കുട്ടികൾ ജന്മദിനത്തിൽ മിഠായി പങ്കുവയ്ക്കുമ്പോൾ ഞങ്ങൾ പ്ലാസ്റ്റിക് നിർമാർജനം ലക്ഷ്യം വെച്ച് ജന്മദിനത്തിൽ സ്കൂൾ ലൈബ്രറിയിലേക്ക് ഒരു പുസ്തകം സമ്മാനിക്കുന്നു ഇതിലൂടെ സ്കൂൾ ക്യാമ്പസിൽ ഒരു പരിധിവരെ പ്ലാസ്റ്റിക് മാലിന്യങ്ങൾ വരുന്നത് തടയാൻ കഴിയുന്നു. എല്ലാ കുട്ടികളും ഈ രീതിയിൽ ചെയ്യുമ്പോൾ സ്കൂൾ ലൈബ്രറി ഓരോ ദിവസവും വികസിച്ചുകൊണ്ടിരിക്കുന്നു കുട്ടികൾക്ക് വായിക്കാൻ പുതിയ പുതിയ ഒരുപാട് പുസ്തകങ്ങൾ ഈ ഒരു പ്രവർത്തിയിലൂടെ സ്കൂൾ ലൈബ്രറിയിലേക്ക് എത്തുന്നു.
+=== പ്രകൃതിയുടെ മടിത്തട്ടിൽ മുത്തമിട്ട് ===
+പച്ചപ്പുതപ്പണിഞ്ഞ മൊട്ടക്കുന്നുകൾക്കിടയിൽ രാക്കിളികളുടെ സംഗീതം കേട്ടുണരുന്ന പ്രകൃതി രമണിയമായ ഒരു കൊച്ചു ഗ്രാമത്തിന്റെ ഹൃദയ ഭാഗത്താണ് പരിശുദ്ധ ഫാത്തിമ മാതാവിന്റെ അനുഗ്രഹീതനാമത്താൽ ധന്യമായ എന്റെ വിദ്യാലയം. ഹരിത ശോഭയോടെ ഉയർന്നു നിൽക്കുന്ന കൂറ്റൻ മലകൾക്കിടയിൽ നിന്ന് മുത്തുച്ചിപ്പികൾ വാരിവിതറുന്ന പോലെ പൊട്ടിച്ചിതറുന്ന വെള്ളച്ചാട്ടം സഞ്ചാരികൾക്കെല്ലാം ഒരു കൗതുക കാഴ്ച തന്നെ. മധുവൂറുന്ന പൂക്കളിലെ തേനുണ്ണാ പായുന്ന കൊച്ചു പൂമ്പാറ്റകൾ നിറഞ്ഞ മനോഹരമായ ബട്ടർ ഫ്‌ളൈ പാർക്കും പൂക്കളും സസ്യലതാതികളും ഔഷധച്ചെടികളും നിറഞ്ഞ ജൈവ വൈവിധ്യ ഉദ്യാനങ്ങളുമെല്ലാം ഇവിടുത്തെ വേറിട്ട കാഴ്ചകൾ തന്നെ. സ്കൂളിന്റെ ഹൃദയ ഭാഗത്തായി ക്രമീകരിച്ചിരിക്കുന്ന ഇൻഡോർ സ്റ്റേഡിയവും തട്ടുകളായിട്ടുള്ള ഇരിപ്പിടങ്ങളും അവിടെയിരുന്നുള്ള ടി.വികാണലും എല്ലാം മറക്കാനാവാത്ത അനുഭൂതികൾത്തന്നെ.
+=== '''ശാസ്‍ത്ര പ്രതിഭകളെ കണ്ടെത്താൻ സബ്ജില്ലാ ശാസ്ത്രമേള''' ===
+[[പ്രമാണം:29040-Sub District sasthramela-1.jpg|ലഘുചിത്രം|സബ്‍ജില്ല ശാസ്ത്രമേള ഓവറോൾ ഫസ്‍റ്റ്]]
+കുട്ടികളിലെ ശാസ്ത്രീയമായ കഴിവുകൾ കണ്ടെത്തുന്നതിനും വികസിപ്പിക്കുന്നതിനും വേണ്ടിയാണല്ലോ ശാസ്ത്രമേളകൾ സംഘടിപ്പിക്കപ്പെടുന്നത്. പുതിയ തലമുറയിലെ ശാസ്ത്രജ്ഞരെ വളർത്തി എടുക്കുന്നതിനുള്ള ആദ്യഘട്ടമാണ് സ്കൂൾതല സബ്ജില്ലാ ശാസ്ത്രമേളകൾ. അടിമാലി സബ് ജില്ലയിലെ ഈ വർഷത്തെ ശാസ്ത്രമേള ഒക്ടോബർ 28,29 തീയതികളിൽ ഫാത്തിമ മാതാ ഗേൾസ് ഹയർ സെക്കൻഡറി സ്കൂളിൽ വച്ച് നടന്നു. അടിമാലി സബ് ജില്ലയിലെ 70 ഓളം സ്കൂളുകളിൽ നിന്നുള്ള ശാസ്ത്ര പ്രതിഭകളാണ് ഈ ശാസ്ത്ര മാമാങ്കത്തിൽ മാറ്റുരക്കാൻ എത്തിച്ചേർന്നത്. സയൻസ് സോഷ്യൽ സയൻസ് മാത്തമാറ്റിക്സ്, വർക്ക് എക്സ്പീരിയൻസ് ഐടി മേളകളാണ് നടന്നത്. എല്ലാ സ്കൂളുകളിലെയും മികച്ച പങ്കാളിത്തം മേളയിൽ ഉണ്ടായിരുന്നു. സയൻസ് മേളയിൽ എച്ച് എസ് എൽ പി യുപി വിഭാഗങ്ങളിൽ ഓവറോൾ ഫസ്റ്റ്, ഗണിത മേളയിൽ യുപിഎച്ച് വിഭാഗങ്ങളിൽ ഓവറോൾ ഫസ്റ്റ്, സോഷ്യൽ സയൻസ് മേളയിൽ എച്ച്എസ് ഓവറോൾ സെക്കൻഡ് യുപി ഓവറോൾ സെക്കൻഡ് എൽ പി ഓവറോൾ സെക്കൻഡ്, ഐടി മേളയിൽ യുപി ഓവറോൾ ഫസ്റ്റ് എച്ച് എസ് ഓവറോൾ ഫസ്റ്റ്, എച്ച്എസ്എസ് ഓവറോൾ ഫസ്റ്റ്   എച്ച്എസ് ഓവറോൾ ഫസ്റ്റ്, യുപി ഓവറോൾ സെക്കൻഡ്,എൽ പി ഓവറോൾ തേർഡ് എന്നിവ നേടി മികച്ച വിജയം കൈവരിക്കാൻ നമ്മളുടെ സ്കൂളിലെ കുട്ടികൾക്കായി. കുട്ടികളുടെയും അധ്യാപകരുടെയും അടുക്കും ചിട്ടയുമായുള്ള പരിശീലനവും പരിശ്രമവും നമ്മുടെ സ്കൂളിനെ മികച്ച വിജയത്തിലേക്ക് എത്തിച്ചു. രണ്ടുദിവസങ്ങളിലായി നടന്ന സബ്ജില്ലാ ശാസ്ത്രമേള കൊടിയിറങ്ങുമ്പോൾ അടിമാലി സബ് ജില്ലയിലെ മികച്ച സ്കൂളിനുള്ള ട്രോഫിയും നമുക്ക് സ്വന്തമായിരുന്നു.
+=== ശാസ്ത്രോത്സവം-എൽ പി ===
+- 2025 അധ്യായന ഉപജില്ലാ ശാസ്ത്രോത്സവം ഒക്ടോബർ 28 , 29 തീയതികളിൽ ഫാത്തിമ മാതാ ഗേൾസ് ഹയർ സെക്കൻഡറി സ്കൂൾ കൂമ്പൻപാറയിൽ വെച്ച് നടക്കപ്പെട്ടു.എൽ .പി വിഭാഗത്തിൽ സ്റ്റിൽ മോഡൽ ,വർക്കിംഗ് മോഡൽ, സിമ്പിൾ എക്സ്പിരിമെന്റ് എന്നിങ്ങനെ വിവിധ മത്സരങ്ങൾ നടത്തുകയും ഓരോ മത്സരത്തിലും കുട്ടികൾ പങ്കെടുക്കുകയും ചെയ്തു.ശാസ്ത്രമേളയിൽ 24 പോയിന്റ് കളോടെ ഒന്നാം സ്ഥാനവും ഗണിതമേളയിൽ 27 പോയിൻറ് മൂന്നാം സ്ഥാനവും  സാമൂഹ്യശാസ്ത്രമേളയിൽ 15 പോയിന്റോടെ രണ്ടാം സ്ഥാനവും കരസ്ഥമാക്കാൻ സാധിച്ചു. ശാസ്ത്രമേളയിൽ പങ്കെടുത്ത മുഴുവൻ ഇനത്തിനും എ ഗ്രേഡ് കരസ്ഥമാക്കുകയും ഗണിതമേളയിൽ ക്വിസിന്  ബി ഗ്രേഡും ബാക്കി മുഴുവൻ ഇനത്തിനും എ ഗ്രേഡും  കരസ്ഥമാക്കി. സാമൂഹ്യശാസ്ത്രമേളയിൽ മോഡലിന് എ ഗ്രേഡും ക്വിസിന് ബിഗ്രേഡും  കരസ്ഥമാക്കാനും സാധിച്ചു.
+=== ജില്ലാ ശാസ്ത്രമേള ===
+ജില്ലാതല ശാസ്ത്രമേള നവംബർ 1 2 തീയതികളിൽ കുമളി അട്ടപ്പള്ളം സെന്റ് ജോസഫ് എച്ച് എസ്,മുരിക്കടി എന്നീ സ്കൂളിൽ വച്ചാണ് നടന്നത്. ഇടുക്കി ജില്ലയിലെ മിടുക്കന്മാരും മിടുക്കികളുമായ ശാസ്ത്ര കുതുകികൾ ആയ വിദ്യാർത്ഥികൾ ഈ മേളയിൽ വാശിയോടെ മാറ്റുരച്ചു.സയൻസ്, സോഷ്യൽ സയൻസ്,മാത്തമാറ്റിക്സ്, വർക്ക് എക്സ്പീരിയൻസ്,ഐടി മേളകളിൽ ഓവറോൾ ഫസ്റ്റ് നേടി വിജയിക്കാൻ നമുക്ക് സാധിച്ചു. കുമളിയുടെ മണ്ണിൽ നിന്നും ജില്ലാ ശാസ്ത്രമേള ഓവറോൾ കിരീടം നേടി അഭിമാനത്തോടെ ആയിരുന്നു മടക്കം. മാസങ്ങളായുള്ള അധ്യാപകരുടെയും കുട്ടികളുടെയും കഠിനാധ്വാനത്തിന്റെയും പരിശീലനത്തിന്റെയും പ്രതിഫലമായിരുന്നു ഇന്ന് നേടിയ ഓവറോൾ ഫസ്റ്റ് കിരീടം.
+=== സാമൂഹിക പ്രതിബദ്ധത പ്രവർത്തനങ്ങളുമായി ലിറ്റിൽ കൈറ്റ്സ് അംഗങ്ങൾ കുടുംബശ്രീയിലേക്ക് ===
+=== കുടുംബശ്രീ അംഗങ്ങൾക്കായി ഐടി അധിഷ്ഠിത അവബോധ  ക്ലാസ് ===
+[[പ്രമാണം:29040-Little Kites Kudumbasree Awareness Class-1.jpg|ലഘുചിത്രം|കുടുംബശ്രീ അംഗങ്ങൾക്കായി ഐ ടി അവബോധ ക്ലാസ്സ്]]
+ഫാത്തിമ മാതാ ഗേൾസ് ഹയർസെക്കൻഡറി സ്കൂളിലെ ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ 2024 ഒക്ടോബർ 19 ആം തീയതി  കുടുംബശ്രീ വനിതകൾക്കായി ഒരു ടെക്നോളജി  ക്ലാസ് നടത്തപ്പെടുകയുണ്ടായി. ടെക്നോളജി മേഖലയിൽ വനിതകളുടെ പങ്കാളിത്തം കൂടുതൽ ഉറപ്പുവരുത്തുന്നതിനും, വിവിധങ്ങളായ സാങ്കേതികവിദ്യയുടെ മേഖലയിൽ ഒരു അവബോധം സൃഷ്ടിക്കുക എന്ന ലക്ഷ്യത്തോടെയാണ് ഈ പരിപാടി സംഘടിപ്പിച്ചത്. ഓൺലൈൻ ഷോപ്പിംഗ്, എ ഐ,മെറ്റാ എ ഐ, ചാറ്റ് ജിടിപി, പേരന്റൽ കൺട്രോളിങ്, ടൈപ്പിംഗ് എന്നിങ്ങനെ അഞ്ചു മേഖലകളിൽ കേന്ദ്രീകരിച്ചാണ് ക്ലാസ് നടത്തപ്പെട്ടത്. ഓൺലൈൻ ഷോപ്പിംഗ് - ഈ സെക്ഷൻ വഴി കുടുംബശ്രീ വനിതകൾക്ക് ഓൺലൈൻ ഷോപ്പിങ്ങിന്റെ സൗകര്യങ്ങളും ഇടപാടുകളും എങ്ങനെ നടത്താമെന്ന് മനസ്സിലാക്കി കൊടുത്തു. വിവിധ ഈ- കോമേഴ്സ് പ്ലാറ്റ്ഫോമുകൾ പരിചയപ്പെടുത്തി. തട്ടിപ്പുകൾ എങ്ങനെ തിരിച്ചറിയണമെന്നും ചർച്ച ചെയ്തു.•എ ഐ അഥവാ ആർട്ടിഫിഷ്യൽ ഇന്റലിജൻസ്.സാങ്കേതികവിദ്യയിൽ ഒരു വിപ്ലവത്തിനുതന്നെ തുടക്കം കുറിച്ച എ ഐനെക്കുറിച്ചാണ് അടുത്തതായി ഞങ്ങൾ പരിചയപ്പെടുത്തിയത്. അതിനായി എ ഐനെക്കുറിച്ച് ആദ്യം തന്നെ ഒരു വിവരണം പങ്കുവെച്ചു.'''മെറ്റാ എ ഐ -'''അടുത്തിടെ നമ്മുടെ ജീവിതത്തിലേക്ക് കടന്നു വരികയും, നമ്മുടെ പലരുടെയും ജീവിതത്തിന്റെ ഒരു ഭാഗമായി മാറുകയും ചെയ്ത മെറ്റാ  എ ഐ യിനെയും ചാറ്റ് ജി ടി പി  യെയും കുറിച്ചായിരുന്നു ഞങ്ങളുടെ പിന്നീടുള്ള ചർച്ച. ചിത്രങ്ങളും, പാചകക്കുറിപ്പും തുടങ്ങി അവർക്ക് ഉപയോഗപ്പെടുന്ന രീതിയിൽ അവയെ എങ്ങനെ ഉപയോഗപ്പെടുത്തണമെന്ന് പരിശീലനം നൽകി.
+'''പേരന്റൽ കൺട്രോളിങ് -'''ഇത്രയും നേരം  ചർച്ച ചെയ്ത വിഷയങ്ങളിൽ നിന്നും  തികച്ചും വ്യത്യസ്തമായ കാര്യമാണ് പേരന്റൽ കൺട്രോളിംഗ്. കോവിഡ് കാലത്ത് മാതാപിതാക്കളിൽ മിക്കവരും സ്വന്തം മക്കൾക്ക് മൊബൈൽ ഫോൺ വാങ്ങി കൊടുത്തിട്ടുണ്ടാവും. അവർ അത് എങ്ങനെ ഉപയോഗിക്കുന്നു എന്നും, എത്ര നേരം ഉപയോഗിക്കുന്നു എന്നെല്ലാം തിരിച്ചറിയാൻ സഹായിക്കുന്ന ഒരു സെറ്റിംഗ്സ് ആണ്  പേരന്റൽ കൺട്രോളിങ്. കുട്ടികളുടെ സുരക്ഷയ്ക്കായി മൊബൈൽ കമ്പനിക്കാർ ഇറക്കിയ ഒരു അപ്ഡേറ്റ് ആണിത്. '''ടൈപ്പിംഗ്-'''രേഖകൾ തയ്യാറാക്കാനും തൊഴിലിൽ കൂടുതൽ ഫലപ്രാപ്തി ഉണ്ടാക്കുവാനുള്ള ഒരു കഴിവാണിത്.  ടൈപ്പിംഗ് നമ്മളിൽ സമ്പൂർണ്ണ ഡിജിറ്റൽ സേവനങ്ങൾ പ്രയോജനപ്പെടുത്തുവാൻ സഹായിക്കുന്നു.ടൈപ്പിംഗിനെ കുറിച്ചാണ് അവസാന സെക്ഷനിൽ ഞങ്ങൾ ക്ലാസ് എടുത്തത്. ഇതിനായി ഞങ്ങൾ കെ ലെറ്റർ അതുപോലെ തന്നെ മങ്കി ടൈപ്പ് തുടങ്ങിയ  ആപ്പുകളും വെബ്‍സൈറ്റുകളും ഉപയോഗിച്ചു.
+=== ഫ്രീഡം ഫെസ്റ്റ് 2024- 25 ===
+[[പ്രമാണം:29040-Freedom Fest 2024-2.jpg|ലഘുചിത്രം|ലിറ്റിൽ കൈറ്റ്സിന്റെ നേതൃത്വത്തിൽ ഫ്രീഡം ഫെസ്റ്റ് ആഘോഷം]]
+ശാസ്ത്ര സാങ്കേതികവിദ്യ അനുദിനം പുരോഗതി പ്രാപിച്ചുകൊണ്ടിരിക്കുന്ന ഒരു കാലഘട്ടത്തിൽ ആണല്ലോ നാം ഇന്ന് ജീവിക്കുന്നത്. മൊബൈൽ ഫോണും ഇന്റർനെറ്റും ഇന്ന് സാധാരണക്കാരന്റെ പോലും നിത്യജീവിതത്തിന്റെ ഭാഗമായി മാറിക്കഴിഞ്ഞു .ഇൻഫർമേഷൻ ടെക്നോളജിയുമായി ബന്ധപ്പെട്ട പുതിയ പുതിയ കാര്യങ്ങൾ സാധാരണക്കാരായ ജനങ്ങളുടെ ജീവിതത്തിലേക്ക് എത്തിക്കാനും സ്വതന്ത്ര സോഫ്റ്റ്‌വെയർ ആയ ലിനക്സിന്റെ പ്രാധാന്യം സമൂഹത്തിലും പുതുതലമുറയിലേക്ക് എത്തിക്കാനും ലക്ഷ്യമിട്ട് കേരള സർക്കാർ കൈറ്റിന്റെ നേതൃത്വത്തിൽ കേരളത്തിലെ എല്ലാ പൊതു വിദ്യാലയങ്ങളിലും സ്വതന്ത്ര വിജ്ഞാനോത്സവം സംഘടിപ്പിക്കുന്നു .അതിന്റെ ഭാഗമായി നമ്മുടെ സ്കൂളിലും നവംബർ 19ന് ഫ്രീഡം ഫെസ്റ്റ് വിവിധ പരിപാടികളോടെ ആഘോഷിക്കുകയുണ്ടായി. അന്നേദിവസം രാവിലെ വിളിച്ചുചേർത്ത സ്കൂൾ സ്പെഷ്യൽ അസംബ്ലിയോടെ പരിപാടികൾക്ക് തുടക്കം കുറിച്ചു. ലിറ്റിൽ കൈറ്റ്സ് ലീഡർ കുമാരി അമേയ സൽജുവിന്റെ സ്വാഗത പ്രസംഗത്തോടെ യോഗം ആരംഭിച്ചു .ഫ്രീഡം ഫെസ്റ്റിന്റെ ഔപചാരികമായ ഉദ്ഘാടനം സ്കൂൾ എച്ച് എം ഇൻചാർജ് സിസ്റ്റർ മേരി ജെയിംസ് നിർവഹിച്ചു.കൈറ്റ് മിസ്‍ട്രസ് സിസ്റ്റർ ഷിജിമോൾ മാത്യു ഫ്രീഡം ഫസ്റ്റ് പ്രാധാന്യം കുട്ടികൾക്ക് മനസ്സിലാക്കി കൊടുക്കാനായി ഒരു ക്ലാസ് നടത്തി.കൈറ്റ് മിസ്‍ട്രസ് അമ്പിളി ടീച്ചർ ടീച്ചർ ആശംസ പ്രസംഗം നടത്തി. റോബോട്ടുകളുടെ വേഷം ധരിച്ച് എത്തിയ കുട്ടികൾ എല്ലാവരിലും കൗതുകമുണർത്തി പിന്നീട് മനോഹരമായ ടെക്നോളജിക്കൽ ഗാനം കുട്ടികൾ ആലപിച്ചു അതിനുശേഷം സ്വതന്ത്ര സോഫ്റ്റ് വെയറുകളുടെ പ്രചാരണാർത്ഥം കുട്ടികൾ ഒരു ഫ്ലാഷ് മോബ് അവതരിപ്പിച്ചു സ്വതന്ത്ര സോഫ്റ്റ് വെയറുകളുടെ പ്രാധാന്യം കുട്ടികളിലേക്ക് എത്തിക്കുവാൻ സാധിച്ചു. അതിനുശേഷം കമ്പ്യൂട്ടർ ലാബിൽ വച്ച് റോബോട്ടിക്സ് എക്സിബിഷൻ നടന്നു ആർഡിനോ ഉപയോഗിച്ച് പ്രവർത്തിക്കുന്ന ഡാൻസിങ് എൽഇഡി ,സിഗ്നൽ ലൈറ്റ് ,കുട്ടികൾ സ്വന്തമായി നിർമ്മിച്ച പലവിധ ഇലക്ട്രോണിക്സ് വർക്കിംഗ് മോഡൽസ് ,സ്ക്രാച്ച് പ്രോഗ്രാമിംഗ് ഉപയോഗിച്ച് നിർമ്മിച്ച വിവിധ ഗെയിമുകൾ കുട്ടികൾ സ്വന്തമായി ഉണ്ടാക്കിയ അനിമേഷൻ വീഡിയോസ് ഇവയൊക്കെ ഐടി കോർണർ എക്സിബിഷനിൽ ഉണ്ടായിരുന്നു .ക്ലാസുകളിൽ നിന്ന് കിട്ടുന്ന അറിവുകൾ ഉപയോഗപ്പെടുത്തിയാണ് കുട്ടികൾ എക്സിബിഷനിലേക്ക് ആവശ്യമായ കാര്യങ്ങൾ നിർമിച്ചത് ഐടി കോർണർ പ്രദർശനം കാണാൻ രക്ഷകർത്താക്കൾക്കും അധ്യാപകർക്കും മറ്റു കുട്ടികൾക്കും അവസരം ഒരുക്കിയിരുന്നു. പിന്നീട് സ്വതന്ത്ര സോഫ്റ്റ്‌വെയറിന്റെ പ്രചരണാർത്ഥം സ്ലൈഡ് പ്രസന്റേഷൻ ലിറ്റിൽ കൈറ്റ്സ് കുട്ടികളുടെ നേതൃത്വത്തിൽ നടത്തി. എന്താണ് സ്വതന്ത്ര സോഫ്റ്റ്‌വെയർ എന്നും അത് നമ്മൾ കൂടുതൽ ഉപയോഗിക്കുന്നത് കൊണ്ടുള്ള ഗുണങ്ങൾ എന്തെല്ലാമാണെന്നും അതിൽ ലഭ്യമായ ഉപയോഗപ്രദമായ സോഫ്റ്റ്‌വെയറുകൾ എന്തൊക്കെയാണെന്നും മറ്റു കുട്ടികൾക്കും രക്ഷിതാക്കൾക്കും വ്യക്തമായി മനസ്സിലാക്കുന്ന ഒരു സ്ലൈഡ് പ്രസന്റേഷൻ ആയിരുന്നു കുട്ടികൾ തയ്യാറാക്കിയത് .അതിനുശേഷം ചെറിയ ക്ലാസിലെ കുട്ടികൾക്ക് ഐടി കിസ്സും സംഘടിപ്പിച്ചു വിജയികളായവർക്ക് സമ്മാനങ്ങളും നൽകി ലിറ്റിൽ കൈറ്റ്സ് ക്ലബ്ബിലെ കുട്ടികളുടെ കഴിവും നേതൃത്വപാടവവും വിളിച്ചോതുന്ന രീതിയിൽ മനോഹരവും വിജ്ഞാനപ്രദവും ആയിരുന്നു ഫ്രീഡം ഫെസ്‍റ്റിന്റെ എല്ലാം പ്രോഗ്രാമുകളും.
+=== കലയുടെ കേളി കൊട്ടുയർത്തി സബ്ജില്ലാ കലോത്സവം ===
+[[പ്രമാണം:29040-Subdistrict kalolsavam-1.jpg|ലഘുചിത്രം|അടിമാലി സബ്‍ജില്ല കലോൽസവത്തിൽ ഓവറോൾ ട്രോഫി ഏറ്റു വാങ്ങുന്നു.]]
+കേരളത്തിലെ പൊതു വിദ്യാലയങ്ങളിലെ കുട്ടികളുടെ കലാപരമായ കഴിവുകൾ പ്രോത്സാഹിപ്പിക്കുന്നതിന് വേണ്ടിയാണ് സ്കൂൾ കലോത്സവങ്ങൾ സംഘടിപ്പിക്കുന്നത്. സ്കൂൾ കലോത്സവങ്ങളുടെ ആദ്യഘട്ടം സ്കൂൾതല മത്സരങ്ങളാണ്. കൂൽതലത്തിൽ വിജയികളാകുന്ന ഒരു സബ് ജില്ലയിലെ കുട്ടികൾക്കായി സബ്ജില്ലാ കലോത്സവങ്ങൾ നടത്തപ്പെടുന്നു. ഈ വർഷത്തെ അടിമാലി സബ്ജില്ലാ കലോത്സവം നവംബർ 19, 20, 21 തീയതികളിലായി അടിമാലി ഗവൺമെന്റ് ഹൈസ്കൂളിൽ വച്ച് നടന്നു. സബ്ജില്ലാ കലോത്സവത്തിൽ സാധ്യമായ എല്ലാ ഐറ്റങ്ങളിലും നമ്മുടെ കുട്ടികൾ പങ്കെടുത്തു. എൽപി യുപി എച്ച് എസ് എച്ച് എസ് എസ് വിഭാഗങ്ങളിലായി ഏകദേശം 250 ഓളം കുട്ടികളാണ് ഈ വർഷത്തെ സബ്ജില്ലാ കലോത്സവത്തിൽ മാറ്റുരയ്ക്കാൻ എത്തിയത്. രചന മത്സരങ്ങളിലും പ്രസംഗമത്സരങ്ങളിലും നൃത്തം നിർത്തിയങ്ങളിലും ഗ്രൂപ്പ് ഐറ്റങ്ങളിലും എല്ലാം നമ്മുടെ കുട്ടികൾ പങ്കെടുത്ത് മികച്ച വിജയം കാഴ്ചവച്ചു.കലോത്സവത്തിൽ ഇത്തവണ മുതൽ ഉൾപ്പെടുത്തിയ പുതിയ ഗ്രൂപ്പ് ഐറ്റങ്ങളായ മംഗലംകളി ,പണിയ നൃത്തം ,ഇരുള നൃത്തം എന്നീ ഐറ്റങ്ങളിലും നമ്മുടെ കുട്ടികൾ പങ്കെടുത്തു. ഇത്തവണ നമ്മുടെ സ്കൂളിൽ നിന്നും കഥകളി മത്സരത്തിൽ ഒരു കുട്ടി പങ്കെടുത്ത് വിജയിക്കുകയുണ്ടായി.പങ്കെടുത്ത എല്ലാ ഐറ്റങ്ങളിലും വിജയിച്ച് അടിമാലി സബ്ജില്ലാ കലോത്സവത്തിൽ തങ്ങളുടെ ആധിപത്യം ഈ വർഷവും ഉറപ്പിക്കാൻ ഫാത്തിമ മാതാ സ്കൂളിന് സാധിച്ചു. മൂന്ന് ദിനരാത്രങ്ങളിലായി നടന്ന കലാമാമാങ്കത്തിന് തിരശ്ശീല വീഴുമ്പോൾ ഓവറോൾ ഫസ്റ്റിന്റെ ട്രോഫി ഫാത്തിമ മാതായുടെ ചുണക്കുട്ടികളുടെ കയ്യിൽ ഭദ്രമായിരുന്നു.
+=== '''അംഗൻവാടിയിലെ കുരുന്നുകൾക്കായി ഇൻഫർമേഷൻ ടെക്നോളജിയുടെ ബാലപാഠങ്ങൾ പകർന്നുനൽകി ലിറ്റിൽ കൈറ്റ്സ് അംഗങ്ങൾ.''' ===
+[[പ്രമാണം:29040-Anganvadi Visit-3.jpg|ലഘുചിത്രം|ലിറ്റിൽ കൈറ്റ്‍സിന്റെ നേതൃത്വത്തിൽ അംഗൻവാടി കുട്ടികൾക്കായി ഐ ടി പരിശീലനം.]]
+-26 ബാച്ച് ലിറ്റിൽ കൈറ്റ്സ് അംഗങ്ങളുടെ പ്രവർത്തനങ്ങളുടെ ഭാഗമായി 21 11 2024 ന് അടിമാലിയിലെ ഉദയ അംഗൻവാടി സന്ദർശിക്കുകയുണ്ടായി. ഇൻഫർമേഷൻ ടെക്നോളജി നമ്മുടെ നിത്യജീവിതത്തിന്റെ ഭാഗമായി കൊണ്ടിരിക്കുന്ന ഒരു സമൂഹത്തിൽ ആണല്ലോ നാം ഇന്ന് ജീവിക്കുന്നത്. അപ്പോൾ വളർന്നുവരുന്ന പുതിയ തലമുറയ്ക്ക് ഇത്തരം കാര്യങ്ങളെപ്പറ്റി ചെറിയ പ്രായത്തിലെ അവബോധം ഉണ്ടാക്കേണ്ടത് അത്യാവശ്യമാണ്. ചെറിയ കുരുന്നുകൾക്ക് അവർക്ക് ഇഷ്ടപ്പെടുന്ന ഗെയിമുകളിലൂടെയും കളികളിലൂടെയും ഐടിയുടെ ആദ്യപാഠങ്ങൾ പകർന്നു നൽകാൻ വേണ്ടിയാണ് ഫാത്തിമ മാതാ സ്കൂളിലെ ലിറ്റിൽ കൈറ്റ് അംഗങ്ങൾ ഉദയ അംഗൻവാടിയിൽ എത്തിയത് 10 പേരും അധ്യാപകരും അടങ്ങുന്ന ഗ്രൂപ്പാണ് അംഗൻവാടിയിൽ ക്ലാസുകൾക്കായി എത്തിയത്.അവിടുത്തെ അധ്യാപകർ ക്ലാസിനായി കുട്ടികളെ സ്വാഗതം ചെയ്തു അംഗങ്ങൾ വളരെ പെട്ടെന്ന് കുട്ടികളുമായി അടുപ്പത്തിലായി ആദ്യം തന്നെ റ്റുപി റ്റ്യുബ് ഡെസ്‍ക് ഉപയോഗിച്ച് അംഗങ്ങൾ തന്നെ തയ്യാറാക്കിയ ചെറിയ ആനിമേഷൻ വീഡിയോകൾ കുഞ്ഞുങ്ങളെ കാണിച്ചു കൊടുത്തു. അത് അവർക്ക് വളരെയധികം ഇഷ്ടപ്പെട്ടു. പിന്നീട് സ്ക്രാച്ച് പ്രോഗ്രാമിംഗ് ഉപയോഗിച്ച് തയ്യാറാക്കിയ ചെറിയ ചെറിയ ഗെയിമുകൾ കളിപ്പിച്ചു. ഇതുവഴി കുഞ്ഞുങ്ങൾക്ക് മൗസിന്റെ ഉപയോഗം എങ്ങനെയാണെന്ന് മനസ്സിലാക്കി കൊടുക്കാൻ സാധിച്ചു അതിനുശേഷം പെയിന്റിങ് സോഫ്റ്റ്‌വെയർ ആയ ടക്സ് പെയിന്റ് കുട്ടികൾക്ക് പരിചയപ്പെടുത്തി കൊടുത്തു വളരെ ഉത്സാഹത്തോടെ ആയിരുന്നു കുട്ടികൾ ചിത്രങ്ങൾക്ക് നിറം നൽകിയത്. പല നിറങ്ങൾ തിരഞ്ഞെടുക്കാനും അത് ചിത്രത്തിന് നൽകാനും എല്ലാം ഉള്ള പരിശീലനം കുഞ്ഞുങ്ങൾക്ക് കൊടുത്തു. അതിനുശേഷം കുഞ്ഞുങ്ങൾക്ക് കീബോർഡിലൂടെ അക്ഷരങ്ങൾ പരിചയപ്പെടുത്തി ഓരോ അക്ഷരവും പ്രസ് ചെയ്യുമ്പോൾ അതിനെ സ്ക്രീനിൽ തെളിഞ്ഞു കാണുമ്പോൾ കുഞ്ഞുങ്ങൾക്ക് ഉണ്ടാകുന്ന സന്തോഷം കാണേണ്ടതായിരുന്നു. ക്ലാസുകൾക്കെല്ലാം ശേഷം കുട്ടികൾക്ക് മിഠായിയും നൽകി ചില മിടുക്കന്മാർ ലാപ്ടോപ്പിന്റെ ടച്ച് സ്ക്രീൻ വളരെ ഭംഗിയായി ഉപയോഗിക്കുന്നതും കാണാൻ പറ്റി. പിന്നീട് ഒരു പാട്ട് വെച്ച് അംഗങ്ങളും കുട്ടികളും ഒരുമിച്ച് ഡാൻസും കളിച്ച വളരെ സന്തോഷത്തോടെയാണ് പിരിഞ്ഞത്.  പിന്നീട് കുട്ടികളോട് ഒന്നിച്ച് കുറച്ച് ഫോട്ടോകളും എടുത്തു. ചെറുതെങ്കിലും ഇൻഫർമേഷൻ ടെക്നോളജിയെ പറ്റിയുള്ള കുറച്ച് അറിവുകൾ കുഞ്ഞുങ്ങളിലേക്ക് പകർന്നു കൊടുക്കാൻ കഴിഞ്ഞതിന്റെ ചാരിതാർത്ഥ്യത്തിൽ നന്ദിയും അർപ്പിച്ച് ഞങ്ങൾ ഇറങ്ങി.
+=== ശുചിത്വമിഷന്റെ മാലിന്യമുക്ത കേരളം പദ്ധതി ===
+[[പ്രമാണം:29040-Harithasabha-1.jpg|ലഘുചിത്രം|മാലിന്യ മുക്ത കേരളം പരിപാടിയുടെ ഭാഗമായി ചെയ്‍ത പ്രവർത്തനങ്ങൾക്ക് പഞ്ചായത്ത് ഹരിത സഭയുടെ അംഗീകാരം.]]
+ഇന്ന് ലോകം അഭിമുഖീകരിക്കുന്ന ഏറ്റവും വലിയ ഒരു പ്രതിസന്ധിയാണ് പ്ലാസ്റ്റിക് മാലിന്യങ്ങൾ അടക്കമുള്ള മാലിന്യങ്ങളുടെ കൃത്യമായ നിർമാർജനം. ഒരു നഗരത്തെ മുഴുവൻ ശ്വാസംമുട്ടിക്കുന്ന മാലിന്യ കൂമ്പാരങ്ങൾ നമ്മുടെ കൊച്ചു കേരളത്തെയും പിടിമുറുക്കിയിരിക്കുന്നു .ഈ വിപത്തിനെ നമ്മുടെ നാട്ടിൽ നിന്ന് തുടച്ചുനീക്കണമെങ്കിൽ മാലിന്യ സംസ്കരണം ഓരോ പൗരന്റെയും ഉത്തരവാദിത്തമാണ് എന്ന് ചിന്തിക്കുന്ന ഒരു ഒരു സംസ്കാരം നമ്മൾ രൂപപ്പെടുത്തി എടുക്കേണ്ടിയിരിക്കുന്നു .പ്രകൃതി സംരക്ഷണവും മാലിന്യനിർമാർജനവും നമ്മുടെ ഓരോരുത്തരുടെയും ഉത്തരവാദിത്വമാണെന്ന് മനസ്സിലാക്കുന്ന ഒരു തലമുറയെ വാർത്തെടുക്കുന്നതിന്റെ ഭാഗമായി നമ്മുടെ ഗ്രാമപഞ്ചായത്തുമായി സഹകരിച്ച് നമ്മുടെ സ്കൂളിലെ മാലിന്യങ്ങൾ തരംതിരിച്ച് ശേഖരിക്കുകയും അത് ഹരിത കർമ്മ സേനയിലെ അംഗങ്ങൾ വന്ന് കൃത്യമായി ശേഖരിക്കുകയും ചെയ്യുന്നു .വളരെയധികം പ്രകൃതിഭംഗി നിറഞ്ഞുനിൽക്കുന്ന സ്ഥലത്ത് അത്രത്തോളം തന്നെ തലയെടുപ്പോടെ ഉയർന്നുനിൽക്കുന്ന മാതൃക വിദ്യാലയമാണ് ഞങ്ങളുടേത് പരിസര ശുചീകരണത്തിന്റെയും മാലിന്യ സംസ്കരണത്തിന്റെയും ബാലപാഠങ്ങൾ ഇവിടെ കുട്ടികൾക്ക് ചെറിയ ക്ലാസിലെ മുതൽ പകർന്ന് നൽകുന്നു .സ്കൂളിലെ പ്ലാസ്റ്റിക് രഹിത ക്യാമ്പസ് ആക്കുന്നതിന്റെ ഭാഗമായി ആദ്യം നടപ്പിലാക്കിയത് എഴുതി തീർന്ന പേനകൾ സംഭരിക്കുന്ന പെൻബോക്സ് ക്യാമ്പയിൻ എന്ന പദ്ധതിയാണ്. ഇതിലൂടെ സ്കൂൾ പരിസരത്ത് അലക്ഷ്യമായി വലിച്ചെറിയുന്ന പേനകൾ അപ്രത്യക്ഷമായി .സ്കൂളുകളിലും പരിസരത്തും വീടുകളിലും എല്ലാം എന്നും അസ്വസ്ഥതകൾ സൃഷ്ടിക്കുന്ന പ്ലാസ്റ്റിക് കുപ്പികളുടെ നിർമാർജനം ആണ് പിന്നീട് ഞങ്ങൾ ചെയ്തത്.കുട്ടികളുടെ വീടുകളിൽ നിന്നും പരിസരങ്ങളിൽ നിന്നും ശേഖരിച്ച പ്ലാസ്റ്റിക് കുപ്പികൾ ഉപയോഗിച്ച് അധ്യാപകർ എക്കോബ്രിക്സ് ഉണ്ടാക്കി അതുകൊണ്ട് ഭംഗിയുള്ള ഇരിപ്പിടങ്ങൾ നിർമിച്ചു. കാണുമ്പോൾ ഇമ്പമുള്ള ഒരു ആർട്ട് വർക്ക് ആയി മാറിയ കുപ്പികൾ ഇന്നും ഞങ്ങൾക്ക് കൗതുക കാഴ്ചയാണ്. അതുപോലെ എല്ലാ ആഴ്ചയും സ്കൂളിൽ ഡ്രൈ ഡേ ദിനാചരണം നടത്തുന്നു .എല്ലാ ക്ലബ്ബുകളുടെയും നേതൃത്വത്തിൽ സ്കൂളും പരിസരവും വൃത്തിയാക്കുന്നു പ്ലാസ്റ്റിക് മാലിന്യങ്ങളും പേപ്പർ മാലിന്യങ്ങളും കൃത്യമായി വേറെ വേറെ വേസ്റ്റ് ബിന്നുകളിൽ ശേഖരിക്കപ്പെടുന്നു. അതുപോലെ സ്കൂളിലെ വർക്ക് എക്സ്പീരിയൻസ് ടീച്ചറിന്റെ നേതൃത്വത്തിൽ പാഴായ മാലിന്യ വസ്തുക്കളിൽ നിന്ന് മനോഹരമായ കരകൗശല വസ്തുക്കൾ നിർമ്മിക്കുന്നു .അതുപോലെ ലിറ്റിൽ കൈറ്റ്സ് ക്ലബ്ബിന്റെ നേതൃത്വത്തിൽ കുട്ടികളുടെ വീടുകളിലും പരിസരങ്ങളിലും ഉള്ള ഈ വേസ്റ്റുകൾ ശേഖരിക്കുകയും അത് ഹരിത കർമ്മ സേനയ്ക്ക് കൈമാറുകയും ചെയ്യുന്നു .സ്കൂളിലെ മാലിന്യമുക്ത പ്രവർത്തനങ്ങൾ എല്ലാം പരിഗണിച്ച് അടിമാലി ഗ്രാമപഞ്ചായത്ത് ഹരിത വിദ്യാലയം എന്ന അംഗീകാരം നൽകി.അതുപോലെ ഗ്രാമപഞ്ചായത്തിൽ വച്ച് നടന്ന ഹരിത സഭയിലേക്ക് നമ്മുടെ സ്കൂളിലെ കുട്ടികളെ ക്ഷണിക്കുകയും നമ്മുടെ സ്കൂളിൽ നടക്കുന്ന പ്രവർത്തനങ്ങൾ മറ്റുള്ളവർക്ക് പറഞ്ഞ് മനസ്സിലാക്കി കൊടുക്കാനുള്ള അവസരവും പഞ്ചായത്തിൽ നിന്ന് തന്നു. മാലിന്യനിർമാർജനം നമ്മുടെ ജീവിതത്തിന്റെയും സംസ്കാരത്തിന്റെയും ഭാഗമായി മാറേണ്ടിയിരിക്കുന്നു അടിമാലി ഗ്രാമപഞ്ചായത്തിന്റെ എല്ലാ മാലിന്യ നിർമാർജന പരിപാടികളിലും  ഫാത്തിമ മാതാ സ്കൂളിലെ എല്ലാ വിദ്യാർത്ഥികളുടെയും അധ്യാപകരുടെയും പൂർണപിന്തുണ ഉണ്ടായിരിക്കും.
+=== സ്പെഷ്യൽ സ്കൂൾ വിസിറ്റ് ===
+[[പ്രമാണം:29040-Special School Visit 2024-25-1.jpg|ലഘുചിത്രം|ലിറ്റിൽ കൈറ്റ്സിന്റെ നേതൃത്വത്തിൽ സ്പെഷ്യൽ സ്‍ക്കൂൾ കുട്ടികൾക്കായി ഐ ടി പരിശീലനം]]
+ഫാത്തിമ മാതാ ഗേൾസ് ഹയർസെക്കൻഡറി സ്കൂളിലെ 2022 25 ബാച്ചിലെ അംഗങ്ങളുടെ ക്ലബ്ബ് പ്രവർത്തനങ്ങളുടെ ഭാഗമായി 10 പേരടങ്ങുന്ന ഒരു ഗ്രൂപ്പ് കാർമൽ ജ്യോതി സ്പെഷ്യൽ സ്കൂൾ സന്ദർശിക്കുകയുണ്ടായി.ഇൻഫർമേഷൻ ടെക്നോളജി നമ്മുടെ നിത്യ ജീവിതത്തിന്റെ ഭാഗമായി മാറിക്കഴിഞ്ഞ ഈ കാലഘട്ടത്തിൽ അതുമായി ബന്ധപ്പെട്ട കാര്യങ്ങളിൽ അവർക്ക് കുറച്ച് അറിവുകൾ പകർന്നു നൽകുക എന്ന ഉദ്ദേശത്തിലാണ് ഞങ്ങൾ അവിടെ എത്തിയത്.ജില്ലയിലെ ശാരീരികവും മാനസികവുമായ വെല്ലുവിളികൾ നേരിടുന്ന കുട്ടികളുടെ ഉന്നമനത്തിനായി 1993ലാണ് കാർമൽജ്യോതി സ്പെഷ്യൽ സ്കൂൾ ആരംഭിച്ചത്. ഒന്നു മുതൽ 12 ക്ലാസ്സ് വരെയുള്ള കുട്ടികൾക്കാണ് ഇവിടെ അഡ്മിഷൻ കൊടുക്കുന്നത് സാധാരണ പഠന രീതിയിൽ നിന്ന് വ്യത്യസ്തമായി എഡ്യൂക്കേഷണൽ സിസ്റ്റം ആണ് ഇവിടെ അപ്ലൈ ചെയ്യുന്നത്.മാനസികവും ശാരീരികവുമായി വെല്ലുവിളികൾ നേരിടുന്ന കുട്ടികളെ ചെറിയ രീതിയിലുള്ള കൃഷിപ്പണികളും കരകൗശല വസ്തുക്കളുടെ നിർമ്മാണവും എല്ലാം പഠിപ്പിച്ച അവരെ സ്വയംപര്യാപ്തരാക്കുന്ന വലിയ ഒരു കർമ്മമാണ് ഈ സ്കൂളിൽ നടക്കുന്നത്. ആദ്യമായി അവിടുത്തെ സിസ്റ്റർ എല്ലാവർക്കും സ്വാഗതം ആശംസിച്ചു. കുട്ടികളെ എന്റർടൈം ചെയ്യിക്കുന്നതിനായി ഒരു ഡാൻസ് ആണ് ആദ്യം ഞങ്ങൾ അവതരിപ്പിച്ചത് അത് അവർക്ക് ഒരുപാട് ഇഷ്ടമായി. പിന്നീട് ടു പി ട്യൂബ് ഡെസ്ക് ഓപ്പൺ ടൂൺസ് എന്നീ സോഫ്റ്റ്‌വെയറുകൾ ഉപയോഗിച്ച് ലിറ്റിൽ കൈറ്റ്സ് അംഗങ്ങൾ സ്വന്തമായി ഉണ്ടാക്കിയ കുറച്ച് അനിമേഷൻ വീഡിയോസ് അവരെ കാണിച്ചുകൊടുത്തു.അവർ ചോദിക്കുന്ന സംശയങ്ങൾക്ക് എല്ലാം ലിറ്റിൽ കൈറ്റ്സ് അംഗങ്ങൾ സ്നേഹത്തോടെ ഉത്തരംനൽകി. വീഡിയോ പ്രദർശനത്തിനുശേഷം സ്ക്രാച്ച് പ്രോഗ്രാമിംഗിൽ കുട്ടികൾ അവരെക്കൊണ്ട് ഗെയിമുകൾ കളിപ്പിച്ചു. ഗെയിം കളിക്കുമ്പോൾ ഓരോ പോയിന്റുകൾ കിട്ടുമ്പോഴും അവർ എത്ര സന്തോഷിക്കുന്നു എന്നത് ഒന്ന് കാണേണ്ട കാഴ്ച തന്നെയായിരുന്നു. പിന്നീട് ടൈപ്പിംഗ് സെക്ഷൻ ആയിരുന്നു ലിബർ ഓഫീസ് റൈറ്ററിൽ ഓരോരുത്തരുടെയും പേര് ടൈപ്പ് ചെയ്യാൻ പരിശീലിപ്പിക്കുകയായിരുന്നു പിന്നീട് ഞങ്ങൾ ചെയ്തത്. ഓരോ കുട്ടികളെയും കമ്പ്യൂട്ടറിൽ ഇരുത്തി അവരവരുടെ പേര് ടൈപ്പ് ചെയ്യിച്ചു. ഞങ്ങൾക്കും ഇതൊക്കെ പറ്റും എന്ന തിരിച്ചറിവാണ് ഈ ഒരു ആക്ടിവിറ്റിയിലൂടെ നമ്മൾ അവർക്ക് കൊടുക്കാൻ ശ്രമിച്ചത്. കീബോർഡിന്റെ ഉപയോഗം ടൈപ്പ് ചെയ്യുന്ന രീതി തെറ്റിയാൽ തിരുത്തുന്നത് എങ്ങനെ എന്നിങ്ങനെയുള്ള കാര്യങ്ങൾ ലിറ്റിൽ കൈറ്റ്സ് അംഗങ്ങൾ  കുട്ടികൾക്ക് കാണിച്ച് മനസ്സിലാക്കി കൊടുത്തു. കുട്ടികൾക്ക് മൗസ് ബാലൻസ് കിട്ടുന്നതിനായി ജീ കംപ്രൈസിലെ കുറച്ചധികം ഗെയിമുകളും പരിശീലിപ്പിച്ചു. ഐടി പഠിക്കാനും അതുമായി ബന്ധപ്പെട്ട കാര്യങ്ങൾ ചെയ്യാനും അതിയായ ഉത്സാഹം ആയിരുന്നു അവിടത്തെ കുട്ടികൾക്ക് പിന്നീട് ഈ പരിപാടി അവതരിപ്പിക്കാൻ അവസരം തന്ന അവിടുത്തെ അധ്യാപകർക്കും നന്ദി പറഞ്ഞു. പിന്നീട് കുറച്ചു സമയം പാട്ട് വെച്ച് ആ കുട്ടികളോടൊപ്പം ഡാൻസ് ചെയ്തു. അവർ ഒരുപാട് ഉത്സാഹത്തോടെ ആയിരുന്നു ഞങ്ങളോടൊപ്പം ഡാൻസ് ചെയ്തത്. പിന്നീട് അവിടെയുള്ള എല്ലാ കുട്ടികൾക്കും മിഠായി വിതരണം ചെയ്തു. ഐടിയുമായി ബന്ധപ്പെട്ട വളരെ കുറച്ച് അറിവുകൾ എങ്കിലും ആ കുട്ടികളിലേക്ക് പകർന്നു നൽകാൻ സാധിച്ച ചാരിതാർത്ഥ്യത്തോടെയാണ് അധ്യാപകരും കുട്ടികളും അവിടെനിന്ന് പടിയിറങ്ങിയത്.
+=== എന്റെ വിദ്യാലയം ഹരിത വിദ്യാലയം ===
+[[പ്രമാണം:29040-Haritha Vidhyalayam Award-1.jpg|ലഘുചിത്രം|അടിമാലി ഗ്രാമപ‍‍ഞ്ചായത്തിന്റെ ഹരിത വിദ്യാലയം അവാർഡ്]]
+ഒക്ടോബർ രണ്ടിന് അടിമാലി ഗ്രാമപഞ്ചായത്തിൽ വച്ച് ഞങ്ങളുടെ സ്കൂൾ എ പ്ലസ് ഗ്രേഡ് നേടി ഹരിത വിദ്യാലയം ആയതിൽ ഞങ്ങൾക്ക് ഏറെ അഭിമാനവും സന്തോഷവും ഉണ്ട്. പ്രകൃതിയും മണ്ണും പച്ചപ്പും നിറഞ്ഞ സ്കൂൾ അന്തരീക്ഷവും അന്യമായിക്കൊണ്ടിരിക്കുന്ന ഈ കാലഘട്ടത്തിൽ മാലിന് മുക്തമായ ഒരു ക്യാമ്പസും പ്രകൃതി സംരക്ഷണം ജലസംരക്ഷണം ഊർജ്ജസംരക്ഷണം എന്നീ കാര്യങ്ങൾ പ്രായോഗികമാക്കി കൊണ്ട് ഹരിത കേരളം മിഷൻ എന്ന പദ്ധതിയെ വിജയിപ്പിക്കുക എന്ന കൊച്ചു കേരളത്തിന്റെ സ്വപ്നം പ്രായോഗികമാക്കാനും ഞങ്ങൾ ശ്രമിച്ചുകൊണ്ടിരിക്കുകയാണ്. സ്മാർട്ട് ക്ലാസ് മുറികളും വൈവിധ്യം നിറഞ്ഞ നാനോ ടെക്നോളജിയും വികസിക്കുമ്പോൾ വെറും മൊബൈൽ ക്യാമറകളിലൂടെ മാത്രം പ്രകൃതിയെയും പ്രകൃതി വിഭവങ്ങളെയും അറിയാൻ ശ്രമിക്കുന്നതിലപ്പുറം കണ്ടും തൊട്ടും അനുഭവിച്ചറിഞ്ഞും പ്രകൃതിയുടെ തന്നെ ഭാഗമായി മാറാൻ കഴിഞ്ഞതിന്റെ ചാരിതാർത്ഥ്യത്തിലാണ് ഞങ്ങൾ ഓരോരുത്തരും.പ്രകൃതിയും ജലവും പക്ഷിജാലങ്ങളും എല്ലാം ഞങ്ങളുടെ സംവേദന ക്ഷമതയെ ഉണർത്തി സ്വയം സൃഷ്ടിക്കാൻ ഞങ്ങളെ പ്രാപ്തരാക്കി.
+'''ഞങ്ങളുടെ സ്കൂളിനെ ഹരിത വിദ്യാലയമാക്കിയതിന്റെ പ്രവർത്തന ഘട്ടങ്ങൾ'''
+ജൈവവൈവിധ്യ ഉദ്യാനം ശലഭ പാർക്ക് എന്നിവയുടെ നിർമ്മാണം, മാലിന്യനിർമാർജന പദ്ധതികൾ പ്രകൃതി വിഭവ സംരക്ഷണം ജലവിഭവ സംരക്ഷണം ഊർജ്ജ സംരക്ഷണ പ്രവർത്തനങ്ങൾ എന്നിവയാണ്.
+ആദ്യഘട്ട പ്രവർത്തനങ്ങൾ എന്ന നിലയിൽ ജൈവവൈവിധ്യ ഉദ്യാനം, ശലഭ പാർക്ക് എന്നിവ നിർമിച്ചു.ഞങ്ങളുടെ സ്കൂളിനോട് ചേർന്ന് നിർമ്മിച്ചിട്ടുള്ള ജൈവവൈവിധ്യ ഉദ്യാനവും ശലഭപാർക്കുമെല്ലാം പ്രകൃതിരമണീയമായ കാഴ്ചകളാണ് ഇതിലൂടെ ജൈവവൈവിധ്യമാർന്ന ചെടികളെയും വൃക്ഷത്തൈകളെയും അടുത്തറിയാനുള്ള അവസരവും ഞങ്ങൾ കുട്ടികൾക്ക് ലഭിക്കുന്നു. ഞങ്ങൾ തന്നെയാണ് ഇവിടെ ചെടികൾ നടുന്നതും കളകൾ പറിച്ച് വൃത്തിയാക്കുന്നതും പരിപാലിക്കുന്നതും. മാലിന്യനിർമാർജന പ്രവർത്തനങ്ങളുടെ ആദ്യഘട്ടത്തിൽ പ്ലാസ്റ്റിക് മാലിന്യങ്ങളുടെ നിർമാർജനമാണ് നടത്തിയത്. പെൻ ബോക്സ് ക്യാമ്പയിൻ - സ്കൂൾ ക്യാമ്പസിലെ പ്ലാസ്റ്റിക് നിർമാർജനത്തിന്റെ ഭാഗമായി ആദ്യം ഞങ്ങൾ നടപ്പിലാക്കിയത് എഴുതിത്തീർന്ന പേനകൾ സംഭരിക്കുന്ന ക്യാമ്പയിൻ എന്ന പദ്ധതിയാണ്. ഇതിലൂടെ സ്കൂൾ പരിസരത്ത് അലക്ഷ്യമായി വലിച്ചെറിഞ്ഞിരിക്കുന്ന പേനകൾ അപ്രത്യക്ഷമായി.
+'''എക്കോബ്രിക്സ് ക്യാമ്പയിൻ''' - സ്കൂൾ പരിസരത്തും വീടുകളിലും എല്ലാം എന്നും അസ്വസ്ഥതകൾ സൃഷ്ടിക്കുന്ന പ്ലാസ്റ്റിക് കുപ്പികളുടെ നിർമ്മാർജ്ജനമാണ് ഞങ്ങൾ കണ്ടെത്തിയ മറ്റൊരു പദ്ധതി. ഞങ്ങൾ തന്നെ ശേഖരിച്ച പ്ലാസ്റ്റിക് കുപ്പികൾ ചേർത്തുവച്ച് ഞങ്ങളുടെ അധ്യാപകർ ഞങ്ങൾക്ക് എക്കോബ്രിക്സ് ഉണ്ടാക്കി തന്നു. നല്ലൊരു ഇരിപ്പിടമായും കാണുമ്പോൾ ഇമ്പമുള്ള ഒരു ആർട്ട് വർക്ക് ആയി മാറിയ കുപ്പികൾ ഇന്നും ഞങ്ങൾക്ക് ഒരു കൗതുക കാഴ്ചയാണ്.
+'''ജന്മദിനത്തിൽ ഒരു പുസ്തകം'''- എല്ലാ സ്കൂളുകളിലും കുട്ടികൾ ജന്മദിനത്തിൽ മിട്ടായി പങ്കുവയ്ക്കുമ്പോൾ ഞങ്ങൾ പ്ലാസ്റ്റിക് നിർമാർജനം ലക്ഷ്യം വച്ച് ബർത്ത്ഡേക്ക് സ്കൂളിന് ഒരു ലൈബ്രറി ബുക്ക് സമ്മാനിക്കുന്നു. ഇതിലൂടെ ഞങ്ങളുടെ ക്യാമ്പസ് പ്ലാസ്റ്റിക് മുട്ട ക്യാമ്പസ് ആയി സൂക്ഷിക്കാൻ കഴിയുന്നു.
+വേസ്റ്റ് ബിന്നുകൾ സ്ഥാപിക്കൽ - ഞങ്ങളുടെ സ്കൂളിൽ പ്ലാസ്റ്റിക് നിർമാർജനത്തിന്റെ ഭാഗമായി എല്ലാ നിലകളിലും പ്ലാസ്റ്റിക് / പേപ്പർ മാലിന്യങ്ങൾ നിക്ഷേപിക്കാൻ പ്രത്യേക ടൈറ്റിൽ ഉള്ള വേസ്റ്റ് ബിന്നുകൾ സ്ഥാപിച്ചിട്ടുള്ളതിനാൽ പ്ലാസ്റ്റിക് മാലിന്യങ്ങളും പേപ്പർ മാലിന്യങ്ങളും എല്ലാം തരംതിരിച്ച് അടുക്കും ചിട്ടയോടും കൂടി ഹരിത കർമ്മ സേനയ്ക്ക് കൈമാറാൻ എളുപ്പമാണ്.
+ഡ്രൈ ഡേ ദിനാചരണം- ഫാത്തിമ മാതാ സ്കൂളിൽ എല്ലാ വെള്ളിയാഴ്ചകളിലും ഡ്രൈ ഡേയായി ആചരിക്കുന്നതിനാൽ സ്കൂൾ പരിസരം കൂടുതൽ ശുചിയായും ഭംഗിയായും സംരക്ഷിക്കാൻ കഴിയുന്നു.
+പ്രകൃതിരമണീയ വസ്തുക്കളുടെ നിർമ്മാണ പരിശീലനം- ഞങ്ങളുടെ സ്കൂളിലെ അനു ടീച്ചറിന്റെ നേതൃത്വത്തിൽ വാഴനാര് പനയോല തഴയോല തുടങ്ങിയവ ഉപയോഗിച്ചുള്ള തനത് വസ്തുക്കളുടെ നിർമ്മാണം വിദ്യാർത്ഥികളെ പരിശീലിപ്പിക്കുന്നു. അതുവഴി പ്രകൃതിയിലെ തനത് വസ്തുക്കളുടെ ശരിയായ ഉപയോഗം സാധ്യമാക്കുന്നു.ഈ വേസ്റ്റ് നിർമാർജനം - ഞങ്ങളുടെ സ്കൂളിലെ ലിറ്റിൽ കൈറ്റ്സ് അംഗങ്ങൾ കുട്ടികളുടെ വീട്ടിലേയും പരിസരത്തുള്ള വീടുകളിലെയും ഈ വേസ്റ്റുകൾ ശേഖരിച്ച് അവയെ പുനരുപയോഗിക്കാനായി ഹരിത കർമ്മ സേനയ്ക്ക് കൈമാറുകയുണ്ടായി. മികച്ച കർഷകനുമായുള്ള അഭിമുഖം - സ്കൂളിലെ ജൈവവൈവിധ്യ ക്ലബ്ബിന്റെ പ്രവർത്തനങ്ങളുടെ ഭാഗമായി വെള്ളത്തൂവൽ ഗ്രാമപഞ്ചായത്തിലെ മികച്ച കർഷകനുള്ള അവാർഡ് നേടിയ ശ്രീ തെയിംസ് കുട്ടിയുമായി അഭിമുഖം നടത്താൻ കഴിഞ്ഞത് കൃഷിയെ ആഴത്തിൽ മനസ്സിലാക്കാൻ കുട്ടികൾക്ക് അവസരം ഒരുക്കി. ജൈവവളം രാസവളം ഇവ തമ്മിലുള്ള വ്യത്യാസം പലതരത്തിലുള്ള മണ്ണുകൾ വിവിധ തരത്തിലുള്ള കൃഷിരീതികൾ മണ്ണിര കമ്പോസ്റ്റ് മഴമറ മഴക്കുഴികൾ എന്നിങ്ങനെ ഞങ്ങൾ മുൻകൂട്ടി തയ്യാറാക്കിയ എല്ലാ ചോദ്യങ്ങൾക്കും സംശയങ്ങൾക്കും അദ്ദേഹം നല്ല രീതിയിൽ ഉത്തരങ്ങൾ പകർന്നു നൽകി. ക്ലാസിനു ശേഷം ബഡ്ഡിങ് ലയറിങ് ഗ്രാഫ്റ്റിംഗ് എല്ലാം എങ്ങനെ ചെയ്യണം എന്ന് കാണിച്ചു തന്നു.
+'''അടുക്കളത്തോട്ടം''' - സ്കൂളിൽ നിന്നും നൽകിയ പച്ചക്കറി വിത്തുകൾ അടുക്കളത്തോട്ടത്തിൽ പാകി ഇത്തവണ ഓണത്തിന് ഒരു മുറം പച്ചക്കറിയുമായി സ്കൂളിൽ എത്താൻ കുറെയധികം കുട്ടികൾക്ക് സാധിച്ചു. അടുക്കള തോട്ടത്തിന് സ്കൂളിൽ നിന്നും ഏർപ്പെടുത്തിയ ക്യാഷ് അവാർഡ് കുട്ടികൾക്ക് കൃഷി ചെയ്യാൻ വളരെയധികം പ്രചോദനമായി . അതുപോലെതന്നെ ഞങ്ങളുടെ സ്കൂളിൽ ഗൈഡിങ്ങിന്റെ നേതൃത്വത്തിൽ സ്കൂളിന്റെ പിൻഭാഗത്തായി പച്ചക്കറി തോട്ടവും ചെറിയ ഒരു കമ്പോസ്റ്റ് കുഴിയും ഉണ്ട്. സ്കൂളിന്റെ ഊട്ടുപുരയ്ക്ക് സമീപം എൻഎസ്എസ് വോളണ്ടിയേഴ്സ് തയ്യാറാക്കുന്ന വിപുലമായ പച്ചക്കറി തോട്ടത്തിൽ ധാരാളം പച്ചക്കറികൾ നമുക്ക് ഉപയോഗിക്കാനായി ലഭിക്കുന്നുണ്ട്. കൃഷിത്തോട്ടത്തോടൊപ്പം തന്നെ ഔഷധ ചെടി തോട്ടവും ഞങ്ങളുടെ സ്കൂളിൽ പരിപാലിച്ചു പോയിരുന്നു.ഞങ്ങളുടെ സ്കൂളിലെ ജൈവവൈവിധ്യ ഉദ്യാനത്തിൽ ഞങ്ങൾ നട്ടിരിക്കുന്ന ഔഷധ ചെടികൾ പലപ്പോഴും ഞങ്ങളുടെ ദൈനംദിന ജീവിതത്തിൽ ഞങ്ങൾക്ക് ഉപകാരപ്രദമായി മാറിയിട്ടുണ്ട്. അതുപോലെതന്നെ ജൈവവൈവിധ്യ ഉദ്യാനത്തിൽ ധാരാളം പക്ഷികളും പറവ ജാലകളുമുണ്ട് അവയ്ക്ക് ആവശ്യമായ കുടിവെള്ളം ഞങ്ങൾ ലഭ്യമാക്കി കൊടുക്കാറുണ്ട്. ജൈവവൈവിധ്യ ഉദ്യാനത്തിൽ അവിടെവിടെയായി ചെറിയ പാത്രങ്ങളിൽ പക്ഷികൾക്കായുള്ള ദാഹജലം ഞങ്ങൾ വയ്ക്കാറുണ്ട്.സ്കൂളിലെ ജൈവവൈവിധ്യ ക്ലബ്ബിന്റെയും എക്കോ ക്ലബ്ബിന്റെയും നേതൃത്വത്തിൽ പ്രകൃതിയെ അറിയാനും സംരക്ഷിക്കാനും ഉള്ള ധാരാളം പ്രവർത്തനങ്ങൾ നടത്തിപ്പോരുന്നു.ഞങ്ങളുടെ സ്കൂളിലും പരിസരങ്ങളിലും ആയി ആറോളം ശുദ്ധജല കുടിവെള്ള സൗകര്യങ്ങൾ ഏർപ്പെടുത്തിയിട്ടുണ്ട്. കുട്ടികൾക്ക് കുടിക്കാനും പാത്രം വൃത്തിയാക്കാനും പച്ചക്കറി കൃഷി ചെയ്യുന്നതിനും പൂച്ചെടികൾ നനക്കുന്നതും ആവശ്യമായ ജലം ഞങ്ങൾക്ക് ഇവിടെ ലഭ്യമാണ്. 75000 ലിറ്ററോളം വെള്ളം ഉൾക്കൊള്ളുന്ന ഒരു മഴവെള്ള സംഭരണി ഉള്ളതുകൊണ്ട് ജല ദൗർലഭ്യം  ഇല്ലാതെ ആവശ്യത്തിനുള്ള ജലം ഇവിടെ കണ്ടെത്താൻ ഞങ്ങൾക്ക് കഴിയുന്നു. അതുപോലെതന്നെ സ്കൂളിൽ ഊർജ്ജസംരക്ഷണത്തിന്റെ ആവശ്യകതയെ കുറിച്ച് മനസ്സിലാക്കാൻ പ്രത്യേക ബോധവൽക്കരണ ക്ലാസുകൾ, ഉപന്യാസ രചന മത്സരങ്ങൾ,ചുവർപത്രിക നിർമ്മാണ മത്സരങ്ങൾ എന്നിവർ സംഘടിപ്പിക്കാറുണ്ട്.ഇന്ന് ലോകം അഭിമുഖീകരിക്കുന്ന ഏറ്റവും വലിയ ഒരു പ്രതിസന്ധിയുടെ പരിഹാരം തേടിയുള്ള യാത്രയിലാണ് നമ്മൾ. ഒരു പട്ടണത്തെ മുഴുവൻ ശ്വാസംമുട്ടിക്കുന്ന തീപിടുത്തങ്ങളും മാലിന്യത്തോട്ടിൽ മുങ്ങി മരിക്കുന്ന മനുഷ്യരും നമ്മുടെ നാട്ടിൽ ഉണ്ടാകാതിരിക്കണമെങ്കിൽ മാലിന്യ സംസ്കരണം ഓരോ പൗരന്റെയും ഉത്തരവാദിത്വമാണ് എന്ന് ചിന്തിക്കുന്ന ഒരു പുതിയ തലമുറയെയും സംസ്കാരത്തെയും നമ്മൾ രൂപപ്പെടുത്തി എടുക്കേണ്ടിയിരിക്കുന്നു. വളർന്നുവരുന്ന പുതുതലമുറയിൽപ്പെട്ട കുട്ടികൾക്ക് മാലിന്യ സംസ്കരണത്തിന്റെ ആവശ്യകതയെ ബോധ്യപ്പെടുത്തി കൊണ്ടുള്ള ഞങ്ങളുടെ സ്കൂളിലെ പ്രവർത്തനങ്ങൾ ഞങ്ങളുടെ ഭാവി ജീവിതത്തിലും ഭാവി തലമുറയിലേക്കും പകർന്നു നൽകാൻ ഉതകുന്നവയാണ്. ഇനിയും മാലിന്യ സംസ്കരണവുമായി ബന്ധപ്പെട്ട പ്രവർത്തനങ്ങളും
+=== ഇടുക്കി ജില്ല കൗമാര കലാമേള ===
+[[പ്രമാണം:29040- Idukki district Kalolsavam-1.jpg|ലഘുചിത്രം|ഇടുക്കി ജില്ല കലോൽസവത്തിൽ ഓവറോൾ സ്ക്കുൾ ചാമ്പ്യൻ ട്രോഫി ഏറ്റു വാങ്ങുന്നു.]]
+ഇടുക്കി ജില്ലയുടെ ഏറ്റവും വലിയ കൗമാര കലാമേളയായ ഇടുക്കി റവന്യൂ ജില്ലാ സ്കൂൾ കലോത്സവം നവംബർ 26,27, 28, 29,30 തീയതികളിലായി നടന്നു. ഇത്തവണത്തെ കൗമാര കലാമേളയ്ക്ക് വേദിയായത് കഞ്ഞിക്കുഴി ശ്രീനാരായണ വൊക്കേഷണൽ ഹയർ സെക്കൻഡറി സ്കൂൾ ആയിരുന്നു. ഇടുക്കി ജില്ലയുടെ വിവിധ ഭാഗങ്ങളിൽ നിന്നായി ഈ കലാ മാമാങ്കത്തിൽ പങ്കെടുക്കാൻ ആയിരക്കണക്കിന് വിദ്യാർഥികളും രക്ഷിതാക്കളുമാണ് ഒഴുകിയെത്തിയത്. കഞ്ഞിക്കുഴി എന്ന ചെറു ഗ്രാമത്തിന് ഒരു ഉത്സവ പ്രതീതിയാണ് അക്ഷരാർത്ഥത്തിൽ ഈ കലാമേള കൊണ്ട് കിട്ടിയത്. സാധാരണക്കാരായ ജനങ്ങൾ താമസിക്കുന്ന ഒരു പ്രദേശത്ത് ഇത്തരത്തിൽ ഒരു കലാമേള സംഘടിപ്പിക്കപ്പെട്ടപ്പോൾ ആ ഒരു പ്രദേശത്തിലെ ജനങ്ങളുടെ നല്ല രീതിയിലുള്ള സഹകരണവും പങ്കാളിത്തവും ഉണ്ടായി എന്നുള്ളത് വളരെ സന്തോഷം നൽകുന്ന കാര്യമായിരുന്നു. നമ്മുടെ സ്കൂളിലെ കുട്ടികളും അധ്യാപകരും വളരെ ചിട്ടയായ പരിശീലനത്തോടെയും മുന്നൊരുക്കത്തോടെയും ആയിരുന്നു ജില്ലാ കലോത്സവത്തിന് പുറപ്പെട്ടത്. നാല് ദിവസങ്ങളായി ഏകദേശം 58 ഓളം ഐറ്റങ്ങളിലാണ് കലാപ്രതിഭകൾ മാറ്റുരച്ചത്. നിറഞ്ഞു കവിഞ്ഞ സദസ്സ് മത്സരാർത്ഥികൾക്ക് അവരുടെ പ്രകടനം കൂടുതൽ ഭംഗിയായി കാഴ്ചവയ്ക്കാനുള്ള പ്രചോദനമായി. പങ്കെടുത്ത ഐറ്റങ്ങളിൽ എല്ലാം വിജയക്കൊടി പാറിക്കാൻ ഇത്തവണയും നമുക്ക് സാധിച്ചു. യുപി വിഭാഗത്തിൽ ഓവറോൾ ഫസ്റ്റ്, എച്ച് എസ് വിഭാഗത്തിൽ ഫസ്റ്റ് റണ്ണറപ്പ്, എച്ച്എസ്എസ് വിഭാഗത്തിൽ ഓവറോൾ ഫസ്റ്റ് എന്നിവ നേടാൻ നമ്മുടെ കുട്ടികൾക്ക് സാധിച്ചു. ഒരു നാടുമുഴുവൻ ആഘോഷമാക്കിയ കലാമാമാങ്കത്തിന് തിരിതാഴുമ്പോൾ ജില്ലയിലെ മികച്ച സ്കൂളിനുള്ള ഓവറോൾ സ്കൂൾ ചാമ്പ്യൻ ട്രോഫി ഫാത്തിമ മാതക്കു സ്വന്തമായിരുന്നു.
+=== പ്രവർത്തി പരിചയ  മേള മൽസരങ്ങൾ ===
+[[പ്രമാണം:29040-Work Experience Fair Jwellery Making-2.jpg|ലഘുചിത്രം|ജ്വല്ലറി മേക്കിംഗ്]]
+പ്രവർത്തിപരിചയ മത്സരങ്ങൾക്കായി കുട്ടികളുടെ കഴിവുകളെ കണ്ടെത്താനായി സ്കൂൾതല  മത്സരങ്ങൾ നടത്തി. മത്സരത്തിൽ ഫസ്റ്റ് കരസ്ഥമാക്കിയ കുട്ടികളെ സബ്ജില്ലാ മത്സരത്തിനായി തെരഞ്ഞെടുത്തു   അവർക്ക് കൂടുതൽ പരിശീലനങ്ങൾ നൽകി. എൽപി,യുപി വിഭാഗത്തിൽ നിന്നും പത്ത്  ഇനങ്ങളും ഹൈസ്കൂൾ വിഭാഗത്തിൽ നിന്നും 20 ഇനങ്ങളും തെരഞ്ഞെടുത്തു. സബ്ജില്ലാ മത്സരത്തിൽ എൽപി ലും ,യു പി, ലും ഓവറോൾ സെക്കൻഡ്,എച്ച് എസ്   വിഭാഗത്തിൽ ഓവറോൾ ഫസ്റ്റ്റ്റും നേടാൻ സാധിച്ചു. എച്ച്എസ് വിഭാഗത്തിൽ 19 കുട്ടികൾ ജില്ലാ മത്സരത്തിനായി യോഗ്യത നേടി. ഈ കുട്ടികളെ കൂടുതൽ പരിശീലനങ്ങൾ നൽകി ജില്ലാ മത്സരത്തിനായി തയ്യാറാക്കി. നവംബർ 2- തീയതി കുമളിയിൽ വെച്ച് നടന്ന ജില്ല മത്സരത്തിൽ 19 വിദ്യാർത്ഥികളും പങ്കെടുക്കുകയും ഇതിൽ 7 വിദ്യാർത്ഥികൾ സ്റ്റേറ്റ് മത്സരത്തിന് യോഗ്യത നേടുകയും  ജില്ലയിൽ ഓവറോൾ ഫസ്റ്റ്റ്റും കരസ്ഥമാക്കാൻ സാധിച്ചു. ജില്ലയിൽ യോഗ്യത നേടിയ വിദ്യാർഥികളെ സ്റ്റേറ്റ് മത്സരത്തിനായി തയ്യാറാക്കി . എസ്.ഡി.വിഎച്ച്.എസ്.എസ് ആലപ്പുഴയിൽ വെച്ച് നടന്ന സ്റ്റേറ്റ് മത്സരത്തിൽ 7 വിദ്യാർത്ഥികളെ പങ്കെടുപ്പിച്ച്. പങ്കെടുത്ത എല്ലാ വിദ്യാർഥികൾക്കും എ ഗ്രേഡ് കരസ്ഥമാക്കാൻ സാധിച്ചു. ഇതിൽ  എയ്‍ഞ്ചൽ ഷാജിക്ക് തേർഡ് എ  ഗ്രേഡ് ( ഗാർമെന്റ് മേക്കിങ്  ) കരസ്ഥമാക്കുകയും ചെയ്തു   ഈ  വർഷം സ്റ്റേറ്റിൽ ഓവറോൾ മൂന്നാം സ്ഥാനം കരസ്ഥമാക്കുവാൻ സാധിച്ചു.
+=== ഗണിത ശാസ്ത്രമേള ===
+ഈ വർഷത്തെ സബ്‍ജില്ല  ഗണിത ശാസ്ത്ര മേള ഒക്ടോബർ 28,29 തീയതികളിൽ ഫാത്തിമാ മാതാ ഗേൾസ് ഹയർ സെക്കന്ററി സ്കൂളിൽ വെച്ച് നടന്നു.70 ഓളം സ്കൂളുകൾ പങ്കെടുത്ത ഈ മേളയിൽ ഗണിത ശാസ്ത്ര മേളയിൽ നമ്മുടെ സ്കൂൾ ഓവർ ഓൾ ഫസ്റ്റ് നേടുവാൻ കഴിഞ്ഞു. 12 ഇനങ്ങളിൽ ആയി 13 കുട്ടികൾ പങ്കെടുത്തു.നമ്പർ ചാർട്ട് - അഞ്ചേലിൻ മരിയ സിജോ- ഫസ്റ്റ് എ ഗ്രേഡ് ,ജോമേട്രിക്കൽ ചാർട്ട് - കീർത്തന കിരൺ സെക്കന്റ്‌ എ  ഗ്രേഡ് ,സിംഗിൾ പ്രൊജക്റ്റ്‌ - ബിയോണ ബിനു എ ഗ്രേഡ് ,ഗ്രൂപ്പ്‌ പ്രൊജക്റ്റ്‌ - അന്ന കുര്യാക്കോസ്, കെ. പി ആദിത്യ നായർ , പ്യുവർ കൺസ്ട്രക്ഷൻ - സിയോണ റെനോജ്  എ ഗ്രേഡ് അപ്ലിയ്ഡ് കൺസ്ട്രക്ഷൻ - അന്ന മരിയ ബിജു ഫസ്റ്റ് എ ഗ്രേഡ് , സ്റ്റിൽ മോഡൽ - അന്ന റോസ് ജയിബി എ ഗ്രേഡ് ,വർക്കിംഗ്‌ മോഡൽ - ആർച്ച ഡി നായർ ഫസ്റ്റ് എ ഗ്രേഡ് ,അദർ ചാർട്ട് - എബിൾ സിയോണ വിൻസെന്റ് എ ഗ്രേഡ് ,ക്വിസ് - ബിയോന ബിനു സെക്കന്റ്‌ എ ഗ്രേഡ് ,ഗെയിം - ഷാതിയ ഷെമീർ സെക്കന്റ്‌ എ ഗ്രേഡ് ,പസ്സിൽ - ഫാത്തിമാ നിസാർ എ ഗ്രേഡ് .നവംബർ 1,2 തീയതികളിൽ കുമളിയിൽ  വെച്ച് നടന്ന ജില്ലാ ശാസ്ത്ര മേളയിൽ, 6  ഇന ങ്ങളിൽ 7 കുട്ടികൾ പങ്കെടുത്തു.നബർ ചാർട്ട് - അഞ്ചേലിൻ മരിയ സിജോ സെക്കന്റ്‌ എ ഗ്രേഡ് സ്റ്റിൽ മോഡൽ -അന്ന റോസ് ജയിബി സെക്കന്റ്‌ എ ഗ്രേഡ് ,വർക്കിംഗ്‌ മോഡൽ -ആർച്ച ഡി നായർ തേർഡ് എ ഗ്രേഡ് ,ഗ്രൂപ്പ് പ്രൊജക്റ്റ്‌ -അന്ന കുര്യാക്കോസ്, കെ പി ആദിത്യ നായർ എ ഗ്രേഡ് ,ഗെയിം - ഷാതിയ ഷമീർ എ ഗ്രേഡ് ,അപ്ലിയ്ഡ് കൺസ്ട്രക്ഷൻ - അന്ന മരിയ ബിജു എ ഗ്രേഡ് ഇതിൽ രണ്ട് കുട്ടികൾക്കു സംസ്ഥാന തല മത്സരത്തിൽ പങ്കെടുക്കാൻ അവസരം ലഭിച്ചു.. പങ്കെടുത്ത എല്ലാ ഇനങ്ങളിലും  എ ഗ്രേഡ് നേടി നമ്മുടെ സ്കൂൾ ശ്രെദ്ധേയമായി..നവംബർ 16-ം തീയതി ആലപ്പുഴ വെച്ച് നടന്ന സംസ്ഥാന തല ഗണിത ശാസ്ത്ര  മേളയിൽ പങ്കെടുത്ത രണ്ടു കുട്ടികൾക്കും എ ഗ്രേഡ് നേടാൻ സാധിച്ചു..
+=== സയൻസ് മേള ===
+[[പ്രമാണം:29040-Science Mela-2.jpg|ലഘുചിത്രം|സയൻസ് മേള]]
+25 അധ്യായനവർഷത്തെ ശാസ്ത്രമേളയിൽ ഇക്കുറിയും തിളക്കമാർന്ന വിജയം കൈവരിക്കാൻ ഫാത്തിമ മാതാ കുടുംബത്തിനായി. കൂമ്പൻപാറ ഫാത്തിമ മാതാ സ്കൂളിൽ വച്ച് നടന്ന സബ്ജില്ലാ സയൻസ് മേളയിൽ പ്രോജക്ട്, സ്റ്റിൽ മോഡൽ ,വർക്കിംഗ് മോഡൽ ,ഇമ്പ്രവൈസ്ഡ് എക്സ്പിരി മെന്റ്, ടാലന്റ് സെർച്ച് എക്സാം ,സിവി രാമൻ എസ്സെ  കോമ്പറ്റീഷൻ എന്നിങ്ങനെ വിവിധ ഇനങ്ങളിലായി പങ്കെടുത്ത എല്ലാ ഐറ്റങ്ങളിലും സമ്മാനങ്ങൾ നേടി ഓവറോൾ കരസ്ഥമാക്കാൻ സാധിച്ചു. സബ്ജില്ലാ സയൻസ് മേളയിൽ ഓവറോൾ ഫസ്റ്റ് നേടാൻ നമ്മുടെ സ്കൂളിന് ആയി. കുമളിയിൽ വച്ച് നടന്ന ജില്ലാ ശാസ്ത്രമേളയിൽ സയൻസ് വിഭാഗത്തിൽ വർക്കിംഗ് മോഡൽ, സി വി രാമൻ എസ്സെ കോമ്പറ്റീഷൻ എന്നീ ഐറ്റങ്ങൾ സ്റ്റേറ്റിലേക്ക് തിരഞ്ഞെടുക്കപ്പെട്ടു. ആലപ്പുഴ വച്ച് നടന്ന സ്റ്റേറ്റ് ശാസ്ത്രമേളയിൽ സയൻസ് വിഭാഗത്തിൽ വർക്കിംഗ് മോഡലിന് എഗ്രേഡ് നേടാൻ സാധിച്ചു. സി വി രാമൻ എസ്സെ കോമ്പറ്റീഷനിലും എ ഗ്രേഡോടെ  സ്റ്റേറ്റിൽ വിജയിക്കാൻ നമ്മുടെ കുട്ടികൾക്കായി. ഈ അധ്യയന വർഷത്തിൽ ശാസ്ത്രമേളയിലെ എല്ലാ വിഭാഗങ്ങളിലും തിളക്കമാർന്ന വിജയം കൈവരിച്ച് ഫാത്തിമ മാതാ സ്കൂൾ സ്റ്റേറ്റിലെ തന്നെ മൂന്നാം സ്ഥാനം അലങ്കരിച്ചു.
+=== സോഷ്യൽ സയൻസ് മേള ===
+[[പ്രമാണം:29040-Social Science Mela-2.jpg|ലഘുചിത്രം|വർക്കിംഗ് മോഡൽ]]
+-25 സബ്ജില്ലാ ശാസ്ത്രോത്സവത്തിന്റെ ഭാഗമായുള്ള സോഷ്യൽ സയൻസ് മേള ഒക്ടോബർ 28 ന് ഫാത്തിമ മാതാ സ്കൂളിൽ വച്ച് നടന്നു എൽസി വിഭാഗത്തിലും യുപി വിഭാഗത്തിലും സോഷ്യൽ സയൻസ് വിഭാഗത്തിൽ ഒാവറോൾ സെക്കൻഡ് സ്വന്തമാക്കാൻ നമ്മുടെ സ്കൂളിന് സാധിച്ചു .ഹൈസ്കൂൾ വിഭാഗത്തിൽ വർക്കിംഗ് മോഡൽ ,സ്റ്റിൽ മോഡൽ, ലോക്കൽ ഹിസ്റ്ററി റൈറ്റിംഗ്, പ്രസംഗം, അറ്റ്ലസ് മേക്കിങ് ,ന്യൂസ് റീഡിങ്, ക്വിസ് എന്നീ ഐറ്റങ്ങളിൽ നമ്മുടെ കുട്ടികൾ പങ്കെടുക്കുകയും വിജയം നേടുകയും ചെയ്തു. സബ്ജില്ലാ സോഷ്യൽ സയൻസ് മേളയിൽ ഓവറോൾ സെക്കൻഡ് നേടാൻ നമ്മുടെ സ്കൂളിന് കഴിഞ്ഞു. നവംബറിൽ കുമളിയിൽ വച്ച് നടന്ന ജില്ലാ ശാസ്ത്രമേളയിലും സോഷ്യൽ സയൻസ് വിഭാഗത്തിൽ മികച്ച പ്രകടനം കാഴ്ചവയ്ക്കാൻ നമ്മുടെ കുട്ടികൾക്ക് സാധിച്ചു. സ്റ്റിൽ മോഡൽ വിഭാഗത്തിലും വർക്കിംഗ് മോഡൽ വിഭാഗത്തിലും സംസ്ഥാന ശാസ്ത്രമേളയിൽ പങ്കെടുക്കാൻ കുട്ടികൾ യോഗ്യത നേടി. ആലപ്പുഴയിൽ വച്ച് നടന്ന സംസ്ഥാന ശാസ്ത്രമേളയിൽ സോഷ്യൽ സയൻസ് വിഭാഗത്തിൽ സ്റ്റിൽ മോഡലിൽ ആൻമി  റെന്നി, അൽന മരിയ സോജൻ എന്നീ കുട്ടികൾ എ ഗ്രേഡ് നേടി വിജയിച്ചു.
+=== സംസ്ഥാന ശാസ്ത്രമേള ===
+[[പ്രമാണം:29040-State Sasthramela-1.jpg|ലഘുചിത്രം|സംസ്‍ഥാന ശാസ്ത്രമേളയിൽ ഓവറോൾ മൂന്നാം സ്ഥാനം ട്രോഫി സ്വീകരിക്കുന്ന അഭിമാന നിമിഷം]]
+സംസ്ഥാന ശാസ്ത്രമേള മത്സരങ്ങൾ നവംബർ 15,16,17, 18 തീയതികളിലായി ആലപ്പുഴയിൽ വച്ച് നടന്നു. കേരളത്തിലെ എല്ലാ ജില്ലകളിലെയും തിരഞ്ഞെടുക്കപ്പെട്ട കുട്ടി ശാസ്ത്രജ്ഞർ തമ്മിലുള്ള കടുത്ത മത്സരത്തിന് ഇക്കുറി വേദിയായത് കിഴക്കിന്റെ വെനീസ് ആയ ആലപ്പുഴ ആയിരുന്നു. പ്രകൃതി സൗന്ദര്യം തുളുമ്പി നിൽക്കുന്ന ആലപ്പുഴയിലേക്ക് കേരളത്തിലെ എല്ലാ ജില്ലകളിൽ നിന്നും ഉള്ള മത്സരാർത്ഥികളും വിദ്യാർത്ഥികളും,രക്ഷകർത്താക്കളുംഒഴുകിയെത്തി.മഞ്ഞുമൂടിയ ഹൈറേഞ്ചിന്റെ വഴികളിലൂടെ അതിരാവിലെ തന്നെ നമ്മുടെ സ്കൂളിലെ മത്സരാർത്ഥികളും അധ്യാപകരും ആലപ്പുഴയിലേക്ക് പുറപ്പെട്ടു. പല ദിവസങ്ങളിൽ ആയിട്ടായിരുന്നു ഓരോ വിഭാഗത്തിലെയും മത്സരങ്ങൾ നടന്നത്. മാസങ്ങളുടെ അടുക്കും ചിട്ടയോടുമുള്ള പരിശീലനവും വിജയിക്കാനുള്ള ആത്മവിശ്വാസവും കൈമുതലാക്കിയാണ് നമ്മുടെ കുട്ടികൾ സംസ്ഥാന ശാസ്ത്രോത്സവത്തിന്റെ അങ്കത്തട്ടിലേക്ക് യാത്രയായത്. സയൻസ് സോഷ്യൽ സയൻസ് ഗണിതം ഐടി വർക്ക് എക്സ്പീരിയൻസ് മേളകളിൽ എല്ലാം നമ്മുടെ കുട്ടികളുടെ നിറഞ്ഞ പങ്കാളിത്തം ഉണ്ടായിരുന്നു. പങ്കെടുത്ത എല്ലാ ഐറ്റങ്ങളിലും എ ഗ്രേഡുകൾ കരസ്ഥമാക്കാൻ നമ്മുടെ കുട്ടികൾക്ക് സാധിച്ചു എന്നത് അഭിനന്ദനാർഹമായ കാര്യമാണ്. ഐ റ്റി മേളയിൽ സ്ക്രാച്ച് പ്രോഗ്രാമിംഗിൽ എ ഗ്രേ ഡോടെ നാലാം സ്ഥാനം നേടി ബുൾബുൾ ആലിയ എന്ന കുട്ടി സ്കൂളിന് അഭിമാനമായി മാറി. നമ്മുടെ സ്കൂളിലെ അധ്യാപകരുടെയും വിദ്യാർത്ഥികളുടെയും ഒരുമിച്ചുള്ള കഠിനപ്രയത്നത്തിന്റെ ഫലമായി സ്കൂൾ ശാസ്ത്രമേളയിൽ മൂന്നാം സ്ഥാനം നേടാൻ നമ്മുടെ സ്കൂളിന് കഴിഞ്ഞു എന്നത് വളരെയധികം അഭിമാനമുളമാക്കുന്ന കാര്യമായിരുന്നു.ഇടുക്കി പോലെയുള്ള ഒരു മലയോര ഗ്രാമത്തിൽ സ്ഥിതിചെയ്യുന്ന നമ്മുടെ സ്കൂളിനെ സംബന്ധിച്ച് കിട്ടാവുന്നതിൽ ഏറ്റവും നല്ല ഒരു വിജയമായിരുന്നു ഇത്.
+=== സംസ്ഥാന ശാസ്ത്രമേളയിൽ മൂന്നാം സ്ഥാനം നേടി ഫാത്തിമ മാതാ ===
+ആലപ്പുഴയിൽ വച്ച് നടന്ന സംസ്ഥാന ശാസ്ത്രമേളയിൽ സയൻസ്, ഗണിതം,സോഷ്യൽ സയൻസ്,വർക്കിംഗ് എക്സ്പീരിയൻസ്, ഐടി മേളകളിൽ പങ്കെടുത്ത എല്ലാ ഐറ്റങ്ങളിലും എ ഗ്രേഡ് സ്വന്തമാക്കാൻ ഫാത്തിമ മാതായിലെ മിടുക്കികൾക്ക് കഴിഞ്ഞു. ഐടി, വർക്ക് എക്സ്പീരിയൻസ്,സയൻസ് മേളകളിൽ സംസ്ഥാനതലത്തിൽ തന്നെ രണ്ടും മൂന്നും സ്ഥാനങ്ങൾ കരസ്ഥമാക്കാൻ കുട്ടികൾക്ക് സാധിച്ചു. സംസ്ഥാന ശാസ്ത്രമേളയിൽ കൂടുതൽ പോയിന്റുകൾ നേടി മൂന്നാം സ്ഥാനത്ത് എത്താൻ നമ്മുടെ സ്കൂളിന് കഴിഞ്ഞു എന്നത് വളരെ അഭിമാനാർഹമായ കാര്യമാണ്. ഇടുക്കി പോലെയുള്ള ഒരു മലയോരഗ്രാമത്തിൽ സ്ഥിതി ചെയ്യുന്ന നമ്മുടെ സ്കൂളിനെ സംബന്ധിച്ച് ഇത് വിലമതിക്കാനാവാത്ത അംഗീകാരമാണ്.
+=== എൽ പി കുട്ടികൾക്കായുള്ള ഐടി പരിശീലനം ===
+[[പ്രമാണം:29040-IT Training For LP Students-2.jpg|ലഘുചിത്രം|ലിറ്റിൽ കൈറ്റ്സിന്റെ നേതൃത്വത്തിൽ എൽ.പി ക്ലാസ്സ് കുട്ടികൾക്കായി ഐ ടി പരിശീലനം]]
+ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ എൽപി സെക്ഷനിലെ കുട്ടികൾക്കായി ലിറ്റിൽ കൈറ്റ്‍സ് അംഗങ്ങളുടെ നേതൃത്വത്തിൽ ഒരു മണിക്കൂർ ഐടി പരിശീലനം സംഘടിപ്പിച്ചു. കമ്പ്യൂട്ടർ ഉപയോഗവുമായി ബന്ധപ്പെട്ട അടിസ്ഥാന കാര്യങ്ങൾ കുട്ടികൾക്ക് പറഞ്ഞുകൊടുത്ത് ചെയ്യിക്കുക എന്ന ഉദ്ദേശത്തോടെയാണ് പരിശീലനം സംഘടിപ്പിച്ചത്. ഒന്നാം ക്ലാസിലെ മിടുക്കന്മാരും മിടുക്കികളും ആണ് പരിശീലന ക്ലാസിലേക്ക് എത്തിയത്. ഹൈസ്കൂൾ കമ്പ്യൂട്ടർ ലാബിലേക്ക് കടന്നുവന്നപ്പോൾ തന്നെ അവർക്ക് വളരെയധികം ആകാംഷയും സന്തോഷവും ഉണ്ടായിരുന്നു. കമ്പ്യൂട്ടർ ഓൺ ചെയ്യാനും പാസ്സ്‌വേർഡ് നൽകാനും എല്ലാം പറഞ്ഞുകൊടുത്ത ചെയ്യിച്ചപ്പോൾ കുട്ടികൾക്ക് ഒരുപാട് സന്തോഷം തോന്നി. പിന്നീട് ജി കംപ്രൈസ് എന്ന ഗെയിം കളിക്കാനുള്ള പരിശീലനം കുട്ടികൾക്ക് നൽകി .കുട്ടികൾക്ക് മൗസ് ബാലൻസ് ഉണ്ടാകാൻ സഹായിക്കുന്ന ഒരുപാട് ഗെയിമുകൾ ഉണ്ടായിരുന്നു. അതുപോലെതന്നെ ടൈപ്പിംഗ് മനസ്സിലാക്കാൻ സഹായിക്കുന്ന പലതരം ഗെയിമുകളും കുട്ടികളെ കൊണ്ട് കളിപ്പിച്ചു. വളരെ ആകാംക്ഷയോടെയാണ് കുട്ടികൾ ഗെയിം കളിച്ചത്. വളരെ പെട്ടെന്നാണ് കുട്ടികൾ കമ്പ്യൂട്ടറിലെ നിർദ്ദേശങ്ങൾ മനസ്സിലാക്കി അതിനനുസരിച്ച് ഗെയിമുകൾ കളിച്ചത്. പിന്നീട് ടെക്സ്പെയിന്റിൽ ചെറിയ ചിത്രങ്ങൾ വരയ്ക്കാനും കളർ കൊടുക്കാനുമുള്ള പരിശീലനം ആയിരുന്നു നൽകിയത് വളരെ താല്പര്യത്തോടെയാണ് കുട്ടികൾ ഈ പ്രവർത്തനങ്ങൾ എല്ലാം ചെയ്തത്.കുറച്ച് സമയം കൊണ്ട് കമ്പ്യൂട്ടറുമായി ബന്ധപ്പെട്ട കുറെ കാര്യങ്ങൾ കുട്ടികൾക്ക് മനസ്സിലാക്കി കൊടുക്കാൻ കഴിഞ്ഞതിന്റെ സന്തോഷത്തിൽ  ആയിരുന്നു ലിറ്റിൽ കൈറ്റ്സ് അംഗങ്ങൾ കുട്ടികളെ യാത്രയാക്കിയത് മറ്റൊരു ദിവസം വീണ്ടും കൊണ്ടുവരണമെന്ന് ആവശ്യവുമായാണ് കുട്ടികൾ പോയത്.
+=== ലിറ്റിൽ കൈറ്റ്സിന്റെ നേതൃത്വത്തിൽ ഈ വേസ്റ്റ് കളക്ഷൻ ===
+[[പ്രമാണം:29040-Little Kites Club E-Waste Collection-1.jpg|ലഘുചിത്രം|ലിറ്റിൽ കൈറ്റ്സിന്റെ നേതൃത്വത്തിൽ ഇ വേസ്റ്റ് ശേഖരണം]]
+മാലിന്യമുക്ത കേരളം പരിപാടിയുടെ ഭാഗമായി ഫാത്തിമ മാതാ സ്കൂളിലെ ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ ഈ വേസ്റ്റ് ശേഖരണം നടന്നു. ശാസ്ത്ര സാങ്കേതികവിദ്യയും ഇൻഫർമേഷൻ ടെക്നോളജിയും വളരെയധികം ഉപയോഗപ്പെടുത്തുന്ന ഒരു കാലഘട്ടത്തിൽ ആണല്ലോ നാമെല്ലാം ജീവിക്കുന്നത് അതുകൊണ്ടുതന്നെ ഇലക്ട്രോണിക്സ് ഉപകരണങ്ങൾ നാമിന്ന് കൂടുതലായി ഉപയോഗിക്കുന്നുണ്ട് അതുകൊണ്ടുതന്നെ അതുവഴിയുള്ള മാലിന്യങ്ങളും വളരെയധികം നമ്മുടെ സമൂഹത്തിൽ കൂടുന്നുണ്ട്. ഇലക്ട്രോണിക് വേസ്റ്റുകളുടെ നിർമ്മാർജ്ജനം വളരെ തലവേദന സൃഷ്ടിക്കുന്ന ഒന്നാണ്.സ്കൂളിലെ ലിറ്റിൽ കൈറ്റ്സ് അംഗങ്ങൾ അവരുടെ വീട്ടിലേയും അവരുടെ പരിസരത്തുള്ള വീടുകളിലെയും ഈ വേസ്റ്റുകൾ ശേഖരിക്കുകയും അത് കുട്ടികൾ തന്നെ തരംതിരിച്ച് ഹരിത കർമ്മ സേനയ്ക്ക് കൈമാറുകയും ചെയ്യുന്നു. ഇതുവഴി സ്കൂളിലെയും കുട്ടികളുടെ വീടുകളിലും പരിസരങ്ങളിലും കൂടിക്കിടക്കുന്ന ഈ വേസ്റ്റുകളെ ഫലപ്രദമായി നിർമാർജനം ചെയ്യാൻ സാധിക്കുന്നു.
+=== ജൈവവൈവിധ്യ ക്ലബ്ബിന്റെ നേതൃത്വത്തിൽ പ്ലാസ്റ്റിക് മാലിന്യ ശേഖരണം ===
+[[പ്രമാണം:29040-Bio Diversity Club Plastic Collection-1.jpg|ലഘുചിത്രം|ജൈവവൈവിധ്യ ക്ലബ്ബിന്റെ നേതൃത്വത്തിൽ പ്ലാസ്റ്റിക് മാലിന്യശേഖരണം]]
+മാലിന്യമുക്തം കേരളം പരിപാടിയുടെ ഭാഗമായി ഫാത്തിമ മാതാ ഗേൾസ് ഹയർസെക്കൻഡറി സ്കൂളിലെ ജൈവവൈവിധ്യ ക്ലബ്ബിന്റെ നേതൃത്വത്തിൽ അടുക്കും ചിട്ടയും ആയ രീതിയിൽ പ്ലാസ്റ്റിക് മാലിന്യങ്ങൾ ശേഖരിക്കപ്പെടുന്നു. പ്ലാസ്റ്റിക് മാലിന്യങ്ങളും പേപ്പർ മാലിന്യങ്ങളും നിക്ഷേപിക്കാൻ സ്കൂളിന്റെ വിവിധ ഭാഗങ്ങളിലായി 25 ഓളം പ്രത്യേകം വേസ്റ്റ് ബിന്നുകൾ ജൈവവൈവിധ്യ ക്ലബ്ബിന്റെ നേതൃത്വത്തിൽ സജ്ജമാക്കിയിരിക്കുന്നു. ശേഖരിക്കപ്പെടുന്ന മാലിന്യങ്ങൾ കുട്ടികൾ തന്നെ കൃത്യമായി തരംതിരിച്ച് ചാക്കുകളിൽ ആക്കി ഹരിത കർമ്മ സേന അംഗങ്ങളെ ഏൽപ്പിക്കുന്നു. നമ്മുടെ സ്കൂൾ പ്ലാസ്റ്റിക് രഹിത ക്യാമ്പസ് ആയി മാറിയതിൽ ജൈവവൈവിധ്യ ക്ലബ്ബിന്റെ പ്രവർത്തനങ്ങൾ വളരെ വലുതാണ്.
+=== ശാസ്ത്ര ക്ലബ് - 2024-2025 ===
+കുഞ്ഞുങ്ങളിൽ ശാസ്ത്ര അഭിരുചി വളർത്തുന്നതിനും ശാസ്ത്ര കൗതുകങ്ങൾ പരിപോഷിപ്പിക്കുന്നതിനു മായി  എല്ലാ ക്ലാസിലെയും നിശ്ചിത കുട്ടികളെ ഉൾപ്പെടുത്തിക്കൊണ്ട് രൂപീകരിച്ച ശാസ്ത്ര ക്ലബ്ബിന്റെ ഉദ്ഘാടനം ജൂലൈ  മാസത്തിൽ ഫാത്തിമ മാതാ ഗേൾസ് ഹയർ സെക്കൻഡറി സ്കൂളിൽ നടന്നു. ഈ പ്രപഞ്ചത്തിലെ ഓരോ ജീവചൈതന്യത്തിൻ്റെയും ശാസ്ത്രീയ പിൻബലം ലളിതമായ ഭാഷയിലൂടെ ഓരോ തലമുറയിലേക്കും കൈമാറുക എന്നതായിരിക്കണം സയൻസ് പഠനത്തിന് ഒരു ഭാഗമായി വരേണ്ടത്. അതോടൊപ്പം ഓരോ ശാസ്ത്ര സത്യങ്ങളും അനുദിന ജീവിതത്തിൽ എത്രമാത്രം പ്രായോഗികമാകും എന്നതും ആയിരിക്കണം ശാസ്ത്ര പഠനം. പരിമിതികൾ ഏറെയുണ്ടെങ്കിലും കുട്ടികളിലെ ശാസ്ത്ര പ്രതിഭകളെ കണ്ടെത്തി പ്രോത്സാഹിപ്പിക്കുന്നതിൽ സയൻസ് ക്ലബ് പ്രവർത്തനങ്ങൾ ഏറെ പ്രാധാന്യം അർഹിക്കുന്ന ഒന്നാണ് ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലും സയൻസ് ക്ലബ് പ്രവർത്തനങ്ങൾ മികച്ച രീതിയിൽ നടന്നുവരുന്നു. സയൻസ് പ്രവർത്തനങ്ങളുടെ ഭാഗമായി ഓരോ ദിനാചരണത്തോടനുബന്ധിച്ച് നിരവധി പ്രവർത്തനങ്ങൾ നടത്തുന്നതിനോടൊപ്പം മത്സരങ്ങൾ സംഘടിപ്പിച്ച് കുട്ടികൾക്ക് സമ്മാനങ്ങൾ നൽകുന്നു. സയൻസ് ക്ലബ്ബിൻ്റെ നേതൃത്വത്തിൽ ശാസ്ത്രമേളകൾ സംഘടിപ്പിക്കുകയും കഴിവുള്ള കുട്ടികളെ കണ്ടെത്തി അവരെ സബ്ജില്ലാ ,ജില്ലാതല മത്സരത്തിന് പങ്കെടുപ്പിക്കുന്നതിന് വേണ്ടി ഒരുക്കുകയും ചെയ്യുന്നു. സബ്ജില്ലാതല മുതൽ സംസ്ഥാനതലം വരെ കുട്ടികൾ പങ്കെടുക്കുകയും സമ്മാനങ്ങൾ കരസ്ഥമാക്കുകയും ചെയ്യുന്നു. അധ്യാപകരും വിദ്യാർത്ഥികളും ഒന്നിച്ചുള്ള പ്രവർത്തനങ്ങളിലൂടെ സയൻസ് ക്ലബ് സജീവമായി വളർന്നുകൊണ്ടിരിക്കുന്നു .ശാസ്ത്ര ക്ലബ്ബിന്റെ ഭാഗമായി നിരവധി പ്രവർത്തനങ്ങൾ നടന്നുവരുന്നു. ദിനാചരണങ്ങൾ സംഘടിപ്പിക്കൽ , സ്കൂൾ തലശാസ്ത്രമേള സംഘടിപ്പിക്കൽ , സെമിനാർ സംഘടിപ്പിക്കൽ , ഫ്ലാഷ് മോബ് അവതരണം , ലഘുപരീക്ഷണങ്ങൾ സംഘടിപ്പിക്കൽ , ശിൽപ്പശാലകൾ ,സയൻസ് ക്വിസ് സംഘടിപ്പിക്കൽ  .ശാസ്ത്ര ക്ലബ്ബിലെ      ഓരോ         അംഗങ്ങളും നാളത്തെ ശാസ്ത്ര പ്രതിഭകളാണ്. ഇത്തരത്തിൽ നിരവധിയായ പ്രവർത്തനങ്ങളിലൂടെ നാളെയുടെ പ്രതിഭകളെ വാർത്തെടുക്കുന്നു. ഓരോ പ്രവർത്തനങ്ങളും ഇതിനുള്ള മുന്നോടിയാണ്.
+=== മലയോരത്ത് നിന്ന് അനന്തപുരിയിലേക്ക് ===
+മത് കേരള സ്കൂൾ കലോത്സവം 2025 ജനുവരി 4 മുതൽ 8 വരെ തിരുവനന്തപുരം ജില്ലയിലെ വിവിധ വേദികളിൽ വെച്ച് നടത്തപ്പെട്ടു. കേരള സ്കൂൾ കലോത്സവത്തിൽ ആദ്യമായി ഗോത്ര നൃത്ത വിഭാഗങ്ങൾ കൂടി ഉൾപ്പെടുത്തിയിരിക്കുന്നു എന്ന ഒരു സവിശേഷത കൂടി ഉണ്ട് ഇത്തവണത്തെ കലോത്സവത്തിൽ. മംഗലംകളി,ഇരുള നൃത്തം, പണിയ നൃത്തം മലപ്പുലയ ആട്ടം, പളിയ നൃത്തം എന്നിവയാണ് പുതുതായി ഉൾപ്പെടുത്തിയിരിക്കുന്ന ഗോത്ര നൃത്ത കലകൾ. കൂമ്പൻപാറ ഫാത്തിമ മാതാ സ്കൂളിൽ നിന്നും യുപി,ഹൈസ്കൂൾ, ഹയർ സെക്കൻഡറി വിഭാഗങ്ങളിൽ നിന്നുമായി 30 ഓളം ഇനങ്ങളിൽ ആണ് കുട്ടികൾ മാറ്റുരയ്ക്കാനായി പുറപ്പെട്ടത്. മലയോര ജില്ലയിൽ നിന്ന് അനന്തപുരിയിലേക്കുള്ള യാത്ര ആവേശഭരിതം ആയിരുന്നു .സംസ്ഥാന കലോത്സവവേദി എന്ന സ്വപ്ന വേദിയിൽ  മത്സരിക്കാനുള്ള എല്ലാ തയ്യാറെടുപ്പുകളോടും കൂടിയാണ് നമ്മുടെ കുട്ടികൾ യാത്ര തിരിച്ചത്. തിരുവാതിര,ഇംഗ്ലീഷ് സ്കിറ്റ്, ചവിട്ടുനാടകം,ബാൻഡ് മേളം,നാടൻപാട്ട്,സംഘഗാനം, കഥകളി,കാവ്യകേളി, പണിയ നൃത്തം, ശാസ്ത്രീയ സംഗീതം,ഇരുള നൃത്തം എന്നീ ഐറ്റങ്ങളിൽ ഹൈസ്കൂൾ വിഭാഗങ്ങളിൽ എ ഗ്രേഡ് നേടി വിജയിക്കാൻ നമ്മുടെ കുട്ടികൾക്ക് സാധിച്ചു. സംസ്ഥാന സ്കൂൾ കലോത്സവത്തിന്റെ പോയിന്റ് നിലവാരത്തിൽ പത്താം സ്ഥാനം നേടാൻ നമ്മുടെ സ്കൂളിന് സാധിച്ചു എന്നത് അഭിനന്ദനാർഹമായ കാര്യമായിരുന്നു. ഒരു സ്കൂളിന്റെയും നാടിന്റെയും യശസ്സ്  ഉയർത്തുന്ന രീതിയിൽ ഉള്ള വിജയം നേടാൻ നമ്മുടെ കുട്ടികൾക്ക് ആയത് അവരുടെ അർപ്പണ മനോഭാവവും കൃത്യമായ പരിശീലനവും ഒന്നുകൊണ്ടുമാത്രമാണ്.
+=== കബ് സ്കൗട്ട് ഇൻവെസ്റ്റിച്ചർ ചടങ്ങ്. ===
+[[പ്രമാണം:29040-Scout Investiture Ceremony-1.jpg|ലഘുചിത്രം|259x259ബിന്ദു|സ്കൗട്ട് യൂണിറ്റിന്റെ ഇൻവെസ്റ്റിച്ചർ സെറിമണി]]
+സ്കൗട്ട് കുടുംബത്തിലേക്ക് ഒരു പുതിയ കുഞ്ഞിനെ സ്വാഗതം ചെയ്യുകയും സ്കൗട്ട് വാഗ്ദാനത്തോടും നിയമത്തോടുമുള്ള അവരുടെ പ്രതിബദ്ധത അടയാളപ്പെടുത്തുകയും ചെയ്യുന്ന ഒരു പ്രത്യേക അവസരമാണ്.സ്കൗട്ട് കുടുംബത്തിലേക്ക് ഒരു പുതിയ കുഞ്ഞിനെ സ്വാഗതം ചെയ്യുകയും സ്കൗട്ട് വാഗ്ദാനത്തോടും നിയമത്തോടുമുള്ള അവരുടെ പ്രതിബദ്ധതയെ അടയാളപ്പെടുത്തുകയും ചെയ്യുന്ന ഒരു ആഘോഷമാണ് കബ് സ്കൗട്ട് ഇൻവെസ്റ്റിച്ചർ ചടങ്ങ്. ചടങ്ങിൽ, കുട്ടി അവരുടെ സ്കൗട്ട് വാഗ്ദാനം ചെയ്യുന്നു, അവരുടെ സ്കാർഫ് നൽകി, അവരുടെ കബ് പാക്കിലേക്ക് സ്വാഗതം ചെയ്യുന്നു.
+=== സ്കൂൾ ബാൻഡ് ===
+[[പ്രമാണം:29040-School Band2025-1.jpg|ലഘുചിത്രം|സ്ക്കൂൾ ബാൻഡ്]]
+ഫാത്തിമ മാതാ ഗേൾസ് ഹയർസെക്കൻഡറി സ്കൂളിന്റെ അഭിമാനമാണ് ഇവിടുത്തെ സ്കൂൾ ബാൻഡ്. 20 അംഗങ്ങൾ അടങ്ങുന്ന സ്കൂൾ ബാൻഡ് മികച്ച പ്രകടനമാണ് കാഴ്ചവയ്ക്കുന്നത്. സ്കൂളിലെ പ്രോഗ്രാമുകൾക്ക് മാത്രമല്ല ഈ പരിസരത്തുള്ള മറ്റു സ്കൂളുകളിലും മറ്റു പൊതു പരിപാടികളിലും ഒക്കെ നമ്മുടെ സ്കൂൾ ബാന്റിന്റെ നിറഞ്ഞ സാന്നിധ്യം ഉണ്ട്‌. അടുക്കും ചിട്ടിയോടും ഉള്ള കഠിനമായ പരിശീലനം ആണ് ബാന്റിന്റെ വിജയത്തിന് പിന്നിൽ. കഴിഞ്ഞ സബ്ജില്ലാ കലോത്സവത്തിലും ജില്ലാ കലോത്സവത്തിലും ഫസ്റ്റ് കരസ്ഥമാക്കാൻ നമ്മുടെ സ്കൂൾ ബാന്റിന് സാധിച്ചിട്ടുണ്ട് എന്നത് അഭിമാനാർഹമായ കാര്യമാണ്. ആകർഷണീയമായ യൂണിഫോം സ്കൂൾ ബാൻഡിന് മാറ്റുകൂട്ടുന്നു. കുട്ടികളിൽ അടുക്കും ചിട്ടയുമായ ഒരു ജീവിത രീതി ഉണ്ടാക്കിയെടുക്കാൻ ഇത്തരം ആർട്ട് ഫോമുകൾക്ക് സാധിക്കുന്നു. ഒരു ദിവസം തെറ്റാതെയുള്ള കഠിനമായ പരിശീലനത്തിൽ ഒരു വിട്ടുവീഴ്ചയ്ക്കും കുട്ടികൾ തയ്യാറാകാറില്ല. എല്ലാ രീതിയിലും ഫാത്തിമ മാതാ ഗേൾസ് ഹയർ സെക്കൻഡറി സ്കൂളിന് തിലകക്കുറിയാണ് ഇവിടുത്തെ സ്കൂൾ ബാൻഡ്.
+=== ഇടമലക്കുടി ട്രൈബൽ സ്ക്കൂൾ സന്ദർശനം   ===
+[[പ്രമാണം:29040-LK Idamalakkudy Tribal School Visit-2.jpg|ലഘുചിത്രം|ഇടമലക്കുടി ട്രൈബൽ സ്ക്കൂൾ സന്ദർശനം]]
+കൂമ്പൻപാറ ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ ലിറ്റിൽ കൈറ്റ് ക്ലബ്ബിന്റെ 2023 26 ബാച്ചിന്റെ പഠന പ്രവർത്തനങ്ങളുടെ ഭാഗമായി കേരളത്തിലെ ആദ്യ ട്രൈബൽ പഞ്ചായത്തായ ഇടമലക്കുടിയിലെ ഗവൺമെന്റ് ട്രൈബൽ എൽപി സ്കൂൾ സന്ദർശിക്കുകയുണ്ടായി.ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലെ ലിറ്റിൽ കൈറ്റ് ക്ലബ്ബിന്റെ 2023 26 ബാച്ചിന്റെ പഠന പ്രവർത്തനങ്ങളുടെ ഭാഗമായി കേരളത്തിലെ ആദ്യ ട്രൈബൽ പഞ്ചായത്തായ ഇടമലക്കുടിയിലെ ഗവൺമെന്റ് ട്രൈബൽ എൽപി സ്കൂൾ സന്ദർശിക്കുകയുണ്ടായി.ഇന്നേ ദിവസം രാവിലെ 7.30 ഓട് കൂടി സ്കൂളിൽ നിന്നും പുറപ്പെട്ടു.. ഏകദേശം 8.30 ഓട് കൂടി മുന്നാറിൽ എത്തുകയും അവിടെ നിന്ന് രാജമലയിലെ പ്രകൃതി സൗന്ദര്യം ആസ്വദിച്ചും വരയാടുകളെ കണ്ടും ഇടമലക്കുടിക്ക് യാത്ര തുടങ്ങി.മരം കോച്ചുന്ന തണുപ്പും രാജമലയുടെ സ്വന്തം നീലകുറിഞ്ഞിയുടെ മനോഹാരിതയും  യാത്രയെ കൂടുതൽ മനോഹരമാക്കി.പ്രകൃതിയുമായി കൂടുതൽ അടുത്ത് ഇടപെഴകാൻ ഈ യാത്ര വഴിയൊരുക്കി.ഫാത്തിമ മാതാ സ്കൂളിലെ കൈറ്റ് മിസ്ട്രസ് മാരായ സിസ്റ്റർ ഷിജിമോൾ സെബാസ്റ്റ്യൻ അമ്പിളി മാത്യു സുജ ജയേഷ് എന്നിവരോടൊപ്പം അമയ സൽജു അന്നാ മോൾ ജോസഫ് നിരഞ്ജന ദീപു അനഘ സുഭാഷ് മയുഷ ദീപു മീരാ ബാബു ദേവിക പ്രശാന്ത് എന്നീ കുട്ടികളുമാണ് ഇടമലക്കുടി സന്ദർശിച്ചത്.ഓഫ് റോഡ് യാത്ര അദ്ധ്യാപകരെയും കുട്ടികളെയും സംബന്ധിച്ച് ആദ്യത്തെ അനുഭവം ആയിരുന്നു...കുത്തനെ ഉള്ള ഇറക്കവും പാറയിലൂടെ ഉള്ള വഴിയും മരങ്ങളുടെ ഇടയിലൂടെ ഉള്ള യാത്രയും എല്ലാം മറക്കാനാവാത്ത അനുഭവം ആയി മാറി എന്നുള്ളത് ഒരു വസ്തുത ആണ്.ഇടമലക്കുടി സ്കൂളിലെ കുട്ടികൾക്ക് കമ്പ്യൂട്ടറുമായി ബന്ധപ്പെട്ട ക്ലാസുകൾ എടുക്കുകയായിരുന്നു യാത്രയുടെ ലക്ഷ്യം. കമ്പ്യൂട്ടറിന്റെ അടിസ്ഥാനപരമായ ഉപയോഗങ്ങളും പ്രധാന ഭാഗങ്ങളും കുട്ടികൾക്ക് മനസ്സിലാക്കി കൊടുക്കുന്ന രീതിയിലുള്ള സ്ലൈഡ് പ്രസൻ്റേഷൻ, ടൈപ്പിംഗ് പരിശീലനം ,ലിറ്റിൽ കൈറ്റ്സ്  അംഗങ്ങൾ തന്നെ തയ്യാറാക്കിയ വിവിധ ഗെയിമുകൾ ആനിമേഷനുകൾ എന്നിവയുടെ പ്രദർശനം കുട്ടികൾക്ക് മൗസ് ബാലൻസിന് ആവശ്യമായ ഗെയിമുകൾ പരിശീലിപ്പിക്കൽ എന്നിവയായിരുന്നു ക്ലാസ്സിൽ ഉൾപ്പെടുത്തിയിരുന്നത്. ഇടമലക്കുടി സ്കൂളിലെ പ്രധാന അധ്യാപകനായ സതീഷ് വർക്കി സർ,അധ്യാപകരായ ബാജിയോ സർ,ശോഭിത ടീച്ചർ എന്നിവരുടെയും കുട്ടികളുടെയും നിറഞ്ഞ സഹകരണം ഉണ്ടായിരുന്നു.ഇടമലക്കുടിയിലെ കുട്ടികളോടൊപ്പം ഭക്ഷണം കഴിച്ചത് നമ്മുടെ കുട്ടികൾക്കും അവിടുത്തെ കുട്ടികൾക്കും മറക്കാനാവാത്ത അനുഭവം ആയിരുന്നു .സാധാരണ അധ്യാപകർ ക്ലാസ് എടുക്കുന്നതിൽ നിന്ന് വ്യത്യസ്തമായി ലിറ്റിൽ കൈറ്റ്സ് അംഗങ്ങൾ തന്നെ ക്ലാസ് എടുത്തതിനാൽ കുട്ടികൾ വളരെ കൗതുകത്തോടെയും ആഹ്ലാദത്തോടെയും ആണ് ക്ലാസ്സുകളിൽ പങ്കെടുത്തത്. വളരെ പ്രകൃതിരമണീയവും എന്നാൽ ദുർഘടവുമായ വനപാതയിലൂടെയുള്ള സഞ്ചാരം ലിറ്റിൽ കൈറ്റ്സ് അംഗങ്ങൾക്കും അധ്യാപകർക്കും മറക്കാനാവാത്ത അനുഭവമാണ് ഫാത്തിമ മാതാ സ്കൂളിന്റെ വകയായി ഇടമലക്കുടി സ്കൂളിലെ കുട്ടികൾക്ക് ആവശ്യമായ പഠനോപകരണങ്ങളും പഠനത്തിന് സഹായിക്കുന്നതിനായി ടാബും കൈമാറുകയുണ്ടായി കമ്പ്യൂട്ടറും അതിന്റെ ഉപയോഗ രീതികളെ പറ്റിയും ഇടമലക്കുടിയിലെ കുട്ടികൾക്ക് നല്ല രീതിയിൽ അവബോധം ഉണ്ടാക്കിയെടുക്കാൻ കഴിഞ്ഞു എന്ന ചാരിതാർത്ഥ്യത്തിലാണ് ഫാത്തിമാതയിലെ കുട്ടികളും അധ്യാപകരും യാത്രയായത്.ഇടമലക്കുടിയിലെ പ്രാഥമികരോഗ്യ കേന്ദ്രം സന്ദർശിക്കാനും ഈ അവസരം പ്രയോജനപ്പെടുത്തി. അവിടുത്തെ സേവനങ്ങൾ കുട്ടികൾക്കു കണ്ട് മനസിലാക്കാൻ സാധിച്ചു.ഇടമലക്കുടിയിലെ കുടികൾ സന്ദർശിച് അവരുടെ ജീവിത സാഹചര്യങ്ങളും കൃഷിയും കൃഷി രീതികളും മനസ്സിലാക്കാനും കുട്ടികൾക്കു ഈ യാത്രയിലൂടെ സാധിച്ചു.തിരിച്ചുള്ള യാത്രയിൽ പെട്ടിമുടി ദുരന്തത്തിൽ പെട്ടവരെ അടക്കിയ സ്ഥലം കാണുകയും അവർക്ക് വേണ്ടി പ്രാർത്ഥിക്കുകയും ചെയ്തു...വരുന്ന വഴി വരയാട്, മ്ലാവ്, കാട്ടുകോഴി, തുടങ്ങിവയെ കണ്ടത് കുട്ടികൾക്കു  യാത്ര കൗതുകമുളവാക്കുന്നതായിരുന്നു.ഏകദേശം 6.30 ഓട് കൂടി തിരിച്ചെത്താനും കഴിഞ്ഞു.
+=== ഗൈഡിംഗ് -ബുൾ ബുൾ ഗ്രൂപ്പ് ===
+[[പ്രമാണം:29040-Guiding Bul bul group-1.jpg|ലഘുചിത്രം|ഗൈഡിംഗ്-ബുൾ ബുൾ ഗ്രൂപ്പ്]]
+പൗരത്വബോധവും സദാചാര മൂല്യങ്ങളും കുട്ടികളിൽ ചെറുപ്പം മുതൽ വളർത്തിയെടുക്കുക എന്ന ഉദ്ദേശ്യത്തോടെ ആഗോള സംഘടനയായ സ്കൗട്ട് ആൻഡ് ഗൈഡ് എന്ന പ്രസ്ഥാനത്തിൻ്റെ പത്ത് വയസ്സിൽ താഴെയുള്ള പെൺകുട്ടികൾക്കായി സ്ഥാപിതമായ ബുൾബുൾ എന്ന പ്രസ്ഥാനം 2023 -24 അധ്യയന വർഷത്തിൽ കൂമ്പൻപാറ ഫാത്തിമ മാതാ ഗേൾസ് ഹയർ സെക്കൻഡറി സ്കൂളിലും ആരംഭിച്ചു.ഇതിൻ്റെ പ്രവർത്തന നേതൃത്വത്തിലേക്ക് എൽപി സ്കൂൾ അധ്യാപകരായ ശ്രീമതി ജയസമ്മ തോമസും സിസ്റ്റർ രശ്മി മരിയയും അവരുടെ ബേസിക് കോഴ്സും അഡ്വാൻസ് കോഴ്സും യഥാസമയം പൂർത്തിയാക്കി.ഒന്ന് ,രണ്ട് മൂന്ന് ക്ലാസുകളിൽ നിന്നുമായി 24 കുട്ടികളെ തെരഞ്ഞെടുത്ത് ബുൾബുൾ യൂണിറ്റ് ആരംഭിച്ചു .എല്ലാ വ്യാഴാഴ്ചകളിലും ബുൾബുൾസിനെ ഒരുമിച്ചുകൂട്ടി പരിശീലനം നൽകുകയും പ്രവർത്തനങ്ങൾ വിലയിരുത്തുകയും ചെയ്യുന്നു. 2024 ഏപ്രിൽ 9, 10 തിയതികളിലായി രണ്ടുദിവസത്തെ ക്യാമ്പ് സംഘടിപ്പിക്കുകയും ജില്ലാതല ഭാരവാഹികൾ ക്യാമ്പ് സന്ദർശിക്കുകയും ചെയ്തു .പഠന പ്രവർത്തനങ്ങളുടെ ഭാഗമായി ഹൈക്കിംഗ്, ഫാക്ടറി വിസിറ്റിംഗ്, വിവിധതരം കലാപരിപാടികൾ ഇവ നടത്തി. 2025 ജനുവരി മാസത്തിൽ ജില്ലാതല പരീക്ഷയായ സുവർണ്ണ പംഖ് പരീക്ഷ നടത്തി .ഇപ്പോൾ രണ്ട് യൂണിറ്റുകളിലായി 48 ബുൾബുൾസ് ഉണ്ട്.
+=== ജെ ആർ സി ക്ലബ് ===
+- 25 ആദ്യവർഷത്തെ ജെ ആർ സി സ്കൂൾതല പ്രവർത്തനങ്ങൾ ജൂൺ മാസം തന്നെ ആരംഭിക്കുകയുണ്ടായി. എട്ടാം ക്ലാസിൽ നിന്ന് പുതിയ 60 ജെ ആർ സി കേഡറ്റുകളെ പ്രവേശന പരീക്ഷ അടിസ്ഥാനത്തിൽ തിരഞ്ഞെടുത്തു. ഈ അധ്യയന വർഷത്തെ ജെ ആർ സി കേഡറ്റുകളുടെ എണ്ണം 150 ആയി ഉയർന്നു. വെള്ളിയാഴ്ചകളിലും ഉച്ചയ്ക്ക് ശേഷം സ്കൂളും പരിസരവും വൃത്തിയാക്കുക എന്ന പ്രവർത്തനം ആരംഭിച്ചു. ഈ വർഷം ആദ്യം തന്നെ കുട്ടികളിൽ നിന്നും സമാഹരിച്ച 50000/-രൂപ ഈ വിദ്യാലയത്തിലെ കുട്ടിയുടെ ഭവന നിർമ്മാണത്തിനു വേണ്ടി നൽകുകയുണ്ടായി. പിന്നീടുണ്ടായിരുന്ന തുക വിവിധ ആളുകളുടെ ചികിത്സ സഹായത്തിനായും നൽകപ്പെട്ടു. പുതുതായി തിരഞ്ഞെടുക്കപ്പെട്ട ജെ ആർ സികേഡറ്റുകൾക്കുള്ള യൂണിഫോം സെപ്റ്റംബർ അവസാനത്തോടെ നൽകുകയുണ്ടായി. ഒക്ടോബർ മാസം നടന്ന അടിമാലി ഉപജില്ല ശാസ്ത്രമേളയ്ക്ക് ഫാത്തിമ മാതാ സ്കൂൾ ആതിഥേയത്വം വഹിച്ചപ്പോൾ മേളയുടെ ആദ്യന്തം വോളണ്ടിയർമാർയി നിസ്വാർത്ഥ സേവനത്തിനായി ഏറ്റവും മുന്നിൽ അണിനിരന്നത് ഈ വിദ്യാലയത്തിലെ ജെ ആർ സി കേഡറ്റുകൾ ആണെന്നത് അഭിമാനാർതമായ കാര്യമാണ്.
+=== ഊർജ സംരക്ഷണ പ്രവർത്തനങ്ങൾ ===
+ഊർജ സംരക്ഷണത്തെക്കുറിച്ചുള്ള അവബോധം സൃഷ്ടിക്കുന്നതിനും ഊർജ കാര്യക്ഷമമായ ഉപകരണങ്ങളുടെ പ്രോൽസാഹനത്തിനുളള പ്രവർത്തനങ്ങൾക്കും നേതൃത്വം നൽകുന്ന ഇ എം സി യുടെ നേതൃത്വത്തിൽ വിദ്യാർത്ഥികൾക്കായി നടത്തിയ മൽസരത്തിൽ എൽ.പി വിഭാഗം പെൻസിൽ ഡ്രോയിംഗിൽ ഫാത്തിമ മാതാ സ്കൂളിലെ അമയ ഷിബു ജില്ലാ തലത്തിൽ രണ്ടാം സ്ഥാനം കരസ്ഥമാക്കി സംസ്ഥാന തല മത്സരത്തിലേക്ക് തിരഞ്ഞെടുക്കപ്പെട്ടു. തിരുവനന്തപുരം തൈക്കാട് വെച്ച് നടന്ന സംസ്ഥാന തല മൽസരത്തിൽ ദ വേൾഡ് വിത്തൗട്ട് ഫോസിൽ ഫ്യുവൽസ്  എന്ന വിഷയത്തെ ആസ്പദമാക്കി നടത്തിയ പെൻസിൽ ഡ്രോയിംഗ് ' മൽസരത്തിൽ ഗ്രേഡ് കരസ്ഥമാക്കി ഫാത്തിമ മാതയുടെ അഭിമാനമായി മാറി.
+=== ഫാത്തിമ മാതയുടെ പ്രൗഢിയും പാരമ്പര്യവും വിളിച്ചോതി  ആനുവൽ ഡേ ആഘോഷങ്ങൾ ===
+കൂമ്പൻപാറ ഫാത്തിമ മാതാ സ്കൂളിന്റെ 62 മത് ആനുവൽ ഡേ സെലിബ്രേഷനും സർവീസിൽ നിന്ന് വിരമിക്കുന്ന ശ്രീമതി ഡൈനാ ജോസ് ടീച്ചറിന് യാത്രയയപ്പും വളരെ ഭംഗിയായി നടത്തി .അഡ്വക്കേറ്റ് ഡീൻ കുര്യാക്കോസ് എംപി ആയിരുന്നു ചീഫ് ഗസ്റ്റ്. കുട്ടികൾക്ക് വളരെ മനോഹരമായ സന്ദേശം നൽകി അദ്ദേഹം പൊതുസമ്മേളനം ഉദ്ഘാടനം ചെയ്തു. വളരെ നല്ല പ്രവർത്തനങ്ങൾ കാഴ്ചവെച്ചുകൊണ്ട് പ്രഗൽഭരായ യുവതലമുറയെ സൃഷ്ടിക്കുന്ന സ്കൂളിന്റെ എല്ലാ പ്രവർത്തനങ്ങൾക്കും അദ്ദേഹം  കൂടെയുണ്ടാകും എന്ന് ഉറപ്പു നൽകി. ഇടുക്കി രൂപത വികാരി ജനറൽ മോൺ ജോസ് പ്ലാച്ചിക്കൽ മുഖ്യപ്രഭാഷണം നടത്തി. അടിമാലിയിലെ ബ്ലോക്ക് ഗ്രാമപഞ്ചായത്ത് തലങ്ങളിലെ വിവിധ നേതാക്കൾ സ്കൂൾ ആനുവൽ ഡേയിൽ ആശംസകൾ അറിയിച്ചു. തുടർന്ന് കുട്ടികളുടെ മനോഹരമായ കലാപ്രകടനങ്ങളും ഉണ്ടായിരുന്നു. വൈകിട്ട് ആറു മണിയോടെ സ്കൂളിന്റെ 62 മത് ആനുവൽ ഡേ ആഘോഷങ്ങൾക്ക് വിരാമമായി.
+=== വിര വിമുക്തി ദിനം ===
+കുട്ടികളിലെ ഒരു ആരോഗ്യപ്രശ്നമായ വിളർച്ചയ്ക്ക് പ്രധാന കാരണം വിരബാധയാണ് .ഇത് കുട്ടികളിൽ പോഷകക്കുറവ് ,ക്ഷീണം എന്നിവയ്ക്ക് കാരണമാവുകയും അവരുടെ ശാരീരിക ആരോഗ്യത്തെ പ്രതികൂലമായി ബാധിക്കുകയും പഠനത്തിൽ ശ്രദ്ധ കേന്ദ്രീകരിക്കാനുള്ള കഴിവ്  കുറയുകയും പ്രവർത്തന മികവിനെ ബാധിക്കുകയും ചെയ്യുന്നു. ലോക ആരോഗ്യ സംഘടനയുടെ കണക്ക് പ്രകാരം ഇന്ത്യയിൽ ഒന്നു മുതൽ 14 വയസ്സു വരെയുള്ള കുട്ടികളിൽ 64 ശതമാനം പേർക്ക് വിര ബാധ ഉണ്ടാകുന്നുണ്ട്. ഇതിൻറെ അടിസ്ഥാനത്തിൽ 2015 മുതൽ ദേശീയ വിര വിമുക്തി ദിനം ആചരിക്കുന്നു. ഈ വർഷം സ്കൂളുകളിൽ വിര വിമുക്തി ദിനം ആചരിച്ചത് നവംബർ 26നാണ്. ഏതെങ്കിലും കാരണത്താൽ നവംബർ 26 ന് വിരഗുളിക കഴിക്കാൻ സാധിക്കാത്ത കുട്ടികൾക്ക് ഡിസംബർ മൂന്നിന് വിര ഗുളിക നൽകിയും ചെയ്തു നൽകുകയും ചെയ്തു. നമ്മുടെ സ്കൂളിൽ നിന്ന് 1663 കുട്ടികൾ വിര വിമുക്തി ദിനത്തിൽ പങ്കാളികളാകുകയുണ്ടായി.
+=== ലിറ്റിൽ കൈറ്റ്സ് 2022 -25 ബാച്ചിന്റെ സർട്ടിഫിക്കറ്റ് വിതരണം ===
+[[പ്രമാണം:29040-L K Certificate Distribution-1.jpg|ലഘുചിത്രം|]]
+കൂമ്പൻപാറ ഫാത്തിമ മാതാ സ്കൂളിലെ ലിറ്റിൽ കൈറ്റ്സ് 2022- 25 ബാച്ചിന്റെ സർട്ടിഫിക്കറ്റ് വിതരണം 26- 3- 20025 നു നടന്നു. ഈ ബാച്ചിലെ എല്ലാ കുട്ടികൾക്കും എ പ്ലസ് ഗ്രേഡ് നേടാൻ സാധിച്ചു എന്നത് അഭിനന്ദനാർഹമായ കാര്യമാണ്.ഈ ബാച്ചിന്റെ എട്ടാം ക്ലാസ് മുതലുള്ള പ്രവർത്തനങ്ങൾ വിലയിരുത്തുമ്പോൾ മികച്ച ഒരു ബാച്ച് ആയിരുന്നുവെന്ന് നിസ്സംശയം പറയാൻ സാധിക്കും. ഈ ബാച്ചിന്റെ കഴിഞ്ഞവർഷത്തെ മികച്ച പ്രകടനം കൊണ്ടാണ് നമ്മുടെ സ്കൂളിന് ജില്ലയിലെ മികച്ച രണ്ടാമത്തെ ലിറ്റിൽ കൈറ്റ്‍സ് യൂണിറ്റിനുള്ള അവാർഡ് ലഭിച്ചത്.ഈ അധ്യയനവർഷം അവസാനിക്കുമ്പോൾ മിടുക്കരും പ്രഗൽഭരുമായ വിദ്യാർഥിനികൾ നിറഞ്ഞ മറ്റൊരു ലിറ്റിൽകൈറ്റ്സ് ബാച്ചു കൂടി മികച്ച പ്രവർത്തനങ്ങൾ കാഴ്ച വച്ച്  പടിയിറങ്ങുന്നു.
+=== പഠനോത്സവ റിപ്പോർട്ട് 2024-25 ===
+[[പ്രമാണം:29040-Padanolsavam -1.jpg|ലഘുചിത്രം|പഠനോൽസവം]]
+കുട്ടികൾ സ്വാംശീകരിച്ച അറിവുകളും അവരിൽ നിക്ഷിപ്തമായിരിക്കുന്ന കഴിവുകളും ഒരുമിച്ച് ചേർത്ത് നിർഭയമായി പൊതുസമൂഹത്തിന്റെ മുൻപിൽ തന്മയത്വത്തോടെ അവതരിപ്പിക്കുക എന്ന ലക്ഷ്യത്തോടെയാണ് ഈ വർഷം സ്കൂളിൽ പഠനോത്സവം നടത്തിയത്. ഭാഷ, ശാസ്ത്രം, ഗണിതശാസ്ത്രം, സാമൂഹ്യ ശാസ്ത്രം, കലാകായിക വിദ്യാഭ്യാസം, എന്നീ വിഷയങ്ങളിലെല്ലാം കുട്ടികൾ തങ്ങളുടെ കഴിവുകൾ തെളിയിച്ചു. എൽ.പി, യു.പി,എച്ച് എസ് എന്നീ വിഭാഗങ്ങളിലായി.ഹെഡ്മിസ്ട്രസിന്റെയും അധ്യാപകരുടെയും നിർദ്ദേശങ്ങൾ അനുസരിച്ച് 1680 കുട്ടികൾ പഠനോത്സവത്തിൽ പങ്കുചേർന്നു.തദ്ദേശ ഭരണകർത്താക്കളും, പിടിഎ, എം.പി.റ്റി യെ പ്രതിനിധികളും, സ്കൂളിന്റെ അടുത്തുള്ളഅങ്കണവാടികളിലെ അധ്യാപകരും, കുട്ടികളുടെ മാതാപിതാക്കളും, പഠനോത്സവത്തെ ആസ്വദിക്കുന്നതിനായി സ്കൂൾ അങ്കണത്തിൽ വന്നിരുന്നു.കൃത്യം പത്തമണിയോടെ വാർഡ്പ്രസിഡന്റ് പഠനോത്സവം ഉദ്ഘാടനം ചെയ്തു. മറ്റ് പ്രതിനിധികൾ ആശംസകൾ അറിയിച്ചു സംസാരിച്ചു.കുട്ടികളുടെ പഠന മികവിനെ കുറിച്ചും വ്യത്യസ്തമായ അവരുടെ ചിന്താരീതികളെക്കുറിച്ചും പ്രസംഗങ്ങളിൽപറയുകയുണ്ടായി. കുട്ടിശാസ്ത്രജ്ഞന്മാരുടെ പരീക്ഷണങ്ങളും, സാമൂഹ്യശാസ്ത്ര വിഭാഗത്തിന്റെ പഴയകാല സ്മരണകളും, ഗണിത ശാസ്ത്രത്തിന്റെ കുറുക്കു വിദ്യയും, പാചക പരീക്ഷണങ്ങളുംകലാ വിദ്യാഭ്യാസത്തിന്റെ ഭാഗമായുള്ള അടുക്കും ചിട്ടയോടും കൂടിയ പല നിർമാണ വസ്തുക്കളും.കണ്ണിനെ കുളിരണയിപ്പിക്കുന്നതും, ചിന്തകളെ ഉത്തേജിപ്പിക്കുന്നതുമായ പ്രവർത്തനങ്ങൾ തന്നെയായിരുന്നു.അതുപോലെ അഞ്ചാം ക്ലാസിലെ കുട്ടികൾ അവതരിപ്പിച്ച.പഠനോത്സവത്തിന്റെ തന്നെ തൽസമയ വിവരണ അഭിനയം ഏറെ ശ്രദ്ധ നേടിയ പ്രോഗ്രാമായിരുന്നു.പഠിച്ച കാര്യങ്ങൾ ആനന്ദത്തോടെയും ആഹ്ലാദത്തോടെയും പൂർണ്ണ സ്വാതന്ത്ര്യത്തോടെ കുട്ടികൾ അവതരിപ്പിച്ചത് കണ്ടപ്പോൾ മാതാപിതാക്കൾക്കും പൊതുസമൂത്തിനും ഏറെ സന്തോഷമുളവാക്കി.ഈ ഉത്സവ അന്തരീക്ഷത്തിൽ കുട്ടികളുടെ അക്കാദമിക നിലവാരം കണ്ടറിഞ്ഞും തൊട്ടറിഞ്ഞും ആസ്വദിക്കുന്നതിനായി വന്നുചേർന്ന എല്ലാവർക്കും  ഹെഡ്മിസ്ട്രസ് നന്ദി അർപ്പിച്ച് സംസാരിച്ചു.രണ്ടു മണിയോടെ  പഠനോത്സവം അവസാനിച്ചു.യു.പി ക്ലാസുകളിലെ ക്ലാസ് തല പഠനോത്സവം വളരെ ആകർഷകമായ രീതിയിൽ നടത്തപ്പെട്ടു. കുട്ടികൾ എല്ലാവരും തങ്ങളുടെ കഴിവ് പ്രകടിപ്പിക്കുന്നതിൽ പരസ്പരം മത്സരിച്ചു വളരെ മനോഹരമായ പ്രോഗ്രാം അവതരിപ്പിച്ചു.ആറാം ക്ലാസിലെ പുഞ്ചക്കയ്തേ കളം നിറഞ്ഞ എന്ന നാടൻപാട്ട് നൃത്താവിഷ്കാരമായി കുട്ടികൾ അവതരിപ്പിച്ചു. അതുപോലെതന്നെ ദണ്ഡിയാത്ര ടാബ്ലോ ആയി കുട്ടികൾ അവതരിപ്പിച്ചു . ഹാമേലിൻലേ കുഴലൂത്തുകാരൻ എന്ന നാടോടിക്കഥ സ്കിറ്റ് രൂപത്തിൽ കുട്ടികൾ അവതരിപ്പിച്ചു. ഏകദേശം ഒരു മണിക്കൂർ നീണ്ടുനിൽക്കുന്ന കലാവിരുന്നിൽ നാല് ഗ്രൂപ്പുകൾ ആയാണ് കുട്ടികൾ പങ്കെടുത്തത്.
+[[എഫ്.എം.ജി.എച്ച്. എസ്.എസ് കൂമ്പൻപാറ|തിരികെ പ്രധാന താളിലേക്ക്]]

"എഫ്.എം.ജി.എച്ച്. എസ്.എസ് കൂമ്പൻപാറ/പ്രവർത്തനങ്ങൾ/2024-25" എന്ന താളിന്റെ പതിപ്പുകൾ തമ്മിലുള്ള വ്യത്യാസം