"ഏര്യം വിദ്യാമിത്രം യു പി സ്കൂൾ/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

വിഷ രഹിതമായ പച്ചക്കറികൾ സ്കൂൾ ഉച്ചഭക്ഷണത്തിൽ ഉൾപ്പെടുത്തുക,കുട്ടികളിൽ കാർഷിക ആഭിമുഖ്യം വളർത്തിയെടുക്കുക, സമീപത്തുള്ളകൃഷിക്കാരെയും രക്ഷിതാക്കളെയും സ്കൂൾ പച്ചക്കറി പദ്ധതിയിലൂടെസ്കൂൾ പ്രവർത്തനങ്ങളിൽ സഹകരിപ്പിക്കുക, സംസ്ഥാനം ലക്ഷ്യമിടുന്ന ഭക്ഷ്യ സ്വയം പര്യാപ്തത എന്ന ലക്ഷ്യത്തിലേക്ക് സ്കൂളിൻറെ സംഭാവനഉറപ്പുവരുത്തുക എന്നീ ലക്ഷ്യങ്ങൾ വെച്ചുകൊണ്ട് കാർഷിക ക്ലബ്ബിൻറെ നേതൃത്വത്തിൽ എല്ലാവർഷവും ജൈവ പച്ചക്കറി കൃഷി നടത്തിവരുന്നു. 40വിദ്യാർത്ഥികൾ ക്ലബ്ബിൽ അംഗങ്ങളാണ്. കടന്നപ്പള്ളി പാണപ്പുഴകൃഷിഭവൻ കാർഷിക ക്ലബ്ബിന്റെ പ്രവർത്തനങ്ങളെ സഹായിക്കുന്നു.ശ്രീ. കെ.വി സുഗേഷ് മാസ്റ്റർ പ്രവർത്തനങ്ങൾക്ക് നേതൃത്വം കൊടുക്കുന്നു.

വിവരസാങ്കേതിക വിദ്യ പരമാവധി ഉപയോഗപ്പെടുത്തി കുട്ടികൾ അറിവ് സ്വയം നിർമ്മിക്കുക എന്ന ലക്ഷ്യം മുന്നിൽ കണ്ടുകൊണ്ട് അക്കാദമിക പ്രവർത്തനങ്ങളാണ് ''ഡിജി'' സ്കൂൾ. സർക്കാർ സംവിധാനങ്ങളിലൂടെ ലഭിക്കുന്ന വിവരസാങ്കേതിക ഉപകരണങ്ങൾക്ക് പുറമേ പൂർവ്വ വിദ്യാർത്ഥികൾ, പൂർവ്വ അധ്യാപകർ, സന്നദ്ധ സംഘടനകൾ എന്നിവയുടെ സഹായത്തോടെ മികച്ച ഒരു കമ്പ്യൂട്ടർ ലാബ് സ്കൂളിൽ ഒരുക്കിയിട്ടുണ്ട്. അതോടൊപ്പം12 ക്ലാസ് മുറികൾ സ്മാർട്ട് ക്ലാസ് റൂമുകൾ ആയി മാറ്റാൻ കഴിഞ്ഞിട്ടുണ്ട്. സൗകര്യങ്ങൾ പരമാവധി ഉപയോഗപ്പെടുത്തി വിവരസാങ്കേതിക വിദ്യ പ്രയോജനപ്പെടുത്തി അറിവ് സ്വയം നിർമ്മിക്കുന്ന പ്രവർത്തനങ്ങൾ നടത്തുന്നു.