"സെന്റ് ജെയിംസ് യു പി എസ് കരുവാറ്റ/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

അദ്ധ്യാപകരും രക്ഷാകർത്താക്കളും ചേർന്നു രൂപവത്കരിക്കുന്ന സംഘടനയാണ് അദ്ധ്യാപക രക്ഷാകർത്തൃസംഘടന. അദ്ധ്യാപകനും രക്ഷിതാവും പരസ്പരം അറിയുകയും വിദ്യാർഥിയുടെ പ്രവർത്തനങ്ങളിൽ ബന്ധപ്പെടുകയും ചെയ്യുക, വിദ്യാലയത്തിലെ പ്രവർത്തനങ്ങളിൽ രക്ഷാകർത്താക്കൾ പൊതുവേ താത്പര്യം കാണിക്കുക, അദ്ധ്യാപകർ വിദ്യാർഥികളുടെ വീടുകൾ സന്ദർശിച്ച് രക്ഷകർത്താക്കളുമായി അടുത്ത പരിചയം സ്ഥാപിക്കുക, രക്ഷകർത്താക്കൾ ഇടയ്ക്കിടയ്ക്ക് വിദ്യാലയങ്ങൾ സന്ദർശിക്കുകയും വിദ്യാലയ പ്രവർത്തനങ്ങൾ മനസ്സിലാക്കുകയും ചെയ്യുക എന്നിവ ഈ സംഘടനയുടെ പരിപാടികളിൽ ഉൾപ്പെടുന്നു.

മലയാളികളുടെ ദേശീയോൽസവമാണ് ഓണം. ലോകത്തിന്റെ നാനാഭാഗത്തുമുള്ള മലയാളികൾ ജാതിമത ഭേദമന്യേ ഈ ഉത്സവം ആഘോഷിക്കുന്നു. ചിങ്ങമാസത്തിലെ അത്തം നക്ഷത്രം മുതൽ തുടങ്ങുന്ന ഓണാഘോഷം തിരുവോണം നാളിൽ പ്രാധാന്യത്തോടെ ആഘോഷിക്കുകയും ചതയം നാൾ വരെ നീണ്ടു നിൽക്കുകയും ചെയ്യുന്നു. നമ്മുടെ വിദ്യാലയത്തിലും ഓണം സമുചിതമായി ആഘോഷിക്കുന്നു. ഓണാവധിക്ക് തൊട്ടു മുമ്പുള്ള ദിവസങ്ങളിലാണ് സ്കൂളിൽ ഓണാഘോഷം നടക്കുന്നത്. അന്നേദിവസം അത്തപ്പൂക്കളം, തിരുവാതിര, വടംവലി, തുടങ്ങിയ മത്സരങ്ങളും കുട്ടികളുടെ കലാപ്രകടനങ്ങളും ഉച്ചയ്ക്ക് വിഭവ സമൃദ്ധമായ ഓണസദ്യയും ഉണ്ടായിരിക്കുന്നതാണ്.

ലോകമെമ്പാടും ഡിസംബർ 25 ആണ്‌ ക്രിസ്തുമസ്‌ ആയി കണക്കാക്കുന്നത്‌. യേശു ക്രിസ്തുവിന്റെ ജനനമാണ്‌ ഈ ദിവസത്തിൽ അനുസ്മരിക്കപ്പെടുന്നത്‌. എന്നാലിന്ന് മിക്ക ദേശങ്ങളിലും ഒരു മതവിഭാഗത്തിന്റെ പ്രത്യേക ആഘോഷം എന്നതിനുമപ്പുറം ക്രിസ്തുമസ് ഏവർക്കും സന്തോഷം പകരുന്ന ആഘോഷമായി മാറിയിട്ടുണ്ട്‌. മിക്ക സ്ഥലങ്ങളിലും പരസ്പരം സമ്മാനങ്ങൾ കൈമാറാനും ബന്ധങ്ങൾ പുതുക്കാനുമുള്ള അവസരമായാണ്‌ ഈ ദിവസം കണക്കാക്കപ്പെടുന്നത്‌. നമ്മുടെ വിദ്യാലയത്തിലും ക്രിസ്തുമസ് ആഘോഷം നടക്കാറുണ്ട്. രണ്ടാം പാദവർഷിക പരീക്ഷയ്ക്ക് ശേഷം സ്കൂൾ ക്രിസ്തുമസ് അവധി നൽകുന്നതിനു മുമ്പുള്ള ദിവസമാണ് സ്കൂലിൽ ക്രിസ്തുമസ് ആഘോഷം നടത്തുന്നത്. അന്നേദിവസം ക്രിസ്തുമസ് ട്രീ നിർമ്മാണം, ക്രിബ് നിർമ്മാണം, സാന്റാക്ലോസായി ഒരുങ്ങൽ തുടങ്ങിയ മതസരങ്ങളും കുട്ടികളുടെ കലാപ്രകടനങ്ങളും കേക്ക് മുറിക്കലും ഉച്ചയ്ക്ക് വിഭവ സമൃദ്ധമായ സദ്യയുമെല്ലാം ഉണ്ടായിരിക്കും.