"സെന്റ് ജെയിംസ് യു പി എസ് കരുവാറ്റ/ക്ലബ്ബുകൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

നമ്മുടെ രാജ്യം സ്വതന്ത്രമായതിന്റെ 75-ാം വാർഷികം സമുചിതമായി കൊണ്ടാടുകയുണ്ടായി. ബഹുമാനപ്പെട്ട വാർഡ് മെമ്പർ സനൽ കുമാർ സ്കൂളിൽ ത്രിവർണ്ണ പതാക ഉയർത്തി. അന്നേദിവസം കുട്ടികൾക്ക് സ്വാതന്ത്ര്യദിന സന്ദേശം നൽകിയത് വിരമിച്ച ഹൈസ്കൂൾ അദ്ധ്യാപകനും മുതിർന്ന ഗാന്ധിയനും കേരള സർവ്വോദയ മണ്ഡലം സെക്രട്ടറിയുമായ ശ്രീ കാട്ടായിക്കോണം ശശിധരൻ മാഷായിരുന്നു. അമൃത മഹോത്സവത്തിന്റെ ഭാഗമായി നടന്ന ചിത്രരചന, ദേശഭക്തിഗാനം, പ്രസംഗം എന്നീ മത്സരങ്ങളിൽ ആരോമൽ, അരുണിമ, റൂബിൾ എന്നിവർ വിജയികളായി. സ്വാതന്ത്ര്യദിനവുമായി ബന്ധപ്പെട്ട് ഓൺലൈനായി സാമൂഹ്യ ശാസ്ത്ര ക്ലബ്ബിന്റെ നേതൃത്വത്തിൽ പതിപ്പ് നിർമ്മാണം, പ്രസംഗം, ചിത്രരചന, പ്രച്ഛന്നവേഷം, പ്രശ്നോത്തരി എന്നിവ നടത്തുകയുണ്ടായി. അന്നേദിവസം എല്ലാ കുട്ടികളും അദ്ധ്യാപകരും സ്വന്തം വീടുകളിൽ ദീപം തെളിയിച്ച് സ്വാതന്ത്ര്യജ്വാലയിൽ പങ്കാളികളായി.

നമ്മുടെ രാഷ്ട്രപിതാവായ മഹാത്മാ ഗാന്ധിയുടെ ജന്മദിനമാണ് ഗാന്ധിജയന്തിയായി ആചരിക്കുന്നത്. ഐക്യരാഷ്ട്രസഭ ഇതേ ദിവസം അന്താരാഷ്ട്ര അഹിംസാദിനമായി ആചരിക്കുന്നു. നമ്മുടെ വിദ്യാലയത്തിൽ ഗാന്ധിജയന്തിയോറനുബന്ധിച്ച് ഗാന്ധിമാർഗ പ്രവർത്തകനായ ശ്രീ സുധീർ വിദ്യാർഥികളോട് ഓൺലൈനിലൂടെ സംവദിച്ചു. ഗാന്ധിജിയുടെ ജനനം മുതൽ മരണം വരെയുള്ള സംഭവങ്ങൾ അദ്ദേഹം വിവരിച്ചു. തുടർന്ന് വിദ്യാർഥികളോട് ഗാന്ധിജിയെപ്പറ്റിയുള്ള ചോദ്യങ്ങൾ ചോദിച്ചു ശരിയുത്തരം പറഞ്ഞവർക്ക് സമ്മാനമായി ഗാന്ധിജിയുടെ ആത്മകഥ പിന്നീട് വീടുകളിലെത്തിച്ചു കൊടുത്തു. ക്ലാസിന് ശേഷം വിദ്യാർഥികൾ ഗാന്ധിജയന്തിയോടനുബന്ധിച്ച് തയ്യാറാക്കിയ ഗാന്ധിപ്പതിപ്പ്, ഗാന്ധിചിത്രങ്ങൾ, പ്രച്ഛന്നവേഷത്തിന്റെ ചിത്രങ്ങൾ എന്നിവ സ്കൂളിന്റെ വാട്സാപ്പ് ഗ്രൂപ്പിലൂടെ പങ്കുവെച്ചു.