"ഗവ. എച്ച് എസ് ഓടപ്പളളം/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

*  '''<big>ഇംഗ്ലീഷ് പഠനം - രാജ്യാന്തര ക്ലാസ്സ്മുറികളിൽ  (ഓൺലൈൻ)</big>'''

പതിനഞ്ചിലധികം വിദേശരാജ്യങ്ങളിലെ കുട്ടികൾക്കൊപ്പമാണ് ഓടപ്പള്ളത്തെ കുട്ടികൾ ഇംഗ്ലീഷ് പഠിക്കുന്നത്. റഷ്യ, ഹോളണ്ട്, ജർമനി, സ്പെയിൻ തുടങ്ങിയ രാജ്യങ്ങളിലെ കുട്ടികൾക്കൊപ്പം ഓൺലൈനായി ഇംഗ്ലീഷ് ക്ലാസ്സിൽ ഓടപ്പള്ളത്തെ കുട്ടികൾ പങ്കെടുക്കുന്നു. ഓരോ ആഴ്ചയിലും വിദേശഅധ്യാപകരുടെ ഗസ്റ്റ് ക്ലാസ്സുകളോ വിദേശത്തെ കുട്ടികൾക്കൊപ്പമുള്ള Collaborative Classകളോ ഉണ്ടാകും. സ്കൂളിലാരംഭിച്ച ഇംഗ്ലീഷ് ലാബിന്റെ പ്രവർത്തനത്തിന്റെ ഭാഗമായാണ് രണ്ടു വർഷം മുമ്പാണ് വിദേശത്തെ കുട്ടികളോടും അധ്യാപകരോടും സംവദിച്ച് ഇംഗ്ലീഷ് പഠിക്കുന്ന രീതി സ്കൂളിലാരംഭിച്ചത്. കോവിഡ് കാലത്ത് Zoom വഴി ഇത്തരം interactions തുടർന്നു വരുന്നു. ഉറുഗ്വേയിലെ അധ്യാപിക സിൽവിയ ടെലീഷ്യ ആയിരുന്നു ആദ്യത്തെ അതിഥി. പിന്നീട് ജർമനിയിലെ അധ്യാപികയായ ഇൻഗ വാൾതർ, ഹോളണ്ടിലെ അധ്യാപകനായ നീക്ക് ഷെഫർ, റഷ്യയിലെ അധ്യാപികയായ ഓൾഗ ഡെരിയാബിന എന്നിവർ കുട്ടികളോട് സ്ഥിരമായി സംവദിച്ചു. റഷ്യയിലെ ട്യൂമൻ പ്രവശ്യയിലെ കോംപ്രഹൻസീവ് സ്കൂളിലെ വിദ്യാർത്ഥികളുമായി എല്ലാ ആഴ്ചകളിലും ഓരോ വിഷയങ്ങളിലുള്ള ഓൺലൈൻ ഇംഗ്ലീഷ് ക്ലാസ്സുകൾ വഴി സംവദിച്ചു വരുന്നു. '''കോവിഡ് കാലത്ത് അതീവ താൽപ്പര്യത്തോടെ ഇംഗ്ലീഷ് പഠിക്കുന്നതിനും ലോകം തന്നെ ഒരു ക്ലാസ്സ്മുറിയാക്കി മാറ്റുന്നതിനും ഇത്തരം ക്ലാസ്സുകൾക്ക് സാധിച്ചിട്ടുണ്ട്.'''

'''റഷ്യ, ഉറുഗ്വേ, ഹോളണ്ട്''' തുടങ്ങിയ രാജ്യങ്ങളിലെ അധ്യാപകർ ഓടപ്പള്ളത്തെ കുട്ടികൾക്ക് അതിഥി അധ്യാപകരായി ഓൺലൈൻ ക്ലാസ്സെടുത്തു. സ്കൂളിൽ നിന്നുള്ള അധ്യാപകരായ '''റീജ കെ.കെ, ജിതിൻ ജിത്ത്''' എന്നിവർ വിദേശരാജ്യങ്ങളിലെ ക്ലാസ്സുകളിൽ അതിഥികളായി. ഓടപ്പള്ളത്തെ കുട്ടികൾക്ക് ഒരിക്കലും മറക്കാനാവാത്ത അനുഭവങ്ങളാണ് ഓരോ വിദേശ അധ്യാപകരുടെ അതിഥി ക്ലാസ്സുകളും.

* '''<big>ഹോളണ്ടിലെ സ്കൂളിലേക്കൊരു 'വെർച്വൽ ടൂർ'</big>'''     

* '''<big>കോവിഡാനന്തരകാല സ്കൂൾപ്രവർത്തനങ്ങൾ - വാർഷിക പദ്ധതി രൂപീകരണയോഗം</big>'''

മാർച്ച് 30 ന് നടന്ന അധ്യാപകരുടെ പ്രത്യേക ശിൽപ്പശാലയിൽ വച്ച് കോവിഡാനന്തരകാലത്ത് സ്കൂളിൽ നടക്കേണ്ട പ്രവർത്തനങ്ങൾ, ഭാവി പദ്ധതികൾ എന്നിവ സംബന്ധിച്ച് ശിൽപ്പശാല നടത്തി. വാർഷിക പദ്ധതിയും ഓരോ പദ്ധതിക്കുള്ള ചുമതലക്കാരെയും തീരുമാനിച്ചു.

സ്കൂൾ സ്ഥിതി ചെയ്യുന്ന പ്രദേശത്തിനടുത്തുള്ള 7 വാർഡുകളിലാണ് കുട്ടികൾ താമസിക്കുന്നത്. അധ്യാപകരെ പ്രത്യേകം ഗ്രൂപ്പുകളാക്കിയ ശേഷം ഓരോ ഗ്രൂപ്പും കുട്ടികളുടെ ഗൃഹസന്ദർശനങ്ങൾ നടത്തി. രണ്ടാംഘട്ട ഗൃഹസന്ദർശനത്തിൽ ക്ലാസ്സ് അധ്യാപകരും കുട്ടികളുടെ വീടുകൾ സന്ദർശിച്ചു. കുട്ടികളുടെ ഓൺലൈൻ പഠനം വിലയിരുത്തുകയും നോട്ടുകൾ നോക്കി നൽകുകയും വർക്ക്ഷീറ്റുകൾ വിതരണം ചെയ്ത് പിന്തുണ നൽകുകയും ചെയ്തു.

=== '''<big>രക്ഷിതാക്കളുമായി ബന്ധപ്പെട്ടത്</big>''' ===

പഠനസൗകര്യമില്ലാത്ത കുട്ടികൾക്കായി ടി.വി, സ്മാർട്ട് ഫോണുകൾ എന്നിവ സംഘടിപ്പിച്ച് നൽകി.  മാടക്കുണ്ട് കോളനി, വള്ളുവാടി ഏകാധ്യാപക വിദ്യാലയം എന്നീ പഠനകേന്ദ്രങ്ങളിലേക്ക് അധ്യാപകർ തന്നെ ടി.വി. സ്പോൺസർ ചെയ്തു. ലൈബ്രറി കൗൺസിൽ, എസ്.എസ്.ജി.അംഗങ്ങൾ, സന്നദ്ധ സംഘടനകൾ എന്നിവയുടെ സഹകരണത്തോടെ 8 ടെലിവിഷൻ സെറ്റുകൾ അർഹരായ കുട്ടികൾക്കും പഠനകേന്ദ്രങ്ങൾക്കും നൽകി.  

കുട്ടികൾക്കും രക്ഷിതാക്കൾക്കുമായി ഓൺലൈൻ കൗൺസിലിങ് ക്ലാസ്സുകൾ നൽകി. സ്കൂളിലെ കൗൺസിലറായ ശ്രീമതി അനു ഡേവിഡാണ് ക്ലാസ്സ് നയിച്ചത്.  

പത്താം തരത്തിലെ കുട്ടികൾക്ക് പ്രത്യേകം  മോട്ടിവേഷൻ & ഗൈഡൻസ് ക്ലാസ്സ് സ്കൂളിൽ വച്ചു നൽകി. പ്രശസ്ത പരിശീലകനായ ജോസഫ് വയനാട് ക്ലാസ്സ് നയിച്ചു.  

പി.ടി.എ, അധ്യാപകർ എന്നിവരുടെ നേതൃത്വത്തിൽ 3 തവണ ക്യാമ്പസ് ശുചീകരണം നടത്തി. ബത്തേരി നഗരസഭയിലെ ഏറ്റവും ശുചിത്വമാർന്ന ഓഫീസായി സ്കൂളിനെ തെരഞ്ഞെടുത്തത് മറ്റൊരു അഭിമാന നേട്ടമായി.

കോവിഡ് വർദ്ധിച്ചു വരുന്ന സാഹചര്യത്തിൽ ഏറ്റവും പിന്നാക്കാവസ്ഥയുള്ള കോളനികളായ മാടക്കുണ്ട് പണിയ കോളനി, ആനപ്പന്തി കോളനി എന്നിവിടങ്ങളിൽ കോവിഡിന്റെ പശ്ചാത്തലത്തിൽ കുട്ടികളുടെ പഠനം സംബന്ധിച്ച് ബോധവൽക്കരണ ക്ലാസ്സുകൾ സംഘടിപ്പിച്ചു.