സെന്റ് മേരീസ് എച്ച്.എസ്.എസ് . തീക്കോയി/അക്ഷരവൃക്ഷം/മരുപ്പച്ച

Schoolwiki സംരംഭത്തിൽ നിന്ന്
മരുപ്പച്ച

ഉണരാം നല്ലൊരു നാളേയ്ക്കായി
എതിർത്തിടാം കോവിഡിനെ
അതിൻച്ചങ്ങലകൾ പൊട്ടിച്ചെറിയാൻ
കൈകഴുകീടാം നമുക്ക്

തിളങ്ങട്ടെ കണ്ണുകളിൽ ജാഗ്രത
ഭയമതു വേണ്ടാ ലവലേശം.
സുരക്ഷിതരാകാം വീട്ടിലിരിക്കാം
ഊട്ടിയുണർത്താം സ്നേഹബന്ധം

അറിയാം നാടിനെ അറിയാം വീടിനെ
പ്രകൃതിയെ മാറോടണച്ചീടാം
കളകളരാഗം പാടി വരുന്നൊരു
പുഴയോടൊപ്പം നീന്തീടാം

മെല്ലെ തഴുകിയിണർത്തും കാറ്റിൻ
കുളിരിൻ മയങ്ങിയുറങ്ങീടാം
ധരണിയെ വാരിപ്പുണരും മഴയിൽ
നൃത്തച്ചുവടുകളാടീടാം

പുതുമഴ ഗന്ധം ഉതിരും വയലിൽ
ചെറുമണി ധാന്യം വിതറീടാം
കതിരുകൾ ഉയരവേ മനസിനുള്ളിൽ
നന്മ തൻപൂക്കാലം വിരിയട്ടെ.

ലിയാ പ്രിൻസ്
9 ബി സെന്റ് മേരീസ് എച്ച്. എസ്. എസ്. തീക്കോയി
ഈരാറ്റുപേട്ട ഉപജില്ല
കോട്ടയം
അക്ഷരവൃക്ഷം പദ്ധതി, 2020
കവിത


 സാങ്കേതിക പരിശോധന - jayasankarkb തീയ്യതി: 24/ 04/ 2020 >> രചനാവിഭാഗം - കവിത