മനുഷ്യത്വം മരവിച്ച മനുഷ്യന്റെ മുൻപിൽ
മഹാവ്യാധിയായ് നീ വന്നു.
ഭൂഗോളമൊന്നാകെ ഞെട്ടിവിറയ്ക്കുന്നു
ജീവനു വേണ്ടി പിടഞ്ഞിടുന്നു.
മാലാഖമാരാം ആതുര സേവകർ
കർമ്മ നിരതരായ് മുന്നിൽ.
വെയിലും, മഴയും പ്രതിബന്ധമാകാതെ
കൂടെയുണ്ടാ നിയമപാലകർ.
കേരള മണ്ണിന്റെ കരുത്താർത്ത കാവലായ്
കേരള സർക്കാരും മുന്നിൽ.
ആയിരംവട്ടം നമിച്ചിടാം നമുക്ക്
നാടിന്റെ കാവലായ് നിൽക്കുന്നോരെ.
