"മലബാർ കുടിയേറ്റം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

മലയോടും, മലമ്പാമ്പിനോടും, കാട്ടുമൃഗങ്ങളോടും, മലമ്പനിയോടും മല്ലിട്ട് ഭൂമിയിൽ കനകം വിളയിച്ച് സ്വന്തം മക്കളുടെ ഭാവിയൊരുക്കി സ്‌കൂളും കോളേജുമൊക്കെ പടുത്തുയർത്തിയ സഭാ നേതൃത്വത്തോടും ഇടവക വികാരിമാരോടും തോളോട് തോൾ ചേർന്ന് പ്രവർത്തിച്ച് 1960 ൽ രാജപുരത്ത് ഹോളിഫാമിലി ഹൈസ്‌കൂൾ രൂപം കൊണ്ടു. ഇന്ന് 2010-ൽ സ്‌കൂളിന്റെ സുവർണ്ണജൂബിലി ആഘോഷത്തിന്റെ നിറവിലാണ് ഇടവകക്കാരും നാട്ടുകാരും. ഫാ. സ്റ്റീഫൻ മുതുകാട്ടിലിന്റെ ശ്രമഫലമായി 1969-ൽ വിസിറ്റേഷൻ കന്യകാ സമൂഹത്തിന്റെ ശാഖാഭവനം ഇവിടെ ആരംഭിച്ചു. ഇന്ന് മഠത്തോടനുബന്ധിച്ച് ഒരു നേഴ്‌സറി സ്‌കൂളും നടത്തിവരുന്നു. 1968-ൽ കുടിയേറ്റത്തിന്റെ രജതജൂബിലി സ്മാരകമായി രൂപതാദ്ധ്യക്ഷൻ രാജപുരം പള്ളിയെ ഫൊറോന പള്ളിയായി ഉയർത്തി. ഈ ഇടവകയുടെ കീഴിൽ1995-ൽ സ്ഥാപിതമായ പാലങ്കല്ല്, അയ്യങ്കാവ് കുരിശുപള്ളികളിൽ ഞായറാഴ്ചകളിലും മറ്റു വിശേഷ ദിവസങ്ങളിലും വി. കുർബ്ബാന അർപ്പിക്കുന്നു. താഴത്തോട്ടത്തിലച്ചന്റെ നേതൃത്വത്തിലാണ് കുടിയേറ്റക്കാരുടെ ചിരകാലാഭിലാഷമായിരുന്ന ഉന്നത വിദ്യാഭ്യാസ സ്ഥാപനത്തിന്റെ സ്ഥലം വാങ്ങുന്നതിനും അതിന്റെ അംഗീകാരത്തിനുമായുള്ള പ്രാഥമിക നടപടിക്രമങ്ങൾ ആരംഭിച്ചത്.

2000-ാം ആണ്ടിൽ രാജപുരം ഹോളി ഫാമിലി ഹൈസ്‌കൂളിന് +2 അനുവദിച്ചുകിട്ടി. വിദ്യാഭ്യാസ രംഗത്ത് കുടിയേറ്റ മേഖല അടിക്കടി ഉയർന്നുക്കൊണ്ടിരിക്കുന്നു. ഇടവകയിൽ ക്‌നാനായ കത്തോലിക്ക കോൺഗ്രസ്, കെ.സി.വൈ.എൽ., കെ.സി.ഡബ്ല്യു.എ, വിൻസെന്റ് ഡി പോൾ, മിഷൻലീഗ്, തിരുബാലസഖ്യം എന്നീ ഭക്ത സംഘടനകൾ നല്ല നിലയിൽ പ്രവർത്തിച്ചുവരുന്നു. 375 കുടുംബക്കാർ ഇന്ന് രാജപുരം തിരുക്കുടുംബദേവാലയത്തിൽ ഇടവകക്കാരായുണ്ട്. 10 ഇടവകകളും 6 നടത്തുപള്ളികളും രാജപുരം ഫൊറോനാ ദേവാലയത്തിന്റെ കീഴിൽ പ്രവർത്തിക്കുന്നു.