"എസ്.എസ് .വി.ജി എച്ച്.എസ്.എസ്. ചിറയിൻകീഴ്/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

       ഇവിടുത്തെ പ്രധാനപ്പെട്ട ഒരു ക്ഷേത്രമാണ് 'ശാർക്കര ദേവി ക്ഷേത്രം'.  ഇവിടുത്തെ പ്രധാന ഉത്സവമാണ് 'കാളിയൂട്ട്'. തിരുവിതാംകൂർ രാജ്യം ഭരിക്കുന്ന മാർത്താണ്ഠവർമ്മ രാജാവ് രാജ്യവിസ്തൃതി ലക്ഷ്യമിട്ട് കായംകുളം പിടിച്ചടക്കാൻ ഒരുങ്ങി.പലപ്രാവശ്യം ശ്രമിച്ചെങ്കിലും പരാജയപ്പെട്ടു. വീണ്ടും ശക്തമായ ആക്രമണത്തിന് ഇറങ്ങിയ രാജാവ് പോകുന്ന വഴി ശാർക്കര മൈതാനത്ത് വിശ്രമിച്ചു. കായംകുളം വിജയത്തിന് ശാർക്കര കാളിയൂട്ട് നടത്തുന്നത് ഉത്തമമായിരിക്കുമെന്ന് കേട്ടറിഞ്ഞ രാജാവ് കാളിയൂട്ട് വഴിപാട് നേരുകയും കായംകുളം യുദ്ധത്തിൽ വിജയിക്കുകയും ചെയ്തു. മാർത്താണ്ഠവർമ്മയുടേ അമ്മ ഉമയമ്മറാണി കാളിയൂട്ട് നടത്താനുള്ള അധികാരം പൊന്നറ കുടുംബത്തിനു നൽകി. ക്ഷേത്രവുമായി ബന്ധപ്പെട്ടാണ് കലാരൂപം അരങ്ങേറുന്നതെങ്കിലും ചില ചടങ്ങുകൾ അനുഷ്ഠിക്കാൻ മുസൽമാൻമാരും ക്രിസ്ത്യാനികളും നിയോഗിക്കപ്പെട്ടിരുന്നു. ഇന്നും ചടങ്ങുകൾ മുറ തെറ്റാതെ നചന്നുവരുന്നുണ്ട്.ഇതുപോലെ മറ്റൊരു പ്രധാന ഉത്സവമാണ് മീനഭരണി.